Dagurinn í dag: versti "post election" dagur EVER

Þá er þetta opinbert. Dagurinn_eftir forsetakosningarnar í Bandaríkjunum

C L O S E

Þetta ER versti "post election" dagur EVER !

Versti dagur_eftir_kosningar í hagsögu Bandaríkjanna, hvorki meira né minna!

Næstum allt sem gat hrunið í dag hrundi, meira að segja olía og USD á sama degi. Evrópa var einnig blóðrauð, og morgundagurinn verður varla til að hrópa húrra fyrir því þá mun Evrópa að venju herma eftir því sem fram fór í Bandaríkjunum í gær

Change is here - now! 

Athugasemdir

[Jón Gunnar Bjarkan, 5.11.2008 kl. 21:46]

Já það er nú kannski ekki skrítið heldur þar sem heimurinn stendur nú frammi fyrir mestu heimskreppu í heila öld og forsetakosningarnar komu beint inn í það ástand. Mér þætti reyndar sanngjarnara að bera þennan dag við hvern annan viðskiptadag síðastliðna daga.

Ertu að meina að markaðir hafi hrapað vegna þess að Obama var kosinn?

Veit nú ekki heldur með að Evrópa hermi eftir því sem gerist í Bandaríkjunum, allir þessir markaðir eru tengdir saman og ef kreppir að hjá einum markaði þá minnkar útflutningsmarkaður annarra markaða eins og gefur að skilja. 

[Gunnar Rögnvaldsson, 5.11.2008 kl. 22:29]

Veit nú ekki heldur með að Evrópa hermi eftir því sem gerist í Bandaríkjunum

.

Einmitt, þú veist það ekki.

En ég veit það, ásamt öllum sem eru á mörkuðum í Evrópu. Það vill svo til að ca 70-80% af fjármálagerningum verðbréfaviðskipta heimsins fara fram í Bandaríkjunum. Þú veist í þessu landi sem Evrópubúar segja að skipti ekki máli lengur, nema þegar það þarf að hjálpa eitthvað til í Evrópu . . .

En auðvitað vitum við ekki með nákvæmni hvort og hve mikið af neikvæðninni er hægt að tilskrifa nýja forsetanum. En upplífgandi voru áhrifin allavega ekki á þessum fyrsta degi change is coming.

.

Já það er nú kannski ekki skrítið heldur þar sem heimurinn stendur nú frammi fyrir mestu heimskreppu í heila öld

Já því ættu menn að benda nýja forsetanum og Bandaríkjamönnum á að ganga í Evrópusambandið og taka upp evru. Merkilegt að enginn skuli hafa upplýst Bandaríkjamenn um galdrasambönd og galdrapappíra Evrópu. En þetta er náttúrlega allt dollaranum að kenna.

Kveðjur

[Ragnhildur Kolka, 5.11.2008 kl. 22:36]

Fjárfestar hafa ekki ýkja mikla trú á Obama. Hafi eitthvað annað en þessi óáþreifanlega "von" stuðlað að kjöri hans þá voru það skattaívilnanirnar. Sem voru ekki bara lækkun skatta heldur "endurgreiðslur" til þeirra sem greiða enga skatta. Fyrirtækin eiga að greiða þetta og ekki bara risarnir heldur líka þau smáu.

Ætli fjárfestarnir setji ekki bara aurinn undir koddann þangað til þeir sjá hverjar efndirnar verða?

[Jón Gunnar Bjarkan, 5.11.2008 kl. 23:14]

Já, einhvern tímann heyrði ég nú að London væri fjármálamiðstöð heimsins.

"...nema þegar það þarf að hjálpa eitthvað til í Evrópu." Þú ert þó varla að vitna núna í Marshall aðstoðina? Var það ekki einhvern tímann 1950? Það er alveg merkilegt hvað Bandaríkin ætla að hanga lengi á þessari Marshall aðstoð. Veit ég nú ekki betur en að þessu sé algjörlega öfugt með farið í dag, það er að segja ESB ríki alltaf að hjálpa Bandaríkjunum. Það er orðið ósköp venjulegt þema í heiminum í dag að Bandaríkin kemur fólki til bjargar einhversstaðar út í heimi með því að sprengja það í loft upp, þegar þeir síðan hafa lokið sér af þá taka ESB ríki og Sameinuðu þjóðirnar við að ræsta og koma hlutum aftur í rétt lag.

Það má nefna fleiri dæmi, þegar Katrina fellibylurinn reið yfir Bandaríkin þá voru stjórnvöld þar algjörlega óhæf til að taka málum þá veitti ESB þeim mikla aðstoð. Efast ég um að fréttamiðlar hafi fjallað um þá aðstoð eitthvað af viti. Þegar dæmið snýst við og út brjótast skógareldar t.d eins og í Grikklandi í fyrra þá verður lítið um viðbrögð af hálfu bandaríkjanna. 

[Gunnar Rögnvaldsson, 6.11.2008 kl. 07:56]

Kæri Jón Gunnar.

London er mikil miðstöð gjaldeyisviðskipta og millibankaviðskipta. En gjaldreyrisviðskipti (Forex = Foreign Exchange) er allt annað en hlutabréfaviðskipti. Ef þig langar að fylgjast með gangi hlutabréfamarkaða í Evrópu þá er hérna ágætis ókeypis vefsetur: Euroland - smella á Indices (flestir markaðir Evrópu opna kl 09:00 CET eða kl 08:00 ÍST þegar Evrópa er á vetrartíma.

Kveðjur

[Jón Gunnar Bjarkan, 6.11.2008 kl. 08:03]

Ég þakka fyrir það.

[Árni (IP-tala skráð) 6.11.2008 kl. 08:28]

Ég spyr bara ertu enn ákveðinn í að flytja til Íslands?

 kkv Árni

[Gunnar Rögnvaldsson, 6.11.2008 kl. 09:37]

Já Árni :)

Af hverju ætti ég ekki að vera það? Ísland er svo vel tengt við umheiminn að það eru engin vandkvæði. Ég er fljótari til margra staða í Evrópu frá Íslandi en hér innan Evrópu. Ég er handviss um að margir Íslendingar muni flytja til Íslands í stað frá Íslandi. Atvinnuástandið var nógu slæmt fyrir í Evrópu, en núna mun það verða hreint skelfilegt.

Kreppur eru tími tækifæra, þá er heldur ekki allt uppskrúfað. Þetta eru tímabundin vandræði sem ganga yfir Ísland núna. Blómin munu vaxa á ný í garðinum okkar.

[Baldur Fjölnisson, 6.11.2008 kl. 10:25]

Þeir voru í miklum gluggaskreytingum með fallít drasl á markaðnum fyrir kosningarnar og þegar þær nú eru yfirstaðnar er ekkert að vanbúnaði að halda hruninu áfram. Meðal markverðra gjaldþrota framundan í BNA má nefna General Electric, General Motors, Citigroup, Lehman Brothers. En ég held að meðal stærstu hagkerfa fari Ítalía fyrst á hausinn, síðan Bretland og BNA og síðan restin af draslinu.

[Jón Gunnar Bjarkan, 6.11.2008 kl. 10:43]

Lol. Lehman Brothers er reyndar þegar komið á hausinn Baldur.

Veit nú ekk hvort einhver hagkerfi séu að fara á hausinn önnur en Ísland en General Electric og sérstaklega General Motors munu fara á hliðina. Það er alþekkt að kaninn hefur síðastliðna áratugi ekki haft hundsvit á því hvernig eigi að smíða bíla, eiginlega eina þjóðin sem kann að meta Ameríska bíla eru íslendingar. Meira að segja á sínum eigin heimamarkaði þá lúta amerískir framleiðendur í lægra haldi við erlendum bílaframleiðendum, en Toyota er stærsti bílaframleiðendinn á Ameríska markaðnum.

[Bjarni Kjartansson, 6.11.2008 kl. 11:32]

Ef þetta verður enn á föstudag, eru menn í verulega vondum og þá meina ég VONDUM málum.

Industrial indikatorar þarna eru allir á húrrandi bullandi skriði niður.

Ef ekki er FRAMLEIÐSLA í hagkerfi, er verulega svartir tímar framundan. 

Það er gott að eiga ,,menntað fólk" ef það er menntað í öðru en BA í BS (BA í bull-shit)  Menntun í bullfögum gefur afar lítið af sér til framfærslu, svo mikið hefur hagkerfin á síðustu öld sýnt svo ekki verður dregið í efa.

Vonandi verður minna af þessu en virðist en að dýfa komi í kjölfar forsetakosninga, með svona væntingum sem vissulega voru umhverfis kjör Obama, er ekkert annað en katastrofa.

Miðbæjaríhaldið

[Gunnar Rögnvaldsson, 6.11.2008 kl. 13:05]

Meira að segja á sínum eigin heimamarkaði þá lúta amerískir framleiðendur í lægra haldi við erlendum bílaframleiðendum, en Toyota er stærsti bílaframleiðandinn á Ameríska markaðnum

Eru ekki að líta smá ranglega á þessa stöðu Jón Gunnar? Toyota er einnig Bandarískur bílaframleiðandi núna. Þeir eru með framleiðsluna í Bandaríkjunum fyrir Bandaríkin og einnig fyrir útflutning frá Bandaríkjunum. Þeir eru einnig með verksmiðjur í fleiri löndum eins og GM er með verksmiðjur æi fleiri löndum t.d. í S-Ameríku. GM selur ca. tvöfalt fleiri bíla en Toyota í BNA. En á heimsvísu fór Toyota fram úr GM á síðasta ári. GM hefur verið stærsti bílaframleiðandi í heimi frá 1930 til 2007.

Það er einnig hægt að benda á að Airbus hefur verið að flytja hluta af framleiðslu sinni til BNA sökum þess að gegni gjaldmiðils Evrópusambandsins er komið útaf þeirra landakorti, sem skemmir mikið samkeppnishæfni Airbus við Boeing. En BNA eru ennþá mjög samkeppnishæf og bjóða uppá háa framleiðni vinnuafls.

[Baldur Fjölnisson, 6.11.2008 kl. 13:19]

Það er engin framleiðsla sem máli skiptir út frá stærð hagkerfisins eftir í BNA utan auðvitað hergagnaframleiðsla, dauðvona bílasmiðjur og Boeing. Án vígbúnaðar og hernaðar rúllar þetta kerfi strax á hausinn.

Hollywoodsjóið 11. sept. 2001 og tryllingslega örvæntingu við að svíkja af stað stríð á algjörlega upplognum forsendum síðan, ber alveg endilega að skoða í þessu ljósi.

[Baldur Fjölnisson, 6.11.2008 kl. 13:23]

Afsakið, ég var með Merrill Lynch í huga. Auðvitað er Lehman farið á hausinn. Goldman Sachs er trúlega líka fallít en hefðbundið og mjög sterkt eignarhald þess félags bæði í seðlabankanum og bandar. einflokknum gæti dregið endanlegt gjaldþrot þess á langinn.

[Jón Gunnar Bjarkan, 6.11.2008 kl. 13:56]

Já þetta er reyndar rétt hjá þér Gunnar, ég var að ruglast á Toyota sem stærri á bandarískum markaði og á heimsmarkaði.

En reyndar eftir frekari eftirgrennslan þá er Toyota að nálgast GM á Amerískum markaði. Gríðarlegar olíuhækkanir undanfarin ár hefur verið að ýta við Ameríkönunum að kaupa frekar sparneytnari bíla. Reyndar er síðan olían búinn að hrynja síðan bankakreppan skall á svo að vel má vera að GM endurheimti yfirburði sína á Ameríku markaði.

Já, að sjálfssögðu setja framleiðendur upp verksmiðjur út um allan heim. Ég á reyndar Ford sem er framleiddur í Evrópu. Hefði nú ekki valið að kaupa Ford að öllu jöfnu en móðir mín álpaðist til að kaupa hann a 100% lánum og ég tók við lánunum og þannig endaði ég nú með þann bíl. Ágætis bíll svo sem. 

[Jón Gunnar Bjarkan, 6.11.2008 kl. 14:06]

En já, Airbus og Boeing eru miklir keppinautar. Það stefndi reyndar í enn annað trade war á milli USA og ESB núna um daginn einmitt vegna Airbus og Boeing. Hótuðu Bandaríkjamenn að sekta Airbus vegna þess að þeir fá opinbera styrki frá ESB, USA styrkja hinsvegar Boeing í gegnum bakdyrnar og er mikill rígur þarna á milli hvor sé að styrkja sitt fyrirtæki meira. Peter Mandelson var harður að hótaði að hverjum dollara sem Airbus yrði sektað, mundi verða svarað með einnar Evru sekt til baka á Boeing.

Varðandi gjaldmiðilinn út af því þú talar mikið um hrun evrunnar sem svo slæmt mál, ekki gleyma að hrun dollarans varð til þess að Airbus vörur og þjónusta varð dýrari í Bandaríkjunum, núna er gengin að ná jafnvægi aftur og bind ég því vonir til að Airbus nái aftur titlinum stærsti flugvélaframleiðandinn en þeir misstu þann titil í fyrra yfir til Boeing eftir að hafa haldið honum frá 2000-2006. 

[Gunnar Rögnvaldsson, 6.11.2008 kl. 14:20]

Saab er víst ennþá í eigu GM

Annars verður nú sennilega langur tími þar til Toyota nær GM í BNA því GM er með um 4m sölur en T með um 2,6M fyrir 2007 - nema náttúrlega að GM fari á hausinn eða verði keypt eða hvað veit ég. Annars var Toyota að fella væntingar mikið í morgun -56%. Sigurvegari ársins 2007 í BNA var Mazda (upp næstum með 10% sölueiningar)

Baldur

Margir gleyma að Bandaríkin eru ennþá þriðji stærsti olíuframleiðandi í heimi á eftir Saudi og Rússlandi. En það er alveg rétt að þjónustugeirinn í BNA er stærri en í ESB. En BNA er ennþá með næst stærsta framleiðslugeira í heimi og sennilega þann stærsta á hvern íbúa. En iðnbyltingin mun jú ekki vara að eilífu.

Ég hefði nú verið alveg ágætlega ánægður með að hafa fjárfest ca. 10 m USD í litla ævintýrinu í digital framleiðslunni hans Bill Gates árið 1984. Þá hefði ég getað keypt alla þjóðarframleiðslu Íslands í enda ársins 1999. Bits og bytes er einnig alveg ágæt framleiðsla. En já BNA og Bretland voru FIFO í hefðbundum iðnaðarskilningi => first in fist out í iðnbyltingunni.

[Jón Gunnar Bjarkan, 6.11.2008 kl. 14:29]

Baldur:

Já ég veit nú ekki með hvort Goldman Sachs falli. Henry Paulson sem stjórnar með þessi bankamál þarna ytra núna er nefnilega ná tengdur við Goldman Sachs og hefur átt mikinn þátt í byggja upp þessa svikamyllu í bandaríkjunum með undirmálslánin. Og ég er ekki viss um hann mun ekki láta Goldman Sachs fara á hausinn, dæmi um þetta er sú glórulausa hugmynd hans um að kaupa handónýta lánapakka af bönkunum fyrir almannafé. Samkeppnisaðili þessara banka, Lehman Brothers var látinn flakka, og eitthvað skilst mér að rétt áður en hann fór í þrot var dumpað á hann skuldum  annarra bandarískra banka svo þeir gætu skotið sér undan því að greiða þær skuldir.

[Gunnar Rögnvaldsson, 6.11.2008 kl. 14:31]

Jón Gunnar hvar hef ég talað um fall evru sem slæmt mál? Flestir hér sem hugsa smávegis gæru guðslifandi fegnir af hún félli til andskotans. Ég hef hinsvegar verið að sýna fram á að evra er einungis gjaldmiðill og ekki galdrapappír. Stöðugleikinn er ekki til, frekar en í öðrum myntum. En neytendur eru ekki alltaf á sama máli. þeir vilja helst mynt sem hækkar og hækkar í verði endalaust - þ.e. þangað til þeir missa vinnuna á endanum ;/

[Jón Gunnar Bjarkan, 6.11.2008 kl. 14:45]

Já eða þú talaðir um "hrun" evrunnar sem merki um að fjárfestar hefðu enga trú á henni og gast í skyn að fjárfestar hefðu svo miklu meiri trú á dollaranum.

Afhverju segirðu alltaf galdrapappír? 

Ekkert er 100% stöðugt á frjálsum markaði, ekki gjaldmiðill, verðbólga, hagvöxtur, verð á olíu eða gulli, allt sveiflast upp og niður í einhverju magni. En evran er miklu stöðugri en Íslenska krónan og hefur verið stöðugri en dollarinn síðan henni var ýtt úr vör. 

[Baldur Fjölnisson, 6.11.2008 kl. 15:24]

Það er búið að margyfirveðsetja heiminn og afleiður og skuldatryggingasamningar og önnur galdrainstrúment sem eiga að tryggja að kerfið hrynji ekki, eru upp á amk. 20X verga heimsframleiðslu (1.2 kvadrilljónir dollara). Fleiri hundruð milljarðar dollara sem er mokað reglulega í þessa algjörlega fallít hít hafa ekkert að segja enda á við að borga þúsund kall inn á milljón króna skuld. Þannig að sannarlega hafa peningar (skuldir) verið búnir til úr engu - í risavöxnum mæli.

(1 kvadrilljón jafngildir 1000 trilljónum sem aftur jafngilda 1000 billjónum sem aftur jafngilda 1000 milljónum allt er þetta amerísk túlkun á þessum stærðum. verg heimsframleiðsla er núna sirka 60 trilljónir dollara)

[Baldur Fjölnisson, 6.11.2008 kl. 17:47]

Síðan ber að hafa í huga í sambandi við hnignandi bjarnarmarkaði að þeir sem sjorta þá með góðum árangri dekka öðru hverju sín sjort og halda síðan áfram að selja sjort. Þess vegna ekki síst einkennast bjarnarmarkaðir mjög af krampakenndum gagnrallíum sem síðan hjaðna og markaðurinn heldur áfram að falla. Stórir og ráðandi aðilar á markaði mjólka síðan þá smærri skipulega í þessum bylgjum upp og niður.

[Gunnar Rögnvaldsson, 6.11.2008 kl. 17:49]

Jæja - þá lauk enn einum skemmtideginum. Í þetta skiptið hér í Evrópu. Baldri varð aðeins meira ágengt í að fá spádóma sína uppfyllta um að heimurinn sé að fara á hausinn. Fjárfestar voru svo glaðir og bjartsýnir í dag að þeir hentu bara pappírunum frá sér í gleðivímu, - nema að þeir hafi ýtt á vitlausan takka og skapað svona mikinn dragsúg á kontórnum hjá sér þannig að pappírarnir flugu út um gluggana. En þeir gufuðu allavega upp. Niður, niður og niður.

 

[Gunnar Rögnvaldsson, 6.11.2008 kl. 18:05]

Já Baldur þetta er týpískur bjarnarmarkaður sem þú lýsir. Smá upphlaup inn á milli, en stóra hreyfingin er stöðug niður á við. En þetta er sá ferill sem var óhjákvæmilegur. Deflating the bubble. Banka, fjármála- og húsnæðisbólan er spurning! Púff.

Svo mun seinna Skaftárhlaup Bankabunu þríbræðra hefjast bráðum og skera stórt undan jafnvel sterkustu ríkissjóðum.

Svo þarf að endurfjármagna bakana á næsta ári. Það verður erfitt.

[Baldur Fjölnisson, 6.11.2008 kl. 18:44]

Alþjóðavæðingin tryggir að kerfið hrynur allt saman. Það er enginn einangraður. Þetta er allt samansúrrað og þar sem heimurinn er sem sagt margyfirveðsettur liggja stærstu bankar og fjármálafyrirtæki heimsins með handónýta pappíra þvers og kruss.

Kerfi sem er að liðast í sundur og þegar í að því er virðist óviðráðanlegri kreppu reynir að sjálfsögðu að hleypa hlutunum upp á einhvern hátt og sögulega séð hefur framleiðsla erlendra "ógna" og "óvina" verið nærtæk "lausn". Og svo er stríð risabíssness. Ég hjó reyndar eftir því einhvers staðar um daginn að Rand Corporation, áhrifamikill thinktankur á vegum eigenda bandar. einflokksins, var að leggja til stórstríð til að hressa upp á efnahag BNA. Þeir tóku sérstaklega fram að smotterí á borð við Afganistan og Írak dygði alls ekki lengur, það yrði að vera miklu meira kjöt á beinunum. Og Biden og Powell voru um daginn að tala um einhvers konar krísu sem stæði til að setja upp 21-22 janúar til að "prófa" Obama. Þeir tóku reyndar ekki fram í hverju þessi framleidda krísa ætti að felast, kannski það verði nýtt mega terror hollywoodsjó til að svíkja af stað ný stríð, eða stórt fjármálakrakk - rétt eins og í ruslveitunum hér heima komast menn upp með eiginlega hvað sem er í viðtölum hjá ruslveitugögnum.

[Gunnar Rögnvaldsson, 6.11.2008 kl. 19:14]

Þó svo að staða fjármálageira heimsins sé alvarleg Baldur þá ber að hafa í huga að þær tölur sem þú nefnir innihalda endurtryggingar ofaná endurtryggingar. Sjálfur skuldbindingagrunnurinn er einungis brot af þessu. Þetta er eignilega svipað mál og kom upp í tryggingafélaga kreppunni á níunda áratugnum. Áhættan reyndist mun minni en á horfðist þegar upp var staðið.

Það mál sem þó er miklu alvarlegra en þetta, og sem mun þýða mikla áhættu á þjóðargjaldþrotum (sovereign default) hjá sumum þjóðum á næstu 50 árum er að það verða sífellt færri skattgreiðendur til að þjónusta skuldabyrði ríkja þar sem minna og minna verður af ungu fólki. Fólki sem vinnur og greiðir skatta. Þetta á alveg sérstaklega við um: Þýskaland, Ítalíu, Spán og alla Austur Evrópu. Þarna mun vanta um 80-150 milljón skattgreiðendur á næstu áratugum. Það er meðal annars vegna þessa sem framtíðarhorfur ESB eru svona lélegar. ESB hefur ekki hugsað um framtíðina og ungt fólk vill ekki eignast börn í ESB því það kostar að eignast og ala upp börn.

[Gunnar Rögnvaldsson, 6.11.2008 kl. 19:23]

En ég er samt sammála Baldri í því að glóballa seringin er vandamál í fjármálaheiminum. Dragsúgurinn er mikill þegar fjármagnið tekur sig upp og flýr. Það er hætta á kalinni jörð.

[Jón Gunnar Bjarkan, 6.11.2008 kl. 19:34]

Lág barnatíðni er reyndar trend hjá hvítu fólki í heiminum í dag og er það allstaðar, ekki bara í Evrópu. Veit svo sem ekkert hver er ástæðan fyrir þessu. Hvítt fólk í bandaríkjunum er að fjölga sér jafn hratt og fólk í Evrópu t.d. Fólksfjölgun í Bandaríkjunum er haldið uppi af svörtu og sérstaklega Latinos. Bandaríkin hafa líka allt öðruvísi innflytjendastefnu en Evrópuríki enda opna ég varla browser á erlendri netsíðu án þess að blikkandi auglýsinging sé til sem auglýsir að ég hafi unnið í "green card lottery USA" Ef aðeins maður væri svo heppinn í venjulegu lottó, þó ekki væri nema í Bingó, þá væri maður aldeilis ríkur maður.

Þetta er reyndar líka svona lág barnatíðni í Japan. Íslendingar eru reyndar alveg sér á báti í heiminum hvað þetta varðar því barnatíðni hér er mjög há.

[Gunnar Rögnvaldsson, 6.11.2008 kl. 19:50]

Fæðingartíðni á ÍS og í BNA er sú sama. Um 2.0 til 2.1. Það er gott og blessað. En fæðingartíðni í þeim löndum sem ég taldi upp er óheyrilega lág (1.3 til 1.4) og það hjálpar þeim löndum ekki að það sé svipað vandamál til annarstaðar í heiminum - sama hver litarháttur manna er.

En já Japan er eitt gott dæmi. Enda á Japan, Þýskaland og Ítalía OECD-met í lélegasta samanlögðum hagvexti síðustu 14 árin. Það er veruleg hætta á varanlegri verðhjöðnun í þessum löndum. En verðhjöðunarspírall er það sem allir fjárfestar óttast meira en allt annað því þar verður allt að engu.

Gleðifréttir úr gamla heiminum í ESB

Raunverð húsnæðis í Þýskalandi frá aldamótum

[Baldur Fjölnisson, 6.11.2008 kl. 20:18]

Gunnar, þetta snýst einfaldlega um að þessi ofurútblásna fjármálaófreskja er fyrir löngu vaxin öllum ríkisstjórnum og seðlabönkum langt yfir höfuð og því höfum við séð markaðina hrynja þrátt fyrir að mokað hafi verið óheyrilegum fjárhæðum í þessa hít. Og þeir munu halda áfram að moka þúsundköllum inn á milljón króna skuld þangað til ríkissjóðir og seðlabankar rúlla sjálfir á hausinn.

Trúlega byrjar lokastig þessa sjónarspils í Asíu aðfararnótt einhvers mánudagsins og síðan mun fjármálakerfið gufa upp eftir tímabeltum. Þrátt fyrir að einhvern veginn hafi verið hægt að ljúga fallít kerfi áfram hér löngu eftir að dagljóst var orðið að það væri gjaldþrota þá hrundi það líka mjög snögglega eftir að lygablöðrurnar sprungu. Þetta byggist mjög mikið á svæfandi ruslveitum og pólitíkusum ekki bara hér heldur um allan heim enda hjólið ekki fundið upp á Íslandi og keyptir lygarar í þágu hagsmunaafla ekki heldur. Gjaldþrot ísl. þjóðarbúsins er aðeins hið fyrsta í röð ríkisgjaldþrota og vandræðagangurinn með lán fyrir þetta gjaldþrota bú (hingað til hefur frekari lántaka ekki lagað fyrirliggjandi gjaldþrot) snýst ekki síst um fordæmi vegna komandi risagjaldþrota. IMF er sjálft á leið í þrot.

[Jón Gunnar Bjarkan, 6.11.2008 kl. 20:31]

Lol, ég var heldur ekkert að segja að það bætti stöðu þeirra að sama gilti um aðrar þjóðir annarstaðar í heiminum og var heldur ekkert að gera þetta að einhverju race máli, var bara einfaldlega að útskýra þá staðreynd fyrir þér að þetta er trend hjá öllu hvítu fólki en ekki vegna þess að eins og þú orðaðir það: "ESB hefur ekki hugsað um framtíðina og ungt fólk vill ekki eignast börn í ESB því það kostar að eignast og ala upp börn." Ha ha, eins og það kosti ekki að eiga börn annarstaðar í heiminum, hverslags útskýring er þetta eiginlega.

Við vitum hinsvegar alveg hvernig þú hefðir brugðist við ef ESB hefði verið "að hugsa um framtíðina" og myndi setja af stað green card lottery, þú eins og aðrir anti-ESB sinnar mundu gjörsamlega ganga af göflunum hér á blogginu hvernig ESB sé að reyna troðfylla Evrópu af innflytjendum til að undirbjóða okkur almennu borgarana eða eitthvað álíka kjaftæði.

[Gunnar Rögnvaldsson, 6.11.2008 kl. 20:41]

Orsakir geta menn deilt um fram í rauðann dauðann en þær breyta því ekki að þetta á alveg sérstaklega við um: Þýskaland, Ítalíu, Spán og alla Austur Evrópu. Þarna mun vanta um 80-150 milljón skattgreiðendur á næstu áratugum. Það er meðal annars vegna þessa sem framtíðarhorfur ESB eru svona lélegar.

[Sveinn hinn Ungi (IP-tala skráð) 6.11.2008 kl. 20:46]

Ég er svolítið hissa á þér núna Gunnar. Þú hefur oft og réttilega gert stólpa grín að daytrate mönnum, en nú ert þú sjálfur að hafa áhyggjur af dagsveiflum á markaðnum. Dow hefur fallið um 5% til viðbótar í dag, en samt er þetta svipað gengi og fyrir viku.

Ég er að treita á fullu á þessum markaði, og hafði það sterklega á tilfinningunni að verið væri með handvirkum aðferðum að lyfta upp markaðnum fram að kosningum. Þess vegna seldi ég allt á kosningadag. Við vitum að það er verið að nota opinbert fé til að halda þessu öllu uppi, meðal annars hlutabréfamarkaðnum.

[Baldur Fjölnisson, 6.11.2008 kl. 20:53]

Rússarnir eru ótrúlega klókir og þolgóðir og kunna að bíða og Þjóðverjar munu smella snilldarlega inn í Evrópsk-rússneska sambandslýðveldið sem mun teygja sig frá Kyrrahafi til Atlantshafs. Þetta verður ótrúlega sterk eining sem hefur allt til alls og fyrst og fremst orku.

[Vilhjálmur Andri Kjartansson (IP-tala skráð) 6.11.2008 kl. 20:57]

Hvað er að því að fá innflytjendur? Það er gott fyrir hagkerfi að fá ungt duglegt fólk sem skapar verðmæti. Mér finnst menn tala of mikið um að heimurinn sé að fara hausinn og allir svelti. Það er verður alltaf eftirspurn eftir matvælum, húsnæði, hita og rafmagni og öðrum nauðsynjavörum. Við hættum ekkert að búa til verðmæti það dregst kannski eitthvað saman en verðmætasköun mun halda áfram og það er það eina sem skiptir máli það er að búa til verðmæti.

Menn meiga líka fara að átta sig á því að peningar eru bara ávísanir á verðmæti og það er þess vegna sem ég tel að Evran eigi ekki eftir að verða nein galdramynt til framtíðar.

[Baldur Fjölnisson, 6.11.2008 kl. 20:57]

Já Sveinn, en Dow Jones var reyndar í 8600 fyrir um áratug og hefur á nokkrum mánuðum hrunið úr rúmlega 14000. Okkar markaður fór úr rúmlega 9000 í rúmlega núll á 14 mánuðum en tök pólitíkusa og ruslveitna í BNA eru miklu sterkari en hér og því mun þetta ferli taka lengri tíma þar.

[Baldur Fjölnisson, 6.11.2008 kl. 21:12]

Vilhjálmur, það er ekkert að innflytjendum PER SE, en segjum sem svo að ég væri bilað kontrólfrík með hugmyndafræði frá sækópötum og varanlega slasaður úr kalda stríðinu og væri ráðherra í boði flokkseigendafélagsins, hvítasunnusafnaðarins og auglýsinga í ruslpósti, hvernig myndi ég notfæra mér þá hugmynd sem er sem sagt góð PER SE. Jú, ég myndi auðvitað moka inn hverju sem er og leyfa öðrum löndum að sturta af sér vonlausum glæpalýð vegna þess að krísan sem það skapaði myndi gefa mér færi á þjóna mínu kontróleðli og vitfirringslegu hugmyndafræði og hrúga aftaníossum mínum í lögguna og einhver njósnaapparöt. Síðar þegar þessi ruglandi hryndi loks til grunna þyrfti ég að skaffa herdeildir lífvarða til að verja mig og mín völd og samkóara minna í ríkisstjórninni og svo framvegis.

[Gunnar Rögnvaldsson, 6.11.2008 kl. 21:16]

Ég er svolítið hissa á þér núna Gunnar. Þú hefur oft og réttilega gert stólpa grín að daytrate mönnum, en nú ert þú sjálfur að hafa áhyggjur af dagsveiflum á markaðnum. Dow hefur fallið um 5% til viðbótar í dag, en samt er þetta svipað gengi og fyrir viku.

Það var nú mest sú staðreynd að í gær var versti "post election day ever". Ansi merkilegt. Lengra var það nú ekki nema að sumir drógu svo í efa ummæli mín um að Evrópa myndi kvitta með afriti í dag, eins og venjulega. Done.

Hlutbréf eru ennþá langtímafjárfesting svo . . . þar er víst lítil breyting á. En daytraders eru svo sannarlega alltaf velkomnir á markaðina að mínu mati því þeir hjálpa til við halda markaðinum "liquid". Shorters eru einnig nauðsynlegir því þeir forða því að skógurinn vaxi upp til himna eins og hraðvaxta fura í IKEA mublum og brotni svo í spón og verði siðan að gjalli.

Så det . . .

[Baldur Fjölnisson, 6.11.2008 kl. 21:47]

Og í hrynjandi markaði eru sjortararnir í rauninni svo til einu kaupendurnir þar sem þeir jú dekka sín sjort reglulega áður en þeir halda áfram að sjorta eins og ég lýsti að framan. Nýlega bönnuðu vitfirringar við stjórn í BNA að sjorta gjaldþrota fjármálafyrirtæki og tilkynntu þannig markaðnum opinberlega að geðsjúklinganir stjórnuðu vitlausraspítalanum og þau skilaboð hafa ekki verið misskilin eins og sjá má. Næsta meiriháttar support á DJIA er á bilinu 5700-6000 en nákvæmlega hvenær reynir á það get ég ekki tímasett.

[Jóhann (IP-tala skráð) 7.11.2008 kl. 00:32]

Endilega komdu hingað heim, Gunnar!

Það sem Ísland vantar er meira af svona heilbrigðum nýfrjálshyggjufýrum eins og þú augljóslega ert.

Plís! Komdu! 

[Vilhjálmur Andri Kjartansson (IP-tala skráð) 7.11.2008 kl. 01:29]

Ég er nú feginn að þessi Ný-frjálshyggja skuli vera dauð enda hef ég alltaf aðhyllst klassíska frjálshyggju, það er kannski tími kominn á að fólk  fari að hlusta á okkur.

[Gunnar Rögnvaldsson, 7.11.2008 kl. 07:44]

Ég er ansi hræddur um að shorters og birnir hafi haft verulega rétt fyrir sér. Allt var greinilega uppskrúfað og fullt af lofti. Þessi deflating ferill ER nauðsynlegur. Og djúp kreppa virðist vera eina lækningin sem virkar á heiminn. Hagkerfin munu aðlaga sig.  

Oft sem áður þá var athyglisvert viðtal við Svisslendinginn Marc Faber á Bloomberg um daginn. Hann sagði að best stöddu bankar í heimi væru núna í Asíu, að þeir stæðu eins og "klettar". Af hverju er þetta svona, spurði fréttamaðurinn? Jú sagði Marc, - "þeir voru of heimskir til að skilja afleiður og CDS" (credit default swaps)

Þess ber að gæta að Marc Faber er yfirleitt ósammála öllum og oft mjög svartsýnn maður. En viðtölin við hann eru aldrei leiðinleg, og stundum slær þögn á þá fréttamenn sem tala við hann, þeir eru ekki vanir svona beinskeyttum svörum. Hér er eitt þessara viðtala - frá því í mars mánuði þessa árs: Marc Faber on Bloomberg March 2008

[Jón Gunnar Bjarkan, 7.11.2008 kl. 10:17]

Nú er mér farið að lítast á þig Gunnar.

Ég hef nú ekki heyrt í þessum manni áður en við deilum nú aldeilis skoðun á núverandi og fyrrverandi seðlabankastjóra Bandaríkjanna. Einnig er hann að því er virðist á algjörlega sömu skoðun og sá hagfræðingur sem ég hef hver mesta dálæti á Max Keiser.

Keiser hefur oft komið fram í viðtali á France24 og man ég t.d. að hann var alltaf að hamra á því hverning þessi undirmálslán í Bandaríkjunum væri mikil svikamylla áður en það hrundi allt til fjandans. Hann spáði svo líka hruni íslenska fjármálakerfisins í þætti á Al Jazeera(og var ég alveg hundfúll út í hann fyrir að halda fram slíku rugli ). Keiser hefur svo einnig eins og þessi Marc Faber einmitt hamrað á því hvernig verðbólgutölur eru falsaðar í bandaríkjunum til að fegra hagvöxt. Hvert ríki er í sjálfvald sett hvernig þeir reikna verðbólgu, það er erfiðara að reyna falsa þjóðarframleiðslu svo menn falsa verðbólgu til að bæta hagvöxtinn. Fyrir einhverju ári síðan þá var USA þannig kominn í samdrátt samkvæmt Max Keiser á meðan hagvöxtur vær lár en samt stöðugur í ESB. 

Marc Faber sagði þetta reyndar það nákvæmlega sama hérna: 

"Well, personally, I think that the US, if you measure economic statistics properly –and the government is lying blatantly – the US went into recession 3 months ago. And I’m saying the government is lying blatantly, because they take nominal GDP and then they fiddle around with inflation figures. I mean none of your listeners have an inflation rate of less than 5 to 6% per annum. You just can’t exclude food and energy prices and healthcare costs from the CPI, from the cost-of-living increases. So nominally the US economy may still be growing, but inflation adjusted –in other words, in real terms – we’re already in a recession. And most US households, except for the super rich, are today no better off than they were five or seven years ago. Their income gains have all been eaten up by cost increases by inflation. "

Hérna er linkurinn á Max Keiser myndbandið:

http://www.youtube.com/watch?v=JjglR2KYz5o

[Gunnar Rögnvaldsson, 7.11.2008 kl. 10:42]

Ég hef nú ekki heyrt í þessum manni áður en við deilum nú aldeilis skoðun á núverandi og fyrrverandi seðlabankastjóra Bandaríkjanna.

Ég hef nú alls ekki lýst því yfir að ég sé sammála Marc Faber um Ben Bernanke. Ég hef reyndar mjög mikið álit á Bernanke. En ég er samt sammála Marc Faber um margt annað - en samt "bæði og". Ég vil taka sjónarmið svartsýnismanna alvarlega því það verður að gera þar. Þau sjónarmið eiga fullan rétt á sér.

Við er núna stödd á viðsjárverðum tímum og baksýnisspegilsökumenn eiga krónaða daga eins og er.

En auðvitað munum við alltaf halda áfram að fá kreppur. "The new economy" var og er er ekki til.

Takk fyrir slóðina

Kveðjur

[Gunnar Rögnvaldsson, 7.11.2008 kl. 11:08]

En annars vil ég helst ekki láta draga mig í bása hinnar eða þessarar frjálshyggju eða hyggju.

- Ég hef stundað hagfræðinám í 5 ár, og var lélegur nemandi.

- Stundað fyrirtækjarekstur í ESB í 19 ár, og gengið bæði vel og illa.

- Unnið með mörgum þjóðernum Evrópu og markaðsfært á mörg lönd Evrópu

- Búið í Svíþjóð og Danmörku.

- Dansað á diskótekum Vestur Þýskalands á meðan menn sátu í fangabúðum 50 km austar og átu rusl úr tómum dósum

- Horft á ESB breytast úr tollabandalagi í stofnun nýs ríkis án þess að nokkur hafi haft umboð til þess að það gerðist. Horft a Þýskaland verða að velferðarfíklum. Horft í 24 ár á frönsku kommana hamast við að fá hlutina til að virka bara sæmilega. Þeir eru einnig orðnir velferðarfíklar

En allan þennan tíma hafa Ísland og Bandaríkin skarað framúr. Frelsið og sjálfstæðið hefur reynst Íslandi afskaplega vel og þökk sé virkum vöðvum frelsis og kapítalisma þá gátu Bandaríkin afhent vöruna sem kommarnir gátu ekki = the goods ! og forðað okkur frá alkulinu.

Ég er fyrst og fremst frelsisunnandi og kapítalisti. Ég trúi á vöðva frelsisins. Ef þeir eru ekki notaðir þá visna þeir og allir verða fátækir. Frelsi og sjálfsbjargarhvötin virka alltaf best.

Meira frelsi og sjálfstæði og minni isma.

[Jón Gunnar Bjarkan, 7.11.2008 kl. 12:02]

Já ég hef nú aldrei heyrt nein haldbær rök fyrir því að meira frelsi sé í USA heldur en í Evrópu, reyndar er þessu algjörlega öfugt farið að mínu viti. Maður heyrir reyndar aldrei neinn rökræða þetta mál, heldur kemur þetta bara sem frasar í Hollywood myndum og talking points í fréttamiðlum vestanhafs.

Umræðan um ESB er mjög skrítin. T.d geta þeir sem eru mest á móti evrunni varla talað um dollaran án þess að pissa í buxurnar að aðdáun en ef maður stingur upp á því að öll 50 ríki í USA myndi taka upp mismunandi gjaldmiðil þá skellur neðri kjálkinn á þessum sömu mönnum í gólfið af undrun. 

Reyndar er það algjör misskilningur hjá þér ef þú heldur að ESB sé ekki byggt upp á kapítalísku kerfi, út af því þú nefndir Ísland í þessu sambandi þá hefur ríkið þanist út á ævintýralegan hátt undir stjórn Sjálfstæðisflokksins. Og það var reyndar áður en allt fór til fjandans hérna, núna er ríkið örugglega beinlínis atvinnuveitandi flestra íslendinga.

Það sem mér finnst fyndnast með umræðuna á Íslandi er að ESB er bara akkúrat það sem öllum hentar hér hverju sinni. Þú t.d virðist sjá ESB sem eitthvað alveg einstaklega vinstri sinnað fyrirbæri en Vinstri Grænir vilja ekki ganga í ESB því það sé svo rosalega hægri sinnað og hallt undir stórfyrirtækja eða eitthvað álíkt bull. Þannig sjáum við núna að öfgamenn frá báðum endum í Íslenskri pólitík, t.d Davíð Oddson, Hannes Hólmsteinn, Steingrímur J, Ögmundur Jónasson sameinast um algjörlega ólíka stefnu vegna þess að þeir misskilja algjörlega stefnu hvors annars.

Það er því algjör misskilningur að hægri menn á Íslandi vilji ganga til samstarfs við Vinstri Græna til að verja "frelsið"heldur er það til að viðhalda gömlum valdaklíkum í landinu með hið risastóra ríkisbákn undir sinni stjórn sem úthlutunarefni til þegnanna. Ef hægri menn vildu virkulega virða frelsi í landinu, þá væru þeir auðvitað ekki að reyna koma í veg fyrir að þjóðin fengi að kjósa um ESB, ekki satt, en því miður eru Íslendingar eru eina evrópuþjóðin sem ekki býr yfir því frelsi. 

[Vilhjálmur Andri Kjartansson (IP-tala skráð) 7.11.2008 kl. 19:22]

Munurinn á USA og ESB er að mínu mati og ég segi mínu mati, það má vera að mig skorti upplýsingar, að umræða um peningamál og stjórnkerfið er opnara t.d.

http://www.youtube.com/watch?v=aT0txlTod8w

Dæmi um umræðu sem menn eru þó að taka í USA

[Baldur Fjölnisson, 7.11.2008 kl. 19:33]

Gunnar, þegar kerfið sem þú hefur verið að hæpa hrynur þá stekkur þú beint í röksemdir þeirra sem hafa bent á að hrunið sé sviðsett til að þvinga fram "breytingar". Þetta er nú inn inn út út framsóknarmennska sem þú getur ekki verið þekktur fyrir.

[Baldur Fjölnisson, 7.11.2008 kl. 19:34]

Með sama framhaldi verðurðu orðinn sósíalisti eftir nokkra mánuði, hahahaha.

[Vilhjálmur Andri Kjartansson (IP-tala skráð) 7.11.2008 kl. 19:36]

Hér er líka ágætis viðtal http://www.youtube.com/watch?v=TP_aJ7LcAAA

[Baldur Fjölnisson, 7.11.2008 kl. 19:51]

Vilhjálmur, ef þú átt ekki bók Schiff - Crash Proof, how to profit from the coming economic collapse - þá endilega sendu email á [e-mail] og þú munt fá hana um hæl - eins og aðrir sem hafa áhuga á því.

[Gunnar Rögnvaldsson, 7.11.2008 kl. 20:39]

Jón Gunnar

Það sem þú virðist ekki skilja Jón Gunnar er sú staðreynd að Evrópusambandið mun aldrei virka nema að það verði eitt ríki með einni ríkisstjórn. 27 ríkisstjórnir með sáralitlum sameiginlegum fjárlögum og sameiginlegum seðlabanka með aðeins einu markmiði munu aldrei geta búið til annað en efnahagssvæði sem verður fátækara og fátækara miðað við ríki með fullvalda sjálfstæði, virku einstakling- og efnahagsfrelsi og sem minnstum ríksafskiptum. Það er nefnilega frelsið og sjálfstæðið, og sjálfsbjargarviðleitnin sem er og verður alltaf uppspretta velmegunar. Ein þjóð sem togar í sömu átt er forsenda þess að vel geti gengið. Ein ríkisstjórn sem fer með völdin. Það er komið svo að sú spennitreyja sem þarf til að halda Evrópusambandinu saman er að búra sambandið inni í horni. Þetta horn heitir stöðnun og afturför.

Sovétríkin áttu ágætis menntamenn og vísindamenn og fullt af miðstýrðu embættismannaeldi. En þau dóu samt því virkir vöðvar frelsisins voru algerlega visnaðir. Ekkert var hægt nema með hjálp hins opinbera. Evrópa er að verða eins. Öll ríki jafnaðarmanna enda sem ein hrúga að embættismönnum því atvinnusköpun verður svo miðstýrð að það verða aðeins til léleg störf og léleg  afleidd störf sem geta ekki búið til þá peninga sem þarf til að fylla hina ofurhungruðu ríkiskassa sem deila velmegun út sem velferð til velferðarfíkla Evrópu. Frjáls hugsun og frjálst framtak á sífellt erfiðara uppdráttar vegna þess að ríkið (embættismennirnir) vilja sífellt auka völd sín því jafnaðarmenn (sósíal-demó-kratar) trúa því innst inni að allt fólk sé fábjánar og að það þurfi að hugsa fyrir það. Þess vegna veður ríkisvaldið alltaf svona stórt í samfélögum jafnaðarmanna (sósíal-demó-krata).

Það eru nú þegar komin nokkur ríki í ESB þar sem stærð hins opinbera er orðin svo stór að eðlilegur hagvöxtur getur ekki átt sér stað lengur. Í ESB eru til ríki þar sem 75% kjósenda eru á framfæri hins opinbera að meira eða minna leyti. Þetta eru DDR-ríki nútímans. Virkt lýðræði er horfið því engin kýs undan sér hinn opinbera kassa. Það geta því aldrei orðið neinar alvarlegar pólitískar breytingar í svona nútíma DDR-ríkjum.

Þegnunum er haldið í öndunarvél velferðarkerfisins og þeir hætta að hugsa og verða að velferðarfíklum. Ekkert er hægt nema með hjálp hins opinbera. Þeir geta ekki einusinni átt börn uppá eigin spýtur lengur nema að fá borgað fyrir það.

Atvinnurekendur í ESB eru orðnir svo ofdekraðir vegna offramboðs á vinnukrafti áratugum saman að þeir setja upp kröfur sem erfitt er að uppfylla. Má ekki ráða - þau eiga börn - eða - ekki búin að eiga börn, ekki hægt að ráða þau því svo munu þau eingast börn. Ferköntuð hugsun ræður algerlega ríkjum.

Gunther og Gunilla eru opinberir starfsmenn í Þýskalandi. Þau eiga eitt barn og búa í tveggja herb. íbúð í blokk. Þeim langar að eignast barn númer tvö. En þá vantar eitt herbergi í viðbót og þau þyrftu því að flytja í stærra húsnæði og það kostar peninga. Þetta er þar með útilokað því heiladoðinn er orðinn svo mikill á því að hafa verið á opinberu dópi alla æfi að ekkert er aðhafst. Þessvegna verður ekkert úr draumunum. Engin áhætta tekin hér, maður veit hvað maður hefur en ekki hvað maður fær. Getur Ríkið ekki gert eitthvað fyrir okkur ?

ÖLL lönd sem ganga í Evrópusambandið munu fá MASSAVÍS af LANGTÍMAATVINNULEYSI. ESB er að verða samfélagslega gjaldþrota vegna áætlunarbrjálæðinga Evrópusambandsins. Meira að segja þegnum gömlu kommúnistaríkjanna líst ekki á blikuna en þeir þekkja áætlunarbúskapinn mjög vel af eigin reynslu. Áherslurnar og útfærslurnar voru bara aðrar í gamla DDR og USSR. Þessi geðveila sem heitir Evrópusambandið verður að stoppa áður en hún eyðileggur Evrópu gersamlega. Það er vel hægt að vera Evrópusinni án þess að líka vel við Evrópusambandið. Þetta samband er sambandslaust við þegnana.

Á meðan ESB verður öflugra sem veldi embættismanna munu vöðvar frelsisins visna því þeir verða ekki notaðir í spennitreyju og í faðmi ESB. Og svo hætta menn að kunna að nota þá, en þá er það of seint. Allir fara að bíða eftir mömmu! "Só sorrý, en við munum taka þetta upp á næsta ESB fundi og reyna að fá þetta í gegn á ESB-level". Sjálfsábyrgðin og sjálfsbjargarhvötin deyr. Enginn þorir að gera neitt sjáfum sér til framdráttar af ótta við að lenda í mulningsvélinni í Brussel.

Jafnvel ávextir handa börnum í leikskólum verða innmatur á fundum í ESB. "En það var því miður ekki meirihluti fyrir þessari tillögu svo verður bara eitt epli á viku".

ESB-hugsanasettið er 20 árum á eftir huga Evrópubúa sjálfra. Þegnarnir vilja meira FRELSI !

Því miður Jón Gunnar en staðan í dag er þessi. Það kostar nefnilega að læsa sjálfstæði 27 þjóða inn i skáp í Brussel. Það kostar. Þessvegna eru Lissabon 2000 markmið Evrópusambandsins í molum. 

[Baldur Fjölnisson, 7.11.2008 kl. 22:21]

Adolf Hitler sagði á sinni tíð að Autobahninn hefði endnalega sameinað þýsku hagsmunabrotin og hann stefndi absalútt að því að sameina evrópu undir einum gjaldmiðli. Rákust slíkar hugmyndir á við aðra hagsmuni? Er opinbera mannkynssagan matreidd ofan í hálfvita?

[Gunnar Rögnvaldsson, 7.11.2008 kl. 22:46]

Adolf Hitler var enn einn evrópski sósíalistinn. Í stað þess að þjóðnýta atvinnutækin þá þjóðnýtti hann þegnana. En hann hafði alveg ágætis fjármálaráðherra.

Mæli með lestri "Anmerkungen zu Hitler" 1978 (The Meaning of Hitler) eftir Sebastian Haffner ISBN 0-674-55775-1. Hlutlaus pólitísk greining.

[Jón Gunnar Bjarkan, 8.11.2008 kl. 04:46]

Já ég sé svo sem ekki ástæðuna fyrir því að rekja allt til baka þar sem þú varst að bera saman ESB og Sovíetið, þetta er eitthvað svo langsótt og fjarri öllum raunveruleika. Fyndnast þótti mér nú reyndar dæmasagan um Gunther og Gunilla.

Það sem myndi gerast ef Ísland gengi inn í ESB og sérstaklega ef við tækjum upp evru þá væru úr sögunni allskyns okurtæki á íslendinga og tilbúinn vandamál búinn til af Íslenska ríkinu. 

Fullkomið dæmi um þetta er hvernig Íslenska ríkið ekki bara ofurskattleggur áfengi á Íslandi heldur rekur beinlínis einokunarverslun til að viðhalda hinu risastóra ríkisbakni sínu. Evrópumenn gapa af undrun þegar þeir verða vitni að þessu ríkisbatterí, oft þurfa íslendingar að standa í heillöngum röðum út fyrir dyr í atvr til ná sér í nokkra bjóra en aðal hitamálið varðandi atvr virðist vera hvort íslenska ríkið eigi að leyfa fólki að kaupa kaldan bjór í þessarri eða hinni verslun í borginni. 

Annað sem yrði gert er að fella niður tollamúra á landbúnaðarvörur. En íslenskur landbúnaður samkvæmt úttékt OECD er sá mest niðurgreiddasti í Evrópu(örugglega í heiminum líka), tollamúrar hérna er samt mjög háir til að verjast innfluttningi frá landbúnaðarvörum í Evrópu sem er minna niðurgreiddar, samt eru landbúnaðarvörur hér á Íslandi langdýrastar í Evrópu en SAMT eru bændur allir að verða gjaldþrota hérna á landinu og eru skuldsettir upp í haus með okurvöxtum sem haldið er út af Seðlabanka Íslands, þurfa að greiða verðtryggingum, stimpilgjöldum og svo framvegis og framvegis. Reyndi síðan ekki Íslenska ríkið eitthvað að niðurgreiða landbúnaðinn meira svo hann gæti nú líka farið að flytja út til Bandaríkjanna, hér höfum við því auðvitað bara verið að gefa frá okkur peninginn til útlanda. Alveg ótrúlegt hvernig Íslenska ríkisbákninu hefur tekist að klúðra þessum málum.

[Jón Gunnar Bjarkan, 8.11.2008 kl. 04:50]

Já takk fyrir linkana Vilhjálmur. Það hefði verið skemmtilegt að sjá Ron Paul etja kappi við Obama og hefði getað farið á báða vegu. Báðir gerðu byltingar varðandi hvernig þeir nýttu netið til að kampeigna.

[Jón Gunnar Bjarkan, 8.11.2008 kl. 09:17]

Já hérna, ég sé mig knúinn til að þakka þér Gunnar fyrir að benda mér á þennan frábæra hagfræðing Marc Faber. Maðurinn er alveg stórsnjall. Ég er hérna með vídeó af honum þar sem hann segist skammast sín fyrir að sín þjóð, Sviss, hafi ekki gengið inn í ESB ennþá.

[Gunnar Rögnvaldsson, 8.11.2008 kl. 11:13]

Já eins og ég sagði Jón Gunnar

Þess ber að gæta að Marc Faber er yfirleitt ósammála öllum og oft mjög svartsýnn maður. En viðtölin við hann eru aldrei leiðinleg, og stundum slær þögn á þá fréttamenn sem tala við hann, þeir eru ekki vanir svona beinskeyttum svörum.

Það er viss skemmtun í Marc Faber. Hann er vinsæll núna. Hann er sennilega fæddur bearish (svartsýnismaður) og það er einnig nauðsynlegt að þeir fái að komast að. Svo breytast tímarnir aftur.

[Jón Gunnar Bjarkan, 8.11.2008 kl. 12:54]

Já það er reyndar rétt að tímarnir breytast vissulega.

Dæmi um það er að Tryggvi Þór Herbertsson, einn mesti stuðningsmaður krónunnar, er nú kominn á þá skoðun að íslendingar eigi að ganga í ESB og taka upp Evru. Þetta kom fram í markaðnum í dag.

[Vilhjálmur Andri Kjartansson (IP-tala skráð) 8.11.2008 kl. 21:12]

Jón Gunnar þú hlýtur að vera harðasti esb sinni landsins. Ég hef bara aldrei hitt neinn hafn harðan og þig.

Það er bara vonandi að þú veðir ekki fyrir vonbrigðum ef við slysumst þarna inn.

[Heimir Eyvindarson, 8.11.2008 kl. 21:26]

Sæll Gunnar. Þú lýsir enn einum blóðrauðum deginum í þeirri Evrópu sem þér líkar svo illa við. Til hamingju með það, það hlýtur að gleðja þitt litla hjarta.

En segðu mér eitt: Breyttist gengi evru eitthvað gagnvart íslensku krónunni, sem þú keppist við að lofsama, í blóðbaðinu í dag?

Svo væri líka gaman að fá að vita hvaða evrópulönd þú ert fljótari að heimsækja frá Íslandi en Danmörku .

Þú ert meistarinn, hlakka til að lesa sérfræðiálit þitt .