Tíu þýsk frostmörk

Hagvöxtur í Þýskalandi byggist mest megnið á útflutningsgreinum Þýskalands. Þýskaland er hugsanlega að verða Japan Evrópu, -land með nánast engum hagvexti og neikvæðum spíral verðhjöðnunar (deflation).

Hagkerfi og útflutningur Þýskalands einkennist mikið af því að hann byggir að miklum hluta til á framleiðslu og sölu á vörum sem notaðar eru til að byggja upp innviði vanþróaðra þjóðfélaga sem eru að þróast og byggja upp innviði sína. Þetta eru oft nákvæmnistæki (precision tools) og innviða-vörur sem minna þróaðar þjóðir geta ekki apað eftir eða fjölfaldað. Þess vegna er Þýskaland að mörgu leyti ólíkt hinum Evru-þjóðunum og útflutningur oft ónæmur fyrir þeim sveiflum sem önnur lönd ESB verða fyrir.

En peningamála- og stýrivaxtastefna seðlabanka Evrópu (ECB), sem gildir jú fyrir allar evru og EMS þjóðinrar, byggist að miklum hluta til á þörfum þýska iðnaðarins. ECB er því nánast einkaseðlabanki fyrir þýska iðnaðarþjóðfélagið. Þetta er oft afar slæmt fyrir hinar Evru-þjóðirnar. Margar þjóðir ESB hafa liðið mikið undan stýrivaxtastefnu ECB og Deutsche Bundesbank.

  

Vöxtur umfram vonir

Athugasemdir

[Hjörtur J. Guðmundsson, 19.5.2008 kl. 11:51]

Þýzki stjórnlagadómstóllinn í Karlsruhe mun hafa sett það sem skilyrði fyrir því að leggja blessun sína yfir Maastricht-sáttmálann að evran myndi aldrei skapa verri efnahagsskilyrði í Þýzkalandi en þýzka markið hefði gert. Seðlabanski Evrópusambandsins er því í raun skuldbundinn til að taka sérstakt tillit til aðstæðna í Þýzkalandi. Þrátt fyrir ofuráherzlu bankans á þýzkaland hefur þó ekki tekist betur til þar í landi efnahagslega en raun ber vitni og því gætu Þjóðverjar í raun sagt sig frá evrunni núna á þeim forsendum að ekki hafi verið staðið við áðurnefnt skilyrði.

Kærar þakkir annars fyrir öll þessi upplýsandi skrif þín. 

[Gunnar Rögnvaldsson, 19.5.2008 kl. 13:09]

Þetta eru vissulega athyglisverðar upplýsingar Hjörtur. Mjög umhugsunarvert, og í takt við þá raun-reynslu sem ég hef haft sem gísl þýskrar stýrivaxta- og peningastefnu í ESB-Danmörku frá 1989, er ég hóf rekstur.

Kærar þakkir