Samfylkingin fékk 3,4 prósentum meira en Vinstri grænir

Ný engan-pólitískan-rétttrúnað-auglýsing: Græn vók- og vælumenning er að detta úr tísku. Hinn pólitíski rétttrúnaður geggjunarflokka er að hjaðna. Kaninn er að komast aftur í gamla gírinn á vesturhveli jarðar og nýjar herstöðvar verða byggðar. Evrópa er á leið alveg út - og jafnvel enn lengra. Ísland er á vesturhveli jarðar, en Evrópa ekki

****

Það er að segja. Í kosningunum 2016 fékk Samfylkingin 5,7 prósentur. En í gær fengu Vinstri grænir 2,3 prósentur. Við svo búið verður varla unað - nema um stundarsakir

Nýja Alþýðubandalagið hlýtur því nú þegar að vera komið í rennibekk vinstrimanna og mun það því bráðlega verða kynnt til sögunnar sem nýtt alvöru stjórnmálaafl á vinstri væng stjórnmála - er nú stendur auður

Helsti pólitíski tilvistar- og málefnagrunnur hins nýja Alþýðubandalags verður fullveldi og sjálfstæði Íslands ásamt úrsögn úr NATÓ. Annað kemur varla til greina

Um alla Evrópu eru svo kallaðir grænir flokkar komnir í útrýmingarhættu og rafeindasmásjá þarf til að koma auga á fylgi við málefni slíkra flokka; þ.e. þeir eru orðnir Weimar-flokkar

Hinn pólitíski tilvistar- og málefnagrunnur Ragnars Arnalds heitins, Sjálfstæðið er sívirk auðlind, er klassískur. Hann er ekki hægt að þurrka út. Hvorki fyrr, nú, né síðar

Aftur í vinnufötin Svandís. Þú ert með þann kyndil núna. Út með ruglið, inn með harðlínuna

Fyrri færsla

"Stórgögn" og "gervigreind" hafa lítið fært okkur

Athugasemdir

[Ingólfur Sigurðsson, 3.12.2024 kl. 05:07]

Rétt eins og Kvennalistinn, hann mengaði stjórnmálalitrófið og samlagaðist því. Enn virðast það örlög öfgavinstriflokka að fara þá leið. Almenningur vaknar upp við vondan draum, að fólk hefur verið að taka undir firrur sem voru búnar til (eða gerðar vinsælar) af fólki sem höfðu misst tilgang sinn í lífinu með falli Sovétríkjanna. 

Rétt eins og leiðinlegir draugar sem vakna aftur og lifna við, þannig má búast við að eitthvað lifni við úr rústum öfgavinstrisins seinna. Um stundarsakir verður þetta fólk að sætta sig við að hinir flokkarnir eru allir litaðir af þeirra rugli, nema Miðflokkurinn, og Lýðræðisflokkurinn, sem komst hvergi á blað.

Kosningar sýna oft að það er gjá og mikið bil á milli fjölmiðlafólks og almennings. Fjölmiðlafólk heldur að allir séu woke og vilji þessi mál sem gefa lífi þeirra gildi sem fastir eru í manngerðum draumórum og þannig hringekju, öll þessi húmanísku mál, en efnahagsmál sitja á hakanum á meðan eins og hjá Degi í borginni.

María Rut úr Viðreisn sagði í Silfrinu í gær að fólkið í Viðreisn væri í "raunheimum", gerði sér grein fyrir því að ESB aðild væri baráttumál sem tæki kannski 10 ár að sannfæra þjóðina um, og ljúka við inngöngu. Merkilegt að heyra þetta frá henni, þar með viðurkennir hún að margir eru ekki í "raunheimum", sem halda að skyndilausnir reddi öllu, ESB eða eitthvað annað. Já, umræðan um ESB er alls ekki ofarlega núna, en kannski fékk Viðreisn þetta fylgi vegna þess að margir voru reiðir útí Bjarna og Sjálfstæðisflokkinn og vildu refsa þeim svona.

Úrslit kosninga koma mér oft skemmtilega á óvart. Ég hef kannski of litla trú á mannkyninu. Bæði í Bandaríkjunum og á Íslandi er fólk að hafna ýmsu sem er svo langt út fyrir öll mörk skynseminnar að það er ekki einusinni hlægilegt. VG liðar vilja ekki horfast í augu við þetta. Þau munu ekki hverfa aftur til gamla kommúnismans, sem er skárri. Þau munu berjast, hjakka í sama wók farinu, býst ég við.

[Gunnar Rögnvaldsson, 3.12.2024 kl. 13:33]

Þakka þér fyrir Ingólfur. Athugasemd þín er góð.

Síðustu áratugi, eftir að háskólabólan varð að risavöxnum brandarabunker um hærra kaup, eru fjölmiðlar orðnir einkaritarar vinstrimanna. 

Þú sérð það t.d. vel núna eftir 1020 daga af stríðsátökum, að Úkraína er ekki að vinna neitt stríð við Rússa nema í einmitt þessum fjölmiðlum vesturlanda og sem eru lítið annað en einkaritarar Pentagónara. Algjörir lúsaplebbar, rusl og verri en engir.

Svandís hefur rétt fyrir sér með NATO, við ættum að koma okkur út úr því áður en það er um seinan, því varnarsamningur okkar og Bandaríkjanna er miklu miklu betri.

NATO er sýndarfyrirbæri og hætti að vera varnarbandalag og varð kvöldverðardeild atvinnulausrar elítu þegar Sovétið áleit sjálft að tími þess sjálfs væri liðinn og lagði sig sjálft niður. NATO hefði átt að gera hið sama þá. Leggja sig niður. Þegar NATO hrynur á næstu árum höfum við áfram varnarsamninginn við Bandaríkin og þá verður líklega lítið mál að framlengja honum.

NATO er getulaust rugl og bull: kjaftaklúbbur sem gerir okkur illt. NATO er klúbbur í leit að spennu og ófriði. 

Ég hef alltaf vissar taugar til gamla Alþýðubandalagsins þó svo að ég sé xD-hægrimaður, því ég kaus þá sem ungur maður enda hálfpartinn alinn upp í því. Sá flokkur snérist ekki um geggjun eins og VG hefur gert frá stofnun.

Eiginlega skil ég ekki fráfarandi kjósendur Vinstri grænna því að: í dag hafa þeir Svandísi sem formann og hún er ekta vinstrimaður út í gegn, en samkvæmt fráfarandi kjósendum VG "þurfti að refsa" flokknum fyrir "syndir Katrínar", en sem er farin og fór löngu fyrir kosningar. Hvað er að? Því í dag er VG orðinn "edrú" flokkur samkvæmt þessari kjósendaspeki því Svandís er formaður; þvottheldur og heiðarlegur vinstrimaður. Hvað er að þessu fólki?

Í mínum huga er niðurstaða kosninganna sú að Samfylkingin fékk flóttafylgi Vinstri grænna fyrir ekki neitt, alveg eins og fylgi Miðflokksins hvarf rétt fyrir kosningarnar 2021 vegna ótta kjósenda við að fá ekkert fyrir atkvæði sitt, þ.e. ef M hefði farið undir 5 prósentin, þ.e. undir gólfsperrur alþingis.

Lítið annað mikilvægt hefur gerst. Hér er ekki ákall um eitt né neitt - nema um það að kjósendur vilja fá eitthvað fyrir atkvæði sitt.

Góðar kveðjur