"Að sögn" háttsettra í loftbelg

Mynd: Aumkunarverður Joe Biden forseti Bandaríkjanna skríður upp tröppurnar í forsetaflugvél Bandaríkjanna í Póllandi í fyrra. Athugið að skriðhallinn á Biden þarna í stiganum er nákvæmlega sá sami og sést á myndinni af sovésku S-75 loftvörnunum sem skutu B-52 sprengjuþotur Bandaríkjanna niður yfir Víetnam. En þar háðu Bandaríkin stríð við svo gott sem varnalaust fólk og sem þau töpuðu, eins og öllum þeim stríðum sem Bandaríkin hafa stofnað til í kjölfarið

****

"Að sögn" (í fréttalygahætti) háttsettra Pentagónara hyggjast Rússar með þessu sprengja Bandaríkin úr hlátri innan skamms. Og það getur verið hættulegt fyrir úrkynjunarmiðstöðina Hollywood, sem þá yrði af tekjum til að múra sig inni og stunda varasprengingar

Óttast er nú, "að sögn" háttsettra, að loftbelgurinn Pentagon breytist í alvöru loftbelg sem tengist internetinu á jörðu niðri í Bandaríkjunum, eins og sá kínverski gerði og sem skotinn var niður yfir Bandaríkjunum í fyrra. Því miður er enn ekki vitað hvort að kínverski loftbelgurinn sá hafi greitt fyrir beintenginguna við gagnsleysismiðstöðvar Pentagons. En þar er aðalbrandari Bandaríkjanna varðveittur með aðstoð 128-skyndibítandi heilabilana

Klepptæka Pentagonliðið þarf að finna upp eitthvað fréttnæmt á hverjum degi, því annars standa gagnsleysismiðstöðvar þess naktar - og með öllu óverjanlegar

Fyrri færsla

Skuldir Bandaríkjanna smámunir miðað við allt hitt

Rússar taldir vilja kjarnavopn á sporbaug

Athugasemdir

[Birgir Loftsson, 15.2.2024 kl. 10:47]

Stairway to heaven?

[Gunnar Rögnvaldsson, 15.2.2024 kl. 11:37]

Þakka þér fyrir Birgir.

Já þetta er sannarlega farið að nálgast það stigið.

Nú hljóta Rússar að veltast um af hlátri og hugsa; "þetta fólk þarna í vestri má undir engum kringumstæðum trufla, nú þegar sjálfsútskúfun þess gengur svona vel. Þetta er fólkið sem heldur áfram að hugga sig með því að mæla hagkerfi okkar í Bandaríkjadölum, þó svo að við séum algjörlega aftengdir dalnum. Hvílík snilld!"

Sjálfsafvopnun NATO gengur bara býsna vel, verð ég að segja.

Kveðjur

[Ingólfur Sigurðsson, 15.2.2024 kl. 11:59]

Nú berast þær fréttir að Úkraínumenn telja sig ekki geta sigrað Rússa og séu að hörfa, þó hafa Vesturlönd öll sem eitt átt í óbeinu stríði við Rússa með því að senda þeim hergögn og fé. Úkraínumenn eru að verða uppiskroppa með vopn og hermenn, konur sendar til að láta slátra sér, og hvar er þá virðingin fyrir mannslífunum, hinum dýrmætu femínistum hér á Vesturlöndum? Viðskiptaþvinganir gegn Rússum hafa ekki bitið, enda Vesturlönd ekki lengur miðdepill alheimsins greinilega.

Nei eins og þú hefur skrifað Gunnar, Vesturlönd og Bandaríkin hafa verið á helfarargöngu sinni eigin um langt skeið.

Joe Biden er nokkurskonar grínútgáfa af Donald Trump. Hann var alltaf tapari í bandarískum stjórnmálum, þar til ríkum demókrötum fannst sniðugt að nota hann sem and-Trump, en stjórna á bakvið hann.

Gott að fá aftur pistla frá þér Gunnar. Nú virðist mér sem heimsfréttirnar séu að staðfesta það sem þú skrifaðir um í upphafi Úkraínustríðsins, að þrátt fyrir alla hjálp Vesturlandanna yrði erfitt að láta Úkraínumenn sigra Rússana, eins og ef Bandaríkin ættu í vandræðum með landsvæði hjá sér. 

Það versta er að við á Vesturlöndum leikum okkur að eldinum. Svona byrjaði fyrri heimsstyrjöldin, með því að fleiri lönd blönduðu sér í mál sem voru lítil fyrst. Hentugast hefði verið að leyfa Rússum að fá Úkraínu án þessara mannfórna.

Furðulegt, að því var haldið fram að Rússar væru ófærir um hernað, Pútín kominn á grafarbakkann og þar fram eftir götunum. RÚV og vestrænar fréttastofur alveg í ruglinu.

[Gunnar Rögnvaldsson, 15.2.2024 kl. 14:29]

Þakka þér fyrir Ingólfur.

Já tímarnir fara versnandi.

Rússland hefur aldrei haft áhuga á að taka Úkraínu yfir. Þeir höfðu hins vegar ýtrasta áhuga á að Úkraína yrði hlutlaust ríki. En þeim friðarglugga virðast NATO-ríkin nú hafa lokað fyrir fullt og allt.

Ríki velja sér ekki nágranna og er því vopnað hlutleysi oft ýtrast nytsamlegt fyrirkomulag til þess að halda friðinn í krónískt pólitískum ófyrirsjáanleika landamæra Evrópuríkja.

Prinsippið um að ríki geti ekki aukið þjóðaröryggi sitt á kostnað þjóðaröryggis annars ríkis á sérstaklega við um nágrannaríki. Gæti menn ekki að sér, eins og Austurríki gætti að sér í stríðslok, þá setja menn friðinn í hættu, oft fyrir ekki neitt og standa jafnvel miklu verr að vígi eftir á.

En nú er stríðið hafið, og mig grunar að Rússar sjái nú þegar að Vesturlönd séu ekki viðræðuhæft pólitískt fyrirbæri og lítið annað dugi en að koma sögulega rússneskumælandi héruðum Úkraínu og sem stofnuð voru af Rússum, heim í skjól þannig að allur heimshlutinn verði ekki krónísku Donbass-borgarastríði að bráð.

Það kom náttúrlega aldrei til greina að Úkraína myndi vinna stríð við Rússa. Jafnvel sameinað NATO hefði lítið í Rússland, ef til þess kæmi. Eðli staðarhátta er þannig, þarna á landmassa gamlaheimsins. Pot flotavelda mega sín lítils þar.

Kveðjur

[Jónatan Karlsson, 16.2.2024 kl. 06:56]

Já, það er hægt að gera gys að tröllasögum, en gamanið gránar þegar meirihluti neytenda vestrænna fréttamiðla trúir öllu sem á borð er fyrir það borið og það á meðal flestir eða allir ráðherrar og þingmenn okkar sjálfra, eins og við okkur blasir.

[Gunnar Rögnvaldsson, 16.2.2024 kl. 10:40]

Þakka þér fyrir Jónatan.

Já - en þar slær "sigurfarar-fyrirbæri" vesturlanda inn og það heitir: "Tístkóngar plebbaveldisins", sem banna og banna og banna rökrænar aðferðir við úrlausn vandamála.

Tístkóngar plebbaveldisins sigra alltaf, því enginn þorir, þeirra vegna, að segja "sérðu pabbi, keisarinn er nakinn". Svona eru vesturlönd mulin niður til að verða uppfyllingarefni fyrir aðra til að dansa á.

Fjölmiðlar eru ekki fjölmiðlar lengur. Þeir eru orðnir bölmiðlar. Þingmenn eru ekki þingmenn lengur. Þeir eru ekki fulltrúar kjósenda lengur, heldur fulltrúar dyggðaflaggandi tístkónga plebbaveldisins.

Kveðjur

[Ragnhildur Kolka, 17.2.2024 kl. 11:48]

Blessaður Gunnar, tek undir ánægju Ingólfs með pistlana þína.    Af því þú minnist á flotaveldin, þá vil ég benda á að þátttöku HMS Queen Elisabeth var aflýst í heræfingum hinna Hugumprúðu í Eystrasalti. Ástæðan - drottningin fór ekki í gang og því var ákveðið að HMS Prinsinn af Wales hlypi í skarðið. Prinsinn reyndist líka í lamasessi og komst ekki frá bryggju. Það mun nú hafa verið tjaslað upp á hann og hann mun sigla seglum þöndum til æfinganna. Það hefur hins vegar ekki verið upplýst hvort hann sé með fullri áhöfn eða hvort auglýsingar í blöðum eftir áhöfn hafi borið árangur. 

Hvernig staðan á amerísku flugmóðurskipunum er í líkingu við þá bresku veit ég ekki. Finnst þó ég hafa lesið um vandræðagang þeirra í kringum Tævanstrendur. Það er hins vegar deginum ljósara að risar hafsins eru í útrýmingarhættu vegna breyttra tækni og stríðstóla. Þessi skip eru því rétt eins og breska ljónið úrelt og tannlaus. Aðeins brúkleg sem tákn um horfna tíma.

[Gunnar Rögnvaldsson, 17.2.2024 kl. 13:32]

Þakka þér fyrir Ragnhildur.

Já það er vægast sagt geigvænlegur reksturinn á breskum varnarmálum. Óhagsýnin er víst svo hrikaleg þar að hver einasti sjoppueigandi úr vopnabúri Margrétar sálugu myndi umsvifalast fljúga á hausinn væri rekstur hans eins.

Já það er mikið rætt um það núna að tími flugmóðurskipanna sé að sumu leyti liðinn og að þau séu tákn hins fljótandi skotmarks nútímans; að það sé fyrst og fremst kafbátaflotinn sem skipti máli.

Það er að minnsta kosti alveg öruggt að ofansjávarfloti Bandaríkjanna kæmist varla yfir Atlantshafið ef til stríðs kæmi við Rússa. Það tók þann flota hátt í tvö ár að komast bara sæmilega yfir það haf í síðasta stríði.

Flugmóðurskipin hafa hingað til þótt góð til að pota í varnarlitla andstæðinga í fjarlægum löndum sem hvorki ráða yfir kafbátaflota né gervihnöttum. Til dæmis andstæðinga á borð við Saddam Hussein sem var algjörlega ófær um að ógna heimsfriðinum og sem enga geostrategíska möguleika hafði, en í hann var potað með þáverandi mesta herveldi heimsins á fimm sinnum minna landsvæði en nú er flogist á í Úkraínu.

Að því leytinu líkist Bandaríski flotinn breska heimsveldinu. Það sigldi út í heim, potaði í varnarlaus lönd, tapaði yfirleitt öllu og sigldi svo heim og síðan var ekki talað meira um það.

Við sjálf könnumst við svona alþjóðlega píkuskrækjandi prik-potara úr Þorskastríðunum.

Góðar kveðjur

[Gunnar Rögnvaldsson, 17.2.2024 kl. 19:35]

Tim Collins skrifar í það sem eftirlifandi er af breska Telegraph. Hann skrifar að Bretland sé ekki lengur með her. Ástand breska heraflans og bresku varnarmálanna í heild sé orðið það aumt í Bretlandi.

Telegraph 12. febrúar 2024: Britain no longer has a military

Og hvað gera ríki sem áður fyrr gátu haft áhrif á útkomu að minnsta kosti heimshlutamála --svo ekki sé talað um heimsmál í heild-- með því að nota herinn/flotann til þess?

Jú þau grípa til efnavona á borð við Skripal-Novichok og undirróður á borð við MH17, og svo senda þau trúðinn Boris Jonhson til Kænugarðs með bréf frá heilabiluðum Joe Biden, forsetalingi Bandaríkjanna.

Meira eru þannig ríki ekki í standi til. Þetta er heldur betur nýr veruleiki fyrir brunarústirnar Evrópu et.al.

Það tekur að minnsta kosti 30 ár að breyta þessari stöðu sé byrjað á því á morgun, sem að sjálfsögðu verður ekki gert því vesturlönd eru að hrynja úr sinni eigin innri þvælu.

[Kristinn Bjarnason, 19.2.2024 kl. 17:13]

Gunnar, því miður held ég að þú hafir rétt fyrir þér.

[Gunnar Rögnvaldsson, 19.2.2024 kl. 20:43]

Þakka þér fyrir Kristinn.

Ég hafði að minnsta kosti rétt fyrir mér um Úkraínustríðið frá upphafi af og til dagsins í dag. 

Sönnunargögnin í Skripal-Novichok-málinu eru svo mikið feimnismál að þau þola ekki að koma fyrir dómstóla í Bretlandi og í MH17-málinu hinumegin Ermasunds bárust þau yfir höfuð ekki, eins og Bandaríkin þó höfðu lofað.

Bæði réttahöldin eru því að mörgu leyti verri en sýndarréttarhöldin sem Stalín hélt yfir andstæðingum sínum í den. Þetta er ömurlegt.

Kveðjur

[Gunnar Rögnvaldsson, 19.2.2024 kl. 21:59]

Þegar maður hugsar um af hvílíku ofstæki bresk stjórnvöld keyra málin gegn Rússlandi þessi árin þá kæmi mér alls ekki á óvart að Skrípalmálið sé undirróðursherferð breskra stjórnvalda frá upphafi til enda og að eina líkið sem kynnt er til sögunnar í málinu hafi verið fengið, þá þegar kulnað, að láni.

Og þegar "Operation Unthinkable" (tortíming Sovétríkjanna, hvorki meira né minna) er skoðuð (hér og í breska ríkisskjalasafninu hér) þá veit maður að það er alls ekki út í hött að láta sér detta áframhaldandi og enn verri geðsýki í röðum vissra hluta breskra stjórnvalda í hug í dag.

Eins og allir vita lifir CIA, NSA og FBI sínu eigin stjórnlausa lífi vestanhafs og það sama er líklega tilfellið með tilsvarandi stofnanir í Bretlandi.

[Kristinn Bjarnason, 20.2.2024 kl. 16:17]

Nú þegar búið er að normalísera allt ruglið og það virðist endalaust bætast í og útilokað að leiðrétta nokkuð af þessu þá er lítið annað eftir en að leita til æðri máttarvalda og biðja til guðs.