Bjarni brýtur reglur og brýnir enn fallöxina á flokkinn

Þetta er ekki gott, þótt ei sé krafist fullkomnunar

Bjarni Benediktsson formaður Sjálfstæðisflokksins og ráðherra gerir enn sérstaklega í því að brýna öxina sem er að taka flokkinn okkar af lífi

Hann sem ráðherra setur reglur um sóttvarnir á Íslandi en sem hann síðan sjálfur brýtur, og skerpir þar með einu sinni enn á öxinni sem hann hefur sigað á Sjálfstæðisflokkinn í samfellt 11 ár, með dómgreindarskorti sínum ásamt ístöðu- og dugleysi

Bara það eitt að æða inn í partý á flokksformaðurinn og ráðherrann að vita að kallar á enn fleiri í einmitt það partý. En nei. Fyrir honum er ekkert þess virði að verja, heldur skal aðeins veðjað, sbr. d. går den, så går den. Síðan koma bara søforklaringer. Það er að segja bortforklaringer Bjarna formanns samkvæmt venju

Vinstrimenn og andstæðingar Sjálfstæðisflokksins vilja að sjálfsögðu að Bjarni þeirra standi áfram, því í honum hafa þeir hauk í horni við áframhaldandi niðurrif flokksins innanfrá

Með þennan mann í brúnni kemst Sjálfstæðisflokkurinn aldrei í land, því heimahöfn er engin. Förinni er heitið inn í eitt og stórt tómið, sem draugaskipið xD. Leiddur Bjarni var aldrei fær um að leiða flokkinn og verður það heldur aldrei. Hvaða flokkur þarf óvini með svona formann?

Miðað við þetta er kirkja Kaþólskra og Mótmælenda enn himnaríkið, enda eru það fyrst og fremst veraldlegar ríkisstjórnir manna sem bregðast mönnum, en ekki kirkja hinna kristnu

Þetta, ofan í allsherjar bóluefnaklúður Svandísar-Sovéts, sannar að þannig er einmitt það

Gamla testamentið –frumstjórnarskrá Vesturlanda– var fyrst á þessari jörð til að setja fram lagatextann um að það séu lög manna sem ráði landinu, en ekki lög Guðs. Og þau setti Bjarni Ben og braut

Ég óska lesendum gleðilegra jóla 

Fyrri færsla

Tólið tekið af Svandísi-Sovét og kannski-bóluefni pantað hjá hverjum sem er

„Ég skil þetta bara ekki“

Athugasemdir

[Helga Kristjánsdóttir, 26.12.2020 kl. 01:30]

 "Setti Bjarni og braut"? Átakanlega líkt "belti og braut"
   

[Ragnhildur Kolka, 26.12.2020 kl. 11:35]

Bjarni hefur stigið mörg feilspor en að gleðjast með vinum er ekki eitt slikt. 

[Símon Pétur frá Hákoti (IP-tala skráð) 26.12.2020 kl. 12:08]

Sögur segja að þangað hafi streymt 

glaðbeittir fjárfestar að fagna 

einka(vina)væðingu Íslandsbanka. 

Því frelsari þeirra boðaði komu sína.

[Gunnar Rögnvaldsson, 26.12.2020 kl. 12:11]

Þakka ykkur fyrir.

Já Helga. Það fer ekki hjá því jólagjafaregn Svandísar og Bjarna minni mann á Belti og Braut Kínverska kommúnistaflokksins, sem setur lög og reglur sem gilda fyrir skrílinn en ekki fyrir toppinn - ásamt bóluefnafíaskói heilbrigðismálaráðherrans.

Kveðjur

[Símon Pétur frá Hákoti (IP-tala skráð) 26.12.2020 kl. 12:43]

Allt sem hann gjörir

og allt sem puntudúkkur hans gjöra

leyfist öngvum nema þeim.

Fáræðið (óligarkíið) ríkir hér.

Vitaskuld gleður það samfylktaviðreisnarpírata

því þeir eru hluti af óligarkíi 

engeyjarsovétskommagrænu nómenklatúru

og hafa allir þegið veglegar launahækkanir

og ríkisverðtryggðan ofurlífeyri.

Og kínakomma belti og braut í bónus.

En við smáfuglarnir gleðjumst yfir því einu að  óska hver öðrum gleðilegra jóla og farsæls komandi árs.  Og þess óska ég þér hér með.

[Gunnar Heiðarsson, 26.12.2020 kl. 15:33]

Sennilega svíður engum meira þetta brot Bjarna en Sjálfstæðismönnum. Öðrum er sjálfsagt sama og sumir jafnvel kætast.

En þetta er ekki einfalt fyrir Sjálfstæðisflokk. Segi Bjarni af sér er ljóst að hann verður þá að stíga niður úr formannsstólnum. Þá mun tískudrottning Alþingis taka við flokknum og ekki víst að hugur flokksmanna kætist við það.

Því mun sennilega verða látið reka á reiðanum í von um að yfir fenni.

[Símon Pétur frá Hákoti (IP-tala skráð) 26.12.2020 kl. 18:12]

Gunnar R. og Gunnar H.

Ég er algjörlega sammála ykkur.

Staða Sjálfstæðisflokksins er skelfileg.

Bjarni formaður

og Þórdís Kolbrún Reykfjörð Gylfadóttir 

varaformaður og arftaki Bjarna.

Það er skelfilegt fyrir okkur gamaldags og

heiðarlega sjálfstæðismenn.

Kjarna málsins orðar svo Gunnar Rögnvaldsson:

Vinstrimenn og andstæðingar Sjálfstæðisflokksins vilja að sjálfsögðu að Bjarni þeirra standi áfram, því í honum hafa þeir hauk í horni við áframhaldandi niðurrif flokksins innanfrá.

[Gunnar Rögnvaldsson, 26.12.2020 kl. 22:51]

Þakka ykkur fyrir.

Er að lesa Afnám haftanna eftir Sigurð Má Jónsson. Þar segir:

"Rússneska þjóðskáldið Lev Tolstoj lýsir Stefáni, bróður Önnu Karenínu í samnefndri bók, þannig að hann skipti "í rauninni ekki um skoðanir, heldur breytast þær af sjálfu sér". Á þann hátt tókst honum að fylgjast með tímanum og tolla í tískunni, nánast alveg fyrirhafnarlaust. Þannig mætti lýsa farsælum en skoðanalausum stjórnmálamanni."

Einhver sem kannast við þetta? - og það næstum liðna 23 prósentu lík sem reynt er að toll-tylla sér í tískunni á. Hve lengi skyldi þetta geta gengið, þ.e. þessi tollheimta á fleytunni.

Það skil ég ekki, því ég veit að þetta gengur ekki upp. Þetta gengur bara alls ekki upp. Ég veit það og allir vita það. Þessi tollheimta á flokknum gengur ekki upp.

Kveðjur