Tvö komma sex prósent hagvöxtur á Íslandi núna

Mynd, Hagstofa Íslands. Landsframleiðslan á þriðja fjórðungi 2020

****

Þegar þjóðhagsreikningauppgjör Hagstofunnar yfir þriðja fjórðung ársins er skoðað, stendur þrennt upp úr:

1. Hagvöxtur fjórðungsins varð minni en hann hefði þurft að vera vegna ótímabærrar landamæraopnunar þrýstihóps sem eyðilagði fyrir einkaneyslu í landinu öllu. Heil þjóð þurfti að skríða inn í skelina til þess að nokkrir erlendir ferðamenn, þrælar og flökkulýður hins glataða sovétjökuls Evrópusambandsins gæti náð að komast hingað inn til að eyðileggja fyrir hinum 93 prósentum hagkerfisins. Annars hefði einkaneyslan verið sterkari og lyft landsframleiðslunni meira upp, dregið úr áföllunum og bætt varnarstöðu ríkissjóðs þjóðarinnar

Leirdúfurnar við stjórnvölinn framlengdu framboðskreppunni með því að koma í veg fyrir staðfasta og pottþétta sótthreinsun við landamærin, og gott ef þeir hafa ekki eyðilagt jólafjórðunginn líka. Ekki er hægt að hafa mjöl í munni og blása á sama tíma. Einkaneyslan hefði átt að getað lyft sér um 20-30 prósentur og vöruskiptin væru mun betri ef leirdúfur stjórnmálanna hefðu ekki látið höfuð sín sogast inn í svarthol Schengen og EES-samningsins. Enginn eftirspurnarkreppa ríkir, heldur aðeins framboðskreppa stjórnmálamanna

2. Óheft flæði af innfluttum matvælum eyðileggur fyrir innlendri framleiðslu. Þeirri umræðu hafa fríverslunar-hagfræðingar um allan heim tapað og gert sig sjálfa og fag sitt að bergmálshelli fyrir 0,1 prósentu mannkyns. Enginn tekur mark á því fólki framar þegar að trúarbrögðum þeirra um "frjálsa verslun" milli landa kemur. Við erum að glíma við stórkostlegt innflæði frá sovét-styrktum láglaunalöndum Evrópusambandsins og sem aldrei verða annað en einmitt stálfátæk og strategísk láglaunalönd. Þetta verður að stöðva áður en EES-samningur Íslands við svarthol sem sogar allt til sín nær að eyðileggja okkur enn meira að innan en orðið er. Núll komma eitt prósentuliðið verður að loka inni í eins konar akademískum munkaklaustrum þar sem það getur talað innbyrðis um "fríverslunarkenningar" á himnum uppi án þess að eyðileggja efnahag þjóðarinnar sem býr í raunheimum

Mynd: Skjáskot af Eurointelligence 27. nóvember 2020. Hvernig hagfræðingar töpuðu umræðunni um "frjáls viðskipti". Þau eru aldrei "frjáls", nema í bergmálshellum. En svo koma leðurblökurnar og þá...

****

Verndartollar eru komnir til að vera. Þið 0,1 töpuðuð gegn okkur 99,9. Og enginn hefur áhuga á innfluttum hagfræðingum, heldur ekki niðurgreiddum og allra síst trúarpólitískum - ófærum um að greina sjálfa sig sem dauðvona viðrini á langlegudeildum kratismans

3. Lækka verður skatta á fyrirtækum og einstaklingum, og það er meðal annars hægt með því að skattleggja til dæmis innflutta rafbíla til jafns við aðra bíla. Þeirri viðurstyggilegu og trúarpólitísku sovétstrategíu græna hálmmánans verður að linna áður en hún gerir landið okkar gjaldþrota, ekki bara fjárhagslega heldur andlega líka. Græn mygla í þjóðarhag og í höfðum manna er mygla, jafnvel þó svo að hún sé græn. Grænt er orðið hinn nýi litur alræðis-sovétríkja nútímans. Rautt að innan en grænn að utan. Enginn munur miðað við síðast, sama gamla sovétið og ávallt áður, en nú sem afturganga fáránleikans

Fyrri færsla

"We the People": Endurtalning ólögleg í Georgíu?

Samdrátturinn miklu meiri á Íslandi

Athugasemdir

[Ómar Geirsson, 1.12.2020 kl. 14:30]

Amen Gunnar.

Margt má ræða sem þú segir, og verður örugglega gert.

En það er leikur, ég þurfti samt að segja kjarna þess sem ég hugsaði þegar ég las pistil þinn.

Amen.

Kveðja að austan.

[Gunnar Rögnvaldsson, 1.12.2020 kl. 15:03]

Þakka þér fyrir Ómar.

Það er sérstök viðurstyggð að upplifa það í dag, fyrsta desember, að stjórnmálamenn hafa gert landið okkar að skotskífu fyrir tröllvaxnasta helvítis-miðstjórnar-helvíti sem sést hefur hér á jörðinni síðan að sovét-ófreskja illskunnar var og hét hér á jörð. Þessi ömurlega úldna og þjóðfjandsamlega himpa-gimpa líkstofusamsteypa Evrópusambandsins, er að tröllríða Evrópu og Vesturlöndum svo mikið, að það styttist og styttist í að tundurþráðurinn klárist og bomba þjóðanna í handjárnum viðurstyggðarinnar rífi umbúðirnar í tætlur og hefji sig til sprengingar. Það er nú þegar komið forstigsástand að stríði á meginlandi taparanna. Og eftir forstigið kemur næsta-stigið. Ógeð mitt á þessari viðurstyggð er algjört. Ekkert nema vont er um þetta illfygli og fylgismenn þess að segja. Afskræmist það og afskræmist meira og meira með hverjum degi tilverunnar sem líður. Allt verður verra og verra með hverjum deginum sem líður í helvítismusteri Evrópusambandsins. Þannig virkar helvíti, því það er eðli þess að virka ekki nema í eina átt: til helvítis!

Kveðjur

[Jósef Smári Ásmundsson (IP-tala skráð) 2.12.2020 kl. 11:10]

Úff. Það er kannski ekki hægt að segja Amen eftir þessa lesningu. Ég segi nú bara: Guð minn góður.

[Gunnar Rögnvaldsson, 2.12.2020 kl. 17:30]

Þakka þér fyrir Jósef Smári.

Það er einmitt það, "Guð minn góður", sem fólk segir í ESB þegar það kemst að raun um hvernig það er. Þannig að þú ert ekki einn um það.

Kveðjur