Tillögur til breytinga á Mbl.is | Engin bylting hér

MOGGAÚTGÁFAN Á NETINU - HTTP Þ.E. HYPERTEXT-FORMIÐ

Þar sem ég gefst næstum upp þegar ég sé forsíðu mbl.is og sný mér of oft á hina hliðina og aðhefst ekkert, þá eru hér nokkrar breytingartillögur um skipan hennar. Svona myndi ég hafa Moggavefinn ef ég ætti hann. Þessa flipa myndi ég hafa:

Fréttir: – þar undir væri: Ísland og Útlönd á tveimur flipum

Pólitíkin: – stjórnmál (íslensk)

Hagkerfið – Ísland, Útlönd

OMG: – allir vita hvað það er

Vikan: – samkeppni við besta blaðið (Vikuna)

Séð & heyrt: – ekta slúður

Hrunið: – brestandi bólur og bólutengd þvæla

Góða fólkið: – CO2 og grenjandi fólk

Bannorðið: – allt sem er bannfært og bannað

Smáauglýsingar: – tilkynningar og auglýsingar frá stjórnmálaflokkum

Tímasóun: – RSS-straumur frá keppinautunum (þá þarf maður ekki að fara þangað)

OMG yrði vinsælt og myndi hitta í mark. Vikan gæti orðið vönduð deild um aukna ediknotkun, húsráð, tertur, smurbrauð og dramatík. Séð & Heyrt vita allir hvað er. Óþarfi er að láta gott slúður fara til spillis. Þarna væri það allt, veðurspár og fréttir af veðrinu líka. Hrunið: gæti einnig orðið vinsælt, því þar myndi allt sem er að hrynja, á einn eða annan hátt, verða birt. Dæmi: ferðamannabólan. Fylgishrun flokka, sérstaklega Ríkisútvarpsflokksins. Ófærir vegir. Fólk sem fær ekki það sem það heimtar og tekur það bara frjálsri hendi, o.s.f.v. Góða fólkið: þarf varla að kynna sem þá lofttegund sem það er. Þarna yrði allt sem kostar aðra mikið en mig ekki neitt, og þar með talinn væri næstum allur vinstrivængurinn. Bannorðið: þar væri allt sem er bannað, sem er mikið. Og einnig þeir og það sem verið er að bannfæra þá og þá stundina, og listi yfir bannfærðar persónur og málefni, sem eru mörg. Hagkerfið: þarf ekki að kynna frekar og allir þekkja Stjórnmálin

Það vantar sennilega Sveitina eða Hektarann, því 200-mílur er mjög gott

Reglur um útlit sem menn verða að muna. 1) Þó svo að Apple og Microsoft breyti útliti sinna vefsetra og viðmóti í stýrikerfum, þá ætti aldrei að fylgja þeim breytingum né heldur þeim grafísku- og uppsetningar- straumum sem þar koma fram. Góð og notadrjúg vefhönnun er það sem bæði þessi fyrirtæki hata, þau lifa nefnilega á breytingum og að ekkert virki. Ekki herma eftir þessu rugli sem þannig verður til sem afleiða niðri á hönnunarstofum, sem að eðlisfari eru að minnsta kosti jafnlatar og blaðamenn. 2) Og vinsamlegast athugið að vefhönnun er í dag lægst launaða aukastarf sem hægt er að hafa. Þess vegna eru flestir vefir svo gott sem ónothæfir. Dæmi: flestir fjölmiðlar, Seðlabankinn, Hagstofan, bankar. 3) Ekki fylgja tískusveiflum bjána í rifnum gallabuxum sem halda að heimurinn sé iOS, fésbókar-forum í glamúrbúningi, athyglissjúkdóms-tíst eða insta-blekkingar. Takið vefinn jafnalvarlega og prentmiðilinn. Út með allar rifnar gallabuxur

Sjónvarp og útvarp er búið að vera sem fjölmiðill og alveg sérstaklega sem form á fjölmiðli. Sjónvarpskjárinn sem samkomustaður er búinn að vera, nema til að hofa í eldinn (afþreying). Það er hið ritaða mál á bæði prent- og dílaformi sem er framtíðin

****

 

Mynd: WSJ í gær: Fjarverslun sem hlutfall af heildarsmásöluverslun

ENGIN BYLTING HÉR

Ég get bara alls ekki séð þessa "byltingu" í smásöluverslun vegna internetsins sem allir eru búnir að vera að tala um síðan 1997. Þegar Freemans var upp á sitt besta hér á Íslandi voru þeir með 25.000 - 35.000 pantanir á ári í kringum 1988-1990 og Samtök verslunar höfðu miklar áhyggjur "af þróun póstverslunar". Ofboðslegar áhyggjur. Ofan í það eina fyrirtæki komu svo öll hin póstverslunarfyrirtækin, þannig að um 70-100 þúsund pantanir á ári var að ræða í bara tískufatnaði. Þegar ég rannsakaði hefðbundna póstverslun á þessum tíma versus "e-commerce" sem 10 árum síðar var "að koma" (þ.e.: mail order via pixel format), þá var hún á bilinu 2-8 prósent af heildarsmásölu í flestum löndum. Danmörk var mjög mjög lágt, Svíþjóð betri, Bretland og Frakkland enn betra, og Bandaríkin best. Ef teknir eru bílavarahlutir og tölvunartengdir hlutir frá, þá hugsa ég að ekkert hafi breyst miðað við áður. Þetta sést vel á myndinni frá greiningardeild hins kanadíska Scotiabank. Ergo: um er einungis að ræða enn eitt sölugasið vegna tæknibreytinga í kynningaraðferðum (e. technological transformation in sales presentation methods)

Hvernig mun þetta koma út í banka- og fjármálageiranum? Ég trúi ekki öðru en að þróunin verði á svipuðum nótum; Bankar breyta kúnnaviðmóti yfir á dílaform (e. pixel-mode). Ergo: bankar breytast, en ekki sjálf bankauppskriftin (e. the concept of banking). Hér þurfa menn að halda höfðinu köldu og ekki láta blekkast af gasorðinu "fjártækni"

Gömlu póstverslunarfyrirtækin urðu hluti af því sem kalla má "fjarverslun", þar sem bæði prentformið og dílaformið ríktu samhliða um tíma. Mörg hinna gömlu fyrirtækja gátu ekki verið með bæði formin í gangi samtímis, því póstverslun er einstakt verslunarfyrirkomulag, þar sem fyrirframgreiddur kostnaður er geigvænlegur, áður en ein króna kemur inn í kassann: þ.e. vöruþróun, trend-greiningar, samningar um innkaup og framleiðslu, ljósmyndun, grafísk hönnun, pappírsinnkaup, prentun, bókband, póstdreifing og beinar auglýsingar. Bara þessir kostnaðarliðir svara til þess að hefðbundin smásöluverslun þyrfti að byggja nýtt verslunarhúsnæði við hástræti tvisvar á ári, áður en ein króna kemur í kassann. Og þar sem allt í prentaða búðargluggunum þarf að vera til á lagar í sex mánuði. Sem sagt: "up front" kostnaður er ofboðslegur í hefðbundinni fyrsta flokks póstverslun. Þess vegna var það hálsbrjótandi fyrir þessi fyrirtæki að ætla að innleiða fjarverslun á stafrænu formi samhliða prentforminu, því sú tækni (dílatæknin) er enn dýrari en sú gamla

Að tengja kannski 10 til 15 risavaxin mainframe-backend færslukerfi hefðbundinna póstverslana sem afgreiða tvær til fjórar milljónir pantana úr eigin vöruhúsi á viku á háannatíma (sem koma inn í gegnum síma og póst) við HTTP-portið þ.e. við internetið, þ.e. við gagnvirkt pixel-viðmót, var hreinlega oft ekki mögulegt. Allt nýtt þurfti til. Þarna í hefðbundnum póstverslunum var um ein flóknustu tölvukerfi sem til eru að ræða. Engin hefðbundin verslunarmiðstöð þarf að vita kúnnanúmer, nafn og heimilisfang á hverjum einasta kúnna að hverju einasta smjörstykki eða rennilás sem hún selur. Og að taka á móti hálfri milljón símtala á dag og meira að segja borga fyrir þau, er ekki á færi hverra sem er. Það var því ekki tilviljun að tölvudeild hefðbundins póstverslunarfyrirtækis á borð við Freemans var staðsett rétt hjá tölvuháskólanum í Leeds. Þýska Ottó sem til dæmis þurfti 40 þúsund blaðsíður til að kynna vöruúrval sitt á tvisvar á ári, virðist hins vegar vera að takast umbylta öllu hjá sér yfir í "live on-line" starfsemi. En sú starfsemi er ekki eins skemmtileg og sú gamla, því hún verður vélræn eins og við færiband, og það mun draga andann úr viðskiptunum. Enginn tími er fyrir neinar "locations" við ljósmyndatökur með fyrirsætum. Flest fer fram innanhúss og spenningurinn minnkar því vertíðarbyrjunar-spenningurinn hverfur (e. season-start)

Aðeins þau hefðbundnu póstverslunarfyrirtæki sem áttu sand af eiginfé gátu gert bæði í einu og lifa enn. En þegar upp er staðið þá er fjarverslun ein erfiðasta grein smásöluverslunar sem til er. Hún krefst þess að allt sé tvöfalt betra en hjá hefðbundnum verslunum; þ.e. þjónusta, verð, hraði, tækni, markaðsfærsla, réttindi og dreifing. Ekkert af hinum nýju fyrirtækjum á sviði fjarverslunar geta gert það fyrir kúnnana sem gömlu fyrirtækin gátu. Engin þeirra ætla að nota lifandi manneskjur til að þjónusta kúnnana. Líf þeirra verður því stutt. Og um leið og þau verða arðvænleg þá drepast þau, því þá sjá fjárfestar hversu hagnaðarvonin er ofboðslega lítil og hlaupa öskrandi burt. Þarna spila nýju föt keisarans best á meðan þau eru ný, og enginn er búinn að átta sig á nektinni

Fyrri færsla

Fá Rússadindlar Íslands aldrei nóg?

Athugasemdir

[Gunnar Rögnvaldsson, 28.11.2019 kl. 20:34]

Það skal tekið fram hér, að þegar ofangreint var ritað hafði ég enga hugmynd um þær uppsagnir á Morgunblaðinu sem tilkynntar voru í dag. Svo þarna er ekkert samhengi á milli. Aðeins er um tilviljun að ræða.

En ég skil vel að til þeirra hafi þurft að koma, því hvernig má annað vera þegar allsherjarfjölmiðillinn DDRÚV hefir sérhimneskt samband ofan í vasa okkar skattgreiðenda á meðan Mogginn og aðrir fjölmiðlar mega éta það sem úti frýs.

Að stjórnmálamenn skuli en halda verndarhönd yfir Austur-þýsku DDRÚV-mafíunni í Austur-Berlín Reykjavíkurborgar, er fyrir neðan alla sæmd og heiðarleika sokkið. Enginn myndi stofna þann fjölmiðil í dag og hann á ekki lengur rétt á sér sem skattafjármögnuð klessa, sem þar að auki er stærsta einstaka sundrungarafl hins íslenska þjóðfélags.

Samúð hef ég með Morgunblaðinu og umræddum starfsmönnum;  Að grípa hafi þurft til þeirra ráða, sem DDRÚV eitt er undanþegið frá, er kexruglað ástand. Komið ykkur í brækurnar stjórnmálamenn. Sýnið nú einu sinni dug og lokið tröllskessunni DDRÚV.

[Gunnar Rögnvaldsson, 28.11.2019 kl. 22:10]

Gott dæmi um "nýja" fjarverslun sem hefur ekki efni á tölvukerfum sínum er Amazon.

Það inn hafa hin ótrúlegustu fyrirtæki og opinberar stofnanir flutt gagnavistun og vinnslu sína á einum stærsta sorphaug veraldar.

Án þess ruslahaugs hefði Amazon ekki efni á að reka sig. Enginn getur þénað pening á því að senda bók yfir hálfan hnöttinn. Enginn. Stórtap er á þannig rekstri, enda er Amazon varla þekkt fyrir neitt annað en taprekstur. Flest póst- og dreifingarþjónustufyrirtæki hafa gefist upp á að þjónusta þá kolanámu og sagt henni upp sem kúnna.

Ágætis dæmi um kolanámuþjónustu Amzon á tölvunarsviðinu er Elko á Íslandi, sem er í tölvunarþjónustu hjá Amazon  og er þar með einn hægvirkasti vefur landsins. Engin alvöru póstverslunarfyrirtæki myndu sætta sig við þannig silakepp. Enda er Elko.is varla fjarverslun. Hún er meira nærverslun en fjarverslun, og gerir hvorutveggja jafn illa, eins og erfðafræðilegur háttur norskra nískupúka náttúrlega er.

[Símon Pétur frá Hákoti (IP-tala skráð) 28.11.2019 kl. 22:36]

Þetta er alveg frábær pistill Gunnar.

Mbl.is er t.d. algjörlega

og óneitanlega hrikalega lélegur vefur.

Svo vil ég taka sérstaklega undir lokaorð þín í aths. nr. 2 um hinn erfðafræðilega níspúkahátt Nojara og þ.m.t. Elko.

[Gunnar Rögnvaldsson, 28.11.2019 kl. 23:18]

Þakka þér Símon Pétur.

Hann mætti vera betri, viðurkenni ég. Því miður var síðasta breyting ekki til batnaðar, þvert á móti. En auðvitað get ég haft rangt fyrir mér um það.

Það sem kannski er meira mál, er það að fá kúnnana til að borga fyrir on-line útgáfu blaðsins. Það er meiriháttar mál að koma þeim breytingum í gegn, sérstaklega þegar verið er að keppa við óendanlega stóran peningabunka hins opinbera, sem bókstaflega rænir fé frá skattgreiðendum og dælir því síðan yfir í komma-höllina DDRÚV. Þetta þurfa einkareknir fjölmiðlar svo að reyna að keppa við, og nú er að koma að kaflaskiptum.

Mogginn á netinu ætti að kosta eins og til dæmis flest meiriháttar dagblöð í heiminum gera. En í þessu kengruglaða umhverfi er mjög erfitt að hefja þá umbyltingu. Þegar hún kostar þá verður on-line útgáfan betri, en ekki fyrr. Fólk fær venjulega það sem það borgar fyrir. Og ef það borgar ekki neitt, þá verður staðan svona. Nema hjá DDRÚV. Þar fær maður ekkert fyrir  mikið.

Kveðjur

[Gunnar Rögnvaldsson, 28.11.2019 kl. 23:45]

Hlutfall markaðsverðs Amazon Inc. af hagnaði er 80,5 falt (P/E ratio). Það þýðir að Wall Street sem gerir ekkert annað en að verðleggja það sem þeir hafa ekki sérstaklega mikið vit á, hafa verðlagt fyrirtækið það hátt að það kosti 80 sinnum þann hagnað sem þeir halda að fyrirtækið muni skila af sér í bland við það sem það hefur þegar skilað af sér. Að allt það góða sé rétt handan hornið. Sé alveg að koma. 

Þannig er sama mælistika notuð á öll önnur almenningshlutafélög.

Hlutfallið á bréfum Caterpillar er metið sem verandi 14 sinnum hagnaður þess. Að þú þurfir ekki meira en 14 sinnum hagnað þess til að fá út nakið kaupverð fyrirtækisins. 

Að mínu mati ætti hlutfallið hjá Amazon að vera x10 en ekki x80. Fyrirtækið er stórlega ofmetið vegna vanþekkingar Wall Street og fjárfesta.

En þetta mun koma. Bréfin í Amazon munu hrynja, og það fara í þrot. Ekkert nema loft, froða og kolanámustarfsemi heldur því uppi eins og er.  Caterpillar er 70 sinnum betra vörumerki. Það er high-tech miðað við Amazon, sem er low-tech.

Boo.com fékk á sínum tíma 500 milljónir sænskra króna frá fjárfestum til að koma upp netverslun. Tveimur árum síðar fór það í þrot. Það eina sem einhvers virði var í þrotabúi þess var IBM-tölvukerfi fyrirtækisins. Það var selt á fimm milljónir SEK. Öllu var brennt upp til agna á tæplega tveimur árum. Kúnnabasinn var einskis virði; þ.e. niðurgreitt ofurverðviðkvæmt rusl,  eins og hann er hjá Amazon. Ekkert goodwill. Bara blóðrautt sólarlag.