Þjóðverjar eru að missa trúna á ríki sitt

ÞÝSKALAND

Það hefur orðið sundurlemjandi dramatískt hrun í stuðningi Þjóðverja við ríki sitt. Þeir virðast vera að missa trúna á þýska ríkið. Árið 2015 fannst 81 prósentum Þjóðverja að það ríkti pólitískur stöðugleiki í Þýskalandi. Ný rannsókn Allensbach-stofnunarinnar segir hins vegar að hlutfallið sé komið niður í 57 prósentur núna 2019. Þetta er dramatískt hrun í trú þýsku þjóðanna á pólitískan stöðugleika á mjög svo stuttum tíma í sambandsríkinu Þýskalandi

81 prósent 2015
57 prósent 2019

Og ekki nóg með það þá sögðust 62 prósent Þjóðverja hafa trú á pólitíska kerfinu í Þýskalandi árið 2015. En það hlutfall er hins vegar komið niður í 51 prósent núna 2019

62 prósent 2015
51 prósent 2019

Og aðeins 26 prósent Þjóðverja segja í dag að gæði ráði för í ríkisstjórnun landsins. Það hlutfall var 49 prósentur árið 2015. Stórt hrun þar líka

49 prósent 2015
26 prósent 2019

Sem sagt; dramatískt fall í trúnni á hina pólitísku hugmynd sem heitir Sambandsríkið Þýskaland, og á stjórnarfar þess. Hollt er að muna að Þýskaland er sambandsríki. Bæjaralandi væri sennilega nokkuð sama þó það væri hluti af Austurríki. Það eina sem hins vegar virðist sameina Þjóðverja núna, er ákall um "sterkan þjóðarleiðtoga”. Þið vitið sennilega öll hvað það getur þýtt 

Hvað er það sem er að hrynja í Þýskalandi. Og hvernig mun það lýsa sér? Þetta eru stórar spurningar, því þegar pólitískur stöðugleiki gufar upp í Þýskalandi þá þýðir það að stærsta pólitíska einingin í veraldarhafinu í Evrópu, er komin úr jafnvægi. Og eins og margir vita, þá er Þýskaland ekki neitt venjulegt ríki. Þar geta hlutirnir gerst ótrúlega hratt. Hvað er að gerast þarna?

Allir sem hugsa vita hins vegar að Evrópusambandið er nú þegar fallið sem hugmynd. Enginn fer því lengur eftir reglum þess né eftir sjálfri hugmyndinni um það. Það kostar ekkert. Nema náttúrlega kjánar hér heima. Þeir fara eftir öllu og skjálfa

KÍNA

Forsetinn Xi Jinping er að missa stjórn á landinu, þrátt fyrir ný og margföld einræðisherravöld. Það gæti styst í að honum verði sparkað. Fyrst missti hann stjórn á stærsta og lífsnauðsynlega kúnna sínum: Bandaríkjunum. Honum tókst að mishöndla sambandið þar á milli á hinn ótrúlegasta og barnalega hátt. Það mátti ekki gerast, frá Kína séð, því landið hefur ekki efni á því. Þar næst missti hann stjórn á Xinjiang. En það er stuðpúðaríki umhverfis Han-Kína –eins og Mansjúría, Innri-Mongólía og Tíbet eru líka– og formlegur hluti af Kína, en samt ekki etnískur hluti af Han-Kína. Síðan missti Peking stjórn á Hong-Kong. Macao er heldur ekki etnískt-Kína, því það er eins og Hong Kong; þ.e. evrópsk hólmlenda. Þarna er mjög margt á leiðinni í steik og kannski í hrun. Hvað gerist næst?

RÚSSLAND

Íbúar þess ríkis eru í miklum mæli að missa þolinmæðina. Það sem þeim var sagt og lofað að myndi verða þegar sovétstjórnin féll –sökum þess Rússar misstu trúna á pólitísku hugmyndina um Sovétríkið– hefur ekki ræst nógu vel. Borgararnir eru farnir að mótmæla og það er að hitna sumstaðar (of víða) í kolunum. Hvað gerist næst. Hvað gefur eftir?

Fyrri færsla

Sigmundur Davíð: "Örvæntið eigi vegna bráðnandi jökla"

Athugasemdir

[Ragnhildur Kolka, 24.11.2019 kl. 12:44]

Það eru þessir 3 leikendur auk BNA sem hafa í raun áhrif á heimsvísu. Aðrir eru aukaleikarar. Órói og óstjórn er ýmist af efnahagslegum eða pólitískum toga og nær yfirleitt skammt út fyrir áhrifasvæði viðkomandi ríkis. Ég sé ekki að hrun hagkerfis Rússlands hafi stórkostleg áhrif til vesturs, en hrynji Þýskaland eða Kína munum við finna verulega mikið fyrir því. Ísland ætti að búa sig undir slíkan hildarleik.  

[Halldór Jónsson, 24.11.2019 kl. 13:09]

Það spilar enginn á móti Trump,

[Símon Pétur frá Hákoti (IP-tala skráð) 24.11.2019 kl. 14:48]

Þarfur pistill, svo sem vænta mátti frá þér Gunnar. Mjög þarfur pistill, því hrun og uppbrot kínverska maó-keisaraveldisins (þar sem Bjarni Ben og Gulli glingló eru nú orðnir inn-minglaðir hirð-kálfar og hafa skuldbundið íslensku þjóðina því) gæti haft veruleg titrings-áhrif hér á landi (allt vegna fíflsku forystu Valhallar flokksins).

Um undirlægjuhátt íslenkra stjórnvalda fyrir ESB er óþarfi að bæta hér nokkru við, umfram frábærir pistlar þínir fjalla um.

[Gunnar Rögnvaldsson, 24.11.2019 kl. 17:45]

Þakka ykkur fyrir, Ragnhildur, Halldór og Símon Pétur.

Já Ranghildur. Nú er komið að því. Einu sinni enn;

0. Þýsk pása upp á 20-50 ár endar. Staðaltímabilið á milli kasta endar.

1. Þýskaland byrjar að hrynja á ný.

2. Þýska staðalbúnaðar-hugmyndin um "ósanngjarna meðferð" tekst á loft.

3. Kengruglaðar pólitískar hugmyndir byrja að springa út.

4. Þær sveiflast eins og pendúll á milli vinstri og hægri-öfga í vissan tíma.

5. Síðan springa þær úr sem hin venjulega en einstaka þýska þjóðremba, sem aðeins getur orðið til í þessu eina og vanskapaða ríki heimsins, sem Bismarck negldi saman með skóflu sem hagkerfi, en ekki sem þjóðfélagi. Um var að ræða stofnun samkeppnisstofnunar (kartel) þar sem íbúarnir sem þola ekki Bismarck-naglana reyna að halda þeim saman.

6. Restina þekkja allir.

Í kringum þetta hæli vitfirringa meginlandsins, hoppa svo og skoppa gervihnattalöndin, sem föst eru á sporbraut um það, og krónískir Þýskalands-fetistar álfunnar fá standandi pínu á ný, dulbúna sem eins konar menningarlegt fagnaðarerindi. Allt í einu hættir þessi Þýska-Úkraína umlukin stuðpúðalöndum á alla kanta nema í suðri -því þar er bara grjóttappinn sem heitir Alpafjöll- að vera vettvangur 50 ára glæparannsóknar vegna síðasta kasts, þar sem allt og allir sem eru fastir í byggingu þess, voru brotnir í spón. Öllum gögnum vegna síðustu vettvangs-rannsóknar er þá hent í ruslið, því herr Frankenstein er mættur á staðinn á ný, klár í næsta kast. Svo er kveikt í gögnunum frá síðustu vettvangsrannsókn (les: pappírsbunkum ESB) því gera þarf pláss í skápunum fyrir niðurstöðurnar úr næstu og nýjustu vettvangsrannsókn. Þeir sem þá enn hafa hár á höfðum sér til að rífa í, skilja að vonum ekki neitt, og tæta það af sér og mæta sköllóttir til leiks, með sinn tóma haus. Deyja svo út, og næstu kjánar taka við keflinu.

Kveðjur

[Húsari. (IP-tala skráð) 25.11.2019 kl. 08:42]

Sæll Gunnar.

Bismark - Hitler - Gauck og Merkel - AfD !!

Geri aðrir betur í að setja þetta í samhengi!

[Gunnar Rögnvaldsson, 25.11.2019 kl. 10:22]

Þakka þér Húsari.

Það er ekki hægt að segja annað en hin pólitískt geðfirrta teppasprengju-hugmynd Angelu Merkels um að kalla eftir innrás geimvera utanfrá, hafi heldur betur ýtt við stóra pendúlnum. Sá skammtur hennar af geðfirru hefur svo sannarlega virkað. Flokkurinn hennar er að gufa upp og pólitískir samstarfsmenn hennar til margra áratuga eru farnir eða á förum og það sýður og kraumar á þjóðinni, sem þarf að búa við þetta á meðan elítan sér um sig.

Ofan í þá firrtu hugmynd kemur síðan 30 ára heimtufrekja allra kanslara landsins þess efnis að Bandaríkin á Vesturhveli jarðar niðurgreiði landvarnir þessa furðulega ríkis á Austurhveli sömu plánetu. Sendi bara niðurgreiðslur sí svona yfir hálfan hnöttinn og séu ofan í kaupið barðir í andlitið fyrir greiðann. Þess vegna eru 98 prósent allra frétta um Bandaríkin í þýsku sjónvarpi algjörlega neikvæðar. Þær minna nefnilega Þjóðverja á sinn eigin aumingjaskap. Bandaríkjahatur mælist nú mest í Þýskalandi af öllum löndum. Er þetta ekki dæmigert fyrir Þjóðverja. Þetta minnir á ástæðu- og innistæðilaust grenj þeirra um Versalasamninginn á sínum tíma. Það væl var 95 prósent falskar fréttir.

Ofan í niðurgreiðsluhugmyndina kemur síðan hugmyndin um að þetta fjórða stærsta hagkerfi geti verið með mesta viðskiptahagnað heimsins á kostnað Suður-Evrópu og Bandaríkjanna og flutt úr helming landsframleiðslu sinnar. Reynið að ímynda ykkur ástandið í Mexíkó, Kanada, Þýskalandi og Kína ef Bandaríkin gerðu hið sama. Öll þau lönd væru þá sviðin jörð. Bandaríkin flytja út 12 prósent landsframleiðslu sinnar og helmingur þess fer til Kanada og Mexíkó. Þess vegna munu þau sigra í viðskiptastríði, því þau eru svo gott sem ónæm fyrir þeim.

Og eina ástæðan fyrir því að Þýskalandi tókst að kýla út vömb sína svona, er náttúrlega evran sem það notaði hina gömlu skóflu Bismarcks til berja saman sér í hag og þar með til að falsa gengið og til að moka saman hrúgum sér einu í hag.

Og ofan í þá brjáluðu og lífshættulega slæmu hugmynd sem allir hagfræðingar með fulu viti vöruðu við, þegar hún var sjósett, þá tókst kanslara Sósíaldemókrataflokksins að búa til hálfgerðar þrælabúðir úr vinnuafli landsins. Þýskaland er því láglaunaland.

Hægt er svo að enda hér í bili með því að benda á 14 milljónir Þýðverja sem gerðir voru brottrækir frá heimilum sínum og máttu gjöra svo vel að labba heim og inn fyrir ný landamæri Þýskalands árið 1945, en sem fengu ekkert, á meðan mokað hefur verið viðstöðulaust í það sem sumir kalla enn "flóttamenn" í Platestínu; þeir fengu milljarða ofan í milljarða dala á meðan þýskir fengu ekki neitt. Og nú eru þeir og afkomendur þeirra að vakna til meðvitundar um stöðu sína austar í Þýskalandi; þeir eru sennilega fjórðungur þjóðarinnar núna.

Hér má sjá nokkur startskot:

1. Germanys far-right AfD aims at a forgotten demographic

2. Longtime Merkel critic resigns from CDU over migrants

3. CDU politician Steinbach defends "racist" tweet

Og eins og allir vita þá eru allar sjálfsvarnir á Vesturlöndum kallaðar annað hvort "fasismi" eða "faslistalegt" - eða "rasismi" og "rasistalegt". Meira að segja þegar Bretar kjósa að yfirgefa þetta vitfirringarhæli sem heitir ESB, þá er það kallað "fasistalegt". Það er gert vegna þess að elítan er föst í ESB á meðan borgararnir vilja út. Elítan þjónar ekki borgurunum, eins og allir vita. Þess vegna mælist Marine Le Pen með 45 prósent fylgi gegn forsetanum í Frakklandi núna, og Salvini á Ítalíu er önnum kafinn við að smíða rottugildrur á evruna innanfrá, sem hann mun setja upp þegar hann kemst að.

Gjörið svo vel. Verði ykkur að góðu EES.

Kveðjur

[Bjarni Jónsson, 25.11.2019 kl. 11:44]

Endursameiningu Þýzkalands 1990 var klúðrað.  Austur-Þjóðverjar voru niðurlægðir, t.d. með því að brjóta hagkerfi þeirra niður og með yfirtöku Wessies á hagkerfinu og ýmsum valdastöðum.  Grundvallarmistök hjá Helmut Kohl að framkvæma Anschluss í anda Þriðja ríkisins 1938 og einni sameiginlegri mynt strax.  Þessu varð að gefa meiri tíma og hafa hlutfall myntanna í byrjun t.d. 1:3 og leyfa Ossies að fóta sig í frjálsri samkeppni. Nú er óánægjan að brjótast út með fylgisaukningu AfD.  Í vesturhlutanum eru aðrir kraftar að verki. 

[Gunnar Rögnvaldsson, 25.11.2019 kl. 19:34]

Þakka þér Bjarni.

Já, mikið er ég sammála þér.

Kveðja

[Gunnar Rögnvaldsson, 25.11.2019 kl. 22:59]

Donabass 1 og Donbass 2 =>

=> eða ætti maður að segja Oderbass 1.

Já Bjarni. Transferunion virka aldrei. eins og Hans-Werner Sinn hefur margbent á. Um það bil 1,6 billjón dala "stimulus" út um gluggann í Þýskalandi.

Evran er eins.

ESB er eins.

Suður- og Norður-Ítalía er eins.

Og austur og Vestur-Þýskaland er eins.

Þvæla frá upphafi til enda.