Hvað gerðist í síðasta heiladauða Evrópu? Svar hefur borist að handan. ESB-svindl og NYT [u]

Jú það sem engum datt í hug að gæti gerst; valdajafnvægið á meginlandi Evrópu hrundi á aðeins sex vikum. Þá voru Frakkland og Bretland stórveldi og Bandaríkin þóttu kúrekar og hálfgerðir bjánar. Viðurstyggð myndaðist í varamáli manna er þjónninn með stjarft andlit birtist og sagði ráðamönnum að borist hefði símskeyti frá "a place called Washington", sem hann rétti að þeim á silfurbakka með flísatöng, svo þeir gætu "pikkað" það upp og flissað. Bæði stórveldin stunduðu friðþægingu og skriðu um á jörðinni af ótta við að búðingurinn myndi hristast á borði herr Hitlers. Sama hegðun er stunduð í dag gagnvart Rússlandskeisaranum, sem er að endurreisa sovétið sitt

Fyrir Bandaríkin er NATO að verða gildra. Aðeins þau eru klár í slaginn. Aðeins þau eru með græjurnar og aðeins þau eru með mannskap og getu til að beina valdi hvert sem er, hvenær sem er, alla daga ársins. Það eru því Bandaríkin sem hendast af stað þegar kallið kemur. Ekki valdalaus og getulaus Macron né gufugleypirinn Merkel á kústskafti þýska hersins (hann á bara eitt, og því stjórnar 27 manna nefnd)

Eitt það versta sem fyrir Bandaríkin getur komið er að kallið komi, en vegna 30 manna nefndar með 90 fyrirvörum, þá tapast tími og bandarískum mannslífum er fórnað í þvælu með því að láta stöðuna brjótast úr böndum, en sem hægt hefði verið að hafa fulla stjórn á ef brugðist væri við með það sama: immed. Þess vegna eru Bandaríkin á "stand by". Þau hendast af stað þegar kallið kemur. Það tekur sig ekki að bíða eftir hinum, þeir flækja bara málin og eru hælbítar

Nefndarmaðurinn Macron og gufugleypan Merkel eru því víðs fjarri á þeim stöðum sem harðast verður sótt að til að komast sem lengst inn í Evrópu með skyndárás. En þar eru Bandaríkin NÚNA, en ekki þau

Það er martröð fyrir Bandaríkin að þurfa að búa við þetta. Þau bíða því eftir að meginland Evrópu gangi nú loksins í NATO og geri sitt; en sem löndin þar geta náttúrlega ekki og munu aldrei geta, því þetta er jú meginland taparanna

NATO er hernaðarbandalag og þannig bandalag þarf her. Annars verst það engum. Hvað ert þú með mikið af eignum í loftinu? Á sjó, undir sjó og á landi? Hvar er kjarnorkuvopnafælnimáttur þinn? Hvar eru græjurnar ykkar á sporbraut um jörðu? Hvernig ætlið þið að blinda óvininn og granda græjum hans á sporbraut? Af hverju er nánast allt tíðnisvið ljósvakans hjá ykkur selt og gefið burt til fyrirtækja og Kínverska kommúnistaflokksins. Hvernig ætlið þið að tala saman án þess að allir séu að hlusta, og á hvaða tungumáli. Esperantó kannski, eða latínu?

Það er svo sem skiljanlegt að Macron vilji vígbúast fyrst, eða að minnsta kosti áður en Merkel kemst í sokkana. Eða eigum við kannski að leyfa henni að vera á undan? Allir eru jú svo góðir í þessum 27 manna klúbbi getuleysingja, þannig að við leyfum Þjóðverjum að vera fyrstir. Er það ekki. Macron skellir bara níundu rúgbrauðssinfóníunni á fóninn á meðan - tralla a lalla la la - hún er löng - og kvalarfull

Já það er erfitt að brjótast úr vöggu og læra að skríða. En það mun hins vegar ekki gerast. Tottið því bara snuðin og babblið áfram

..uppfært: föstudagur, 8. nóvember 2019 kl. 21:06:26 IST

MEINTUM HEILADAUÐA SVARAÐ

Það tók ekki langan tíma þar til að svar barst að handan. Annegret Kramp-Karrenbauer varnarmálaráðherra Þýskalands hefur brugðist við umræddum NATO-heiladauða Emmanuel Macrons á þann veg að:

1. Þýskaland auki útgjöld sín til varnarmála þannig að þau verði komin upp í tvö prósent af VLF árið 2031

2. Að Þýskaland stofni þýskt þjóðaröryggisráð

3. Að Þýskaland muni í auknum mæli nota aukinn herafla sinn til að gæta hagsmuna Þýskalands

Þetta passar upp á hár. Þegar evran springur í loft upp þá mun Þýskaland geta notað nýjan Luftwaffe sem innheimtustofnun til að rukka evrulöndin um þúsund milljarða evra sem TARGET2 greiðslukerfi evrunnar milli seðlabanka er í mínus um

...fullt stopp. Yfir til þín Emmanuel..

AUKABITAR FRÁ ESB OG RÚSSLANDI

Segið svo að "post-truth" sé ekki að gefa undan

• Spánn hyggst ekki fara eftir né fylgja refsiaðgerðum Bandaríkjanna gegn Kúbu (Helms-Burton Act). En á Kúbu er stjórnstöð sósíalismans við að koma Venesúela aftur á steinöld. Spænska ríkisstjórnin segir að hún muni ekki beygja sig vegna 16 spænskra fyrirtækja sem starfa á Kúbu. Spánn ætlar sér að nota ESB sem skjöld í málinu. Á Spáni dúsa nú þjóðfrelsismenn Katalóníu í dýflissum, næstum án dóms og laga

Bíddu var það ekki þetta sem glóbalistarnir voru að reyna að koma á koppinn síðustu 30 árin. En svo þegar hann (isminn) bitnar á þeim sjálfum þá á bara ekki að fara eftir neinu. Merkilegt

• Rússland er í svipuðum "vandamálum", eins og Íslendingar vita einna landa best. Þar ætlar Komma Zar Pútín að leysa málin með því að stærstu rússnesku fyrirtækin sem verða fyrir barðinu á refsiaðgerðum Bandaríkjanna –vegna innlimunar þeirra (anschluss) á Krímskaga í Rússland– sleppi við að opinbera ársreikninga sína. Hvílík paradís fyrir þið vitið hvað. Jú, fyrir Komma Zar Pútín

• Evrópusambandið ætlar að styrkja Tyrkland með 50 milljónum fjárkúgunar-evra sem eiga að fara í að "styrkja" tyrknesku landhelgisgæsluna og "bæta" aðstæður "flóttamanna" í Tyrklandi, sem sambandið með milljörðum evra hefur borgað Erdogan fyrir að halda til baka (látið hann fjárkúga sig)

Mikið er veldi Evrópusambandsins. Hvernig skyldi annars ganga með ítölsku mafíuna í ESB. Fær hún kannski líka greiðslur, til dæmis við matvælaeftirlit fyrir Brussel

Á blaðamannafundinum sumarið 2008, er OLAF-ársskýrslan fyrir árið 2007 um fjársvindl í stofnunum Evrópusambandsins var kynnt, þá gerðist það merkilega að hvorki málaflokksábyrgur Siim Kallas kommissar frá Eistlandi, né heldur hinn þýski Franz-Hermann Brüner yfirmaður sjálfrar OLAF-rannsóknarskrifstofunnar um ESB-svindl, voru til staðar. Þar kom nefnilega í ljós að í 60 prósentum af þeim málum sem embættinu hafði tekist að rannsaka og upplýsa, voru það aðeins fimm lönd sem stóðu fyrir 400 af 666 tilfellunum. Það voru löndin Þýskaland, Ítalía, Rúmenía, Búlgaría og Belgía. Um var að ræða svindl upp á rúmlega átta milljarða evra, sem var þó langt í frá það svindl sem um var að ræða, því aðeins það sem komst upp um var með í OLAF-skýrslu ársins. Þessu greindi Jótlands Pósturinn frá þann 22. júlí 2008

Aldrei hefur þurft að leita á náðir New York Times um fréttir af svindli og spillingu í stofnunum Evrópusambandsins. Íslendingar hafa bara aldrei vitað neitt um hvað er að gerast í Evrópusambandinu, né heldur um hvað það snýst. Þetta hlustaði ég á og las um í dönskum fréttum í tæplega 30 ár. Þetta er sjálft erfðaefni sambandsins; þ.e. svik, spilling og prettir. Eina ástæðan fyrir þessum fréttum í NYT núna er sú að líberalistunum þar er illa við þá sem eru helstu tilvistarlegu bandamenn Bandaríkjanna í Evrópu; þ.e. Intermarium-löndin í austri. Þeim á NYT er illa við þá sem stóla á Trump, svipað og Washington Post hataði Nixon út af lífinu. Engri Watergeit er þó sigað á ESB og heldur ekki á neina kanslara né forseta þar. Þetta heldur bara áfram, frá og með fyrsta túkalli sem innheimtur var í tóma kassa sambandsins, plús falda og skattfrjálsa lífeyrissjóði 1100 stjórnmála- og embættismanna Evrópusambandsins í skattaskjólum Lúxemborgar, sem komst ekki upp um nema fyrir þær sakir að hann varð gjaldþrota, því græðgi þeirra var svo mikil að þeir höfðu tæmt sjóðinn og skilið hann tóman eftir í skuld sem lenti á skattgreiðendum. Á sama tíma lágu margir þeirra sem bótaþegar á skattgreiðendum heimalanda sinna, án þess að gefa neitt upp um sjóðina í Lúx. Þetta mál grasseraði árin í aðdraganda evruskuldakreppunnar 2009 og purfti ekki "popúlista" til, því líberalistar og ESB-alkar höfðu þá ekki enn fundið upp það nýja, bilaða- og heiladauða heiti á hugmyndafræðilega andstæðinga sína. Mesti "popúlisti" allra tíma er sennilega sjálft Evrópusambandið, en þó sérstaklega evra þess

Hlustum í 25 mínútur á Conrad Black lávarð af Crossharbour segja frá Watergeitinni sem bandarískir fjölmiðlar siguðu á Nixon, og svo hins vegar það sem hann segir um minni þjóðarinnar. Hann skrifaði nefnilega ævisögu um líf og störf Richards Nixons. Bandaríska þjóðin er á mjög svo verði. Hún treystir ekki fjölmiðlum landsins frá og með þá, enda ástæðulaust

Fyrri færsla

Frakkar loka á heilbrigðisþjónustu fyrir hælisleitendur; "Post-truth" endar [u]

Macron: Nató samstarfið upplifir heiladauða

Athugasemdir

[Jón Þórhallsson, 8.11.2019 kl. 12:59]

Hvar er hættulegasta  "GRÝLAN" á ferðinni?

Eru það rússneskir kafbátar?

Er það Huwai símkerfi kínverja?

Eða hvar er mesti núningurinn á milli NATÓ og kína/rússa?

[Gunnar Rögnvaldsson, 8.11.2019 kl. 13:12]

Klárlega Evrópusambandið Jón.

Það hefur kveikt í Evrópu - og valdið holdsveiki - þar.

Kveðja

[Halldór Jónsson, 8.11.2019 kl. 13:36]

Raunsæ greining á getuleysi Frakka og Þjóðverja. Algerlega impotent forysta.

[Gunnar Rögnvaldsson, 8.11.2019 kl. 15:44]

Þakka þér Halldór.

Já Þjóðverjar eru veikir fyrir rússneska holdinu. Og hvað Frakka varðar, þá langar þeim eðlilega að móta meginlandið á ný að franskri fyrirmynd, nú þegar þeir eru búnir að missa stjórn á Evrópusambandinu og eru að missa stjórn á Frakklandi líka. Þetta er síðasta útkall frá loftslaginu sem gufaði upp: Parísarósamkomulagið á valdaöxli Lotharingia. Fransk-þýska bjánabúlla getuleysis hinna fyrrverandi af öllu sem fyrrverandi er.

Þetta náttúrlega gleður og hvetur sovétríkið hans Pútíns áfram. Hann er svo gott sem búinn að rétta út beygluna í suðri og byrjaður á þeirri sem kýldist inn í vestri. Hann sagði að fall þeirra 1989 hefði verið mistök árþúsundsins. Og hann hefur bara gefið fólkinu heima eitt einasta kosningaloforð öll þessi ár: að endurreisa veldi Sovétríkjanna. Það eina sem tefur hann þessi árin er lágt olíuverð. Það var ekki með í áætlun hans. Kannski að Austur-Þjóðverjar geti aðstoðað hann. Það er aldrei að vita.

Kveðja

[Ragnhildur Kolka, 9.11.2019 kl. 17:37]

Hvernig er það Gunnar, eru endurskoðendur farnir að skrifa uppá ársreikningar sambandsins aftur? 

[Gunnar Rögnvaldsson, 9.11.2019 kl. 19:03]

Þakka þér Ragnhildur.

Þá lá við að ég segði þér að endurskoðendur hættu aldrei að skrifa upp á ársreikninga Sambandsins (SÍS).

En svo áttaði ég mig þá því þú átt við sambandsleysið þarna úti, þ.e. Evrópusambandið aka Grosswirtschaftsraum Deutschlantis.

Það hugsa ég nú ekki Ranghildur. Get varla ímyndað mér að sú uppáskrift sé fáanleg enn.

En kannski að Paul Krugman viti það, því hann spáir því hér, að evrusvæðið verði bæði eldsupptök og sprengigígur næsta fjármálahruns.

"These are big problems, severe enough that I would not be surprised if Europe is the epicenter of the next global crisis."

- segir Keynesian-istinn sá, sem heldur enn að allt lagist ef bara að ríkið sé nógu svæsið stór hluti hagkerfisins. En peningapólitík hefur hann þó ágætis vit á. Það vill bara enginn búa í óskahagkerfi hans. Nema hann sjálfur og Kenneth Galbraith í sovésku andaglasi.

Kveðja