Frjálsir markaðir aðeins í þjóðfresli þjóðríkja

Aðeins þjóðríki eða þjóðfrjáls lönd geta skaffað umgjörðina og jarðveginn fyrir frjáls hagkerfi með frjálsum mörkuðum, og þokkalega virkandi kapítalisma. Afbökun á þessum sögulegu staðreyndum sjáum við í dag þar sem verið er að reyna að innleiða eins konar markaðsríki í stað þjóðríkis. Það mun ekki ganga upp, heldur aðeins enda í gamalþekktum helvítum hámenntaðra plebba af slæmum en dulbúnum ásetningi

Þú getur ekki sýnt frjálsum markaði og kapítalisma tryggð og hollustu án þess að hollusta þín og tryggð við þjóðríkið þitt og þjóðfrelsið sé mörgum sinnum æðri en tryggð og hollusta þín er við frjálsa markaði. Tryggð og hollustu við arfleiðina, maka þinn, börn, ættbálkinn, sjálfa þjóðina þína og menningu hennar, velferð og farsæld þjóð-félagsins. Frjálsir markaðir geta aðeins verið frjálsir í þjóðfrelsi þjóðríkjanna, því aðeins þjóðríkin og þjóðfrelsið geta skaffað borgurunum takmarkað ríkisvald. Heimsveldum þarf hins vegar ávallt að halda saman með terror hins ótakmarkaða ríkisvalds

Frjálsir markaðir verða að búa við takmarkað ríkisvald því annars breytast þeir í alræðisstjórnarfar þar sem þeir sjálfir verða ofríkið. Nýjustu dæmi þannig misfóstra sjást í Evrópusambandinu og Kína í dag. Kína er þegar helvíti á jörð -spyrjið fólkið í Hong Kong- og Evrópusambandið er að verða það líka, eins og sést til dæmis á orkupökkum þess, og á þeim menntaða liðsöfnuði háplebba sem studdi þá

Heimsveldi umrótsmanna líberalismans geta aldrei skaffað eða alið af sér takmarkað ríkisvald. Þeim er bara hægt að halda saman með ótakmörkuðu ríkisvaldi. Og þegar þau reyna að innleiða frjálsa markaði þá verða þeir næstum samstundis markaðsofríkið sjálft

Svo langt er klikkun dagsins í dag náð meðal fræðiplebbamanna og fjölmiðla, að þeir menn hanga flesta daga ársins úti á heilaþvottasnúrum líberalismans (þ.e. imperíalismans) og halda því fram að ekki megi sporna við alræðisófreskjunni Kína, af tillitssemi við "glóbal", þ.e. "hnattrænar afhendingarkeðjur". Það sama var sagt í Svíþjóð þegar ekki mátti trufla afhendingarkeðjur til Hitlers. Enda aðhylltust sænskir sósíaldemókratar og margir aðrir heimsveldi og kenningar nasismans, sem evrópskt hámenntaðir fræðimenn unguðu út í lok nítjándu aldar, og sem Hitler síðan innleiddi og framkvæmdi snemma á tuttugustu öld. Heilabú þessa fólks er haldið sama þurrafúa líberalismans í dag. Ekkert má gera sem raskað getur einræði markaðarins, sem orðinn er ofríki, þökk sé ótakmörkuðu ríkisvaldi. Þetta eru og verða ávallt ófreskjur. Evrópusambandið er til dæmis þegar orðið ófreskja eins og sést. Og það styttist í helvíti þess

Þetta orkupakk á heilaþvottasnúrum imperíalismans myndi fara að grenja úr áhyggjum í dag ef að Bandaríkin væru að lýsa yfir sjálfstæði sínu núna. Reynið að ímynda ykkur fréttafyrirsagnirnar og áhyggjurnar um "pólitíska óvissu". Orkupakk þurrafúa líberalismans myndi einnig umhverfast af skelfingu ef að Ísland væri að lýsa yfir fullveldi í dag. Þetta er handónýtt þurrafúafólk úr Heiðnikirkjuveldi háskólanna, þurrafúið út í gegn úr markaðskirkju líberalismans (sem er imperíalismi nútímans). Þetta fólk veit ekki hvað það er að biðja um. Það veit ekki hvað það er að dýrka við markaðsaltari hins ótakmarkaða valds ofríkisins

Það er því ekki tilviljun að Bretland og Bandaríkin eru byrjuð að gera upp sakirnar við djöfullegan imperíalisma þennan í dag. Anglo-Ameríkan-arfleiðin er Hans Sóló, Fálkinn og Krafturinn

Fyrri færsla

Eftir þriðja orkupakka heimsveldis í smíðum

Athugasemdir

[Haukur Árnason, 10.9.2019 kl. 11:01]

Góður Gunnar.

" Ekkert má gera sem raskað getur einræði markaðarins, sem orðinn er ofríki, þökk sé ótakmörkuðu ríkisvaldi. Þetta eru og verða ávallt ófreskjur. Evrópusambandið er til dæmis þegar orðið ófreskja eins og sést. Og það styttist í helvíti þess"

[Kolbrún Hilmars, 10.9.2019 kl. 12:30]

Sjálf skil ég hugtakið "frjáls markaður" þannig að kaupandi og þjónustu/vörusali megi sjálfir ákveða hvort viðskipti þeirra séu aðeins einskiptis eða samin um fyrir (jafnvel tímabundið) lengri tíma.  Það er ekki frjáls markaður sem skikkar viðkomandi til ævarandi viðskiptasambands.

[Gunnar Rögnvaldsson, 10.9.2019 kl. 14:33]

Þakka þér Haukur. Og þakka þér Kolbrún.

Já það er mikið rétt hjá þér Kolbrún. Og svo þýða frjálsir markaðir einnig það að ekki sé hægt að þvinga þjóð til að setja hvað sem er á markað. Að hún ráði því hvort að til dæmis raforka sé grunnþjónusta og almannagæði í þjóðareign eða ekki, og að landið hennar sé ekki til sölu sama hvað er í boði. Að fólk sé ekki selt. Að ekki líðist félagsleg undirboð erlendra sem segja að það sé réttur þeirra, en sem það er náttúrlega ekki. Að bankahrun valdi því ekki að menn viti sínu fjær leyfi markaði með eignarhluta fyrirtækja að hrynja til grunna og stúta hagkerfi þjóðar. Meira að segja slíkt er ekki liðið í markaðsfrjálsasta þjóðríki heimsins; Bandaríkjunum. Þannig viðskipti eru einfaldlega stöðvuð, þar til menn hafa náð áttum. Þjóð ræður sínum markaðsmálum sjálf. Geri hún það ekki þá þýðir það að hún býr ekki við takmarkað ríkisvald, heldur erlent alríkisvald og þjóðfrelsi hennar er þá farið. Þá býr sú þjóð við alræði markaðsríkis. Öllu hefur þá verið snúið á hvolf. Þjóðin er þá til fyrir markað, en markaður ekki lengur til fyrir þjóðina, fyrst og fremst.

Kveðjur

[Þorsteinn Siglaugsson, 10.9.2019 kl. 21:17]

Þetta er langur og einkennilegur samsetningur. En kærar þakkir. Eftir að hafa lesið þetta skilur maður betur hvernig misskilningur á einföldum hugtökum leiðir stundum af sér furðulega heimssýn.

[Gunnar Rögnvaldsson, 10.9.2019 kl. 23:18]

Þakka þér fyrir innlitið og lesturinn Þorsteinn.

Kveðja

[Gunnar Rögnvaldsson, 11.9.2019 kl. 00:05]

Forsetinn Guðni, sem óttaðist "pólitíska óvissu" ef ekki tækist að drekkja íslensku þjóðinni með ICEsave skuldum nýlendusinnaðra-óreiðumanna, hélt ræðu á Alþingi í dag, þar sem hann sagði að óttinn sem hann hafði sé það eina sem þurfti að óttast. Forsetinn óttaðist þar með sjálfan sig.

Merkilegt, ef ekki stórfurðulegt, og jafnvel sprenghlægilegt. Forsetinn er einn maður í dag og annar á morgun.

Ekki mátti styggja úníversal markaðsalræði ESB-imperíal-heimsveldisins af ótta við stjórnarfarslegan úníversal ofstopa þess, eins og ég kom inn á hér að ofan. 

Hús fjötranna bregðast ekki, frekar enn fyrr á öldum. Þau eru og verða ávallt bara hús fjötranna.