Styrkur Asíu

1. Hong Kong. Er að springa í loft upp, og hvers líf er í höndum Bandaríkjanna, efnahagslega og tilvistarlega, og peningamálalega alveg

2. Kína. Einræðisherradæmið Kína er með þúsund milljón fátælinga í örbyrgð og sem geta ekki beðið eftir því að kála hinum sem hafa það tvöfalt betra en hryllilegt. Hálfnuð bylting kommúnista sem aldrei ætlar að ljúka. Fullkomlega misheppnaður pólitískur atburður í mannkynssögunni eins og í sovét. Pólitísk framtíð landsins kolsvört. Er krónískt háð útflutningi. Yfirþyrmandi stærsti viðskipavinur þess eru Bandaríkin. Kína er háð innflutningi á olíu. Vinnuafl þess er við það að byrja að minnka hratt. Enginn vil flytja til Kína. Enginn, bara alls enginn. Raun-efnahasstærð Kína er um einn þriðji af því sem sagt er, þegar froðunni verður sópað burt af efnahagslíkhúsum einræðisherradæmisins. Þarna gengur allt svo ofboðslega vel að það þurfti að fjórfalda einræðisherravöld forsetans í einum grænum hvelli. Fjórfalda þau. Vestrænir (fjöl)miðlar túlka það sem stórt merki um velgengni. Þeir muna nefnilega eftir herra Hitler, hann komst til valda vegna þess að það gekk svo rosalega vel í Þýskalandi, ekki satt

3. Taívan. Meiri útflutningur. Líf landsins algjörlega háð velvilja Bandaríkjanna

4. Japan. Átti samkvæmt herra Öllum að taka fram úr Bandaríkjunum og var 16 prósent af heimshagkerfinu 1987. En er í dag aðeins sex prósent. Annað eins hrun hefur ekki sést nema í stórstyrjöld. Lifir á útflutningi, einkum til Bandaríkjanna, sem einnig sjá um varnir þess að mestu

5. Indónesía. Já einmitt það. Er sennilega á leið í útflutning til Úranusar

6. Víetnam. Eins og restin af Asíu. Á leið inn í útflutningsmódel fátækra Asíuríkja. Hvað annað

7. Suður Kórea. Ókei, já ríkt, en samt algerlega útflutningsháð

8. Norður-Kórea. Ja hérna. Kannski endar það undir vernd Bandaríkjanna. Hver veit. Þá geta þeir byrjað að "flytja út" - til Úranusar

Enginn á Vesturlöndum hlustar á svo mikið sem einn tón af tónlist álfunnar. Jú tvo, ding dong í dyrabjöllum

En hver veit nema þetta takist á meðan Ísland og Evrópa berjast við að minnka lofttegund sem er 0,04 prósent af gufuhvolfinu, um eitthvað eitthvað. Við erum líka með okkar Kína. Það heitir Þýskaland

En kannski að Indland gæti orðið spennandi með sínar hundrað ríkisstjórnir og tvö hundruð tungumál. Haldið þið það ekki

How about it frú.. kva.. ja hérna.. verð að fletta þessu upp.. hvað heitir hún nú aftur.. arftaki Merkels.. jú hérna kemur það.. já hérna er það, hún heitir Annegret Kramp Karrenbauer! Hvernig líst þér á þetta, frú AKK? Má bjóða þér að lesa Mein Kína-export-kampf

Sovétríkin voru hættulegust á meðan þau voru að hrynja fyrir fullt og allt. Árið 1983 var sennilega eldfimast

Fyrri færsla

Frjálsir markaðir aðeins í þjóðfresli þjóðríkja

Athugasemdir

[Halldór Jónsson, 11.9.2019 kl. 20:58]

Þú gefur sjaldgæfa yfirsýn yfir vítt svið Gunnar. Frábær pistill að mínu viti og ég hugsa að Trump myndi lesa þetta með ánægju. 

[Gunnar Rögnvaldsson, 12.9.2019 kl. 00:41]

Þakka Halldór.

Þýskaland er samt verst. Helming landsframleiðslu þess þarf að flytja út. Allt heima fyrir er rúst. Handjárna þurfti því 25-innflutningsnýlendur við það og læsa þær fastar við það með einni mynt. Þetta endar að sjálfsögðu alveg svakalega vel, ekki satt.

Já nú eru embættismennin í mýri Washingtonborgar fúlir út í Trump. Hann rekur þá bara ef þeir hlýða honum ekki. Bolton kom fljúgandi út um glugga Hvíta hússins í gær, ekki einu sinni með frímerki límt á afturendann. Þarf bara að fara heim.

Kveðja

[Jónas Gunnlaugsson, 12.9.2019 kl. 09:30]

Þetta er forvitnilegt, Kína er ekkert grín.

Hér er smá umfjöllun.

slóð

Kína samtals, bætt við sig, 6 milljón ferkílómetrum, land Tíbet og hafsvæði. Nær 800 km suður og langt inn í 200 mílna landhelgi Víetnam, Indónesíu, Malasíu, Bruney, og Filipseyja. Nasistar réðu mest 3,9 milljónum ferkílómetra í Síðari heimsstyrjöldinni.

Jónas Gunnlaugsson | 5. febrúar 2019

Egilsstaðir. 12.09.2019  Jónas Gunnlaugsson

[Gunnar Rögnvaldsson, 12.9.2019 kl. 14:41]

Þakka þér Jónas.

Já Kína reynir að blása sig upp í þann vindhana sem það auðvitað er, og lítið annað. 

Kína getur ekki tekið Taívan. Það hefur ekki afl til þess. Þess vegna ræður Kína ekki yfir Tavían. Það er ófært um að taka það.

Bandarísk og Kanadísk herskip sigla um Taívansund og Suður-Kínahaf eins og þeim sýnist. Og fleiri þjóðir sigla herskipum sínum þar um. 

Vissulega eru Kínverjar að reyna að setja sig í þær stellingar á Suður-Kínahafi að þeir komist í þau spor að geta haft valdaáhrif lengra út á Kyrrahaf. 

En staðreyndin er sú að Kína er ekki flotaveldi. Það er reyndar ekkert-veldi í neinum venjulegum skilningi orðsins, nema þá heimsveldi á sviði fátæktar og ríkis-misheppnunar.

Kína er varla heimshlutaveldi miðað við Japan enn.

Þessi algerlega ótímabæri vindhanablástur Kína hefur kostað það hrikalegar ófarir, því hann kostaði það viðskiptasambandið við Bandaríkin.

Ég efast um að Xi forseti sem afhent voru gríðarleg völd, eigi langan tíma eftir í sæti sínu. Kommúnistaflokkurinn sér að flest það sem hann átti að gera með þessum völdum hefur hann klúðrað. Hann á varla langt eftir, held ég.

Nú þegar hafa myndast bandalög eins og til dæmis "fjórbandalagið" gegn Kína, og er það enn ein afleiðingin af vinhanablæstri kínverska forsetans.

Belti og braut liggur í tætlum og hið sama gildir um AIIB.

Fíllinn Xi steig í spínatbeð og vakti risaeðlu í vestri. Hún sveiflar um þessar mundir úrill halanum og það aldrei að vita hvar, hvernig og á hverjum hann lendir í Kína og kó.

Út á Kyrrahaf kemst Kína ekki með valdasprotann sinn á næstunni. Bandaríkin geta hins vegar sett Kína í hafbann og læst það inni. Það geta þau, gerist þess þörf. Og svo mun verða um mörg ókomin ár.

Kína er ekki á leið með að verða ríki með mikið meira en héraðsáhrif í sínum heimshluta, og bestu dagar þess eru þegar búnir, að mínu mati. Það mun ef illa fer renna inn í þann hóp sem kallaður er misheppnuð ríki.

Kveðjur

[Símon Pétur frá Hákoti (IP-tala skráð) 13.9.2019 kl. 15:41]

Feykilega athyglisverður pistill.  En þó finnst mér vanta að þú takir Indland með í þessa glöggskyggnu greiningu.  Og Pakistan.

[Gunnar Rögnvaldsson, 13.9.2019 kl. 16:41]

Þakka þér Símon Pétur.

Staðan á Indlandi er flókin. Mörg tungumál og stjórnmálahéruð. En Indland er eiginlega heimsálfa króuð og vernduð af á sínum eigin sökkli og á lítið skylt með Asíu.

Indland verður ókei vegna þess að Bretar voru þar, eins og þeir voru í Norður-Ameríku, Ástralíu og Nýja Sjálandi og sem eru fín lýðræðisríki í dag. Það sama er ekki hægt að segja um lönd Suður-Ameríku, sem voru undir meginlandslöndum Evrópu.

Indland verður sennilega ekki hundleiðinlegt útflutningsríki með hundleiðinlegum heimamarkaði. Það verður meira í ætt við engilsaxnesku hagkerfin. Breska arfleiðin sér fyrir því.

Pakistan er múslímaríki og verður það alltaf. Það er nú það.

Kveðjur

[Símon Pétur frá Hákoti (IP-tala skráð) 13.9.2019 kl. 17:07]

Takk fyrir greinargott svar þitt Gunnar.

Vonum samt að íslensk stjórnvöld selji ekki Indverjum raforku fyrir gagnaver.  Sá áhugi kom fram í heimsókn forseta þeirra.

[Gunnar Rögnvaldsson, 13.9.2019 kl. 17:16]

Þú meinar blikkhjallur með skröltandi hörðum diskum þar sem einn til fimm menn í landinu hafa vinnu við. Svipað og að gefa hrátt allt það sem landhelgin hefur upp á að bjóða af óunnum verðmætum.

Já og vona svo sannarlega ekki.