Leita í fréttum mbl.is

Eftir þriðja orkupakka heimsveldis í smíðum

Það er ansi merkilegt að ríkisstjórn og Alþingi Íslendinga -nema Miðflokkurinn- með Sjálfstæðisflokkinn í fararbroddi, hafi ákveðið að taka lög imperíal-heimsveldis fram yfir lög íslenska þjóðríkisins, og meira að segja ákveðið að setja þau ofar íslenskum lögum. Þetta er ekkert minna en gerræði þegar um ofboðslega mikilvæg mál er að ræða. Og sama má reyndar segja um flest önnur mál, þegar nánar er skoðað

Íslenska þjóðin varð fullvalda til þess að hún gæti stjórnað ríki sínu sjálf; þjóð-ríki hennar. Hún varð ekki fullvalda til þess að láta erlent og í óþokkabót algjörlega umboðslaust vald skipa sér fyrir í sínu eigin þjóðríki

Íslenska þjóðin er fullvalda. Það er ríkisstjórnin hins vegar ekki, og það er Alþingi heldur ekki. Fullveldið er á höndum þjóðarinnar. Það er ekki á höndum Alþingis né heldur ríkisstjórnarinnar, sem eiga að vera á höndum þjóðarinnar. Þjóðin ein getur sparkað þinginu, ríkisstjórn og forseta. Enginn getur hins vegar sparkað þjóðinni. Samt er það það sem ríkisstjórnin, þingið og forsetinn eru að gera. Þau eru að sparka þjóðinni og í hana

Öldum saman var íslenska þjóðin ekki fullvalda. Hún gat því ekki haft sína eigin ríkisstjórn. Þing þjóðarinnar var lokað. Það mátti ekki setja þau lög sem þjóðin vildi að sett væru, í hennar þágu. Þjóðin var í vösum erlendra yfirdrottnara, sárfátæk, kúguð og þjáð. Með því að hefja það gamla ferli til heljar á ný, hefur Sjálfstæðisflokkurinn í höndum fáráðlinga gert sig brottnuminn af þeim vettvangi sem hann dregur nafn sitt af. Það verða flokksmenn að gera sér klárt. Sjálfstæðisflokkurinn hefur verið þræddur upp á aðra lyklakippu

Harðir tímar eru framundan. En sem betur fer veit íslenska þjóðin, og reyndar margar aðrar þjóðir Vesturlanda líka, hver viðfangsefnin framundan eru: Þau eru að gera upp sakirnar milli þjóðríkjanna og hinna ýmsu heimsvelda sem þola þau ekki á ný. Sagan hefur því miður endurtekið sig og Vesturlönd þurfa að bretta upp ermar sínar á ný. Tungumál fólksins er sem betur fer að verða skýrt í þessum efnum. Fólkið er því vakna upp við vondan draum. Það er farið að gera sér grein fyrir því hvað er að gerast; Það er að segja, að mætt eru á vettvang hin gömlu skrímsli til að taka frelsið frá fólkinu; þjóðfrelsið

Evrópusambandið er imperíal-heimsveldi. Alþjóðaelítan er imperíal-heimsveldi. Glóbalisminn er imperíal-heimsveldi. "Alþjóðasamfélagið" er imperíal-heimsveldi. Sameinuðu þjóðirnar eru því miður að taka á sig þá mynd líka. Ómynd sem þeim var bara alls ekki ætluð. Sú stofnun hefur að miklu leyti verið grafin út innan frá af nýjum imperíal-heimsvaldasinnum

Það eina sem dugar á þetta er hin fróma Þjóðarstefna gegn imperíal-heimsveldum (e. nationalism vs. imperialism) sem gerði okkur á sínum tíma frjáls í okkar eigin landi, og sem önnur lönd tóku upp líka og urðu frjáls. Kirkjuklukkur þá hljómuðu og þjóðir skáluðu

Aðeins fullvalda þjóðríki geta boðið upp á lýðræði og aðeins þjóðríki geta boðið borgurunum upp á takmarkað ríkisvald. Heimsveldi geta hvorugt. Þau bjóða aðeins upp á það sama og síðast: kúgun, ótakmarkað ríkisvald -eins og sést til dæmis á erlendum orkupökkum- og endalausa harðstjórn og ánauð. Þeim verða þjóðirnar að fá að vera frjálsar frá. Bandamenn háðu Heimsstyrjöldina síðari og stuttu síðar Kalda stríðið til að kveða svona imperíal-heimsveldi niður. En þau eru komin til baka, hálfklædd og þegar byrjuð að þjarma að þjóðunum. Þau eru að þræða þjóðirnar upp á lyklakippur sínar

Látum hart mæta hörðu. Söfnum ofurefli. Því fyrr, því betra

Fyrri færsla

Kosningar á næsta leyti við næsta leiti


« Síðasta færsla | Næsta færsla »

Athugasemdir

1 Smámynd: Óskar Kristinsson

Blessaður Gunnar !!!

Og takk fyrir magnaðan pistil,Hann ætti heima í skólum landsins í staðinn fyrir helvítis alþjóðabulluklámið sem hangir um alla veggi skólanna.

Það er mörgum Íslendingum mikið niðri fyrir,og líður illa.

Og það verður með öllum ráðum að ræsa út þessa HELVÍTISHOLU sem að LANDRÁÐAMENN hafa komið okkur í.

KV af Suðurlandi

Óskar Kristinsson, 8.9.2019 kl. 09:04

2 identicon

Hér kemur þú Gunnar að kjarna málsins. 

Algjörlega sammála greiningu þinni í pistlinum.

Símon Pétur frá Hákoti (IP-tala skráð) 8.9.2019 kl. 11:40

3 identicon

Það er hverju þjóðríki óboðlegt, að þing þess og stjórnsýslustofnanir fari fremst í að brjóta Stjórnarskrá þess.  Og það skv. boðvaldi ESB.

Símon Pétur frá Hákoti (IP-tala skráð) 8.9.2019 kl. 13:06

4 identicon

Það er nú orðið ljóst, að núverandi ríkisstjórn Bjarna, Steingríms og Sigurðar Inga er leppstjórn ESB.

Það er engin furða að Styrmir Gunnarsson hvetji nú allt vel gert og heiðarlegt fólk til að afhjúpa og berjast af krafti gegn núverandi ríkisstjórn, leppstjórn ESB hér á landi, og embættismannahirðinni, "djúpríkinu" sem er beinlínis orðið helsta ógnin við lýðræði okkar, sjálfstæði og fullveldi okkar. 

Símon Pétur frá Hákoti (IP-tala skráð) 8.9.2019 kl. 13:25

5 Smámynd: Gunnar Rögnvaldsson

Þakka ykkur fyrir.

Já flestir ef ekki allir eru farnir að sjá í gegnum málið. Farnir að sjá í gegnum það að sala á fisk eða sala á X krefst orðið þess að skipt sé um þjóð í landinu, skipt sé um flokka í landinu, lýðræði sé fótum troðið og ótakmarkað erlent og umboðslaust yfirvald skipti Íslandi út fyrir sjálft sig (sem á tungumáli þjóðsvikara samfylkingarflokka er kallað aðlögun).

Það tók fólkið í Evrópu fjóra áratugi að sjá í gegnum þetta og Íslendinga þrjá. Þokubökkunum er að létta og fólkið sér að keisarinn er einungis gamalt nakið ofríki af allra verstu sort. Ofríki sem hvorki er hægt að kjósa burt né losna við, nema þá helst með hernaði og jafnvel fælnimætti kjarnorkuvopna.

Ekki eitt hár á höfði mér yrði hissa yfir því ef að Oliver Cromwell kæmi aftur í Bretlandi, risavaxnar fallaxir yrðu reistar í Frakklandi á ný og ef Þýskaland springi í loft upp og tæti álfuna í spað með hinu klassíska og eyðileggjandi miðflóttaafli þess. Evrópa breytist aldrei.

Það þýðir lítið að bíða eftir endurkomu Sjálfstæðisflokksins eins og hann var. Hann er farinn og kemur ekki aftur. Fólkið sem kaus hann er þegar farið og það er flest jafnvel nú þegar búið að endurmeta afstöðu sína til hans, og spyrja sig að því hvenær hann hætti að vera sjálfstæðisflokkur, og jafnvel þess hvort að hann hafi nokkru sinni verið það nema sem klofinn flokkur. Hann kom svo seint til sögunnar.

Og nú er hann alfarinn upp á lyklakippu sem þjóðin hefur ekkert um að segja. Hann kemur ekki aftur.

Kveðjur

Gunnar Rögnvaldsson, 8.9.2019 kl. 18:03

6 identicon

2/3 hlutar íslensku þjóðarinnar er andvígur inngöngu Íslands í ESB.

Þingmenn Sjálfstæðisflokksins eru á hraðferð núna að gefa 2/3 hluta þjóðarinnar fingurinn.

Þeir eru komnir út úr skápnum sem ESB aðlögunarsinnar sem brjóta Stjórnarskrá Íslands eins og þeim standi nákvæmlega á sama.

Það munu þeir fá að gjalda fyrir í komandi kosningum.  Þeirra bíður fylgishrun. 

Símon Pétur frá Hákoti (IP-tala skráð) 8.9.2019 kl. 18:53

7 Smámynd: Helga Kristjánsdóttir

Nákvæmlega frómt frá sagt Gunnar;"Íslenska þjóðin er fullvalda en það er ríkisstjórnin ekki og það er Alþingi heldur ekki"....Um leið og þú skýrir þessa hrollköldu staðreynd vaknar þjóðin úr dvala og fjötrarnir hrynja og sjá leiðina út með sínum hugrökku réttlátu foringjum. Lýðræðiðið heim!

Helga Kristjánsdóttir, 8.9.2019 kl. 19:47

8 Smámynd: Gunnar Rögnvaldsson

Kærar þakkir Helga

Hárrétt hjá þér.

Orð þín fóru einkar vel með sykurlegnum rabarbaraeftirrétti konunnar með þeyttum rjóma í eftirrétt. Gömul og góð uppskrift.

Góðar kveðjur

Gunnar Rögnvaldsson, 8.9.2019 kl. 21:30

9 Smámynd: Tómas Ibsen Halldórsson

ICExit er það sem þjóðin hlýtur að kalla eftir og verður væntanlega það sem kosið verði um í næstu kosningum.

Tómas Ibsen Halldórsson, 9.9.2019 kl. 11:34

10 Smámynd: Halldór Jónsson

Bravó Gunnar, þú ert sannur patríót.

Tibsen, tek undir með þér.

Bravó Helga.

Símon Pétur, sammála mörgu hjá þér..

Halldór Jónsson, 9.9.2019 kl. 13:19

11 Smámynd: Gunnar Rögnvaldsson

Þakka þér Tómas. Og takk fyrir góð orð Halldór.

Svo ég svari Símoni Pétri aðeisn aftur:

Hvað fær þig eða nokkurn mann til að halda að forysta Sjálfstæðisflokksins sækist eftir fylgi. Þau hafa það svo fínt þarna í litlu flokksholunni úr sófapullunum í humar-hummi og metoo-gaggi í stereó, með kyn á heilanum.

Sú dómgreindarskerta (kyn) sem lét mest með kristalnátta-nýnasistahreyfinguna MeToo (kyn) er að sjálfstöðu orðin dómsmálaráðherraína (kyn), eftir að hin (kyn) sú fyrri var blásin um koll af engu og Bjarni stakk hana í bakið eftir pöntun frá konu (kyn). Þarna er nýr leir sem embættismenn munu móta eftir sínu höfði.

Helstu fréttir dagsins eru þær að breski Íhaldsflokkurinn bætir við sig fullt af fylgi í síðustu könnun YouGov á föstudaginn. Ráðherraínan Amber Rudd kona (kyn) skreið út úr ríkisstjórn Borisar Johnsons um helgina. Það styrkir stjórn hans mjög og flokkinn allan sem nú er að verða hreinn Íhaldsflokkur. Þetta hefði Margréti Thatcher líkað. Hún hefði klappað, enda ekki með kyn á heilanum.

Bestu kveðjur

Gunnar Rögnvaldsson, 9.9.2019 kl. 14:18

12 identicon

Takk fyrir kjarnyrta athugasemd, sem ítarlegri útlistun, Gunnar.  Tek algjörlega undir orð þín.

Símon Pétur frá Hákoti (IP-tala skráð) 9.9.2019 kl. 20:39

13 Smámynd: Ómar Geirsson

Tek ofan hatt minn Gunnar.

"Það er ansi merkilegt að ríkisstjórn og Alþingi Íslendinga -nema Miðflokkurinn- með Sjálfstæðisflokkinn í fararbroddi, hafi ákveðið að taka lög imperíal-heimsveldis fram yfir lög íslenska þjóðríkisins, og meira að segja ákveðið að setja þau ofar íslenskum lögum. Þetta er ekkert minna en gerræði þegar um ofboðslega mikilvæg mál er að ræða. Og sama má reyndar segja um flest önnur mál, þegar nánar er skoðað

Íslenska þjóðin varð fullvalda til þess að hún gæti stjórnað ríki sínu sjálf; þjóð-ríki hennar. Hún varð ekki fullvalda til þess að láta erlent og í óþokkabót algjörlega umboðslaust vald skipa sér fyrir í sínu eigin þjóðríki

Íslenska þjóðin er fullvalda. Það er ríkisstjórnin hins vegar ekki, og það er Alþingi heldur ekki. Fullveldið er á höndum þjóðarinnar. Það er ekki á höndum Alþingis né heldur ríkisstjórnarinnar, sem eiga að vera á höndum þjóðarinnar. Þjóðin ein getur sparkað þinginu, ríkisstjórn og forseta. Enginn getur hins vegar sparkað þjóðinni. Samt er það það sem ríkisstjórnin, þingið og forsetinn eru að gera. Þau eru að sparka þjóðinni og í hana".

Þetta er kjarninn, kjarni tilveru okkar sem þjóðar er að skilja þessi sannindi.

Hafðu mikla þökk fyrir.

Kveðja að austan.

Ómar Geirsson, 9.9.2019 kl. 22:20

14 Smámynd: Gunnar Rögnvaldsson

Þakka þér fyrir Ómar, minn Hriflungafélagi kæri.

Og ég þakka þér sömuleiðis.

Ný kynslóð nýlendusinna er komin að kötlunum og þeir hafa verið að kveikja upp undir þeim, undir þjóðinni, síðastliðin 15 ár. Stefna þeirra er að tæma alla sjóði þjóðarinnar, fullveldisfjársjóði hennar líka. Meðvitað sem og ómeðvitað.

Kveðja

Gunnar Rögnvaldsson, 9.9.2019 kl. 22:42

15 Smámynd: Snorri Hansson

Já en annars hefði orðið pólitísk óvissa !!!

Snorri Hansson, 10.9.2019 kl. 02:04

16 Smámynd: Gunnar Rögnvaldsson

Þakka þér Snorri.

Já eins og þegar Sovétríkin féllu. Ofboðsleg óvissa. Pólitísk óvissa.

Þið imperíalistar hefðuð að sjálfsögðu í dag lagt mikla fæð á að Ísland yrði sjálfstætt og fullvalda ríki, vegna þeirrar "pólitísku óvissu" sem því fylgir því að sleppa á lífi út úr fangelsi; út úr húsi fjörtanna.

Það ætti að dæma ykkur. En það mun nýja dómsmálaráðherraínan (kyn) ekki gera, því dómgreind hefur hún (kyn) ekki.

Þið hefðuð grátið allar aldirnar fjórar, þegar hvert ríki Mótmælenda af öðru lýstu yfir sjálfstæði sínu frá og með Hollandi. Þá var skálað, en þið hins vegar grátið eins og sovéskir kommissarar. Hvílíkur hryllingur.

Kveðjur 

Gunnar Rögnvaldsson, 10.9.2019 kl. 03:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband