Ósiðareglur Sjálfstæðisflokksins

Af vinunum skaltu þekkja þá

Enginn munur er orðinn á fiskisögufélagi Sjálfstæðisflokksins og fiskisögufélagi Samfylkingarflokkanna um ESB

Samfylkingarflokkarnir reyndu að selja Íslendingum þá hugmynd að ekkert mál væri að ganga í ESB því það væri ekkert mál að ganga úr því aftur. Og að allt í lagi væri að taka upp evru, því gæfist hún illa mætti alltaf skila henni til baka. Þetta væri ekkert mál. Og svo hélt fjóshaugur þessara flokka því fram að hægt væri að "semja um" aðild að sambandinu. Ekkert af þessu var né er rétt. Þetta voru allt hreinar og óskornar lygar, sérstaklega gerðar til að blekkja, stunda þjóðsvik og ræna frá þjóðinni sjálfsákvörðunarréttindum hins nýfenga íslenska lýðveldis hennar. Þetta eru nýlendusinnar

Fiskisögufélag Sjálfstæðisflokksins um Orkubandalagspakka Evrópusambandsins er alveg nákvæmlega eins. Þetta er í reynd orðið eitt og sama félagið um lýsa yfir krónísku vantrausti á getu og hæfni íslensku þjóðarinnar til að lifa, búa og þrífast í sínu eigin landi, því nú klappar það allt saman í einum og sama taktinum. Hinar ótrúlegustu lygar um eðli Orkubandalags ESB eru bornar á borð fyrir þjóðina á sama tíma og ESB-lönd úti í Evrópu eru dregin fyrir ESB-réttinn fyrir að hlýða ekki í einu og öllu þeim yfirríkislögum sem orkupakkinn heilsteyptur er út í gegn. Nú síðast er það Belgía, sem dregin er fyrir ESB-rannsóknarréttinn og verður þar sek fundin, dæmd og refsað, svo að hálfdautt esb-ríki borgarnanna þar megi ekkert um raforkumálin í landi sínu hafa að segja. Enda ekki nema von, því fiskisögulygar stjórnmálamanna þar um ESB á sínum tíma, voru bara lygar. Engir belgískir stýrivextir né belgískir hagsmunir í raforkumálum eru lengur til. Litið er á slíkt sem "sérhagsmunapot" í Orkubandalagi ESB. Nýjar reglur eru enn fremur á leiðinni sem beinlínis taka fyrir "sérhagsmunpot" landanna í orkumálum. Myntbandalag ESB er fyrirmyndin að Orkubandalagi ESB, sem yfirríkisleg alræðisstofnun. Pakkar þess eru ERM-I og ERM-II og lokaskrefið er ERM-III, sem er sjálf alræðisevra ESB

"Belgium did not correctly transpose certain rules on the powers of the national regulator. In particular, the Belgian regulator has not been given the powers to take decisions that are binding on electricity and gas undertakings, and can only make proposals to the government to take such decisions. Likewise, the conditions for connection to the electricity and gas networks are set by the government rather than by the regulator, as required by EU law. Finally, Belgian law does not ensure that transmission system operators actually control the whole of the electricity or gas network for which they are responsible, so they may not be in a position to fully ensure non-discriminatory access of electricity or gas suppliers to the grid:" Lögsóknin

Til að bíta enn fastar og sökkva tannlausu toppstykkinu í höfuð raðbilunarveldis Sjálfstæðisflokksins, þá segja lýðskrumarar þess ískalda flokks, og reyndar ríkisstjórnarinnar allrar, að allt í lagi sé að gangast undir Orkubandlag ESB og taka upp einskonar raforkuevrur þess, því að (já hér kemur það) "þjóðaratkvæðagreiðsla" hafi verið haldin um að yfirríkislöggjöfin sem fylgir bandalaginu eins og nótt fylgir degi, gildi ekki á Íslandi. Selfoss hefur nefnilega haldið þjóðaratkvæðagreiðslu um að íslensk umferðarlög gildi ekki í bænum; vinstriréttur gildi því þar áfram. Þegar svona Bjarna-Illugalegur málflutningur er stundaður af til dæmis Haraldi Benediktssyni lýðskrumsþingmanni Sjálfstæðisflokksins, þá opnast allir gluggar í Brussel eins og lúgur á B-52, og hlátur hinna umboðslausu embættismanna þess dritast yfir álfuna, Íslandi til ævarandi minnkunar og skammar

Sama gildir um hugsanlegt stjórnarskrárbrot norsku ríkisstjórnarinnar í orkubandalagsmálinu. "Það kemur okkur ekki við" segja menn í Brussel. Þing ykkar hefur skuldbundið Noreg með því að skrifa undir. Stingið bara ríkisstjórn ykkar inn, ef ykkur sýnist svo kæru Norðmenn. Það kemur okkur ekki við. ESB-lögin gilda. Þau eru æðri ykkar lögum

ESB-fiskisögufélag Sjálfstæðisflokksins er einnig orðið félag nýlendusinna sem flytur inn erlenda ESB-dómsforseta til að messa yfir lýðnum, á sama tíma og það með dylgjum og rógi reynir að ræna frá íslenskum ríkisborgurum stjórnarskrárbundnu málfrelsinu. Félag þetta gerir þar með þarfir sínar yfir stjórnarskrá lýðveldisins. Gullfótgöngulið DDRÚV-ríkisins í ríkinu þrammar svo í takt við fiskisögufélag Sjálfstæðisflokksins, eins og það þrammaði ávallt ESB-taktinn með fiskisögufélagi Samfylkingarflokkanna. Ekkert af þessu fólki hafði minnstu hugmynd um hvað það var að gera, og það hefur heldur ekki minnstu hugmynd um það í dag. Pólitískir óreiðumenn vita slíkt aldrei. Íslenska þjóðin á ekki að borga pólitískar skuldir óreiðumanna

Lýðveldið Ísland þarf að koma sér upp vopnuðu þjóðvarðliði, svo að þjóðin geti varist ríkisstjórninni í framtíðinni

Fyrri færsla

Umferð tekin að þyngjast frá Valhöll

Athugasemdir

[Halldór Jónsson, 5.8.2019 kl. 10:02]

Frábær texti Gunnar og skarpar rökfærslur.

[Gunnar Rögnvaldsson, 5.8.2019 kl. 10:50]

Dauðarefsingu við landráðum þyrfti að íhuga, Halldór, fyrst að þetta lið er farið að spila vasapóker með fullveldi Íslands eins og að um poppkorn í vösum þess sé að ræða. Skerpa þarf greinilega viðurlögin við slíku. Þjóðina vantar greinilega fælnimátt gegn rotinni valdastétt. Það eru ekki nema tæp 10 ár liðin frá síðasta samsæri ríkisstjórnar, alþings og DDRÚV gegn þjóðinni.

Kveðjur

[Ragnhildur Kolka, 5.8.2019 kl. 11:33]

Þakka þér Gunnar fyrir þessa grein og ábendinguna um málsókn ESB á hendur Belgum. Það verður fróðlegt að fylgjast með stríðsmönnum orkupakkans þegar þeir reyna að spinna sig frá þessu.

[Jóhann Elíasson, 5.8.2019 kl. 11:58]

ÞETTA ER HREIN ÚT SAGT FRÁBÆR PISTILL OG ALLT HVERJU ORÐI SANNARA.  HAFÐU BESTU ÞAKKIR FYRIR GUNNAR.......

[Gunnar Rögnvaldsson, 5.8.2019 kl. 12:53]

Þakka ykkur fyrir.

Það er átakanlegt að hlusta á vælið sem kemur úr sjálfvirkri þurrfóðurverksmiðju Sjálfstæðisflokksins þar sem Björn Bjarnason særir í dag aumingjaskylduvæl sitt um DDRÚV fram, en sem hann gerði ekkert í þegar hann gat það sem ráðherra, af ótta við Framsóknar-einmenningskynið sem ku vera kona og Vouge flokksins í dag - á meðan formaðurinn, Sigurður Ingi Skoðarinn mikli, sturtar flokknum sem ískaldri sturtu niður hryggi flokksmanna frá Nýja Sjálandi, þar sem bannað er að flytja inn landbúnaðarvörur. Aldrei verður sá maður tvílembdur, svo mikið er víst. Flokkurinn hans er því líklega að deyja út.

Kveðjur

[Óskar Kristinsson, 5.8.2019 kl. 13:03]

Blessaður Gunnar!

Og þakka þér innilega fyrir pistilinn og svör.

Það hljóta að vera einhver ALÞJ'OÐA lög um það er þjóðkjörnir aðilar fremja ofbeldi og rán af þjóð sinni fyrir opnum tjöldum.

Það er auðvitað umhugsunarvert hvernig það getur gerst að svona margir vanvitar komist inn á þing.

Og annað, að ríkisfjölmiðill skuli geta starfað ár eftir ár á þeim nótum sem þeir gera.

Naðran við brjóstið.

KV af Suðurlandi

[Gunnar Rögnvaldsson, 5.8.2019 kl. 13:21]

Þakka þér Óskar.

Nei væni minn. Þetta eru einmitt alþjóðalögin sem hneppa minni lönd og smærri þjóðir í hús fjötranna, sem hér eru til umræðu. Öll fjöl- og alþjóðaheimsveldi mannkynssögunnar hafa virkað þannig: þ.e. sem hús fjötrana.

Egyptaland hið forna - Assýríuveldi - Rómarveldi - Napóleonsveldið - Sovétríkin - Þriðja ríkið - Evrópusambandið og allur alþjóðaismi. Allt saman fædd og uppalin misfóstur hins Gamla heims á landmassa EvrAsíu.

Ekki skaltu tilbiðja djöfla á borð við alþjóða-hitt og alþjóða-þetta. Slíkt hefur ávallt reynst sem hús fjötranna fyrir þjóðir heimsins, sérstaklega þær smáu, og komið af stað stöðnun, afturförum, hnignun, slátrun manna og afnáms þjóðfrelsis og sjálfsákvörðunarréttar þjóða.

Lönd og þjóðir eiga að keppa sín á milli, þau eiga ekki að renna saman í eitt alaþjóðlegt sovétríki og lagaverk.

Allar þjóðir eru einstakar og hafa eitthvað sérstakt og einstakt fram að færa. Þær og þjóðríki þeirra ber að varðveita.

Kveðjur

[Símon Pétur frá Hákoti (IP-tala skráð) 5.8.2019 kl. 13:51]

Hvað á maður eiginlega að segja þegar maður er 100% sammála pistli sem maður les?  

Amen, efni sem anda skylt:  Amen.