Bara-fyrirvara-forysta Sjálfstæðisflokksins

Eftir stendur að engin rök nema "bara" standa með ríkisstjórninni í orkupakkamálinu. Bara hefur þó líka náð að breytast í fyrirvara sem eru varabarafarsi. Og umræður í eldhúsi urðu að umræðum í slökkvihúsi, þar sem enginn þorði að taka til máls, enda um ekkert að tala af hálfu ráðherraliðsins, nema bara

Vesalingaveldið í Valhöll þumbast við á meðan allir vita að þar fer bara til vara

Eftir stendur aðför ríkisstjórnarflokkanna að íslensku þjóðinni, eigum hennar og réttindum, sem ríkisstjórn þeirra reynir að gera að utanþingsmáli, með því að umbylta orkusúrefni þjóðarinnar í vörupakka handa óligörkum til að braska með, á hinum svo kallaða "innri-markaði" Evrópusambandsins, sem eftir 25 ára aðild Íslands að -gegnum EES- leggur enn tolla á íslenskar sjávarafurðir. Þar með liggja jafnvel sjálfar forsendur EES-samningsins í rúst

Hve lengi menn halda að þeir geti setið á háum launum og skvett "bara" framan í íslensku þjóðina, fer eftir birgðum heimskunnar á baravaralager Sjálfstæðisflokks, Framsóknarflokks og Vinstri grænna. Bara-flokkanna þriggja sem allir sem einn voru á móti sjálfum sér eins og þeir eru orðnir núna; sem ókjörnir embættismenn ESB á Íslandi

Miðflokkurinn einn stendur í lappirnar - og stendur fast

Fyrri færsla

Arftaki Merkels: skoðanafrelsi ekki í lagi í kosningum

Athugasemdir

[Valdimar Samúelsson, 5.6.2019 kl. 21:28]

Gunnar. Já eins og börnin ...Bara...

Þetta er fullorðið fólk  sem er verra en frek börn sem ekki öll eru.

[Gunnar Rögnvaldsson, 5.6.2019 kl. 22:29]

Þakka þér Valdimar.

Þetta er að minnsta kosti gott veður til að þurrka harðfisk og þorskhausa. Engin fluga, bara kaldur viðstöðulaus norðanblásturinn og ofurlágt rakastig, sem dregur úr þyngd rekaviðar, og stofuhúsgagna almennt. Meira að segja kjörkassanna líka.

Kveðjur

[Símon Pétur frá Hákoti (IP-tala skráð) 5.6.2019 kl. 23:33]

Pistill sem hittir beint í mark.

Meðan þingmenn "Sjálfstæðisflokks" undir stjórn Steingríms J. liggja eins og vesalingar og þegja þunnu hljóði, þá stendur Miðflokkurinn einn upp úr og lætur ekki Steingrím J. kúga sig til hlýðni, eins og gungur og druslur "Sjálfstæðisflokksins" láta Steingrím J. gera, annan helming Samfylkingar/Vg ESB helferðarstjórnarinnar.

[Gunnar Rögnvaldsson, 6.6.2019 kl. 00:39]

Þakka þér Símon Pétur.

Ég leyfi mér að vitna í umræðuna:

Alþingi, föstudagur, 24. maí 2019 kl. 07:17:12

Ólafur Ísleifsson segir af hverju er þetta leikhús fáránleikans í gangi hér. Fullt af fólki er í sjálfboðavinnu að leggja sig fram við að finna sannleikann í þessu máli. Já segi ég; ríkisstjórnin þegir bara eins neitar að koma fram fyrir þjóðina

Ólafur Ísleifsson segir og spyr hvernig utanríkisráðherrann geti komið svona fram í málinu. Hitt og þetta sé sagt um svo kallaða fyrirvara. Leit stendur yfir, og ráðherrann horfir bara á. Er þetta til álitsauka fyrir þetta fólk og sjálfu málinu. Heldur þetta fólk að fólkið í landinu hafi enga gagnrýna hugsun

Bergþór Ólafsson segir að talar um greinar Tómasar Inga Olrich um að hvergi komi fram að íslensk yfirvöld hafi heimildir að koma í veg fyrir framgang orkubandalagsins, það eina sem nefnt er að þeim beri ekki skylda til að vinna að lagningu sæstrengs. Barnaskapur og vitnað í pólitískar yfirlýsingar sem eru óskuldbindandi. Blasir við að menn Landsvirkjunar séu komnir framúr sér. Er hún líka komin fram úr ríkisstjórninni?

Kveðjur