Miðflokkur 17 tíma á Alþingi gegn þríeykinu: aðfararnótt föstudags

Jón Þór Þorvaldsson -

"segja okkur bara vera taglhnýting við Noreg" 

Mynd; Þingmenn Miðflokksins

****

Hefur norska ríkisstjórnin í Ósló og Evrópusambandið í Brussel sett ríkisstjórn Íslands til hliðar? - eins og fjármálamenn gerðu fyrir hrun? Eða halda þau virkilega að það sé bankabóluárið 2004 núna? Það er það ekki. Núna er árið 2019 eftir stóra sannleika, og heimurinn er allur annar. Hefur ríkisstjórn Íslands kannski ekki tekið eftir því? Þann 7. júní, eftir þrjár vikur, verður Theresu May forsætisráðherra Bretlands og formanni Íhaldsflokksins, mokað út á ruslahauga sögunnar í Bretlandi. Hún brást kjósendum og flokki sínum. Hún er fimmti forsætisráðherra þess lands í röð sem endar pólitískt líf sitt þannig, vegna eiturblöndu sem er með aðvörunarmiðann; Evrópusamband, má ekki drekka, fæst ekki í apótekum, elskið ekki slysin

Föstudagur, 24. maí 2019 kl. 00:14:29

Jæja góðir lesendur. Áfram halda umræður um orkupakka þríeykis ríkisstjórnarinnar á Alþingi Íslendinga. Mál sem engu máli átti að skipta fyrir ríkisstjórnina en sem nú virðist af einhverjum óskiljanlegum ástæðum vera henni svo mikilvæg að flokkar hennar virðast tilbúnir að leggja allt annað til hliðar og sjálfa sig líka. Af einhverjum ástæðum er þessi orkupakki ESB-veldisins þó einhverjum í þessum flokkum svo mikilvægur að enginn botnar neitt í neinu

Miðflokkurinn heldur því umræðum áfram um OP3 og reynir að draga staðreyndir málsins fram í það dagsljós sem þríeykið vill ekki að nái til þessa máls

Í ræðustól Alþingis er Þorsteinn Sæmundsson og hann segir að stjórnmálamenn séu ekki að hlusta á þjóðina. Já segi ég. En hér ætla ég að hlusta á Miðflokkinn og taka niður nótöt:

föstudagur, 24. maí 2019 kl. 00:34:03

Birgir Þórarinsson segir að umsóknum um virkjanir sem liggja undir ratsjárgeisla yfirvalda rigni inn

Þorsteinn Sæmundsson segir að þetta sé ekki í fyrsta skiptið sem Miðflokksmenn standi einir og berjist fyrir málum

Þorsteinn Sæmundsson segir að Miðflokkurinn taki upp hanskann fyrir meirihluta þjóðarinnar og reyni að finna út sannleika þessa máls. Já segi ég, þetta er ekki gúmmíþing ESB

Jón Þór Þorvaldsson segir að furðulegt að ekki sé hægt að sýna þjóðinni þá lágmarkskurteisi að hlusta á hana. Þingforseta brestur minnið og man ekki lengur tímalengd umræðunnar. Já segi ég. Þingforseti þarna er Brynjar N. xD-maður sem sagðist ekki taka mark á grasrót Sjálfstæðisflokksins

Jón Þór Þorvaldsson segir að hann fái meira en 40 skilaboð á klukkustund frá fólkinu í landinu um að halda áfram við að reyna að fá málið upplýst, og sé hann þó enginn sérstakur tölvunarmaður sjálfur

Þorsteinn Sæmundsson segir að hælbítar skipti ekki máli. Já mikið rétt segi ég!

föstudagur, 24. maí 2019 kl. 00:47:03

Birgir Þórarinsson segir að verið sé að undirbúa orkuútflæði burt frá Íslandi með OP3. Já segi ég þar sem við verðum látin um kerti og tólg en útlandið fær forgang. Já segi ég, þvi ég kyndi með rafmagni og hér rignir reikningunum inn. Alltaf skal liggja nýr rafmangsreikningur í heimabankanum. Alltaf! Mér finnst ég vera að fóðra Kremlargengi í raforkumálum. Sovétríki! Maður missir algjörlega allt verðskyn í svona frumskógum reikninga

Þorsteinn Sæmundsson segir að erlendir viðskiptamiðlar segi að hér hafi erlendir peningamenn sótt sér besta og mesta gróða á Vesturhveli jarðar samkvæmt fréttaveitu Bloomberg

föstudagur, 24. maí 2019 kl. 00:51:03

Smá hlé. Konan mín var að koma heim af hreppsstjórnarfundi

östudagur, 24. maí 2019 kl. 01:19:13

Sigmundur Davíð Gunnlaugsson segir og vitnar í Björn Bjarnason 2002 um að ekki megi innleiða orkupakka ESB á Íslandi. Vitnar í annan sem þá sagði að ekki mætti taka þessa orkupakka ESB upp. Já hefur reynst Íslandi dýr mistök. Einar Oddur leggur þar til að málið sé skoðað það vel að Ísland sé ekki að skjóta sig í fótinn. Einu rökin þá á móti þessum kom frá Valgerði Sverrisdóttur var þrælsóttakast við ESB-veldið. Best er að endurtaka EKKI þessi mistök á ný segir SDG.

Já svona er að vera aular. Alltaf er er hörfað þar til ekkert súrefni er eftir hana þjóðinni til að anda að sér og til að ala af sér betri tíma og blóm í haga fyrir okkur og afkomendur

Jón Þór Þorvaldsson segir að alltaf sé verið að seilast lengra og lengra, þar til ekkert sé eftir að fullveldi Íslands

Sigmundur Davíð Gunnlaugsson segir hví sé lagasetning ekki viðhöfð með lærdómi af fyrri mistökum. Af hverju á að laga landið að tilskipunum

föstudagur, 24. maí 2019 kl. 01:33:50

Sigmundur Davíð Gunnlaugsson segir og spyr hvort að stjórnmálamenn séu farnir að líta fram hjá baklandi og kjósendum sínum. Hvernig stendur á því að t.d. Bretar séu ekki enn komnir út úr ESB. Jú það er vegna þess að flokkar hafa orðið viðskila við fólkið sem kaus þá

Já segi ég, xD er farið að minna illþyrmilega á klíku day-traders miðað við Björn Bjarna þarna 2002 og Bjarna Ben í mars í fyrra. Ekkert að marka neitt nema nema í nokkrar sekúndur. Svona eins og verðmyndun á raforku er orðin í Danmörku þar sem sonur minn átti að velja úr meira en 50 orkuveitum á sömu og einu línunni. Vonlaust verk að eyða tíma í það. Já þúsund skip látin elta sama fiskinn í sjónum. Röksemdir kvótakerfisins hljóta þá einnig að vera fallnar, fyrst að 1000 orkuveitur séu settar til að elta sama kílóvattið í orkulandhelgi Íslands

föstudagur, 24. maí 2019 kl. 01:39:50

Ég segi af hverju er verið að bögga þjóðina með þessu miðstýrða rugli frá umboðslausu ESB. Hvað er eiginlega að mönnum! Þetta er eins og að Ísland hefði verið þvingað til að taka upp Sovétríkin af því að við seldum þeim síld í tunnum. Hvílíkur aulaskapur!

Jón Þór Þorvaldsson segir og les upp úr ruglveitum ESB (paragröf). Les upp þvæluna sem borin er á borð fyrir þjóðina

föstudagur, 24. maí 2019 kl. 01:57:50

Sigmundur Davíð Gunnlaugsson segir að Miðflokksmenn hafi hér flutt skák og mát ræður um þetta mál ríkisstjórnarinnar. Því að í pakkanum er það sagt að eyða eigi þeim möguleika að Ísland (ríkin) geti sjálft stjórnað sínum orkumálum. Verið er að draga út valdi þjóðríkisins. Enda segir ESB það. Slíkt er ekki í okkar þágu

Jón Þór Þorvaldsson segir að þetta sé sýn ESB á framtíðina. Já segi ég: að þurrka út sjálfsákvörðunarrétt Íslands og annarra landa. JÞÞ vitnar í Ara Trausta um að ACER sé ekki yfirríkisleg stofnun en þar sem hann segir að ACER hafi endanlegt úrskurðarvald. En einmitt það sýni að þar er um yfirríki að ræða

Sigmundur Davíð Gunnlaugsson segir að þeir sem reyna að halda því fram að ACER sé ekki yfirríki hafi einfaldlega ekki kynnt sér málið. Þá segi ég, auðvitað hafa menn ekki kynnt sér þetta frekrar en day-trader veit neitt í sinn haus nema sekúndu fram í tímann. Enda fær sú stétt þann dóm að vera verst allra bílstjóra í Bretlandi. Mest kostar því að tryggja ökutæki þeirra. Ísland er ekki tryggt með svona menn við stýrið!

föstudagur, 24. maí 2019 kl. 02:13:36

Jón Þór Þorvaldsson segir að OP3 sé orðið allt allt annað mál en rætt var um fyrir ári síðan. Fyrirvarar halda ekki. Nefndarálit sem gerð voru sögðu að undanþágur hjá sameiginlegu EES-nefndinni væri það eina sem mark væri á takandi og sem haldi

Birgir Þórarinsson segir að einhliða fyrirvarar haldi ekki, það sjáist í kjötmálinu. Við innleiddum en með fyrirvörum sem áttu að vernda okkur, en sem þeir svo ekki gerðu. Lög lands okkar voru síðan af yfirríki ESB dæmd ólögleg

Ég segi að þetta orkupakkamál ESB á eins mikið skylt við veruleikann og ef að xD myndi setja á fót súrefnisdreifingar-kerfi (pakka) þar sem 300 trading-félög eru stofnuð og látin bjóða okkur frjálsa samkeppni um að draga andann úr gufuhvolfinu. Við hvaða félag ætlar þú að skipta kjósandi góður. Svo sitja þeir og selja og verðið hækkar og hækkar á því sem allir þurfa á að halda til að geta lifað

föstudagur, 24. maí 2019 kl. 02:22:08

Birgir Þórarinsson segir hvers vegna fylgja stjórnmálamenn ekki stefnu sinni. Ekki sé hlustað á umsagnir frá okkur Íslendingum. Hræða eigi málinu í gegn með því að segja að EES-samningurinn fari í uppnám séu ákvæði hans notuð

Sigmundur Davíð Gunnlaugsson segir að þetta ótta-tromp sé þannig að í nefndaráliti var sagt að engin hætta væri á ferðum fyrir EES-samninginn, séu ákvæði hans notuð. En hér er bara sagt að "klára" eigi málið

Birgir Þórarinsson segir já, það er ekki heil brú í þessu. Keyra eigi málið í gegn með næturfundum. Af hverju ekki kynna málið fyrir þjóðinni. Af hverju má hún ekki koma að því. Er ekki betra að hafa þjóðina á sínu bandi fyrst að þetta á að vera svona gott og að ríkisstjórnin segir að þetta sé svona gott. Minnir á OP1+2 og slæmar afleiðingar þeirra

föstudagur, 24. maí 2019 kl. 02:32:21

Sigmundur Davíð Gunnlaugsson segir að ekkert hafi til dæmis verið gáð að því hvaða afleiðingar það hefði ef að álverið á austurlandi myndi hverfa vegna orkupakka3. Er hætta á þessu spyr hann. Veltum þessu fyrir okkur

Birgir Þórarinsson segir að enginn hafi rætt hvaða áhrif OP3 muni hafa á stóriðju á Íslandi. Já hérna segi ég, eru það kannski VG sem vilja losna við stóriðjuna úr landi, og sé með xD í vösum sínum eins og Bjarni Ben liggur nú ósjálfbjarga á bráðnandi ísjaka VG

Sigmundur Davíð Gunnlaugsson segir að Landsvirkjun hafi sagt að OP3 styrki aðstöðu þess gagnvart stóriðju. Já segi ég, við missum allt úr landi. Það endar þannig. Endum sem passíf innstunga og leiksoppur annarra sem ekkert hafa með okkar mál að gera. Ég minni á bræluna sem leggur nú þegar frá OP1+2

föstudagur, 24. maí 2019 kl. 02:41:20

Sigmundur Davíð Gunnlaugsson segir óskiljanlegt að ekkert mat hafi farið fram hér á afleiðingum OP3 eins og gert var í Noregi

Þá segi ég: Var ekki bara gamla Samband Íslenskra Samvinnufélaga (SÍS) betra en þessir fjandans pakkar esb-veldisins. Hér hefur allt verið svikið. Allur andinn frá Thatcher-Reagan-Vatíkanið-Lech Walesa tímanum verið svikinn. En Walesa sagði um daginn að leysa þyrfti ESB upp. Það væri ónýtt

föstudagur, 24. maí 2019 kl. 03:08:41

Birgir Þórarinsson segir að Davíð Oddsson hafi sagt að xD sé að segja skilið við Sjálfstæðisstefnuna

Bergþór Ólafsson segir að það sé ekki bara Davíð sem hafi varað við þessu. Þorsteinn Pálsson hafi sagt að stefna xD núna byggist á lofsverðum blekkingum

Birgir Þórarinsson segir að þetta sé mjög athyglisvert. Flokkar framfylgja ekki þeirri stefnu sem boðuð er. Það sé kurteisi að fylgja því sem fólki er sagt. Sama sé að gerast í Framsóknarflokknum. Vinstri grænir séu þakklátir fyrir þetta. Vekur athygli á því sem Styrmir segir að hér sé í uppsiglingu, þ.e. verstu mistök okkar xD-manna í utanríkismálum. Já segi ég; svei og fussa

Bergþór Ólafsson segir að Styrmir líti ekki á Icesave sem utanríkismál. Hér fari fram Íslandsmeistaramót í þagnarbindindi

Birgir Þórarinsson segir að það séu fleiri þungavigtarmenn úr xD sem segi svipað. 90 ára afmælið flokksins er ekki skemmtilegt fyrir flokkinn.

Bergþór Ólafsson segir að enn sé ekki öll nótt úti fyrir xD. Það sé enn hægt að bæta ráð flokksins. Stíga eitt skref til baka og finna gamla taktinn á ný.

föstudagur, 24. maí 2019 kl. 03:10:56

Man eftir því að við gátum keypt íslenskt lambakjöt í Danmörku fram til þess tíma að Ísland gekk í EES. Þá hætti það að fást, og var manni sagt að það væri vegna þess að íslensk sláturhús uppfylltu ekki sovétreglur ESB. Svo var þeim umturnað fyrir gífurlegt magn peninga, en ekkert sést þó af því enn. EES-drap þetta. Grískir kokkar voru í öngum sínum því þeir sögðu að það væri það besta í heiminum. En nei, þá fylltist Danmörk bara af óætu nýsjálensku lambakjöti, af því að þeir eru náttúrlega ekki í sovétríki ESB. Og nú hafa Danir misst nær alla kjötvinnslu og slátrun úr landi niður til láglaunaholu Þýskalands og annarra ódýrari ríkja, þar sem fólk stendur á gólfunum fyrir 30-40 prósent af því sem borga þarf Dönum. Og svo segist ungt fólk vilja vera í EES vegna skóla og búsetu í EES-löndum. Þvílík firra, því engir af bestu háskólum veraldar er að finna á meginlandi sovétríkis Evrópu. Þá er alla að finna utan ESB. Í Bretlandi og Bandaríkjunum og víðar. Og svo er Norðurlandasamstarfið miklu eldra en ESB

föstudagur, 24. maí 2019 kl. 03:15:36

Þorsteinn Sæmundsson segir að Landsfundur xD hafi hafnað frekara valdaframsali til Brussel-veldisins

föstudagur, 24. maí 2019 kl. 03:37:16

Jón Þór Þorvaldsson segir og vitnar í Ögmund Jónasson fyrrverandi þingmann og ráðherra VG um að pakkar ESB sem markaðsvæða eiga grunnþjónustu séu kynntir sem "ekki verri en þeir síðustu"

Birgir Þórarinsson segir að mikilvægt sé að minna stjórnmálamenn á það sem þeir lofa kjósendum. Veita þeim aðhald. Hægt sé að skipta um skoðun en það verði þó að rökstyðja það

Jón Þór Þorvaldsson segir að þessi OP3 snúist að stóru leyti um umhverfismál. Hér hefur verið kallað eftir afstöðu utanþingsráðherra þess málaflokks. Segir að það hafi ekki verið létt fyrir mann eins og Tómas Inga Olrich að gagnrýna opinberlega flokksmenn sína. Stjórnmálamenn hljóta að geta sameinast um grunn-sáttmála þjóðarinnar. Já segir ég, en það gera þeir ekki

Birgir Þórarinsson segir og hafnar að einangrunarsinna málatilbúnaði stjórnarliða. Hann sé út í hött. Menn eigi ekki að hafa óttablandna virðingu fyrir ESB-fyrirbærinu né neinu öðru á milliríkjasamstarfi

Jón Þór Þorvaldsson segir að þetta með einangrunartalið sé fjarstæða. En minnir á að á tyllidögum sé þetta sama fólk með mest loft í ranni um þjóðina. Það er ekkert athugavert við að vera stoltur af þjóð sinni og uppruna

Já segi ég og ég segi að þegar sú stund kemur, en sem aldrei kemur, að hagsmunir allra þjóða fari saman samtímis, þá verður það í eina skiptið sem alþjóðleg samvinna virkar til dæmis í apparati eins og S.þ.. Sú stund kemur aldrei. Þetta verða menn að horfast í augu við. Allar þjóðir verða að gæta sinna hagsmuna. Annars bregðast þær sjálfum sér

föstudagur, 24. maí 2019 kl. 03:44:55

Þorsteinn Sæmundsson segir að Styrmir Gunnarsson sé einn af fáum xD-mönnum sem skilur málið

Verð að segja að eftir Brexit og þetta bölvaða EES-pakkamál okkar, skilur maður útgönguna af Egyptalandi í Gamla testamentinu miklu miklu betur. En lengi vel var sú bók eins konar stjórnarskrá Vesturlanda og frum-hornsteinn þeirra. Mikil er skömm þingmanna Sjálfstæðisflokksins í þessu máli. Mikil er skömm þeirra

föstudagur, 24. maí 2019 kl. 03:58:24

Sigmundur Davíð Gunnlaugsson segir að skoðanakönnun sýni að breski Íhaldsflokkurinn hafi fengið 7% og Verkamannaflokkurinn 13% en Brexitflokkur Nigel Farage 37% í þeim kosningum sem núna fara fram til Evrópuþingsins, en hverra kosningaúrslit verði haldið leyndum þar til þær í öllum löndum ESB eru búnar. Hvað segir þetta okkur?

Jón Þór Þorvaldsson segir að hann voni að menn taki rökum í þessu máli. Það sé von Miðflokksmanna á þingi núna

Þorsteinn Sæmundsson segir að Miðflokksmenn hafi boðið að þessu máli sé frestað og önnur og mikilvægari tekin fyrir. Þetta mál snýst ekki um Miðflokkinn heldur um þjóðina. Ég segi; Abraham Lincoln hefði gengið í Miðflokkinn, þetta hefði honum líkað, þessi varðstaða Miðflokksmanna núna!

föstudagur, 24. maí 2019 kl. 04:19:48

Birgir Þórarinsson segir að Neytendasamtökin hafi boðið út rafmangskaup meðlima en aðeins eitt fyrirtæki sendi inn tilboð, dótturfyrirtæki Rarik (heyrist mér), og bauð 0,65 prósent afslátt frá verðskrá. Þetta er þessi svokallaða neytendavernd. Gagnslaust. Já segi ég, ætti önnum kafinn maður að hafa tíma í þetta brask úr sömu burðarlínunni. Af hverju er þessi þvæla í gangi

Þorsteinn Sæmundsson segir að það séu mest samfylkingarflokkar sem tala fyrir þessu. Þetta er grunntilraun til að skipta og brjóta upp eignarhald almennings á grunnþjónustunni rafmagni. Heiðarlegra væri bara að koma hreint fram og segja að við viljum einkavæða þetta allt saman. Þetta er yfirskin

Birgir Þórarinsson segir og vitnar í skrif Páls Vilhjálmssonar um að húsmóðir á Spáni geti ekki þvegið þvott um miðjan dag vegna þess að þá er raforkuverð svo hátt. Hvað segja Íslendingar við þessu

Þorsteinn Sæmundsson segir að sama sagan sé í Noregi. Er þetta draumsýn t.d. Sjálfstæðismanna?

föstudagur, 24. maí 2019 kl. 04:23:38

Ég spyr: er það orðið frómasta markmið Sjálfstæðisflokksins að eyðileggja gott líf Íslendinga í sínu eigin landi?!!

föstudagur, 24. maí 2019 kl. 04:40:02

Bergþór Ólafsson segir að stuðningsmenn innleiðingar OP3 hafi ítrekað talað um að fólk ætti að geta lækkað raforkukostnað um jafnvel tugi þúsunda. En ekkert slíkt hefur komið fram um það m.tt. til dæmis útboðs Neytendasamtakanna

Birgir Þórarinsson segir að hér sé allt á sömu leið og þegar OP3 hafi verið innleiddur. Hér er bara kallað fram út þingsal að þetta sé ekki rétt. En þetta er rétt. Sagt var margsinnis, en að Birgir hafi margsannað annað með gögnum. En Áslaug Arna hafi engin gögn komið með

Bergþór Ólafsson segir að það sé óþægilegt að fylgjast með þessu tali um meinta neytendavernd þegar það er sannað að það er loftið eitt

Birgir Þórarinsson segir að þessi málflutningur stenst ekki. Stjórnarliðið verður að svara þarna fyrir sig og koma hér og tala um málið. En þeir liggja bara sofandi heima

Já segi ég: og svo eru það sveitafélög erlendis sem neyðast til að slökkva á götulýsingu og skrúfa perurnar úr

föstudagur, 24. maí 2019 kl. 04:56:58

Sigmundur Davíð Gunnlaugsson segist ekki ætla að vera með dómsfagsspár um lokun álvers Reyðaráls fyrir austan. En ef fyrirsjáanleg er hækkun orkuverðs mun fyrirtækið samstundis fara að búa sig undir það. Þar verða keðjuverkunaráhrif. Já segi ég; óvissa myndast og setur þessar ofboðslegu fjárfestingar í uppnám. Já segi ég: og ekki er byggingartími þeirra skammur, hann er langur og þau eru hér fyrst og fremst vegna þess að við erum fullvalda ríki sem boðið getur upp á öryggi, stöðugleika og að hér sé hægt að tala við ríkisvald sem er ekki í vösum annarra og umboðslausra ríkja (þ.e. ætti að minnsta kosti ekki að vera það)

Bergþór Ólafsson segir já og þar fara afleidd störf fyrst undir hnífinn og minnir á áhrifin þegar Jóhönnustjórninni var loks ýtt burt. Þá komu þau störf til baka

Sigmundur Davíð Gunnlaugsson segir að fyrirtæki hugsi til framtíðar og það væri óskandi að ríkisstjórnin gerði það líka. Vitnar í Árna Steinar Jóhannsson um að staða raforkumála í ESB sé allt önnur en hér

föstudagur, 24. maí 2019 kl. 05:05:21

Sigmundur Davíð Gunnlaugsson segir að í grein Árna Steinars Jóhannssonar standi "að við í VG" lítum á að raforkukerfi Íslands eigi að vera á félagslegum grunni - að auðlindin sé nýtt sem undirstaða fyrir atvinnulíf og byggð í landinu öllu

Birgir Þórarinsson segir að við þurfum atvinnulíf í landinu öllu

Sigmundur Davíð Gunnlaugsson segir að hann skilji ekki þessa Viðreisnarpólitík sem ríkisstjórnin er að stunda. Viðreisnarhugsun

föstudagur, 24. maí 2019 kl. 05:20:14

Jón Þór Þorvaldsson segir að Ísland sem hafi farið í EES á jafnréttisgrundvelli sé nú sagt vera bara taglhnýtingur við Noreg í því

Bergþór Ólafsson segir að þegar á reynir sýni það sig að staðan sé ekkert jöfn. Þetta sést líka á Bretum sem hafði komist að því að á þá sé ekki hlustað

Já segi ég. Ég hlustaði á viðtal við lávarð Conrad Black af Crossharbour í gær þar sem hann sagði að Evrópa sé að springa í loft upp. Minni ríkin þola sambandið ekki lengur og að Þýskaland sé á leið inn í stjórnleysi. Þar séu miðjuflokkar sem enginn hlustar lengur á, og til vinstri eru gamlir ofstækiskommar og til hægri sé eina vitið að finna, en að eins og venjulega, eru þar líka gamlir nasistar að hluta til. Græni flokkurinn þar sé safn ofstækismanna sem ekki sé einu sinni hægt að eiga vitrænan orðastað við. Conrad stýrði einu sinni Massey Ferguson dráttarvélafrmleiðandanum

föstudagur, 24. maí 2019 kl. 05:43:19

Jón Þór Þorvaldsson segir að í pantaða innflutta álitnu séu kynntar mögulegar refsingar, en sem séu algerlega án nokkurs lagalegs rökstuðnings

Þorsteinn Sæmundsson segir og segist ekki getað varist þeirri hugsun að niðurstaðan (sú innflutta) hafi verið pöntuð fyrirfram. Átti að reyna að nota hana sem panik-hnapp. Verið var að leita að möguleika til að gera ekki hið rétta í málinu

Jón Þór Þorvaldsson segir að já, ekki sé hægt að verjast þeirri hugsun. En ef svo er ekki þá ættu menn að gera grein fyrir þessum esb-asa sínum. Eru þeir á leið inn í ESB bakdyramegin? Ef ræður hér á þinginu eru skoðaðar, þá sést að menn töluðu um að raforkukerfið ætti að vera okkar en ekki í pakka ESB og ekki kæmi til greina að kyngja. En svo snýst allt á einum mánuði

Þorsteinn Sæmundsson segir ekki eðlilegt að allir þingmenn snúi sér í sömu átt samstíga og samstundis. Það er einhverskonar samsæri í gangi segir Þorsteinn óbeint. Eitthvað sem er eins konar pakt þeirra á milli (en ekki milli þeirra og kjósenda segi ég)

föstudagur, 24. maí 2019 kl. 05:51:06

Þorsteinn Sæmundsson segir að þeir álitsgjafar sem fengu að koma að málinu sem nú er fyrir þinginu hafi verið handvaldir, en öðrum hafnað. Hagsmunasamtök heimilanna hafi sagt að mikilvægt sé að endurtaka ekki mistök fortíðar. Hagsmunir heimilanna séu þeir að raforkukerfið sé í þjóðareigu. Enginn með það í einkaeigu mun bera minnstu ábyrgð. Skilst á Þorsteini að þeim samtökum hafi verið hafnað og ekki á þau hlustað. Umsögn. Markaðsvæða á það sem er þjóðarinnar. Hér er meginhættan sú að fólk muni krefjast þess að EES sé sagt upp

föstudagur, 24. maí 2019 kl. 06:00:23

Jón Þór Þorvaldsson segir að menn eigi að fara efir því sem stendur í samningnum (EES) og fara réttu leiðina

Þorsteinn Sæmundsson segir að það sem ríkisstjórnin hyggst gera hér í málinu feli í sér lagalega óvissu. Menn þurfi þó að hafa smá kjark til að gera rétt, en hann sé varla að finna í þessari ríkisstjórn. Já segi ég: það hefur aldrei þurft kjark til að guggna og gefast upp (eins og gerðist í Icesave)

Jón Þór Þorvaldsson segir að betra sé að fara að lögum en að fara ekki að lögum. Og EES samningurinn er lög. Okkur sé skylt og rétt að fara að lögum. Vilja menn láta draga sig fyrir dómstóla eins og í kjötmálinu

Þorsteinn Sæmundsson segir ESB heilkennið sé rörsýn. Að setja allt sitt í að eiga allt undir álfum á niðurleið komið. Hvers vegna að binda sig við þá. Þessi þrá að bindast þeim álfhóli á niðurleið, er sú sýn. Við erum nýbúin að stíga í spínatið. Kjötmálið

föstudagur, 24. maí 2019 kl. 06:01:23

Tek smá pásu, þó svo að þetta sé afar spennandi. Þorsteinn er að tala um ASÍ og kjarasmninga

föstudagur, 24. maí 2019 kl. 06:28:09

Jón Þór Þorvaldsson segir og fjallar um umsögn Skagafjarðar um að það sem eigi við um 500 milljónir þarna úti eigi ekki við hér hjá okkur. Já segi ég; það á reyndar hvergi við. Ekki einu sinni þarna úti. ESB er skóstærð sem passar engum

Karl Gauti Hjaltason segir að leiðin sem fær er sé að fara eftir því sem stendur í EES-samningum. Það verði fullur skilningur að fást, og að hann fáist. En það þarf að sækja rétt sinn

föstudagur, 24. maí 2019 kl. 06:35:16

Karl Gauti Hjaltason segir að hann sé hreint ekki viss um hvar þessir fyrirvarar séu. Það sé bara bent í allar áttir en ekkert finnist. Við höfum tekið allt sem þau hafa nefnt og rökrætt það. Reglugerð sem gefin er út í Skuggahverfinu í formi reglugerðar hafi ekki lagalega þýðingu

Bergþór Ólafsson segir að honum hafði verið bent í eina fyrirvaraátt en ekkert hald sé þar að finna. Taka þarf málið af borðinu og vinna það betur

Karl Gauti Hjaltason segir og segist vilja í fullri einlægni ræða eitthvað nýtt við ríkisstjórnina í þessu máli en þetta sem núna er hér á borðinu, sé haldlaust

föstudagur, 24. maí 2019 kl. 06:43:46

Birgir Þórarinsson segir að umhverfissamtök þegi alveg í þessu máli. Það sé engin stefna í þessum málaflokki og hér sé verið að byrja á öfugum enda. Stefnuleysi ríki í málaflokknum. Fjárfestar eru að kaupa upp landsvæði. Það verður að fást betri yfirsýn yfir áhrif þessa máls

Ólafur Ísleifsson segir að fyrirspurn hafi verið send til iðnaðarráðherra vegna virkjanaleyfa og fleira. Og nefnir að allskyns erlendir aðilar séu hér að kaupa upp dali og firði

föstudagur, 24. maí 2019 kl. 07:04:20

Ólafur Ísleifsson segir að leit standi yfir eftir svo kölluðum fyrirvara í málinu, en enginn þessara fyrirvara finnast samt. Sérfróðir hafa sagt að þeir geti ekki haft þjóðréttarlagalegt gildi

Jón Þór Þorvaldsson segir og bendir á þá þrjá milljarða sem kjötmálið með uppgufuðum fyrirvörum, sem héldu ekki, kostuðu ríkið. En það séu hins vegar smáupphæðir miðað við stærð þessa máls sem hér er um að ræða

Ólafur Ísleifsson segir að fullkomlega sé mögulegt að við séum að flytja stórar byrðar yfir á herðar skattgreiðenda þegar verið er að handfjatla orkuauðlindir þjóðarinnar með þessum hætti eins og ríkisstjórnin hyggst gera hér. Já segi ég; hér eru day-traders á ferð og braskarar með eigur þjóðar

föstudagur, 24. maí 2019 kl. 07:17:12

Ólafur Ísleifsson segir af hverju er þetta leikhús fáránleikans í gangi hér. Fullt af fólki er í sjálfboðavinnu að leggja sig fram við að finna sannleikann í þessu máli. Já segi ég; ríkisstjórnin þegir bara eins neitar að koma fram fyrir þjóðina

Ólafur Ísleifsson segir og spyr hvernig utanríkisráðherrann geti komið svona fram í málinu. Hitt og þetta sé sagt um svo kallaða fyrirvara. Leit stendur yfir, og ráðherrann horfir bara á. Er þetta til álitsauka fyrir þetta fólk og sjálfu málinu. Heldur þetta fólk að fólkið í landinu hafi enga gagnrýna hugsun

Bergþór Ólafsson segir að talar um greinar Tómasar Inga Olrich um að hvergi komi fram að íslensk yfirvöld hafi heimildir að koma í veg fyrir framgang orkubandalagsins, það eina sem nefnt er að þeim beri ekki skylda til að vinna að lagningu sæstrengs. Barnaskapur og vitnað í pólitískar yfirlýsingar sem eru óskuldbindandi. Blasir við að menn Landsvirkjunar séu komnir framúr sér. Er hún líka komin fram úr ríkisstjórninni?

föstudagur, 24. maí 2019 kl. 07:37:59

Birgir Þórarinsson segir og vitnar í umsögn Jóns Baldvins Hannibalssonar þar sem hann spyr: Mun höfnun lögleiðingu á OP3 setja EES samninginn í uppnám? Stutta svarið við því er nei. En ótímabær innleiðing (án þess að reynt sé að leita réttar síns, sennilega, GR) mun hins vegar grafa undan traustinu á EES samningum hjá þjóðinni. Þess vegna má ekki þjösnast svona með þetta

Bergþór Ólafsson segir óskynsamlegt að nálgast málið með þeim hætti sem ríkisstjórnin gerir

Birgir Þórarinsson segir að umsögn JBH sé mjög vel rökstudd. En hversu mikil umræða fór fram um hana í nefndum Alþingis?

föstudagur, 24. maí 2019 kl. 08:00:41

Birgir Þórarinsson segir og vitnar í umsögn Jóns Baldvins Hannibalssonar sem segir að íslensk stjórnvöld verði að móta orkustefnu sem verndar íslenska neytendur áður en þetta OP-mál sé tekið fyrir. Þjóðin sjálf á að koma að því máli segir JBH. Já segi ég, þessi tröllríðandi húsum hér ekki hæf ríkisstjórn þríeykisins ætlar að sækja ófreskju þá sem Hjörleifur Guttormsson nefnir í sínu áliti og þvinga hana yfir okkur eins og að við séum orðin nýlenda aftur. Hvað á svona lagað að þýða?!! Skömm xD-manna í flokki mínum er að verða óendanlega stór. Þeir eru að breytast í þjóðarskömm!

föstudagur, 24. maí 2019 kl. 08:06:45

Jón Þór Þorvaldsson talar um kjötsmálið og hvernig allt féll til jarðar þar eins og spilaborg

Ég segi að Lögreglan þyrfti að yfireyra þingmenn og láta þá sverja það af sér að ríkisstjórn Íslands sæti ekki fjárkúgun í þessu máli. Slík er framkoma hennar gagnvart þjóðinni. Svo óskiljanleg eru sinnaskipti þingmanna í þessu máli og svo óskiljanleg er þursaleg þögn þeirra

föstudagur, 24. maí 2019 kl. 08:33:56

Birgir Þórarinsson segir að starfsmenn Alþingis hafi sagt að lykillinn að því að endurheimta traust þjóðarinnar á Alþingi sé að finna hjá stjórnmálamönnum

Þorsteinn Sæmundsson segir aðvörun Miðflokksmanna í þessu máli sér massíf. Já massíf

Karl Gauti Hjaltason segir að í þessu máli sé að finna slíkt valdaframsal að hér verði Stjórnarskrá Íslands mögulega brotin

Þorsteinn Sæmundsson segir að hér komi fram ein þversögnin enn. Að ríkisstjórnin líti á lögfræðileg álit sem hlaðborð sem hægt sé að velja úr. Þarna á að ýta vandamálinu á undan sér. Slæm aðferð við flest, en afleit við löggjafarstarfið

föstudagur, 24. maí 2019 kl. 08:42:33

Karl Gauti Hjaltason segir upphaf málsins sé að finna hjá ESB (ekki hér), svo er það sent til EFTA ríkjanna. Þar er tækifæri til að fá undanþágur. Og sé þess óskað, þá flagga EES-löndin rauðu. Þetta er flókið lagaverk. Þegar flaggað er þá þýðir það að við ætlum að fá samþykki Alþingis (og þar með hjá þjóðinni, sem ekki er gert hér). Og svo leggur ríkisstjórnin þetta risavaxna mál fram á VORDÖGUM !! Flestar umsagnir eru neikvæðar (og þjóðin er á móti) . En þríeykið hlustar á enga og ekkert og það hlustar ekki á bakland sinna flokka. Hlustar ekki á sína lagaspekinga

föstudagur, 24. maí 2019 kl. 09:04:11

Karl Gauti Hjaltason segir að leitin að lagalega fyrirvaranum standi yfir. Í hans ungdæmi var leikur sem hét skuggaleikur þar sem bundið var fyrir augu og sá átti að leita. Svona er leitin að fyrirvörunum. Skuggaleikur einn

föstudagur, 24. maí 2019 kl. 09:06:10

Forseti slítur 17 tíma þingfundi og málinu er frestað

Þingforseti ætlar greinilega úr þessu að reyna að keyra málið á kostnað þjóðarinnar, ríkisstjórninni til gróða, en sem er umboðslaus í þessu máli. Eins og hann var umboðslaus þegar hann sveik kjósendur sína 2009

föstudagur, 24. maí 2019 kl. 10:01:22

Ég hjó eftir því að Matthías Johannessen fyrrverandi ritstjóri Morgunblaðsins sagði að útrásarvíkingaliðið sem hér reyndi að tæma alla sjóði landsins (og gerði það) og sem hegðaði sér eins og útlendingar, hefði aðeins verið framhald á nýlendukúgun Dana hér á árum áður

Svo virðist sem að þetta eigi einnig við það fólk sem er ríkisstjórn Íslands núna. Enda er þetta að mörgu leyti aðeins framhaldslíf fyrir þá sem klöppuðu þá mest: Hér er Matthías með þetta - á hreinu

Fyrri færsla

Miðflokkurinn stendur fast á rétti þjóðarinnar, gegn þríeykinu

Athugasemdir

[Símon Pétur frá Hákoti (IP-tala skráð) 24.5.2019 kl. 15:18]

Takk kærlega Gunnar að vísa í viðtal Árna Þórarinssonar við Matthías Johannessen.  

Birni Bjarnasyni væri hollt að hlusta á það, sér til einhvers afturbata og vits.

Um þingmenn og ráðherra Sjálfstæðisflokksins á ég engin orð til um lengur, svo miklir vesalingar eru þeir og í vasa nýríkra og menningarsnauðra plebba.

[Benedikt Halldórsson, 24.5.2019 kl. 16:43]

Takk fyrir fréttaskýringuna. Já, það er satt. "Allar þjóðir verða að gæta sinna hagsmuna. Annars bregðast þær sjálfum sér"

[Gunnar Rögnvaldsson, 24.5.2019 kl. 22:53]

Þakka ykkur fyrir Símon Pétur og Benedikt

Kveðja

[Gunnar Rögnvaldsson, 24.5.2019 kl. 23:50]

föstudagur, 24. maí 2019 kl. 23:50:51

Miðflokksmenn standa enn þjóðarvaktina á Alþingi, gegn því að ríkisstjórnin fái troðið orkupakka 3 niður kok þjóðarinnar og íslenska lýðveldisins

Ríkisstjórnin berst gegn því að staðið sé á réttindum þjóðarinnar. Hún neitar að leitað sé réttar okkar Íslendinga með því að fara þá leið sem um var samið að farin væri þegar EES-samningurinn var gerður. Ríkisstjórnin er þar með að svíkja þann samning, eins og Jón Baldvin Hannibalsson bendir á í umsögn sinni 

Ríkisstjórn Sjálfstæðisflokks, Framsónarflokks og Vinstri grænna neitar að gæta hagsmuna þjóðarinnar. Hún berst gegn hagsmunum okkar

Eini flokkurinn sem stendur gegn þessu gerræði á Alþingi Íslendinga er Miðflokkurinn. Og Flokkur fólksins er einnig andvígur orkupakka 3

Þingfundur stendur enn yfir þar sem Miðflokkurinn einn stendur vaktina. Fylgjast má með beinni útsendingu hér á vef Alþingis

[Gunnar Rögnvaldsson, 25.5.2019 kl. 01:05]

laugardagur, 25. maí 2019 kl. 01:04:56

Jón Þór Þorvaldsson segir hvernig skyldi skjalið hafa litið út þegar við fengum undanþágur vegna fiskveiðilögsögunnar

Sigmundur Davíð Gunnlaugsson segir furðulegt að þeir þingmenn sem tala fyrir þessu máli skuli ekki fjalla um þetta (fiskveiðar). Var að vísu tekið fyrir við samningsgerðina (EES). En Ísland hefur fengið varanlega undanþágu vegna jarðgass. Þar blasir við lausn fyrir rafmagnið. Við erum ekki tengd. Já segi ég; hvað er eiginlega að gerast hér?

[Gunnar Rögnvaldsson, 25.5.2019 kl. 01:20]

laugardagur, 25. maí 2019 kl. 01:18:45

Sigmundur Davíð Gunnlaugsson segir verið sé að taka upp ESB-löggjöf frá 2009. Hlutverk ACER hér á landi yrði mjög virkt, ef við kyngjum. Mun þetta að grunni til breyta hlutverki Orkustofnunar

Jón Þór Þorvaldsson segir já innleiðing mun gera það. Ný stofnun ESB yrði þá eins konar ný Orkustofnun. Okkar gamla Orkustofnun yrði allt annað. Ekki sjálfstæð nema þá fyrir hönd ESB

Sigmundur Davíð Gunnlaugsson segir merkilegt að ríkisstjórn innleiði hér með lög um Orkustofnun sem þá hættir að lúta lýðræði á Íslandi, og flyst yfir til ólýðræðis ESB-stofnana

Jón Þór Þorvaldsson segir eins og umhverfi Orkustofnunar er í dag, þá uppfyllir það ekki OP3. Setja á Orkustofnun í annan ramma (yfirríkisramma). ESB veit alveg hvað það vill. Ryðja úr vegi lögum og pólitík Íslands

Karl Gauti Hjaltason segir að Orkustofnun verður þá óháð íslensku ráðherravaldi

[Gunnar Rögnvaldsson, 25.5.2019 kl. 01:31]

laugardagur, 25. maí 2019 kl. 01:28:48

Jón Þór Þorvaldsson segir að ef við kyngjum þá muni þessir stjórnarliðsmenn sem hér eru að verki horfa í gaupnir sér fyrir hádegi, en svo vinna fyrir ESB eftir hádegi. Já segi ég, fjarstýrt frá Brussel. Við  þá orðin eins konar nýlenda á ný. Viðurstyggð!

Karl Gauti Hjaltason segir slæmt að Proppé hafi yfirgefið þingsalinn. Í bókhaldi okkar Íslendinga sjáist nefnilega að við séum að framleiða raforku með kolum og kjarnorku. Þetta sér upprunavottun. Þetta tengist þessu máli og verðmyndun í framtíðinni

[Gunnar Rögnvaldsson, 25.5.2019 kl. 01:40]

laugardagur, 25. maí 2019 kl. 01:35:46

Bergþór Ólafsson segir að aflátsbréfasala þessi bendi til þess að öll raforka innan Orkubandalags Evrópusambandsins verði sett í einn pott og svo selt úr honum. Já segi ég, kannski fáum við þá að kaupa rafmagn okkar frá ESB. Orkan okkar er þá ekki lengur orkan okkar. Hún er þá orka úr lögsögu ESB

Karl Gauti Hjaltason segir augljóst að hækkanir verði á raforkuverði. Þetta kerfi muni þýða það

Bergþór Ólafsson segir að við finnum okkur í þeirri stöðu að samkeppnisforskot okkar (hrein orka) muni renna úr okkar höndum og yfir til annarra landa. Það mun fjara út ef við samþykkjum OP3

[Gunnar Rögnvaldsson, 25.5.2019 kl. 02:00]

laugardagur, 25. maí 2019 kl. 01:58:59

Þorsteinn Sæmundsson segir og vitnaði í grein Hildar Sif Thorarensen og segir að þó svo að málið sé flókið að þá erum við ekki starfi okkar vaxin hér á Alþingi ef við getum ekki útskýrt það fyrir þjóðinni, og hvers vegna við erum að gera það, en ekki annað

Jón Þór Þorvaldsson segir og fordæmir forseta Alþingis fyrir að segja að Miðflokksmenn séu að koma í veg fyrir framgöngu lýðræðis. Staðreyndin sé hins vegar sú að Íslendinga hafi ekki kosið neina þessara flokka til að gera einmitt þetta

Birgir Þórarinsson segir og vitnar í orð Steingríms J. Sigfússonar um að menn hafi verið sofandi og spurði þá af hverju við hefðum ekki fengið undanþágu frá þessu (Op1+2 skilst mér). En hér á að reyna að keyra þetta mál fram hjá þjóðinni einu sinni enn

[Gunnar Rögnvaldsson, 25.5.2019 kl. 02:08]

laugardagur, 25. maí 2019 kl. 02:07:03

Ég minni lesendur á 90 ára afmæli Sjálfstæðisflokksins í dag

Þorsteinn Sæmundsson segir að Sjálfstæðisflokkurinn ætli að gefa flokksmönnum pakka í afmælisgjöf í dag: Orkupakka3. Segir að hann átti ekki von á því að dagurinn myndi marka samruna Sjálfstæðisflokks og Vinstri grænna yfir í nýSamfylkingu, eins og hún var fyrir 10 árum

[Gunnar Rögnvaldsson, 25.5.2019 kl. 02:34]

laugardagur, 25. maí 2019 kl. 02:33:23

Sigmundur Davíð Gunnlaugsson segir að svipað gildi um hina stjórnarflokkana. Þeir hafa hlaupist undan stefnu sinni

Bergþór Ólafsson segir og spyr hver verður hin raunverulega staða eftir innleiðingu OP3, sé hann samþykktur. Sviðsmyndin gætið orðið sú að sæstengur yrði kominn innan nokkurra ára, og hvernig verður staðan þá. Stjórnvöld hafi ekkert ávarpað þá mynd

Sigmundur Davíð Gunnlaugsson segir að fullt tilefni sé til að gera það. (ég minni lesendur á það sem SDG benti á í tilfelli Kýpur). Það liggja fyrir umfangsmiklar breytingar á OP3, nú þegar. Þessar breytingar eru að ACER fái vald til að knýja á um tengingu við eyjar

Bergþór Ólafsson segir segir að þetta sé hlutur sem Miðflokksmenn verði að taka sig af því ekki gerir ríkisstjórnin né stjórnvöld það. Þetta er almenningi ekki boðlegt. Færiband sé í gangi án þess að sviðsmyndin sé upplýst

Sigmundur Davíð Gunnlaugsson segir og nefnir svo kallað "greiðsluskjól" sem haldið var fram í Icesave deilunni (já segi ég; lýðskrum þá, og er enn) og nefnir þetta svo kallaða "memorandum of understanding" og svo kallaða fyrirvara sem þá voru kynntir. Það sama á við um svo kallaða rauðarárstígs-fyrirvara núna, sem eru einhliða. Sé OP3 viðtekinn þá mun hann gilda hér eins og hann er, en ekki eins og látið er af stjórnvöldum

[Gunnar Rögnvaldsson, 25.5.2019 kl. 02:50]

laugardagur, 25. maí 2019 kl. 02:49:11

Bergþór Ólafsson ræðir um fundarstjórn þingforseta, sem neitar að tala tillit til starfsfólks Alþingis

Furðulegt segi ég: ekkert hefur heyrst úr evrusvitasjoppu Benedikts Jóhannessonar í marga daga. En í dag er evran fallin um tæp 30 prósent gagnvart dal frá því að bankbóluveisla ECB lauk með klessukeyrslu 2009, og hlutabréfin í fjármálaflaggskipi Þýskalands, Deutsche Bank, eru hrunin um 93 prósent og standa í 6,38 evrum í dag. En það er kannski skiljanlegt að Benedikt geti ekki pönkast á krónunni því ekki er bæði hægt að hafa mél í munni og blása. Í munni Viðreisnar er nefnilega orkupakki3 og þar neyðast menn því til að halda í sér andanum. Hver skyldi verða í Valhöll með orkupakka3 í dag?

[Gunnar Rögnvaldsson, 25.5.2019 kl. 03:11]

laugardagur, 25. maí 2019 kl. 03:10:56

Jón Þór Þorvaldsson vitnar í ræðu Óla Björns Kárasonar þingmann Sjálfstæðisflokksins um að við gætum samkvæmni, sérstaklega þegar tillit er tekið til sérstöðu okkar. Leikreglurnar eru skýrar um EES, en hluti af þeim er að leggja stjórnskipulega fyrirvara fyrir Alþingi. Ómdeilt sé að Alþingi hafi fulla heimild til að hafna eða samþykkja að aflétta fyrirvörum. En í norska þinginu er málið annað, því þar er gert ráð fyrir auknum meirihluta

Sigmundur Davíð Gunnlaugsson segir já þarna er munur á, en þrátt fyrir það (aukinn meirihluta) er beiðið eftir niðurstöðu norska stjórnlagadómstólsins því innleiðing OP3 hefur verið kærð. Ef að niðurstaða hans er sú að OP3 standist ekki stjórnarskrá, þá værum það við sem værum búin að samþykkja en þeir ekki

Jón Þór Þorvaldsson segir að þá muni verða litið svo á að öll ríkin hafi samt samþykkt og málið verða lagt fyrir ECJ og hann muni dæma eftir ESB-lögum. En það er ekki vandamál ECJ ef að ríki brjóti sína eigin stjórnarskrá. Lög ESB gildi. Ég segi; Já þetta verður svona

[Gunnar Rögnvaldsson, 25.5.2019 kl. 03:27]

laugardagur, 25. maí 2019 kl. 03:26:49

Birgir Þórarinsson segir efnislega að undanþága sé sú leið sem á að fara, en það hafi ekki verið gert né sá réttur þjóðarinnar sóttur. Það sýni hegðun utanríkisráðherra, því þá hefði hann komið og sagt stoltur, hvað sagði ég, þessu var illa tekið. En hann þegir bara þunnu hljóði. Já segi ég: hér er verið að blekkja þjóðina

Jón Þór Þorvaldsson segir greinilegt að hér sé verið að innleiða OP3 án nokkurra fyrirvara

Birgir Þórarinsson segir að ráðherra hafi svarað með skætingi og gert lítið úr þingmönnum og þannig hegðun sé óboðleg. Ráðherrann sé augljóslega ráðþrota. Spurningar hafa verið lagðar fyrir ráðherra en lítið er um svör. Í stað þess er ráðist á norsku Nej til EU samtökin og norskan stjórnmálaflokk, sem ekki eru til staðar, og áburður hafi verið borinn á samtökin Orkuna okkar

[Gunnar Rögnvaldsson, 25.5.2019 kl. 03:45]

laugardagur, 25. maí 2019 kl. 03:45:10

Jón Þór Þorvaldsson segir að efnislega bárust engin svör til þingmanna í gær. Notuð hafi verið mælskulist en það er samræðulistin sem sé tungumál stjórnmálanna. Þetta þyki sér miður. Haldbær rök hafi ekki komið fram

Birgir Þórarinsson segir að ekki sé verið að fara bestu leiðina. Menn reyni hins vegar að fara í hringi. Ráðherrann eyddi tíma í að fara í gegnum gögn, en spurningum hafi ekki verið svarað. Þar viðurkenndi ráðherra að hafa rætt málið þarna úti. En ekki er sagt frá neinum viðbrögðum

Jón Þór Þorvaldsson segir að akkúrat þessi ráðherra hefði ekki átt að viðhafa Viðreisnar- og Samfylkingar hegðun í þessu máli. Að hann hafi ekki kallað eftir áliti helstu manna og fari ekki rétta og lögformlega leið í málinu

Birgir Þórarinsson segir að þarna höfum við samningsbundinn rétt sem einhverjir embættismenn geti ekki setji sig upp á móti. Ástæðan fyrir þessu er óskiljanleg og að þetta sé fyrirsláttur. Einhverjir hagsmunir séu þarna að baki sem við vitum ekki um

Sigmundur Davíð Gunnlaugsson segir að heimsókn ráðherranns í gærkvöldi hafi verið undarleg. Mætti til leiks án þess að flytja okkur neinn nýjan punkt í málinu. En umræðan hefur þróast mikið síðan að málið var lagt fyrir (já segi ég: og eftir UHU-límingarfund stjórnargengisins í ráðherrabústaðnum) þá kom hann með ekkert nýtt fram, í ljósi þess

Birgir Þórarinsson segir efnislega að ráðherrann geti einfaldlega ekki brugðist við því annað hafi verið ákveðið fyrirfram. Engin svör. Og hvað ef við verðum kærð

Sigmundur Davíð Gunnlaugsson segir að formaður utanríkismálaráðherra hafi ekkert getað lagt fram í málinu annað en að koma fram í þætti vinar síns í sjónvarpi því sem skattgreiðendur eru neyddir til að halda uppi. Bara skætingur

[Gunnar Rögnvaldsson, 25.5.2019 kl. 03:56]

laugardagur, 25. maí 2019 kl. 03:55:09

Enn stendur aðeins Miðflokkurinn vaktina fyrir Ísland á Alþingi Íslendinga

Birgir Þórarinsson segir að ekkert standi um það í EES-samningum að hann fari í uppnám sé hann notaður eins og til var ætlast. Hvers vegna er verið að halda uppi þessum hræðsluáróðri. Það verður að fást svar við því

Þorsteinn Sæmundsson segir að samningurinn segi að mönnum beri að gera sitt ýtrasta til að fara eftir honum

[Gunnar Rögnvaldsson, 25.5.2019 kl. 04:04]

laugardagur, 25. maí 2019 kl. 04:02:13

Birgir Þórarinsson segir að mikill ágreiningur sé um málið. Umsagnir neikvæðar. Meiri hluti þjóðarinnar andvígur. Verkalýðsfélög neikvæð

Þorsteinn Sæmundsson segir að við ágreining beri að leiða til lykta í samræmi við ákvæði samningsins. Samkomulag verði að finnast. Hafna veður pakkanum í núverandi mynt. Lögformlegir fyrirvara verða að fást

Sigmundur Davíð Gunnlaugsson segir að hér sé ætlast til að leiða í lög sem síðan menn ætlast til að séu ekki lög. Innleiða á eitthvað sem menn vilja ekki að taki gildi

Þorsteinn Sæmundsson segir hvers vegna skyldi menn leiða eitthvað í lög sem senst ekki stjórnarskrá okkar

Já segi ég; hvernig væri að sýna henni meiri virðingu en hér á að sýna stjórnarskrá umboðslauss imperíal veldis ESB. Eru menn orðnir villimenn í þessu samhengi?

[Gunnar Rögnvaldsson, 25.5.2019 kl. 06:30]

laugardagur, 25. maí 2019 kl. 06:29:30

Enn stendur aðeins Miðflokkurinn vaktina fyrir Ísland á Alþingi Íslendinga

Í ræðustól er Jón Þór Þorvaldsson og talar um virkjanir og svo kallaða fjárfesta og OP3. Hann bíður fullnægjandi svara frá orkupakkagengi ríkisstjórnarinnar

[Gunnar Rögnvaldsson, 25.5.2019 kl. 06:56]

laugardagur, 25. maí 2019 kl. 06:55:58

Jón Þór Þorvaldsson segir að alþjóðlegir fjárfestar sýni málinu svo furðulegan áhuga og hefur fréttaveitunni Bloomberg, að hér á eyjunni Íslandi sé nú að finna mest á græðandi fjárfestingar á öllu Vesturhveli jarðar. Já segir ég, en ESB-liðið hér á landi var búið að segja þjóðinni að hér vildi enginn fjárfesta vegna þess að við værum ekki með evru sem mynt

Birgir Þórarinsson segir að furðulegt sé að auðlinda- og viðskiptahagsmunir þjóðarinnar séu ekki teknir alvarlegar en hér komi fram

Jón Þór Þorvaldsson segir að það sé íslenska þjóðin sem eigi raforkukerfi Íslands og hafi unnið við að byggja það og það sé því hennar og hún eigi að fá að koma að þessu máli

Birgir Þórarinsson segir að lífskjör þjóðarinnar séu nátengd lágu verði á orku og góðu framboði hennar að það hafi ekki verið hugsað um að hér sé hugsanlega verið að skerða lífskjör núverandi og komandi kynslóða

Jón Þór Þorvaldsson segir að mótun orkustefnu, en sem er ekki til núna, eigi að taka mið af þessu. Lífskjörum þjóðarinnar verður að huga að. Okkar orkustefna

[Gunnar Rögnvaldsson, 25.5.2019 kl. 07:29]

laugardagur, 25. maí 2019 kl. 07:28:40

Ólafur Ísleifsson segir að enginn þessara flokka sem nú tala fyrir málinu, töluðu fyrir því fyrir síðustu kosningar

Ja hérna segi ég, þeir eru umboðslausir í þessu máli - og í Morgunblaðsgrein Björns Bjarnasonar 24. september 2002, um fyrri orkupakka, segir að ekki mætti samþykkja þá. Sækja verður um undanþágur. Hér séu allt aðrar aðstæður en gilda um orkumál í Evrópusambandinu, segir Björn þá. Rödd Björns þá ættu þingmenn Sjálfstæðisflokksins að viðhafa núna. Halló, er ekki allt í lagi? Einhver heima?

[Gunnar Rögnvaldsson, 25.5.2019 kl. 07:49]

laugardagur, 25. maí 2019 kl. 07:49:17

Karl Gauti Hjaltason segir að þetta sé fyrsta ræða hans á kristilegum tíma í dag og óskar hann því Sjálfstæðisflokknum á þessum fallega degi til hamingju með 90 ára afmælið, sem er í dag. Karl Gauti Hjaltason Miðflokksins talar um aflátsbréfasölu í raforkumálum. Við höfum innleitt þetta (að utan) og erum að selja burt hreinleikavottun orku okkar 

Jón Þór Þorvaldsson segir að hann viti af tilvist þessara aflátsbréfa en þekki málið þó ekki til hlítar. En hvenær ákváðum við að selja burt frá okkur hreinleikavottun okkar sjálfra

[Gunnar Rögnvaldsson, 25.5.2019 kl. 08:08]

augardagur, 25. maí 2019 kl. 08:07:52

Sigmundur Davíð Gunnlaugsson segir og segist ekki skilja þetta. Getur þá landbúnaður, til dæmis kjúklingabú sem aldrei er með salmonellu lent í því, að til dæmis ESB-kjúklingabú sem er með fullt af salmonellu, endi hið líf hins góða kjúklingabús sem er með allt sitt á hreinu á Íslandi

Karl Gauti Hjaltason segir já þetta eru lofsverðar blekkingar og sem talað hefur verið um

Já segi ég; með einu pennastriki hefur ESB ákveðið að til dæmis raforka sem framleidd er með bruna tréflísa sé co2 hlutlaus, þegar allir vita að hún er það ekki. Þetta varð svo til þess að Danir hafa skipt frá kolum yfir í tréflísar. Milljón tonn af trjáflísum þarf til að jafnast á við hálfa milljón tonn af kolum. Svona er brandarastykkið þar í boði ESB. Til dæmis þarf stöð á borð við Kárahnjúkavirkjun sennilega 2 milljónir tonna af tréflísum til að fá út 700-800 Mw

[Gunnar Rögnvaldsson, 25.5.2019 kl. 08:24]

laugardagur, 25. maí 2019 kl. 08:24:10

Birgir Þórarinsson segir að málið sé vanreifað og það sé ótrúlegt að svona stórt mál fái þannig meðferð og það sé þess eðlis að utan þingsins séu menn að fara á taugum yfir því að Miðflokksmenn skuli dirfast að reyna að greina það til mergjar

Sigmundur Davíð Gunnlaugsson segir að svona aðferðum við að þagga niður umræður um svo stórt mál séu til marks um það að menn hafi ekki hreina samvisku í þessu máli. Þeir vilja að sem fæstir fái nasaþef af eðli málsins og þýðingu þess fyrir þjóðina

Jón Þór Þorvaldsson segir að það sé einkennilegt að því sé haldið fram af pakkafólki að málið snúist að einhverju leyti um gegnsæi og neytendavernd. Her er um sósíalistískar aðferðir að ræða, en ekki um markaðsvæðingu og neytendavernd, eins og skilningur venjulegs fólk sé um þau mál

[Gunnar Rögnvaldsson, 25.5.2019 kl. 08:35]

laugardagur, 25. maí 2019 kl. 08:33:39

Já segi ég. Rétt er sennilega að tala um þingmenn ríkisstjórnarinnar sem miðstýrðan hóp. Miðstjórn þingmanna Sjálfstæðisflokks, Framsóknar og Vinstri grænna er ekki að finna í þeim flokkum heldur utan allra flokkanna, en samt hvergi. Enginn botnar í sinnaskiptum allra þingmanna á sömu stundinni. Og enginn þeirra impraði á þessu máli fyrir síðustu kosningar. Málið er samt risavaxið mál fyrir þjóðina. Risavaxið! - og það varðar sjálfa Stjórnarskrá Íslands

[Gunnar Rögnvaldsson, 25.5.2019 kl. 09:01]

laugardagur, 25. maí 2019 kl. 09:00:14

Ólafur Ísleifsson segir að það hafi orðið mikil tíðindi á Bretlandseyjum. Theresa May sé að segja af sér (já segi ég; og grét) vegna þess að hún sagði að sér hefði ekki tekist að koma vilja þjóðarinnar um útgöngu af Evrópusambandslögsögu til leiðar. En hvað mun þetta þýða fyrir okkur því Bretland er stærsti viðskiptaaðili okkar. Hvaða áhrif mun þetta hafa fyrir okkur

Jón Þór Þorvaldsson segir að ef hart-brexit verður (útganga án samnings) þá mun Bretland þurfa að reiða sig meira á þá tvíhliða samninga sem þeir hafa. Þá þarf að hugsa um EFTA. Þá mætti hugsa sér að mjög gott væri fyrir okkur að hafa ekki samþykkt OP3. Að gott væri að við hefðum þá enn fullt forræði í okkar orkumálum. Já segi ég: þar sannast að sjálfákvörðunarréttur þjóða er ófáanlegur hlutur og honum má ekki varpa fyrir róða, sama hvað er í boði

Ólafur Ísleifsson segir segir að hér sé utanríkisráðherra að beita sér fyrir grundvallarbreytingum á utanríkismálum Íslands. ESB segir, gerir og heimtar að aðgangur að markaði ESB sé veittur gegn aðgangi að auðlindum okkar (OP3). Þetta er ekki svona með viðskipti  okkar við Bretland

Jón Þór Þorvaldsson segir að fyrir viku hefðum við ekki haft þessar upplýsingar

Birgir Þórarinsson segir að það eina sem okkur sé sagt að ekki þurfi að hafa neinar áhyggjur af neinu. Það er ábyrgðarhlutur að keyra svona mál og sérstaklega gegn vilja og samþykki þjóðarinnar. Þessi auðlind er í eigu allra landsmanna. Rafmang var lagt hér á alla bæi og það var þjóðfélagslegt átak. Ekki var bara hugsað um gróða

[Gunnar Rögnvaldsson, 25.5.2019 kl. 09:25]

laugardagur, 25. maí 2019 kl. 09:23:06

Þorsteinn Sæmundsson segir og talar um að örlög Hitaveitu Suðurnesja séu umhugsunarveð. Almannafyrirtæki á borð við lífeyrissjóði voru hvött til að taka þátt í þessu en það gerðu þau ekki. Útlendingar gerðu það, en svo neyddust lífeyrissjóðir að kaupa þetta af útlendingum aftur, sem hirtu gróðann

Birgir Þórarinsson segir að þetta sé einmitt þessi svokallaða markaðsvæðing. Þarna hafi löggjöf ESB verið örlagavaldur. Hvernig eiginlega búast menn við að þetta verði eftir innleiðingu allra hinna pakka ESB. Er ekki kominn tími til að læra af sögunni. Horfum á þetta og frestum þessu máli. Við verðum að fara mun betur yfir þetta

Þorsteinn Sæmundsson segir að HS hafi verið burðarás á Suðurnesjum. Og helmingur eignarhluta hafi ratað aftur í eigu Íslendinga og það mál viðkemur Bláa lóninu líka. Við eigum ekki að taka áhættuna á að við missum þessi mál úr okkar höndum

Birgir Þórarinsson segir að Sjálfstæðismenn hafi selt HS-veitur sem þá var að skila sveitafélaginu 400 milljónum í arð á ári. Hvernig dettur mönnum þetta í hug. Þessi spor hræða

Gunnar Bragi Sveinsson segir um fundarstjórn forseta að vegna fundarstjórnar þessarar umræðu hafi hann orðið að afþakka boð í 90 ára afmæli Sjálfstæðisflokksins

Já segi ég; þeir einu sem standa vaktina fyrir þjóðina eru þingmenn Miðflokksins, á meðan dansað er í Valhöll á gröf hins heiðarlega kapítalisma

[Gunnar Rögnvaldsson, 25.5.2019 kl. 09:46]

laugardagur, 25. maí 2019 kl. 09:45:06

Ólafur Ísleifsson segir að vegna þess að hætta er á innleiðing brjóti í bága við stjórnarskrá að þá er sagt að fyrirvari eigi að lækna það. Hvar er lögfræðilega álitsgerð um það mál að finna.  Hér eiga erlendar stofnanir að fá ítök í nýtignu náttúruauðlinda þjóðarinnar. Hér er svo stórt mál á ferðinni að hér er ekki hægt að halda áfram án þess að aðvaranir séu teknar fastari tökum og meira mark sé á þeim tekið

Gunnar Bragi Sveinsson segir að í áliti Stefáns Más og co sé að finna verulegan vafa. Hvernig geta menn réttlætt að fresta því að tekin sé afstaða til þess. Menn hafa heldur ekki sagt hvernig orkupakki  4 sem er að skella á komi inn í þetta mál núna

Ólafur Ísleifsson segir að texti í nefndaráliti getur ekki haft þýðingu í þjóðréttarlegu máli. Þetta mál sýnist verða lögfræðielgur óskapnaður í alla staði. Teflt er fram einhverju sem sagt er vera fyrirvari en er það ekki. Já segi ég; spínatskellur kjötmálsins. Framsókn hlýtur að veltast um í óendanlegu gleðikasti

Gunnar Bragi Sveinsson segir að menn spyrji sig aldrei að því hvernig sé hægt að hætta við þegar lengra er komið (fleiri pakkar)

[Gunnar Rögnvaldsson, 25.5.2019 kl. 10:23]

laugardagur, 25. maí 2019 kl. 10:22:07

Gunnar Bragi Sveinsson segir og flytur þrumuræðu um orkupakkaþvæluna frá ESB

Bergþór Ólafsson segir að ríkisfjölmiðillinn (RÚV) hafi ekki afl til hvorki að skoða né fjalla um þetta mál. Hann sé gagnslaust fyrirbæri

Gunnar Bragi Sveinsson segir að einkareknir fjölmiðar séu ekki öfundsverðir að keppa við það bákn. Ekkert er gert til að skoða málið niður í kjölinn. Málið er stórt og það er flókið og sýnst um framtíð Íslands

[Gunnar Rögnvaldsson, 25.5.2019 kl. 10:44]

laugardagur, 25. maí 2019 kl. 10:40:13

"Bjarni valdi Fréttablaðið í stað Moggans fyrir grein í tilefni 90 ára afmælisins" segir Viljinn í dag

Já segi ég, gott að landsbyggðin sjái hana ekki, og minni á orð Þorsteins Sæmundssonar laugardaginn, 25. maí 2019 kl. 02:07:03 

"..að hann átti ekki von á því að dagurinn myndi marka samruna Sjálfstæðisflokks og Vinstri grænna yfir í Samfylkingu, eins og hún var fyrir 10 árum"

Já xD er kominn á Baugs-flettiblaða-veltuna fyrir 15 árum - að braska með fullveldi íslensku þjóðarinnar í orkumálum. Enn meira skal lagt undir en síðast

Þingfundi án þátttöku ríkisstjórnarflokka orkupakka3 var slitið rétt í þessu og máli ríkisstjórnar Framsóknar, xD og VG um að framtíðarnýting auðlinda Íslendinga sé best borgið í vösum ókjörins imperíal veldis Evrópusambandsins, er frestað

SIGNOFF

[guðmundur Ingi Kristinsson (IP-tala skráð) 25.5.2019 kl. 11:49]

Bjarni Ben eldri skrifaði lítið kver sem AB gaf út og gaf áskrigendum þar sem hann fjallar á snilldarlegan hátt um þetta mál.Einnig Halldór Laxnes í Gjörningabók sinn."Menn af þessu tagi eru höfuðóvinir sjálfstæðis og fullveldis þjóðar sinnar..."bls49.Sorglegt hvernig er komið fyrir Sjálfstæðisflokknum.Bjarni Ben eldri skrifar í sama anda og Halldór.

[Gunnar Rögnvaldsson, 25.5.2019 kl. 20:59]

Þakka þér innlit og skrif Guðmundur Ingi.

Já það er ekki gaman þegar að bankar tæma sig svona, sökum þess hve fáir leggja inn, til að standa undir kröfum um lágmarks pólitískt kapítal. Rekstrarútgjöld bankastjórnarinnar taka ekki mið af eiginfjárstöðunni. Mér dettur ekki önnur samlíking í hug. Þetta reddast ekki.

En nýtt mun vaxa úr grasi.

Kveðjur