Frá varðstöðu Miðflokksins á Alþingi síðustu nótt

Einn á vakt í þágu þjóðar. Einn góður flokkur og annar

Nokkrir góðir menn Miðflokksins stóðu vaktina gegn orkupakkaveldi ESB á Alþingi síðustu nótt. Orkupakkaveldi ESB er fjarlægt, umboðslaust og skattfrjálst heimsveldi sem borað hefur út að innan þá flokka sem þjösna vilja réttindum þjóðarinnar fyrir borð, í sjóinn og út úr heiminum. Þá flokka skyldi enginn að kjósa án þess að hafa verra af, því lengi getur vont versnað eins og löng saga okkar sannar. Fólk ætti hins vegar að kjósa þá flokka sem standa gegn þeim flokkum sem við minnsta goluþyt hrökkva skelkaðir á sjálfskiptingunni í brauðið, og neita að standa á réttindum íslensku þjóðarinnar. Þannig flokka er ekki á neinn vetur setjandi. Þeim á að refsa hart. Þeir flokkar sem hins vegar standa gegn orkupakkaheimsveldi ESB eru Miðflokkur og Flokkur fólksins. Svona gekk varðstaða Miðflokksins fyrir sig á Alþingi Íslendinga, frá mínu kjördæmi séð, síðustu nótt. Þakka ég forfeðrum mínum fyrir að hafa endurreist Alþingi, fært okkur fullt vald í okkar málum (annars væri um ekkert að ræða) og fyrir 200 sjómílur, hitaveitur og raforkuveldi Íslendinga í þágu þjóðar. Takk

Umræður héldu þó áfram, nú fram á miðvikudag 22. maí 2019 til kl. 08:42. Í meira en 12 stundir. Heilar 19 klukkustundir segir hér

þriðjudagur, 21. maí 2019 kl. 00:06:50

Umræða stendur yfir á Alþingi Íslendinga um ESB-orkupakka3. Reyna á að troða honum með illu niður kok íslensku þjóðarinnar og algerlega gegn aðkomu hennar og þjóðarvilja. Anað er inn í enn eina ESB-helferðina engum til gagns, en öllum til ógagns. Þetta er endurútgáfa bankapakka ESB/EES, sem var misfóstur. Þetta er og verður stærra misfóstur en Icesave. Áföll fyrir þjóðina áratugum saman

Miðflokkurinn stendur vaktina

þriðjudagur, 21. maí 2019 kl. 00:39:08

SDG segir að OP3 sé kynntur sem bein afleiðing OP1+OP2. Og þegar næsta högg frá ESB kemur, að þá verði það kynnt sem bein afleiðing af því að hafa látið berja einu sinni, tvisvar og þrisvar. Þá kemur fjórbarningurinn og svo fimmbarningurinn

Ísland verður því barið þar til það segir stopp. Aftur og aftur. Allir sem láta berja sig verða barðir aftur og aftur þar til þeir segja stopp og taka málin í sínar eigin hendur

Sjálfstæðisflokkurinn er orðinn notbremsenresistent vegna duglausrar forystu. Hann húrrar því áfram stjórnlaus til heljar eins og plokkfiskur löngu kominn fram yfir síðasta örugga neysludag

Forystu xD vantar allan þann fælnimátt sem hún var kosin til að viðhafa þegar um þjóðarhagsmuni okkar er að ræða. Hún á að vera deterrence fyrir hönd Íslands, en er því miður einungis liðleskja og viljalaust verkfæri í höndum annarra

þriðjudagur, 21. maí 2019 kl. 00:59:26

Jón Þór Þorvaldsson segir:

Yfirþjóðlegt vald ACER staðfest

Auðvitað er ACER hluti af yfirríki ESB. Danska orkustofnunin segir það líka

Og NS2 var hrifsað úr höndum Þýskalands með yfirríkislegu valdi sem er með ACER undir sér. Sjá hér: ESB/ACER knésetur Þýskaland og Rússland með orkupakka3

OP3 mikilvægur því þá hætta OP1+2 að vera bara innanríkismál og verða milliríkjamál (cross border mál með ACER sem "resolution mekanisma" eins og að um cross-border banka væri að ræða)

Þrýstingur settur á íslensk stjórnvöld. Íslandi liggur ekkert á í þessu máli. Þetta er mál annarra, en ekki okkar hér á Íslandi. Við erum að missa forræðið. Þess vegna er þrýst á okkur. Við eigum að segja nei

þriðjudagur, 21. maí 2019 kl. 01:34:59

Karl Gauti Hjaltason segir að við séum að neyta íslensk grænmetis vegna raforku okkar og nýtingu jarðvarma, og Jón Þór Þorvaldsson segir að við séum að missa fullveldið í þessum málum okkur til mikils skaða. Mikil þróun á túrbínum í vændum sem við ættum að huga að. Já eins og við þróuðum síldveiðar fyrstir allra

Karl Gauti Hjaltason segir að við eigum að flagga hér rauðu því verið sé að læðast með þjóðarréttindamál fram hjá íslensku þjóðinni. Engir fyrirvara munu halda

Gunnar Bragi Sveinsson segir að sjálft ferli málsins sé það að við verðum aðilar að orkusambandi þar sem lög yfirríkis ESB gilda

Karl Gauti Hjaltason segir fordæmið í þessum málum sjáist í innflutningi á matvælum til skaða fyrir Ísland og landbúnað okkar. Þar sem valtað var yfir allt Ísland og alla fyrirvara þess. Sé þetta innleitt verður ekki snúið til baka. Að sjálfsögðu ekki. Yfir-ríki er jú yfirríki

Gunnar Bragi Sveinsson segir að við séum að innleiða hugmyndafræði sem sé okkur framandi og ógnandi. Já að sjálfsögðu, enda bað enginn Íslendingur um þetta. Enginn Íslendingur hefur beðið um þetta. Þetta eru einkavæðingarpakkar þar sem súrefni þjóðarinnar á að gera að braski í höndum innlendra og erlendra óligarka

Karl Gauti Hjaltason segir að þetta mál allt geti verið tifandi tímasprengja undir orkuhagkerfi Íslands

Jón Þór Þorvaldsson segir segir að við eigum að segja nei, því þá höfum við valkost. Já algerlega óþolandi að láta stilla þjóðinni svona upp við vegg eins og að ESB sé aftökusveit og EES vopn þess

þriðjudagur, 21. maí 2019 kl. 01:51:28

Gunnar Bragi Sveinsson segir að ákvæðið um "frjáls viðskipti" þýði að Íslandi verði gert að tengjast, alveg sama hvað. Það sé þannig

Já. Það missa allir virðingu fyrir þjóð sem afsalar sér valdi sem hún þarf ekki að gera. Það verður að láta reyna á þetta fyrir rétti. Það verður. Það er algjör lágmarkskrafa

Laga mér kaffi og fæ mér snúða sem konan mín bakaði og fer út og tala við hrossagaukinn og rjúpuna. Hún svarði mér um daginn

þriðjudagur, 21. maí 2019 kl. 02:14:12

Þorsteinn Sæmundsson segir að ekkert hafði breyst í hans afstöðu. En það sé hins vegar rannsóknarefni hvað varð um afstöðu þingflokks Framsóknarflokksins um að ekki ætti að afhenda útlendum orkumálefni okkar. Hið sama gildir um þingflokk Sjálfstæðisflokksins. Hlaupið frá öllu

Já vel á minnst. Í svakalega góðri grein Viðars Guðjohnsen í Morgunblaðinu mánudaginn 20. maí 2019 áréttar hann eftirfarandi:

Sjálfstæðisflokkurinn var stofnaður 25. maí 1929 við sameiningu Frjálslynda flokksins og Íhaldsflokksins í kringum tvö ófrávíkjanleg aðalstefnumál sem birtust m.a. í Morgunblaðinu daginn eftir stofnun flokksins. Fyrsta aðalstefnumálið var að "Ísland taki að fullu og öllu sín mál í sínar eigin hendur og gæði landsins til afnota fyrir landsmenn eina" en hitt var "að vinna í innanlandsmálum að víðsýnni og þjóðlegri umbótastefnu á grundvelli einstaklingsfrelsis og atvinnufrelsis með hagsmuni allra stétta fyrir augum." Markmið þessi eru enn þann daginn í dag bundin í lög flokksins. Mikilvægi þeirra má m.a. sjá á staðsetningu þeirra í lögum flokksins en fyrrnefnd aðalstefnumál má finna strax í annarri grein laganna (fyrsta greinin fjallar um nafn flokksins). Það mætti með réttu segja að aðalstefnumálin tvö hafi hitt þjóðina í hjartastað því Sjálfstæðisflokkurinn varð strax frá stofnun að pólitískri burðarstoð sem setti Ísland og fullveldið í fyrsta sætið [..]

En hvað gerðist! Já hvað gerðist. Árið 2019 hittir xD íslensku þjóðina með eiturörvum í hjartastað. Hvar eru greinar Bjarna Ben um hjarta Íslands. Það eina sem frá honum kemur er kúguð þögn, þöggun og einstöku stafur um að Íslandi sé best borgið á altari útsölubrasks

Enn stendur Miðflokkurinn vaktina á Alþingi Íslendinga

Böðla á þessu máli í gegn. En þarna er Miðflokkurinn eina viðspyrna þjóðarinnar

xD liggur í rúst

þriðjudagur, 21. maí 2019 kl. 02:38:16

Birgir Þórarinsson segir hvar værum við stödd ef við hefðum látið stjórnast af þeim ótta sem notaður er til að kúga orkupakka ESB ofan í þjóðina. Þá hefðum við enga landhelgi í dag. Nei, auðvitað hefðum við hana ekki, og heldur engar stórvirkjanir. Við VERÐUM að fá betri niðurstöðu í þetta mál en þá sem ríkisstjórnin með kratatöflu-stapparann að vopni er að troða niður kok þjóðarinnar

Já það er einmitt svona sem ESB kemur inn í þjóðríki þjóðanna; sem tundurspillir sem tekur súrefnið frá þjóðum. Tilgangurinn er að sundra, spilla, etja fólki saman og upp á móti þjóðfélagi sínu og koma þjóðríkinu fyrir á biðlistanum eftir engu nema þeim hægfara dauða sem ég kynntist svo vel á meginlandi Evrópu

þriðjudagur, 21. maí 2019 kl. 03:07:53

Bergþór Ólafsson segir mikið vill meira. Aflands aflátsbréfasala í orkumálum stunduð

Já einmitt, alþjóðlegt pornó af verstu embættismannasort

Þorsteinn Sæmundsson talar um möguleika íslenskrar garðyrkju. En á sama tíma er lögð fram tillaga Framsóknarflokks, Sjálfstæðisflokks og Hreyfingarinnar framboðs (og eftirspurnar) um að slátra garðyrkjubændum. Já þetta er enn verra en svo. Danir þurfa að henda bestu tómötum landsins frá Fjóni vegna innflutnings rusls frá 50 þusund tonna eiturbrasi á ökrunum í Suður-Evrópu þar sem uppskeran er pínd upp með þúsundum tonna af eitri

Birgir Þórarinsson orkupakkar 1+2 hafa ekki orðið Íslandi til góðs. Þvert á móti. Þeir bönnuðu að sérþörfum Íslendinga væri sinnt og hægt að uppfylla. Stjórnmálamenn hafa ekki staðið sig í að verja þjóðarhagsmuni Íslands. Ömurleg þjóðarvakt. Þjóðin beygð

Já og svo brotnar hún. Takmarkað ríkisvald getur aldrei þrifist í kúgunarkerfum. Það verður alltaf ótakmarkað ríkisvald eins og við erum að upplifa hér og nú. Og þá er aðeins hægt að halda löndum saman með sífellt svæsnara ofbeldi. Þetta er leiðin til ánauðar

þriðjudagur, 21. maí 2019 kl. 03:30:30

Wolfgang Munchau ESB-fíkill skrifaði einu sinni um sjálfstortímingarferil Evrópusambandsins, því sannarlega er einmitt um það að ræða þegar takmarkað ríkisvaldi hverfur af sviðinu. Hann sagði að Evrópusambandið væri orðið notbremsenresistent fyrirbæri. Ekkert þýddi að nota neyðarbremsunar því sambandið væri orðið ónæmt fyrir þeim. Staða Sjálfstæðisflokksins er orðin sú sama. Hrun hans er orðið notbremsenresistent

Birgir Þórarinsson talar um uppnámskenningar-þvælu ríkisstjórnar um ESS. Já þetta er sama þvælan og viðhöfð er um allt í öllum löndum sambandsins. Þegar andstaða er við mál og málefni tengd yfirríki ESB. Þá breytast jafnvel lönd á miðju meginlandi Evrópu í að verða að útkjálkalöndum og allsherjar Kúba er alltaf á næsta leyti. Eins og að ESB sé einmitt ekki Kúban sjálf í sjálfu sér, og sem ávallt kallar á að Kúbversk stjórnmál séu viðhöfð. Það er einmitt þannig

þriðjudagur, 21. maí 2019 kl. 03:34:39

Miðflokkurinn stendur enn einn vaktina fyrir íslensku þjóðina á Alþingi Íslendinga

Hattur ofan!

þriðjudagur, 21. maí 2019 kl. 03:50:39

Þorsteinn Sæmundsson biður Steingrím J. Sigfússon þingforseta um að gera grein fyrir pólskiptum sínum í málinu

SJS er sá sem sveik kjósendur flokks síns svo hrikalega að aldrei hefur annað sést í sögu Íslands. Þetta þjóðvikagengi sem þarna ræður för er algjörlega óþolandi fyrir land og þjóð. Þessu verður að linna. Takið ykkur saman vesalingar!

Hvaða undirliggjandi duldir hagsmunir eru hér á ferð spyr Jón Þór Þorvaldsson. Af verju er þetta svona?

Þorsteinn Sæmundsson, það er eitthvað afl hér á ferðinni annað en Íslenska þjóðin. Þjóðin má ekki verða fyrir þessu tjóni sem hér er í uppsiglingu

Jón Þór Þorvaldsson spyr. Ætla stjórnarliðar þá að kalla Jón Sigurðsson forseta lýðskrumara eða popúlista, eins og þeir kalla þann mikla meirihluta þjóðarinnar sem hér er algerlega andvígur?

þriðjudagur, 21. maí 2019 kl. 04:08:21

Athugasemd barst frá Helgu bloggvinkonu minni, þar sem hún sagði frá því að Jón Baldvin Hannibalsson hefði sagt að raforka á Íslandi væri takmörkuð auðlind

Þakka þér Helga. Já hún er takmörkuð. Það eina sem er ótakmarkað er heimska ríkisstjórnarinnar og svik flokka hennar við kjósendur sína

Jón Þór Þorvaldsson spyr. Af hverju lætur utanríkisráðherra eins og málið sem hann lagði fram sé ekki til

Birgir Þórarinsson segir ekkert að marka það sem stendur í stjórnarsáttmála um að efla Alþingi. Enginn úr stjórnarliðinu lætur svo lítið að virða þingið og þjóðina viðlits í þessu máli

Af hverju er það mál sem átti að vera um ekkert og engu máli skipta svona mikilvægt að heimurinn er sagður hrynja sé því ekki kyngt. Auðvitað vegna þess að hér er verið er reyna að svíkja þjóðina

Hvernig getur ríkisstjórnin verið svona algerlega úr takti við þá þjóð hverrar hagsmuna hún er kjörin til að verja. Já þetta er gerræðislegt!

Ríkisstjórnin virðist veða galeiða þræla sem búið er að skera tunguna úr. Engin rök. Bara sjálfstýring. Steypa er hollur matur, segir hún. Étið og kyngið

Þetta er sovéskt!

þriðjudagur, 21. maí 2019 kl. 04:48:32

Enn stendur Miðflokkurinn einn vaktina á Alþingi Íslendinga

Jú raforkan á Íslandi er takmörkuð. Alveg eins og fiskveiðistofnar í landhelgi Íslands eru takmörkuð stærð

Síðan hvenær varð það stefna Sjálfstæðisflokksins að þúsund orkudreifingarfyrirtæki elti sama kílóvattið af rafmagni í orkulandhelgi Íslands? Ég spyr. Var það ekki þetta sem var röksemdin fyrir kvótakerfinu: að þúsund skip eltu ekki sama fiskinn í fiskveiðilandhelgi Íslands? Að allir ynnu ekki við að koma öllum á hausinn og sjálfum sér líka?

Birgir Þórarinsson segir að svokölluð "neytendavernd" (ha ha ha) í þessu máli sé þvæla. Íslendingar missa vernd sinna þjóðkjörnu fulltrúa í orkumálum og standa eftir einir og berskjaldaðir vegna gunguskaps Framsóknar, Sjálfstæðisflokks og Hreyfingarinnar framboðs, við lófaklapp Viðeirsnar, Samfylkingar og Pírata

Já. Þessir flokkar hanga nú eins og myllusteinn um háls þjóðarinnar

þriðjudagur, 21. maí 2019 kl. 04:59:34

Er þá hugmyndafræði kvótakerfisins fallin líka? Fyrst að eitt er ekki látið yfir allar takmarkaðar auðlindir Íslands jafnt ganga

Orkupakkar ESB eru fyrst og fremst einkavæðingarpakkar. Einkavæða á súrefni þjóðarinnar. Taka af henni vopnin í hinu eilífa kalda stríði okkar við kuldann. Láta súrefni þjóðarinnar í hendur óligarkískra braskara sem koma munu öllu á hausinn og láta þjóðina um tapið

þriðjudagur, 21. maí 2019 kl. 05:13:42

Þorsteinn Sæmundsson spyr hvort að þetta geti endað með því að Landsvirkjun þjóðarinnar verði höggvin upp og seld í bútum til vogunarsjóða (eins og í Danmörku, eftir 100 ára eignarhald þeirra þjóðar á sínu)

Já auðvitað verður hún höggvin upp. Þetta er nýr ESB-bankabraskpakki2, þar sem allar útkomur áfalla eru háðar þjóðerni. Þetta eru fyrst og fremst einkavæðingarpakkar enda var eingöngu talað um þetta mál undir þeim formerkjum í Danmörku d. privatisering/liberalisering

Getulausa braskliðinu sem kom Íslandi næstum á hausinn vantar ný leikföng til að tapa á og þurrka tapinu yfir á þjóðina. Vantar að geta borað Ísland út að innan

þriðjudagur, 21. maí 2019 kl. 05:30:14

Enn stendur Miðflokkurinn vaktina á Alþingi

Jón Þór Þorvaldsson talar um skyndilegan áhuga braskliðs Íslands á orkumálum

Já þetta eru fyrst og fremst einkavæðingarpakkar. Það verða menn að hafa efst í huga. Og til að hrifsa þessar eigur úr höndum þjóðarinnar þá ætla íslenskir stjórnmálamenn að sækja sér vald til útlanda (Brussel), til að ná þessum eigum úr höndum þjóðarinnar, með erlendum lögum. Annars væri það nefnilega ekki hægt. Með EES-samninginn að vopni sækja þeir sér erlendan verndara valda sinna

Bjarni Ben er jú ekki beint þekktur fyrir að vera ekki í braskliðinu. Vantraustið á Bjarna vegna þessa liðs fer ekki. Það er límt fast við formennsku hans. Það fer ekki og Sjálfstæðisflokkurinn fer því niður með honum

Ólafur Ísleifsson talar um þokulúðrasveitina sem spilar þokubakkana um svo kallaða "fyrirvara". Þjóðin er leidd inn í þokubakka. Þeir taka á sig alls konar nýjar skuggamyndir hvern einasta dag sem líður

þriðjudagur, 21. maí 2019 kl. 05:40:13

Enn stendur Miðflokkurinn vaktina á Alþingi

Jón Þór Þorvaldsson talar um að norska ríkisstjórnin hafi verið kærð fyrir að brjóta stjórnarskrá landsins vegna orkupakka3

þriðjudagur, 21. maí 2019 kl. 05:43:26

Þingforseti slítur fundi og málinu er frestað

Hattur ofan fyrir þingmönnum Miðflokksins!

099 SIGNOFF

Fyrri færsla

Evrópusambandið er að leysast upp segja kjósendur í ESB - telja styrjöld á næsta leiti

Athugasemdir

[Gunnar Rögnvaldsson, 21.5.2019 kl. 23:06]

frétt: þriðjudagur, 21. maí 2019 kl. 23:06:20

Nú þykir langt því frá útilokað að styrjöld skelli á á milli landa Evrópu innan næstu 10 ára. Það segja kjósendur á meginlandinu hér. Þá er næsta víst að Bandaríkin verði kvödd á vettvang til að koma einhvers konar nýju og starfhæfu valdajafnvægi á í þessari næst minnstu heimsálfu veraldar, sem er ólæknandi uppspretta krónískra vandamála til allrar eilífðar.

Öllum orkuinnviðum verður þá beitt, sama hvað það kostar. Og öllum orkuinnviðum verður þá eytt, sama hvað það kostar.

Þetta er vert að hafa í huga, vegna þess að ný þverpólitísk samstaða er að myndast á bandaríkjaþingi um að hefja refsiaðgerðir á hendur þeim sem vinna að lagningu NordStream2 orkuleiðslunnar frá Rússlandi til Þýskalans, en sem sneiðir með fullum vilja fram hjá Úkraínu, Póllandi og Eystrasaltslöndunum þremur. Þannig varaði Rick Perry orkumálaráðherra Bandaríkjanna, í heimsókn sinni til Úkraínu í dag, við því að refsiaðgerðir geti verið á tröppunum innan skamms.

Orkupakki 3 var notaður til að taka þessa leiðslu úr höndum Þýskalands. En Þýskaland var þó sett sem gæslumaður yfir framkvæmd regluverks OP3. Það segir Paul Gregory við Hooverstofnunina (hér) að sé eins og að láta ref gæta hænsnabúsins. Gífurleg spenna ríkir í stofnunum Evrópusambandsins vegna þessa máls.

Það er því með næstum óyggjandi öryggi hægt að segja sem svo að sú mynd sem kynnt hefur verið af Orkupakka3 hér á landi, mun breytast til hins óþekkjanlega og Íslandi gert að kyngja öllu því sem samið er til handa löndum sem eru á örðu heimshveli en við, sé hann samþykktur hér.

Við erum á Vesturhveli jarðar, saman með Bandaríkjunum, en meginland Evrópu, sem er útkjálki úr Rússlandi, er á Austurhveli jarðar, þ.e.a.s. í gamla heiminum. Við erum hins vegar í nýja heiminum.

En það verður í gamla heiminum sem allt mun hendast upp í loft á ný, og kannski innan næstu 10 ára, eins og kjósendur segja þar

Það sem hér þarf að fylgjast með er þetta:

1. Ferli málsins í bandaríska þinginu

2. Afstaða Hvíta hússins. Forsetinn er mjög svo neikvæður vegna NS2, því hann álítur að þau lönd sem verja á með bandarískum mannslífum í Evrópu, séu að búa til gildru sem Bandaríkin séu, þegar að kjarna málsins kemur, þurfa ein að glíma við.

3. Tiltök sem Bandaríkin eru með í gangi til að aflétta þörf Evrópu á orku frá því ríki sem NATO er stofnað til að halda í skák og mát. Hingað til hefur sú þróunaraðstoð sem Bandaríkin enn veita Evrópu í þessu máli, mest verið tæknilegs eðlis. Minna má leslendur á yfir fimm þúsund kílómetra langa eldsneytisleiðslu NATO á meginlandinu og sem daglega er notuð til að skaffa öllum helstu flugvöllum meginlandsins það flugvélaeldsneyti sem knýr stærstan hluta farþegaflugs á meginlandinu og frá því

þriðjudagur, 21. maí 2019 kl. 22:06:40

Miðflokkurinn stendur enn vaktina á Alþingi Íslendinga

Bein útsending sést hér

[Gunnar Rögnvaldsson, 22.5.2019 kl. 00:02]

miðvikudagur, 22. maí 2019 kl. 00:01:06

Jón Þór Þorvaldsson segir að skattamál Evrópusambandsins á orku (raforkuskattpíning) muni líklega verða innlimuð í orkupakkaveldi ESB. Já já, það er hægt að bóka það með þúsund prósent vissu. Allar krísur verða notaðar til þess og í þá átt, og nóg framleiðir sambandið af þeim. Íslendingar verða skattaðir inn í rauðan dauðann í hvert skipti sem rafmagn sem Evrópa mun heimta er notað hér. Þannig endar þetta ef ekki er staðinn jarðfastur vörður um þjóðarhagsmuni okkar.

Er einhver sem kannast við það ESB sem kynnt var árið 1992? með Maastricht. Nei það er orðið óþekkjanlegt. Og allt í uppnámi, að sjálfsögðu, eins og við ESB-andstæðingar spáðum. Allt er í steik í sambandinu.

Gunnar Bragi Sveinsson segir að þetta sé sama ESB-fólkið og tísti að tekið yrði tillit til Íslands þegar það var ekki gert. Við erum að tengjast þessu með OP3

Jón Þór Þorvaldsson segir jú jú þetta er sama fólkið, þ.e. orkumála-stjórinn. Verðum við skattlögð vegna okkar hreinu orku til að jafna aðstöðuna úti?  - já í þessu ORKU-BANDA-LAGI. Það er jú það sem það er. BANDALAG

Jón Þór Þorvaldsson segir að þetta orkubandalag ESB eigi eftir að breytast mikið. Já já. Það er víst. Við verðum látin nota kerti (ýsu) á meðan rafmagnið (þorskurinn) er fluttur út. "Bjarga verður útgerðinni".

Karl Gauti Hjaltason segir að allt hafi þótt óvinnandi verk þegar íslenskir bændur hófu að búa til virkjanir og smíða túrbínur úr skipsflökum. Við getum sjálf. Já það getum við. Þessi hlægilegi þokubakki með neytendavernd á úr munni xD-manna, er þvílíkur uppgjafartónn að réttast væri að taka af þeim strauminn. Eða bara fjarlægja einangrunina af kaplinum og leyfa þeim að þreifa á honum. Maður einn sagði mér að með því að setja tunguna á óeinangraðan kapalinn fengist allur okrupakki þrjú

[Gunnar Rögnvaldsson, 22.5.2019 kl. 00:44]

miðvikudagur, 22. maí 2019 kl. 00:43:57

Gunnar Bragi segir að umgengni stjórnarflokkanna við OP3 minni á Icesave

Birgir Þórarinsson segir frá xD-þingmanni sem skrifaði grein í Morgunblaðið um neytendavernd og OP3. Jáh hún er frá Andrómedu. Þegar að x-D menn eru farnir að tala um þjóðina og einstaklinga sem "aðila" þá veit maður hvað er að gerast. Fólk er ekki "aðili" það er persóna. Og lönd eru lönd en ekki "aðilar". Kannski að xD-þingmaðurinn sé "aðili" á "aðilaþingi". Notkun þessa hugtaks um þjóðarhagsmuni Íslands er forkastanleg

Gunnar Bragi Sveinsson segir að allt bendi til þess að hann eigi ekki að lesa þessa grein xD-þingmannsins (aðilans). Þingmaðurinn ætti að koma og gera grein fyrir máli sínu

Gunnar Bragi Sveinsson segir að xD þingmaðurinn ætti að koma og útskýra rafmangsreikninga-hækkanir sem almenningur varð fyrir vegna OP1+2

Sigmundur Davíð Gunnlaugsson segir að öll orkustefna verði að taka mið af þjóðarhag okkar Íslendinga, en ekki hag annarra landa eða "pakka".  Meint stjórnarskrárbrot norsku ríkisstjórnarinnar vegna OP3 kemur fyrir rétt í haust

Gunnar Bragi Sveinsson segir að þá geti svo farið að norska ríkisstjórnin verið dæmd sek og að OP3 verði þá hvað?

Sigmundur Davíð Gunnlaugsson segir að staðan sé sú að stjórnarliðið vilji ekki móta íslenska orkustefnu, heldur sækja hana frá ESB. Já. Þetta er pólitískt makkverk. Hverjar eru hinar raunverulegu vonir sem ríkisstjórnin hefur. Vondar greinilega. Vondar vonir segi ég

[Gunnar Rögnvaldsson, 22.5.2019 kl. 01:21]

miðvikudagur, 22. maí 2019 kl. 01:20:39

Þorsteinn Sæmundsson segir að málið um HS-veitur þurfi að upplýsast

Birgir Þórarinsson minnir á risavaxinn hagnað erlendra þar og sem hafa flutt hagnað sinn úr landi. Já einmitt það. Arðurinn var það mikill að kaupverðið fékkst inn á fjórum árum. Geggjað segi ég! Óskiljanlegt dæmi! Já það er einmitt svona sem þetta mun verða i sambandi við OP3 segi ég. Landið ryksugað. Blóðsugur sem ekkert byggja heldur bara brjóta. Sveifla pappírum en byggja ekki. Pappíra-kynflokkurinn. Þannig menn eru ekki "fjárfestar" - þeir eru lausfestar. Man einhver eftir kjölfestu fjárfestaþvælunni sem næstum allir fjölmiðlar hér messuðu um

Þorsteinn Sæmundsson segir að erlendir hafi 10 faldað eignir sínar þar (HS-veitur). Besta fjárfesting á Vesturhveli jarðar sagði Bloomberg. Já þetta er gildran segi ég. Lyktin til oligarka og hrægamma berst um allan heim. Bankabrasklyktin komin á ný

Birgir Þórarinsson segir ekki tilviljun að "fjárfestar" hafi áhuga. Já en fé þeirra er ekki fast eins og okkar Íslendinga. Það er ryksugupoki. Það er flóð og fjara eins og í banka- og sérfræðingakreppunni sem hófst 2008 og varir enn

Af hverju er þetta fjandans mál hér. Enginn "erlendur" myndi hafa byggt svo mikið sem einn stubb af virkjun hér frá upphafi rafvæðingar. Þess vegna gerðum við það sjálf. Já sjálf, vegna þess að við erum ríkið

Birgir Þórarinsson segir ekkert sé hægt að segja við því að við vísum þessu til sameiginlegu EES-nefndarinnar. Já auðvitað á að gera það. Annað er aulaskapur. Fullkominn aulaháttur. Sveitamennska af verstu sort

Þorsteinn Sæmundsson segir að xD þingmaðurinn sem skrifaði greinina sé velkomin því þingið sé ekki hertekið af Miðflokksmönnum. Já það er það svo sannarlega ekki. Enginn sést á vaktinni NEMA Miðflokkurinn!

Þorsteinn Sæmundsson segir að nýleg skoðanakönnun sýni að andstaðan við fyrirhugað valdaafsal okkar (þeirra, hinna fáu) í orkumálum sé ofboðslega mikill, eða meirihlutinn, 62% er andvígir OP3 en aðeins 27% fylgjandi.  Grasrótin í öllum stjórnarflokkunum er á móti OP3. 

Hvað er eiginlega að gerast hér!

[Gunnar Rögnvaldsson, 22.5.2019 kl. 01:32]

miðvikudagur, 22. maí 2019 kl. 01:32:25

Jón Þór Þorvaldsson segir af hverju þessi asi um þetta mál. Ferðamannabólan er að hjaðna og er þessu því ekki ætlað að verða næsta fix? Að orkupakki3 eigi að framlengja partýi hinna fáu. Jú það er einmitt þannig segi ég. 

Þorsteinn Sæmundsson segir að hér búi eitthvað á bak við sem við vitum ekki hvað er

Já. Því meira sem ég hugsa um þetta mál því meira er greinilegt hvers vegna á að troða því niður kok þjóðarinnar, áður en hún finnur skítabragðið af því. Það er einmitt ástæðan. Verið er að reyna að blekkja þjóðina. Já blekkja hana!

[Gunnar Rögnvaldsson, 22.5.2019 kl. 01:38]

miðvikudagur, 22. maí 2019 kl. 01:37:41

Sigmundur Davíð Gunnlaugsson segir að með því að senda málið til baka gætum við verið að reynast norsku þjóðinni sannur vinur. Því er ég hjartanlega sammála því þar er andstaðan mikil og hörð. Þar er biturleikinn vegna málsins að grafa um sig hjá þjóðinni. Við verðum að koma til móts við íslensku þjóðina. Við verðum segir SDG baráttumaðurinn mikli!

Fær mér kaffi og með því og segi amen..

[Gunnar Rögnvaldsson, 22.5.2019 kl. 01:58]

miðvikudagur, 22. maí 2019 kl. 01:56:48

Sigmundur Davíð Gunnlaugsson segir að VG sé lent í því að aðstoða norsku ríkisstjórnina

Já segi ég, og gegn þjóð sinni => hin fræga EU-coordination => ég skal gera þjóð minni eitthvað slæmt ef þú lofar að gera þinni þjóð eitthvað sem er að minnsta kosti jafnslæmt

Hvað sagði ekki Matthías Jóhannesson ritstjóri um svona mál. Jú þau eru "forsmán", sagði hann. Flytja á alla sjóði landsins til útlanda því hér eru menn farnir að haga sér eins og útlendingar. Já eins og ég segi stundum: Þeir lenda hér helst aðeins til þess að mjólka landann. Hér er Matthías. Hann varaði við þessu öllu og hann varaði menn við því að afhenda unga fólkinu okkar spegil til þess að dást að sjálfu sér, því það hefnir sín. Enda er þessi aldursfóbía orðin hluti af innfluttum auðkenna-stjórnmálum, aldur, kyn, staða, búseta og blaðurgeta. Allir þættirnir með Matthías eru hér

[Gunnar Rögnvaldsson, 22.5.2019 kl. 02:19]

miðvikudagur, 22. maí 2019 kl. 02:18:22

Bergþór Ólafsson segir að við verðum að halda raforku ódýrri hér á landi. Við verðum að gera það

Jón Þór Þorvaldsson segir að í Noregi sé talað og fjallað um afleiðingar OP3, en hér sé ekkert þannig gert

Bergþór Ólafsson segir að engin slík úttekt hafi verið gerð hér. Engin úttekt. Já ekkert nema áróður og feluleikur fer fram um málið hér, segi ég

Bergþór Ólafsson segir hækkun raforkuverðs liggi í loftinu. Já segi ég og svo koma allir innfluttu orkuskattarnir. Ríkisstjórnin hagar sér eins og útlendingur. Hún lendir aðeins til að mjólka landann

Jón Þór Þorvaldsson segir að í niðurlagi norsku skýrslunnar segi að Norðmenn neyðist til að hækka orkuveð hjá sér

Bergþór Ólafsson segir óumflýjanlegt að við verðum að fá meiri tíma til að meta málið áður en sagt er af eða á um neitt. Hópþrýstingur hefur myndast um þetta svo illa upplýsta mál. Já þjóðin veit ekkert um hvað það snýst og ríkisstjórnin veit það ekki heldur

Bergþór Ólafsson segir að VG sé þekkt fyrir að svíkja kjósendur sína. Lítið sé að marka það sem þau segi. Já skjótt skiptast verður á því rauðahálofti já.

[Halldór Egill Guðnason, 22.5.2019 kl. 02:45]

 Hver hefði trúað að svipað skipuðust sæti í Valhöll? Altso Þistilfjarðarkúvendingsins umpólun og svik. Nú hefur sjúkdómurinn fengið nafnið Bjarni Ben og er það miður.

 Góðar stundir, með kveðju að sunnan.

[Gunnar Rögnvaldsson, 22.5.2019 kl. 02:51]

miðvikudagur, 22. maí 2019 kl. 02:50:48

Birgir Þórarinsson spyr hvort að þessir svo kölluðu fyrirvarar séu ekki bara til þess að friða til dæmis baklandið í xD (jú jú) og hinna flokkanna tveggja

Jón Þór Þorvaldsson segir að áhuginn löndum eins og okkar sé að aukast mjög mikið. Menn sjá að hér og þar geti menn látið fé sitt vinna fyrir sér. En þetta er ekki endilega þjóðinni til hagsbóta. Tekur Svíþjóð sem dæmi þar sem slíkt varð ekki hagur þeirrar þjóðar

Þorsteinn Sæmundsson segir að það hafi slegið menn hér að svo kallaður fyrirvari í þessu máli hafi ekki fundist þegar gáð var að honum. Ekkert fannst. Já segi ég, enginn var heima. Bara var hins vegar heima. Bara þetta. Og hitt. Já frú Bara. Skal gert frú Bara

Þorsteinn Sæmundsson segir að svo kallaðir "erlendir fjárfestar" (hrollur) hafi tífaldað sitt á örstuttum tíma. Og svo eru það svokallaðir íslenskir fjárfestar. Asi einkennir þetta mál. Asi. (og frú Bara)

Jón Þór Þorvaldsson segir að við séum komnir á þann stað í umræðunni að hægt sé að tala íslensku: hér er gróðavon. En hvað með íslensku þjóðina? Þessi margföldunartafla sem Þorsteinn nefndi, stóra margföldunartaflan, segir sitt

Birgir Þórarinsson segir að þingmaður xD verði að mæta til þings (aðila-þingsins!) og gera grein fyrir rangri grein sinni í blaðinu. Já þarna kemur enn einu sinni þvæla xD-þingmannsins um "neytendavernd". Hugsið ykkur að nota svona ábreiður yfir þetta myglandi mál. Birgir nefnir einnig þá óteljandi hópa sem hafa orðið fyrir barðinu á OP1+2. Þvert á það sem sagt var í upphafi

[Gunnar Rögnvaldsson, 22.5.2019 kl. 02:54]

Þakka þér innlitið Halldór

Já hverjum hefði dottið þetta í hug!

Kveðja

[Gunnar Rögnvaldsson, 22.5.2019 kl. 03:21]

miðvikudagur, 22. maí 2019 kl. 03:21:33

Birgir Þórarinsson segir að kynna þurfi þetta mál miklu miklu betur fyrir þjóðinni. Segir rangt að búið sé að svara öllum spurningum um þetta mál. Já enda sést það á því sem reynt er að halda fram í málinu varðandi raforkuverð. Já OP1+2 hafa skaðað þjóðina

Þorsteinn Sæmundsson segir að teiknast sé upp sú mynd að OP3 málið sé mjög svo vanbúið mál og sé enn verra en þingmenn Miðflokksins hafi getað ímyndað sér. Valdaframsal og afsal forræðis sé mál sem ekki hafi verið rétt með farið af pakkamönnum. Ekki sé hægt að sjá hvar málið endi. Það er staðreynd sem ekki er hægt að horfa fram hjá. Stakkels stjórnarskráin okkar segir ég bara. Henni líður ekki vel núna

Þorsteinn Sæmundsson segir að hér sé líklega á ferðinni mesta valdaframsal innan EES-rammans. Ummæli þingmanna Viðreisnar í þessu máli vítaverð

Umræða á Alþingi heldur áfram

Og enn stendur Miðflokkurinn einn vaktina á Alþingi, þar sem allir þingmenn hafa heitið því að vernda okkur og stjórnarskrá okkar. En þarna er hins vegar Miðflokkurinn einn á vaktinni

[Gunnar Rögnvaldsson, 22.5.2019 kl. 03:39]

miðvikudagur, 22. maí 2019 kl. 03:39:28

Jón Þór Þorvaldsson segir að allir séu sammála um að hér þurfi fyrirvara. En útilokað sé hins vegar að fá stjórnarþingmen til þess að taka tilliti til þess að svo skuli þurfa, og viðhafa því sérstaka varúð í málinu. Anað sé áfram

Þorsteinn Sæmundsson segir að Miðflokksmenn vilja ekki þurfa að koma eftir á og segja að við vöruðum ykkur við

Þorsteinn Sæmundsson segir að málið sé að verða það djúpt að um valdaafsal sé að ræða, en því var afneitað í byrjun. Af hverju þá verið að keyra málið svona í gegn. Jú vegna þess að þjóðin má ekki komast að því hvað er í pakkanum, segi ég

Bergþór Ólafsson segir þetta minna á að 7 ára greiðslufrestur hafi verið kynntur sem sigur í Icesavemálinu á sínum tíma. En var það bara ekki

Þorsteinn Sæmundsson segir að hér sé verið að ýta vandamálinu á undan sér (eins og þá). En lausnina hér sé hins vegar að finna í sjálfum EES-samningum og hann ber að nota. Nota ákvæði hans og vísa málinu til baka. En í staðinn er bara keyrður hræðsluáróður gegn því að nota samninginn. Menn þora ekki að nota hann. Já til hvers er hann þá ef menn þora ekki að nota heimildirnar í honum. Hann er þá verri en enginn samningur segi ég

[Gunnar Rögnvaldsson, 22.5.2019 kl. 03:57]

miðvikudagur, 22. maí 2019 kl. 03:52:48

Karl Gauti Hjaltason segir vegna garðyrkjubænda, að hér hafi menn hlaupist undan merkjum. Verðið átti ekki að hækka, en það hækkaði. Og OP3 hafi verið kynnt sem núll-mál. En nú er himinn allt í einu að hrynja sé því ekki kyngt köldu

Bergþór Ólafsson segir að mótsagnir pakkamanna séu út um allt. Allt er sett til hliðar og enginn samtalsflötur sé viðhafður. Þetta er mjög skrýtið orðið allt saman

Bergþór Ólafsson segir að Moggagrein xD-þingmanns sé brandari og að höfundur hafi helst viljað svipta þá sem segja ekki já, málfrelsi. Já hún er algjör brandari, eins og málflutningur pakkamanna er orðinn, segi ég. Þetta er orðið felumál sem þolir ekki dagsins ljós

Birgir Þórarinsson bendir á að ca 300 í landinu hafi skipt um orkusala. Já þetta passar upp á hár við reynsluna í Danmörku, þar sem danska þjóðin er skömmuð fyrir það sama, og henni sagt að hún passi ekki inn í markaðskenningar orkupakkaveldis ESB í Brussel. Sé óhæf til að búa í sínu eigin landi og að vera eins og hún er. Það er þvæla að halda neytendavernd fram. Neytendur neita hins vegar að taka þátt í þessum sirkus Brussel-smart

Allir vita að þetta er milljón prósent þvæla. Algjör þvæla. Allir þessir pakkar eru milljón prósent þvæla af allra verstu sort. Lýðskrum!

[Gunnar Rögnvaldsson, 22.5.2019 kl. 04:09]

miðvikudagur, 22. maí 2019 kl. 04:05:58

Hér er leiðrétting mín við þessu neytendaverndarþvaðri: Það eru stjórnmálamen sem eru hér að sækja sér vernd gegn kjósendum og íslensku þjóðinni. Þeir eru að reyna að sækja sér vernd til útlanda gegn því að þurfa að hugsa um þjóðarhag og hagsmuni íslensku þjóðarinnar. Það er jú það sem ESB gengur út á. Allt ber að sama brunni þar um að stjórnmálamenn eru hættir að gæta hagsmuna þjóðar sinnar

Vernd stjórnmálamanna er svona: Þetta "þetta" er komið yfir til Brusselveldisins og þeir ráða þessu um "þetta". Þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum. Sem þá eru orðnir eins konar einkaþrælar valdaelítu sem enga ábyrgð ber gagnvart kjósendum. Er elítan þar með orðin eins konar sósíaldemókratískt nomen-klessu-klattúru-fílter á milli einræðisformsins og gervilýðræðis

[Gunnar Rögnvaldsson, 22.5.2019 kl. 04:38]

miðvikudagur, 22. maí 2019 kl. 04:38:22

Jón Þór Þorvaldsson segir að stjórnarskráin veiti ekki heimild til þess valdaafsals sem OP3 krefst því ekki er vitað hvar málið endar né með hverju

Birgir Þórarinsson segir að ríkisstjórnin sé að velja vafasömu leiðina í þeim efnum og að það sé furðulegt þegar EES-samningurinn býður upp á annað. Já einmitt, því þar er hægt að leita þess réttar sem forsendurnar fyrir upphaflegu samþykki hans hvíla á, eins og Davíð Oddsson hefur bent á

Jón Þór Þorvaldsson segir að útskýra þarf í hverju sú pólitíska upplausn (pólitískur áróður frá xDBVGazprom) sem ríkisstjórnin boði, sé fólgin, sé þessu ekki kyngt, með því að notuð séu ákvæði EES-samningsins eins og til sé ætlast með því að hafa þar þau ákvæði sem þar voru sett til þess að nota við svona aðstæður.

Já  segi ég, þetta er að verða ansi geggjuð þessi umgengni stjórnmálamanna við EES-samninginn. Stjórnmálamenn þola greinilega ekki að umgangast þennan samning. Þarf þá ekki bara að fjarlægja hann fyrst að ekki má nota hann án þess að Ísland leysist upp? Geggjun. Hrein geggjun. Lýðskrum!

[Gunnar Rögnvaldsson, 22.5.2019 kl. 05:05]

miðvikudagur, 22. maí 2019 kl. 05:03:46

Birgir Þórarinsson segir frá að OP3 sýni sig vera ógn við atvinnulífið í Noregi. Líklegt að eins verði það hér heima. Mjög varasamt mál

Aeðins meira um neytendaverndarþvæluna hér:

1. Politiken 12. maí 2018: Kun 5 procent af danskerne skiftede elselskab i 2017 – trods selskabernes massive marketingindsats  (aðeins 5 prósent danskra heimila skiptu um raforkufélag þrátt fyrir massífa markaðsherferð)

2. Energiwatch 5. mars 2018: Fjöldi þeirra Dana sem skipta um raforkufélag fellur annað árið í röð. Samkeppnin á raforkumarkaðnum í Danmörku hefur engin áhrif, sýna nýjar tölur.

Konkurrencen på det danske elmarked er mere eller mindre uden effekt, viser nye tal. For andet år i træk falder antallet af leverandørskifte på trods af den kostbare engrosmodels ambitioner om øget konkurrence på elområdet. 

Niðurstaða: Danska þjóðin passar ekki við ESB-pakkana. Út með hana

[Gunnar Rögnvaldsson, 22.5.2019 kl. 05:20]

miðvikudagur, 22. maí 2019 kl. 05:19:57

Þorsteinn Sæmundsson segir að öll orka stjórnmálamanna í pakkanum fari í að berja fólkið í landinu. Já það passar. Búið er að berja Dani í 10 ár með orkupökkum ESB og þetta er árangurinn. Fimm prósent og fallandi eftir massífan peningaaustur raforkufélaganna í núllið í stað þess að lækka bara verið og halda kjafti og koma straumnum á

Bergþór Ólafsson segir að þessi smölun í málinu fari að líkjast kattasmölun frá vissri fyrri tíð. En samt ekki í xD. Þar eru málin ekki þannig. Þeim þarf ekki að smala. En snúningur Framsóknar sé að slá met

Þorsteinn Sæmundsson segir að sinnaskipti þingmanna xD minni á áður og eftirmyndir fyrir flösusjampó. Hvað Framsókn varðar þá er núverandi forysta án sannfæringar í stjórnmálum. Eins og þegar hundur eltir skottið á sér. Tveir pistlar formanns xB voru barapistlar

[Gunnar Rögnvaldsson, 22.5.2019 kl. 05:42]

miðvikudagur, 22. maí 2019 kl. 05:38:18

Jón Þór Þorvaldsson segir að málið snúist um afleiður málsins og þær séu meðal annars þær að stórnotendur á borð garðyrkjubændur sjái ekki lengur hvernig rekstur þeirra eigi að hanga saman

Bergþór Ólafsson segir að ekki fari saman hljóð og mynd þegar málið er skoðað og minni það á umhverfismálin. Menn eru ekkert að hugsa málin og um afleidd áhrif þess

Birgir Þórarinsson segir að upplýsingar Eflu um að 370 neytendur af 140.000 hafi skipt um raforkuveitu, sýni að málið sé að nálgast firrustigið. Mikið tek ég undir þetta. Hvílík þvæla sem þessir pakkar eru allir

Bergþór Ólafsson tekur undir

Og svo er náttúrlega þvælan sú að þegar firran er orðin þannig að talað er um "gegnsæi og neytendavernd" þá bendi ég á ógegnsæið sem blasir við í þessu máli sem enginn veit hvert leiðir og sé því að verða að stjórnarskrárbroti vegna ógegnsæis þess

Bergþór Ólafsson segir að ekkert sé minnst á "gegnsæi og netendavernd" í málinu frá utan ríkis ráðherra. Ekkert. Það finnst ekki frekar en fyrirvarar þess

[Gunnar Rögnvaldsson, 22.5.2019 kl. 05:59]

miðvikudagur, 22. maí 2019 kl. 05:57:51

Jón Þór Þorvaldsson segir að störf þingsins og forgangsröðun þess séu umhugsunarverð. Í þjóðfélaginu séu mörg brýn verkefni sem þingið þarf að vinna úr. Vinna þarf lögfræðilega greiningu í OP3 málinu og hvaða áhrif það hafi á þjóðfélagið. Alls konar brýnni mál en OP3 þarf að vinna úr. Mótsagnir eru augljósar. Utan ríkis ráðherra hefur engar áhyggjur af afskiptum sendiherra ESB af málinu á sama tíma og hann ásakar norskan flokk um að hafa áhrif á Miðflokkinn

Ólafur Ísleifsson segir að OP3 málið sé á mörkum þess að geta talist þinghæft. Fyrirvarar gufa upp eins og ekkert sé. Þingmenn skrifa endurteknar klisjur þegar allir vita að svo er ekki. Ríkisstjórnin verður að sjá sóma sinn í því að fresta málinu og vinna það betur

Jón Þór Þorvaldsson segir og tekur undir vafasama þinghæfni OP3 málsins. Þessi leið sem valin er hafa lögmenn sagt að sé varla fær. En samt ætlar ríkisstjórnin að láta vaða

Ólafur Ísleifsson segir og gefur ekki mikið fyrir málflutning þingmanna í nýjustu greinum þeirra sem þeir apa upp eftir hvor öðrum. Hér sé um gríðarlegt hagsmunamál þjóðarinnar að ræða

Miðflokkurinn stendur vaktina!

[Gunnar Rögnvaldsson, 22.5.2019 kl. 06:15]

miðvikudagur, 22. maí 2019 kl. 06:15:40

Jón Þór Þorvaldsson segir að troða á málinu niður kok þjóðarinnar og svo er borðið upp á hráa kjötið í eftirrétt. Já já, og svo ætlar Framsóknarflokkurinn að leggja sig á grillið. Hann verður þá fullsteiktur sem kjötpakki-1 um næstu verslunarmannahelgi

Ólafur Ísleifsson segir að í grein Vilhjálms Árnasonar í dag sé því haldið fram að neytendave...

Þá segi ég: Ó nei ekki meiri neitendaverndarþvæla. Er ekki allt í lagi með þessa lýðskrumara í xD! Það er bara ekki hægt að þola svona þvælu lengur. Þetta fólk er gjaldþrota!

Birgir Þórarinsson segir verðhækkanir blasi við. Þarna sé engin ábót til neytenda. Engin! Þetta eru rangfærslur og ryk í augu almennings. Það þarf að eiga orðastað við þessa þingmenn hér í þingsal

Ólafur Ísleifsson segir að pistlar eftir ágætis þingmenn sem enga skoðun standist séu að birtast. Hefur þetta fólk efni á þessum orðum? Það vantar alla greiningu á þessu máli. Alla

Miðflokkurinn einn stendur vaktina á Alþingi Íslendinga!

[Gunnar Rögnvaldsson, 22.5.2019 kl. 06:30]

miðvikudagur, 22. maí 2019 kl. 06:27:59

Karl Gauti Hjaltason segir að munur hafi verið á innsendum umsögnum um þetta mál. En greinilegt sé að margir í hinu opinbera kerfi séu þar að senda bréf til sjálfra sín. En vönduðum umsögnum frá borgunum er hins vegar svipt af borðinu og ekki á þá hlustað

Ólafur Ísleifsson segir það mjög eðlilegt því að þeir sem þurfa að búa við afleiðingar þessa máls og borga það, já á þá er ekki hlustað. Ekki er hlustað á borgarana

Karl Gauti Hjaltason bendir á að næstum einu jákvæðu umsagnirnar komi frá hinu opinbera og samtökum. En þannig er það ekki með sveitafélögin sem þurfa að búa við nálægð borgaranna

[Gunnar Rögnvaldsson, 22.5.2019 kl. 06:35]

miðvikudagur, 22. maí 2019 kl. 06:34:59

Miðflokkurinn stendur enn vaktina á Alþingi

Stendur vaktina vegna hins vanhugsaða orkupakka3 máls þeirra sem síst ættu að vera að berjast fyrir honum og þar með gegn íslensku þjóðinni

[Gunnar Rögnvaldsson, 22.5.2019 kl. 06:53]

miðvikudagur, 22. maí 2019 kl. 06:51:16

Jón Þór Þorvaldsson segir hvergi sé það að finna í EES-samningum að notkun neinnar greinar hans jafngildi þeirri neyðaraðgerð sem doktor erlendur fyrrum dómsforseti segi það vera sé hann notaður eins og til var ætlast þegar hann var saminn

Ólafur Ísleifsson segir að tal um að notkun EES-samningsins stefni honum í hættu sé furðuelgur málflutningur

Er EES samningurinn þá kannski bara venjuelgur nauðasamningur? Kannski eins og subsidiariet þvælan sem lofað var í ESB og sem átti að vera neyðarbremsa fyrir þjóðþing ESB-landanna til að nota og sem togað hefur verið í í meira en hundrað skipti, en án þess að nein mál hafi tekist að stöðva í ESB

[Gunnar Rögnvaldsson, 22.5.2019 kl. 07:05]

miðvikudagur, 22. maí 2019 kl. 07:03:05

Ólafur Ísleifsson segir allt í lagi að kalla til erlendan sérfræðing. En þessi erlendur sem kom var bara hér að velta sínum pólitísku vöngum. Okkur vantar grjótharðar lögfræðilegar staðreyndir. Ekki pólitískar vangaveltur

Birgir Þórarinsson segir að varla hefði ríkisstjórnin boðið erlendum manni hingað sem lagt hefði til að ákvæði EES-samningsins séu notuð eins og þau eru. Nei auðvitað ekki. Hingað kom bara kinka-kolli dúkka eins og þær sem komu með 77 sardínur til DDRÚV frá Möltu. Kalla hefði átt Vatíkanið til þá, því þeir hafa þó trúarlega reynslu af evru

Hver er trúarleg sannfæring ríkisstjórnarinnar í þessu máli núna?

[Gunnar Rögnvaldsson, 22.5.2019 kl. 07:19]

miðvikudagur, 22. maí 2019 kl. 07:18:04

Þorsteinn Sæmundsson segir að brytja hafi þurft niður orkufyrirtæki í Þýskalandi til að þóknast orkupakkaveldi ESB

Anna Kolbrún Árnadóttir  segir að horfa þurfi til dæmis á umsögn Ögmundar Jónassonar sem rekur hvernig málið verður keyrt hér sé það samþykkt. Við verðum að halda okkar orkufyrirtækjum í okkar eigu

Þorsteinn Sæmundsson segir að öll rauð ljós logi. Draumar xD manna í þessu máli séu víti sem þarf að varast. Selja fríhöfnina vilja þeir, en þeir vilja ekki eiga né reka heilsugæsluna á Patreksfirði

[Gunnar Rögnvaldsson, 22.5.2019 kl. 07:41]

miðvikudagur, 22. maí 2019 kl. 07:40:25

Gunnar Bragi Sveinsson segir að stjórnaliðar ættu að koma hingað í þingið og gera grein fyrir því hvaða áhrif þetta mál muni hafa á Ísland og þjóðina - áður en þetta mál er samþykkt!

Anna Kolbrún Árnadóttir segir merkilegt að heyra um að álit erlends og fyrrum dómara hafi verið pólitískt álit. Ekki annað. Orðið "neyðarhemill" kemur ekki frá Íslandi og orðið "neytendavernd" komi heldur ekki frá Íslandi

Gunnar Bragi Sveinsson segir að við hefðum haldið að við værum í býsna góðum málum í kjötmálinu. En annað kom í ljós. Í ljós kom málshöfðun og skaðabótakrafa!

Já. Hvernig væri að stjórnarþingmenn leggi eigur sínar að veði fyrir orkupakka3. Nei þeir ætla að klessa þessu á herðar þjóðarinnar

[Gunnar Rögnvaldsson, 22.5.2019 kl. 08:08]

miðvikudagur, 22. maí 2019 kl. 08:02:10

Anna Kolbrún Árnadóttir segir að átta settir fyrirvarar í Noregi sýni að þetta mál verði að senda til baka til EES-nefndarinnar. Grípa þarf inn núna á meðan það er hægt

Bergþór Ólafsson segir vegna blaðagreinar xD-manns í dag um "neytendavernd og gegnsæi" sé ekkert um þau mál að finna í málinu sjálfu. Já já, þau blaðuryrði eru innflutt fob. eftirá um málið sem átti ekki að vera um neitt nema um núllið

Bergþór Ólafsson segir að senda verði málið til baka til EES-nefndarinnar og að forsetinn ætti að taka það af dagskrá, sérstaklega í ljósi þess sem fram er komið um málið. Já málið sem átti að vera um ekkert en sem allir eru að skrifa innflutt fob. eftirá um í blöðum. Af hverju eru þeir að eyða rándýrum blaðapappír dagblaðanna í ekkert

[Gunnar Rögnvaldsson, 22.5.2019 kl. 08:17]

miðvikudagur, 22. maí 2019 kl. 08:16:27

Gunnar Bragi Sveinsson segist ekki sjá umsögn frá Neytendasamtökunum. En að ASÍ hafi hins vegar látið það mál til sín taka og umsögn þess var ekki jákvæð. Ja hérna. Þar geta xD-menn fundið neytendaverndar fóður við sitt hæfi. En það munu þeir ekki gera. Þeir flytja bara inn og braska með sannleikann um hagsmuni þjóðarinnar eins og kexkökur

Bergþór Ólafsson segir að það mál (neytenda) sé enginn kjarni í þessu máli. Enda er það ekki í málspakkanum.

Gunnar Bragi Sveinsson segir að engin umsögn hafi borist frá Neytendasamtökunum um þetta mál

[Gunnar Rögnvaldsson, 22.5.2019 kl. 08:36]

miðvikudagur, 22. maí 2019 kl. 08:34:27

Jón Þór Þorvaldsson segir að skaðabætur séu mál sem ekki sé hægt að horfa fram hjá. Þær lenda þá á ríkinu, skattgreiðendum

Bergþór Ólafsson segir (um skaðabótamál á hendur íslenska ríkinu) að þar séum við komin á vígvöll sem við séum ekki vön. Stjórnarþingmenn segja að allt sé fínt og flott, að "lítil" hætta sé hér á ferð en tala þó um fyrirvara (sem auðvitað halda ekki)

Jón Þór Þorvaldsson segir að þetta sé ekki beint kótlettumál. Þetta mál sé ekki af þeirri stærð

Gunnar Bragi Sveinsson spyr hvað komi í veg fyrir að Íslendingar sjálfir verndi sína neytendur. Allur heimur stendur opinn til rannsóknar á því hvar í landi það sé best gert

[Gunnar Rögnvaldsson, 22.5.2019 kl. 08:53]

miðvikudagur, 22. maí 2019 kl. 08:42:44

Þingfundi er allt í einu slitið

Minna má á að fyrir aðeins rúmlega ári síðan sagði formaðurinn minn í Sjálfstæðisflokknum að "raforkumál Íslands eru ekki innri-markaðsmál ESB" (sjá hér)

Var þetta þá bara "fyrir" myndin af honum á auglýsingu fyrir flösusjampói. Í dag er allt þetta horfið úr höfði hans. Hann er allt í einu orðinn að "eftir" mynd

Er þá formaðurinn í þeim flokki sem ég er í bara ómerkielgur og ómarktækur lýðskrumari? Ég spyr. Hvað á eiginlega svona framkoma að þýða! Hvað!

PWRDWNSYS

099 SIGNOFF

[Gunnar Rögnvaldsson, 22.5.2019 kl. 11:33]

miðvikudagur, 22. maí 2019 kl. 11:27:05

Ég neyðist til að bæta hér einu inn áður en ég halla mér eftir nóttina, þó svo að mér sé það virkilega óljúft. 

Þegar að Björn Bjarnason er farinn að tala um Miðflokkinn sem afturhaldsafl fyrir það eitt að standa á réttindum íslensku þjóðarinnar í orkupakkamálinu, þá er mér ljóst að um minna en engin rök fyrir málinu er að ræða í málflutningi Sjálfstæðismanna míns Sjálfstæðisflokks fyrir þessu máli. Enda hafa þau ekki heyrst.

Björn er gengin í björg með Jóni Frímanni. Hann er kominn á útsölu.

Aldrei aldrei nokkru sinni hefði ég að óreyndu trúað þessu um Björn Bjarnason flokksbróðir minn. 

Hér eru svo sannarlega geigvænleg óheillindi á ferð í mínum flokki. Geigvænleg óheillindi!

Þessu hefði ég aldrei trúað. Hvílík óheillindi. Hvílík sorg.

[Húsari (IP-tala skráð) 22.5.2019 kl. 12:00]

Sæll Gunnar.

Blasir það ekki við að
Orkupakki 3 snýst um það eitt
að orkumál fari á frjálsan markað og
allt verði þetta einkavætt, Landsvirkjun líka
og fjármálamenn fái loks tækifæri til að láta greipar sópa
í þessum geira?

Ég saknaði þess að formaður utanríkismálanefndar
skyldi ekkert hafa um þetta mál að segja nóttina
alla og Bryndís Haraldsdóttir háttv. alþingismaður
ekki frekar ekki sízt í ljósi skrifa sinna í Mbl.,
þennan sama dag.

Ef óheilindi Miðflokksmanna felast í því sem að framan
er rakið hver eru þá þau sannindi sem að baki liggja
inntöku þessa orkupakka.

Er til of mikils mælst að þessir aðilar geri grein
fyrir sýn sinni og skoðun á þetta mál.

Bið þig velvirðingar, Gunnar, á heldur glannalegu
orðfæri fyrir skemmstu.

[Gunnar Rögnvaldsson, 22.5.2019 kl. 13:39]

Þakka þér Húsari

Jú þetta eru fyrst og fremst einkavæðingar-pakkar. Aðeins þannig hefur til dæmis verið rætt um það í Danmörku. Einkavæðing mun svo eins og þú segir virka eins og fersk mykjuskán fyrir þau mý sem þú nefnir. Og síðan mun Ísland missa stjórnina á þessum málum og verða óheimilt að koma í veg fyrir það sem þjóðin vill ekki að gerist, til dæmis flæði orku úr landi og sem myndi á endanum setja erlendar fyrsta flokks fjárfestingar opinna og gegnsærra hlutafélaga hér á landi í stóriðji í uppnám.

Flokkurinn minn hefur ekki komið með nein rök í þessu máli. Þvert á móti þá keyrir hann þetta með þögn, þöggun og svínslegum þumbaraskap, sem varla er hægt að fyrirgefa óstjórninni í honum lengur.

Þarna er allt í loft upp eins og í 10 Downing Street. En þar verður frú May borin út á öskuhauga sögunnar eftir nokkra daga. Svitabaðið á meginlandinu er rétt að hefjast og verðið á björgunarbátum rýkur upp.

Næstum ekkert nema hörð útganga kemur lengur til greina. Það er ekkert að marka það sem fjölmiðlar hér á landi segja um það mál og heldur ekki það sem flestir þeirra segja um OP3. En þó sem betur fer ekki allir.

Það er engin sýn til á þetta OP3 mál þannig að hana er ekki hægt að kynna. Þetta er bara þvaður. Bólugröftur í lýðskrumi.

Kveðjur

[Húsari (IP-tala skráð) 22.5.2019 kl. 16:38]

Sæll Gunnar.

Þakka þér fyrir þessa glöggu

yfirsýn þína í þessu máli.