Evrópusambandið er að leysast upp segja kjósendur í ESB - telja styrjöld á næsta leiti

Mynd, evruupptakari: Fullveldi, peningastefna og vaxtavopn þeirra evrulanda sem heita ekki vissum tveimur nöfnum. Allar útkomur úr áföllum í ESB eru háðar þjóðerni

**** 

Evrópusambandið mun liðast í sundur á næstu 10-20 árum

Ný könnun European Council on Foreign Relations, sem lét YouGov kanna viðhorf 60 þúsund kjósenda í 14 löndum Evrópusambandsins í mars og apríl 2019, kemur eins og krepptur hnefi framan í elítur ESB, nú rétt fyrir kjördag til gúmmístimpilsþings þess, dagana 23. til 25. maí næstkomandi

Í öllum löndum sem könnunin nær til, nema á Spáni, segir meirihluti kjósenda raunhæft eða líklegt að Evrópusambandið leysist upp á næstu 10-20 árum. Í niðurstöðum könnunarinnar er þó aðeins sagt frá afstöðu kjósenda í fimm löndum til einmitt þessarar spurningar. Ætla má að í hinum löndunum hafi tölurnar varðandi þessa spurningu verið svo harðar þrúgur reiðinnar, að þær séu ekki birtar af ótta við það sem þær segja

Í Frakklandi sega 58 prósent þeirra sem tóku afstöðu að Evrópusambandið muni liðast sundur á næstu 10-20 árum. Í Þýskalandi var þessi tala 50 prósent. Á Ítalíu er hún 57 prósent og 57 prósent Pólverja sögðu hið sama. Aðeins á Spáni var talan undir 50 prósent, eða 40 prósent

Styrjöld milli landa Evrópusambandsins innan 10 ára

Spurt var einnig hversu líklegt kjósendur teldu að styrjöld muni skella á á milli landa Evrópusambandsins á næstu 10 árum. Í Frakklandi telja samtals 35 prósent kjósenda að styrjöld muni skella á innan næstu 10 ára. Mestar áhyggjur hefur yngra fólkið í Frakklandi. En 35 prósent (24-34 ára) og 46 prósent (18-24 ára) yngri Frakka á kosningaaldri telja styrjöld skella á innan næstu 10 ára

25 prósent Þjóðverja segja hið sama, en 30 prósent ungs fólk þar í landi segir svo verða. Sem sagt: fjórðungur Þjóðverja segir að styrjöld skelli á innan næstu 10 ára og þýskir á aldrinum 25-34 ára hafa mestar áhyggjur, eða 36 prósentur þeirra

Í Hollandi telja 38 prósent kjósenda að styrjöld skelli á innan næstu 10 ára. Þar segja 51 prósentur ungs fólks á aldrinum 18-24 ára, að svo verði raunin. Og 43 prósent þeirra sem eru 25-34 ára núna. Þroskaðra fólk í Hollandi er jafn áhyggjufullt og í Frakklandi, en þar liggja tölurnar á milli 27 og 41 prósent

Í næsta nágrenni Þýskalands segja 35 prósent Austurríkismanna að styrjöld skelli á innan 10 ára og helmingur(!) fólks á aldrinum 25-34 ára í því landi segir svo verða. Svipaða sögu er að segja frá Tékklandi, Póllandi og Ungverjalandi

Minnstar áhyggjur hafa Danir í þessum efnum, eða 17 prósent, en yngra fólk á aldrinum 24-34 ára hefur þó mestar áhyggjur í Danmörku, eða rúmlega fjórðungur þess. En Svíar eru hins vegar jafn svartsýnir Þjóðverjar, og einnig þar eru ungir Svíar áhyggjufyllstir um framtíðina. Innflytjendamál, íslam og öfgar er púðurtunna fyrir alla Evrópu, segja kjósendur í löndum hennar. Í öllum löndunum er áberandi hversu ungt fólk er svartsýnt á framtíðina

Danmörk er enn nokkuð söm við landfræðilega varnargetulausa sjálfa sig, já, því viku fyrir innrás Þjóðverja í apríl 1940, skrifaði dagblaðið Politiken að Winston Churchill væri hættulegur stríðsmangari sem enginn Dani skyldi taka mark á. Ekkert á því blaði hefur að sjálfsögðu breyst síðan þá, nema það að upplag blaðsins jafnaði sig aldrei. Það er enn hrunið, svipað og Sjálfstæðisflokkurinn er að hrynja núna, því sá flokkur er lentur undir gervigrasrúllum forystunnar. Þar fer nú fram annað orkuspark gervigrasræktenda Valhallar, til okkar flokksmanna og kjósenda á innan við 10 árum. Ekki ætla ég að lenda undir astrótorfrúllum Valhallar á Andrómedu

Minni tækifæri en foreldrarnir höfðu

Í engu landi sem könnunin segir frá, telur fólk að það njóti meiri og betri tækifæra en foreldrar þess höfðu. Og aðeins 20 prósent kjósenda myndu sakna myntarinnar evru, þegar Evrópusambandið leysist upp. Og aðeins 25 prósentur kjósenda myndu sakna sjálfs hins stofnanalega tilgangs Evrópusambandelíta, þegar hann fer í ruslið. En hann var alltaf -og er enn- sá að reyna að ná og skáka Bandaríkjum Norður-Ameríku í veldi, hagsæld, ríkidæmi og framförum. Þess eina lands veraldar sem ábyrgist þjóðaröryggi næstum allra þeirra landa sem tóku þátt í könnuninni, og hefur getu til þess

Tómir kjörkassar og astrótorf

Þessar fréttir eru vissulega áfall nú nokkrum dögum fyrir kjördag. Enda er það engin tilviljun að þær birtast núna. Reyna á að reka fólk inn í kjörklefana til að koma í veg fyrir 13 prósent kosningaþátttöku eins og í Slóvakíu síðast (2014), er kostið var til gervigrasþings ESB, þar sem enginn hefur tillögurétt, nema ókjörin elíta framkvæmdastjórnar sem hvorki er hægt að reka né kjósa burt. Í heild var kosningaþátttakan 42,61 prósent árið 2014. En hún hefur verið hrynjandi í takt við þróun ESB, eða frá og með kosningunum 1979, þegar þær í fyrsta sinn fóru fram, en þá tóku 61,99 prósent þátt í þeim. Árið 1999 var þátttakan komin undir 50 prósentin og fróðlegt verður að sjá hvernig astrótorf elíta sambandsins kemur upp úr gúmmíkjörkössum ESB á næstu vikum

Krækja á könnunina

Að lokum: Nóbels-friðarþvæla viðskipta

Bók Norman Angell, The Great Illusion, fékk miklar viðtökur þegar hún kom út í Evrópu árið 1909. En þar sagði hann að styrjöld milli landa Evrópu væri óhugsandi sökum þess hve þétt, samofin og mikil viðskipti væru orðin milli landa álfunnar. Fimm árum síðar hófst því Fyrri heimsstyrjöldin. Höfundurinn fékk samt friðarverðlaun Nóbels árið 1933, fyrir framlagið, og hófst því Síðari heimsstyrjöldin sex árum síðar. Hún hófst sem réttinda- og landamæraerjur og var álitin staðbundið framhald af þeirri fyrri. Þær erjur fengu svo nafnið Síðari heimsstyrjöldin þegar Þýskaland réðst inn í Rússland og lýsti stríði á hendur Bandaríkjunum í desember 1941, og hvers kanslari að hætti glórulausrar ESB-Merkels, spurði hvar Perluhöfn væri á landakortinu. Þar með fékk Stríðið mikla frá 1914 til 1918 nafnið Fyrri heimsstyrjöldin, og sú sem þar með geisaði þá, um allan heim, fékk nafnið Síðari heimsstyrjöldin

..og um það sem ekki sést

Makró-pólitískir atburðir hafa oft þá tilhneigingu að þeim slær fyrirvaralaust niður til jarðar ofan úr hinu pólitíska stratósferi háloftanna, þar sem stórar grunnpólitískar hugmyndir eigast við. Fjölmiðlar fylgjast ekki með í þeim loftslögum. Þeir fylgjast aðeins með í hinum mikrópólitíska heimi þar sem poppkornin skoppa um alla daga ársins. Þeir sáu ekki hrun Sovétríkjanna fyrir. Þeir sáu ekki Fyrri heimstyrjöldina fyrir, og heldur ekki þá síðari. Þeir sáu ekki Brexit fyrir, og allra síst sáu þeir kjör Donalds J. Trump fyrir. Og ef menn fletta dagblöðum og tímaritum veraldar, þá stendur ekkert um 70 ára fæðingarhríðir nýs ríkis í heiminn, Ísraels, á síðum neinna fjölmiðla. Þar er söguna ekki að finna, þó svo að framvinda hennar hafi farið fram í mannaheimum, beint fyrir framan nef flestra fjölmiðla heimsins

Það er ekki bara Bjarni Ben sem borðar astrótorf með því að hafa sagt í fyrra að "raforkumál Íslands eru ekki innri-markaðsmál ESB". Það sagði hann á Alþingi Íslendinga. En svo kom vagninn með astrótorf-rúllum og tók hið viljalausa verkfæri sem formaður Sjálfstæðisflokksins er, og sem þorir jafnvel ekki að standa í litlutá, og fór með hann alla leið til Andrómedu

Smellið til að horfa á varanlega dómgreindarskertan Bjarna Ben, fyrir astrótorf, í mars 2018, en eftir Icesave

Fyrri færsla

Baráttan gegn orkupakkaveldi ESB á Alþingi síðustu nótt [u]

Athugasemdir

[Símon Pétur frá Hákoti (IP-tala skráð) 20.5.2019 kl. 10:17]

Eftir því sem andstaða almennings í ESB löndum vex gegn því þjófa og skrifræðisbákni, þeim mun meira innleiða og stimpla þingmenn Sjálfstæðisflokksins pakka þess og reglugerðir og akta sem skriðkvikindi möppudýranna í skrifræðisbákninu.

Eftir því sem búrkrata- og ræningjaeðli þingmanna og möppudýra Sjálfstæðisflokksins afhjúpast æ meira og verður æ augljósara, þeim mun hraðar mun fylgið hrynja af flokknum. 

Sjálfstæðisflokkurinn er nú orðinn, fyrst og fremst ESB flokkur stimplandi þingmanna og möppudýra búrkratismans sem stela sér eins mikið til launa og skattlagning stimplananna gefur af sér fyrir enga nema þá.

Orðum það beint:  Sjálfstæðisflokkurinn er orðinn að fasískum flokki þar sem saman fara einungis hagsmunir stórfyrirtækja, bankaglæpamanna og stimplandi þingmanna og búrkrata.  Og þeirra hagsmunir eru þeir einir að innleiða pakka og lög og reglugerðir beinustu leið frá  Brussel og notfæra sér þá til að skattleggja og ræna almenning í krafti pakkanna frá Brussel.

Svo einfalt er það og æ fleiri sjá hið augljósa og fylgið hrynur í samræmi við hröðun stimplana þingmanna og möppudýra Sjálfstæðisflokksins. 

[Gunnar Rögnvaldsson, 20.5.2019 kl. 11:46]

Já þetta er sárgrátlegt.

Það þyrfti að bera þetta lið út eins og Theresu May. Það hlýtur að vera til eitthvað flokksorgan sem getur sparkað þessu fólki út og sett annað inn í staðinn. Og svo varpað hlutkesti um hver á að vera nýr formaður, því ekkert getur orðið verra fyrir Sjálfstæðisflokkinn en núverandi forysta hans. Fá bara einhvern í staðinn. Eða fara út í næstu fiskbúð og ná í eina húsmóðir eða þjóðhollan mann og láta hann fá formennskuna. Nafn hans má bara ekki byrja á bókstafnum B, eins og í Bjarni og Benedikt.

[Símon Pétur frá Hákoti (IP-tala skráð) 20.5.2019 kl. 12:24]

Já, það má segja að það sé sorglegt.

Að Sjálfstæðisflokkurinn skuli fyrst og fremst vera orðinn "skrautlegar umbúðir um nakið embættismannavald" eins og Páll Vilhjálmsson orðar það réttilega í nýjasta pistli sínum.

Að Bé Bé og bimbógellurnar skuli helþagga niður í öllum þingmönnum Sjálfstæðisflokksins varðandi 3. orkupakkann, sýnir okkur öllum að þar fara reittar hænur, hænsnfé sem enginn heiðarlegur sjálfstæðismaður getur átt lengur samleið með.

Þingmenn og ráðherrar flokksins hafa berstrípað sig í þjónustu hirðarinnar.  Þeir standa naktir eftir.  Aumir eru þeir sem fylgja þeim áfram að málum.  Hrun flokksins er óumflýjanlegt. 

[Símon Pétur frá Hákoti (IP-tala skráð) 20.5.2019 kl. 12:45]

Fyrirlitlegir eru þeir þingmenn Sjálfstæðisflokksins sem vilja, sakir veiklundar og veikleika sinna, innleiða 3. orkupakkann

til þess eins að færa náttúruauðlindir Íslands undir embættisvaldmiðstöðina búrkratanna í Brussel.  Og fylkja þar liði með Samfylkingar kolapakkakötu Pírata, maddömunnar vergjörnu og  Viðreisnar.

[Valdimar Samúelsson, 20.5.2019 kl. 15:35]

Góð grein Gunnar. Það er ekki að ástæðulausu að Swiss-lendingar vilji halda í vopnin sýn. Þeir muna sögunu.

[Gunnar Rögnvaldsson, 20.5.2019 kl. 16:11]

Þakka þér Valdimar. 

Já mikið rétt.

Einu vopnin sem við Íslendingar höfum eru hins vegar getnaðar-varnir til vinstri og hægri gegn lífinu.

En skyldi lífið samt ná að verða til, þá er gripið til varna gegn lífinu með því að beita hámenntuðum læknum á ofurlaunum hjá skattgreiðendum á það.

En það var samt ekki nóg fyrir þann siðferðilega pervert sem er forsætisráðherra Íslands núna. Hún vildi ganga "alla leið" til þess helvítis sem varla er hægt að nefna hér á nafn.

Það er því ekki skrýtið að þessi ógeðslega ríkisstjórn siðferðilegra perverta og ístöðulauss landsölufólks kalli fram viðbrögð frá siðuðu fólki, eins og hér.

Kveðjur

[Helgi Jónsson (IP-tala skráð) 20.5.2019 kl. 16:14]

Hversu oft eru þið ESB hatarar búnir að spá dauða ESB...? Orðin þreyttur brandari.

[Gunnar Rögnvaldsson, 20.5.2019 kl. 16:51]

Þarna eru kjósendur í Evrópusambandinu að tala Helgi og engin hlær þar í löndum lengur. Og heldur ekki í Brussel. Þar lekur svitinn af ennum hinna ókjörnu og skattfrjálsu, sem samfelldur foss örvæntinga.

Kveðjur

[Símon Pétur frá Hákoti (IP-tala skráð) 20.5.2019 kl. 16:52]

@Helgi Jónsson. 

Af nákvæmlega sömu ástæðu og hrun Sjálfstæðisflokksins er óhjákvæmilegt,

þá er hrun ráðstjórnar ESB óhjákvæmilegt.

Þjóðin, og þjóðir Evrópu, vilja ekki gjörspillta glóbalíska búrkrata ráðstjórnarinnar, sveimandi yfir og vomandi eins og hrægamma yfir öllu sem því þykir vænt um og vill verja, land sitt og eigin auðlindir.

[guðmundur Ingi Kristinsson (IP-tala skráð) 20.5.2019 kl. 17:41]

Mættir bæta við nokkrum árum í bréfhausinn þinn okkur til upplýsingar.

[Gunnar Rögnvaldsson, 20.5.2019 kl. 20:15]

Já það væri gott að geta uppfært myndina, Guðmundur Ingi.

En þar sem flest í ESB sýnst um að ná aðeins því sem sambandið stóð í áður en banka- og sérfræðingabólan sprakk 2008/2009, þá virðast samtök viðskiptaráða í Evrópu ekki sýna málinu áhuga lengur.

Mér hefur aðeins tekist að finna eina samanburðarhæfa skýrslu í viðbót um þetta mál og hún er frá 2009 og byggir á tölunum fyrir 2008

Landsframleiðsla á mann:

Þá tók það ESB 22 ár að ná Bandaríkjunum. Óbreytt staða. Þarna, eða  árið 2008, stendur ESB eins og Bandaríkin stóðu árið 1986, þegar Ronald Reagan var á öðru ári síðari kjörtímabils síns sem forseti Bandaríkjanna.

Framleiðni á hvern starfsmann:

Þá tók það ESB 20 ár að ná Bandaríkjunum í stað 18 ára, árið áður. Versnað um 2 ár. Þarna, eða  árið 2008, stendur ESB eins og Bandaríkin stóðu árið 1988, þegar Ronald Reagan var enn forseti Bandaríkjanna

Rannsóknir og þróun:

Þarna stendur ESB eins og Bandaríkin stóðu 1978 þegar Jimmy Carter var forseti, eða 30 árum á eftir Bandaríkjunum.

Atvinna:

Atvinnuleysi í ESB er núna 7,2 prósent en 3,8 prósentur í Bandaríkjunum. Flest sem varðar atvinnumál var enn á huldu til samanburðar og því lítið vikið að því í greiningunni, nema að sagt er að ESB sé sennilega 8 árum á eftir Bandaríkjunum.

En frá því að sú greining er gerð í maí 2009 þá versnaði allt í ESB í mög ár og hefur ekki náð sér enn. Seinkuðum teppasprengjum rigndi yfir ESB-löndin í  atvinnumálum fram á árið 2017. Og hið sama gildur um hagvöxt og flest annað.

Þannig að í dag má gera ráð fyrir því að ESB nái eftir ca. 90 ár að verða jafn hagsæl og Bandaríkin eru núna árið 2019. Það er að segja ef að ESB verður þá enn á lífi. Bilið breikkar því hagvöxtur er svo miklu sterkari í Bandaríkjunum.

Enginn talar um hvorki Lissabon-2000, Lissabon-2010 né neinar aðrar tíu ára áætlanir ESB lengur. Enginn. Nema kannski Þorgerður Katrín Gunnarsdóttir og Benedikt Jóhannesson inni í álfhól samfylkinga. Séð með augum íbúanna í ESB, þá er Evrópusambandið búið að vera. Það eina sem er eftir af hrygningarstofni ESB, er Samfylking, Viðreisn og fótalaus ríkisstjórn Íslands niðri í bunker á Alþingi Íslendinga. 

Kveðjur

[Símon Pétur frá Hákoti (IP-tala skráð) 20.5.2019 kl. 20:53]

Einföld spurning:

Af hverju styrkja íslensk stjórnvöld ekki fremur tengslin við Bandaríkin, en að stefna að þrælsótta við Brusselvaldið?

[Gunnar Rögnvaldsson, 20.5.2019 kl. 23:47]

Hvaða stjórnvöld?

Sýnist þér þetta fólk vera að stjórna einhverju Símon Pétur?

Sýnist þér bókhaldarinn Bjarni Ben vera að stjórna einhverju öðru en tapi?

Smelltu á upptökuna frá Alþingi hér fyrir ofan og sjáðu hverju hann stjórnar. Hann er alveg clueless. Bara tómið eitt. Það er ekkert þarna inni. Bara umbúðir.

Sjáðu svo hver stjórnar gufustimpilpúða Framsóknarflokksins, og ríkisbubba Hreyfingar framboðs en engrar eftirspurnar.

Og sjáðu hver staða þessara flokka er í augum almennings. Þetta er bara brotabrotafólk í Vogue leik.

Sjáðu úrslit síðustu kosninga, hvernig Bjarni Ben leiddi tap flokks okkar í öllum kjördæmum landsins. Meira að segja í sínu eigin kjördæmi. Algerlga getulaus maður og algerlega samhengislaus. Tapari sem enginn vill berjast saman með:

xD Norðvesturkjördæmi => mínus 5,0% (prósentustig)

xD Norðausturkjördæmi => mínus 6,2%

xD Suðurkjördæmi => mínus 6,3%

xD Suðvesturkjördæmi => mínus 3,0%

xD Reykjavíkurkjördæmi suður => mínus 2,8%

xD Reykjavíkurkjördæmi norður => mínus 1,8%

Bjarni tapaði í öllum kjördæmum landsins.

SDG vann hins vegar þessar kosningar svona:

Sigur SDG: Norðvesturkjördæmi +10,9 %

Sigur SDG: Norðaustur-kjördæmi +14,2 %

Sigur SDG: Suðurkjör-dæmi +18,6 %

Sigur SDG: Suðvesturkjör-dæmi +14,3 %

Sigur SDG: Reykjavíkurkjör-dæmi suður +9,5 %

Sigur SDG: Reykjavíkurkjör-dæmi norður +7,6 %

Sigur SDG: Reykjavíkurkjör-dæmi norður +7,0 %

Þetta er allt saman ólæst fólk í forystu xD. Þetta eru sömu tómu tunnurnar og voru að óverkum síðast. Og nú á að reyna lýðskrumsleiðina og fela sig fyrir kjósendum inni í skáp þar til óhætt er að láta sjá svikna vöruna sjálfan sig á ný. Foringinn inni í skáp. Þar blikkar hann vasaljósinu í öryggi felustaðar.

Það fer NATO-stofnaðilanum Íslandi afar illa að triangulera gegn besta, dýpsta og eina bandamanni sínum Bandaríkjunum. Án þeirra væri Ísland varla til sem sjálfstætt ríki. Landið sem ábyrgist þjóðaröryggi okkar.

Þetta snýst ekki um að stjórna neinu Símon Pétur. Þetta snýst um ekkert í engu. Bara blöff. Bara venjulegur aulaháttur getulauss fólks. Fólk sem hoppar af einum vagninum á annan. En svo þegar vagnanrir hætta að koma, þá frýs þetta fólk fast og bíður bara eins og frostpinnar í frystikistu. Verður myndastytta og hangir áfram eins og lús á skattgreiðendum.

Bjarni Benediktsson og lið hans er eitt samfellt tap fyrir flokkinn okkar og Ísland núna. Eitt samfellt tap.

Heldur þú að þetta fólk hefði getað háð sjálfstæðisbaráttu Íslands?

Heldur þú að þetta fólk hefði getað skaffað Íslandi 200 mílna fiskveiðilögsögu?

Heldur þú að þetta fólk hefði getað byggt upp raforkukerfi Íslands?

Heldur þú að þetta fólk hefði getað barið í borðið og sagt stefnumótandi að "íslenksa þjóðin á ekki og ætlar ekki að greiða skuldir óreiðumanna"?

Heldur þú að þetta fólk hefði getað gert eitthvað annað en að framleiða áföll, væru þau í tísku. Þetta fólk gengi um í kafarabúningi ef því væri sagt að hann sé Vogue núna.

Hefurðu prófað að auglýsa í Vogue. Það hef ég. Enginn les það. Enginn kaupir það. Það gefur ekkert. Það er gort-skraut til sýnis á biðstofum. Það selur ekki. Og upplagið er ekkert. Það er og ónothæfasti, lélegasti ofg dýrasti miðill sem til er. Það er bla bla. Það er sjálf Bjarna Ben forysta xD. Brók!

Samúðarkveðja

[Gunnar Rögnvaldsson, 21.5.2019 kl. 00:06]

þriðjudagur, 21. maí 2019 kl. 00:06:50

Umræða stendur yfir á Alþingi Íslendinga um ESB-orkupakka3. Reyna á að troða honum með illu niður kok íslensku þjóðarinnar og algerlega gegn aðkomu hennar og þjóðarvilja. Anað er inn í enn eina ESB-helferðina engum til gagns, en öllum til ógagns. Endurútgáfa bankapakka ESB/EES, sem var misfóstur. Þetta er og verður stærra misfóstur en Icesave. Áföll fyrir þjóðina áratugum saman.

Miðflokkurinn stendur vaktina

Horfa hér

========

[Símon Pétur frá Hákoti (IP-tala skráð) 21.5.2019 kl. 00:15]

Þakka þitt skelegga svar Gunnar. 

[Gunnar Rögnvaldsson, 21.5.2019 kl. 00:39]

þriðjudagur, 21. maí 2019 kl. 00:39:08

SDG segir að OP3 sé kynntur sem bein afleiðing OP1+OP2. Og þegar næsta högg frá ESB kemur, að þá verði það kynnt sem bein afleiðing af því að hafa látið berja einu sinni, tvisvar og þrisvar. Þá kemur fjórbarningurinn og svo fimmbarningurinn.

Ísland verður því barið þar til það segir stopp. Aftur og aftur. Allir sem láta berja sig verða barðir aftur og aftur þar til þeir segja stopp og taka málin í sínar eigin hendur.

Sjálfstæðisflokkurinn er orðinn Notbremsenresistent vegna duglausrar forystu. Hann húrrar því áfram stjórnlaus til heljar eins og  plokkfiskur löngu kominn fram yfir síðasta örugga notkunardag.

Forystu xD vantar allan þann fælnimátt sem hún var kosin til að viðhafa þegar um þjóðarhagsmuni okkar er að ræða. Hún á að vera deterrence fyrir hönd Íslands, en er því miður einungis liðleskja og viljalaust verkfæri í höndum annarra.

[Gunnar Rögnvaldsson, 21.5.2019 kl. 00:59]

þriðjudagur, 21. maí 2019 kl. 00:59:26

Jón Þór Þorvaldsson segir:

Yfirþjóðlegt vald ACER staðfest.

Auðvitað er ACER hluti af yfirríki ESB. Danska orkustofnunin segir það líka.

Og NS2 var hrifsað úr höndum Þýskalands með yfirríkislegu valdi sem er með ACER undir sér. Sjá hér: ESB/ACER knésetur Þýskaland og Rússland með orkupakka3

OP3 mikilvægur því þá hætta OP1+2 að vera bara innanríkismál og verða milliríkjamál (cross border mál með ACER sem "resolution mekanisma" eins og að um cross border banka væri að ræða)

Þrýstingur settur á íslensk stjórnvöld. Íslandi liggur ekkert á í þessu máli. Þetta er mál annarra, en ekki okkar hér á Íslandi. Við erum að missa forræðið. Þess vegna er þrýst á okkur. Við eigum að segja nei.

[Gunnar Rögnvaldsson, 21.5.2019 kl. 01:35]

þriðjudagur, 21. maí 2019 kl. 01:34:59

Karl Gauti Hjaltason segir að við séum að neyta íslensk grænmetis vegna raforku okkar og nýtingu jarðvarma, og Jón Þór Þorvaldsson segir að við séum að missa fullveldið í þessum málum okkur til mikils skaða. Mikil þróun á túrbínum í vændum sem við ættum að huga að. Já eins og við þróuðum síldveiðar fyrstir allra. 

Karl Gauti Hjaltason segir að við eigum að flagga hér rauðu því verið sé að læðast með þjóðarréttindamál fram hjá íslensku þjóðinni. Engir fyrirvara munu halda.

Gunnar Bragi Sveinsson segir að sjálft ferli málsins sé það að við verðum aðilar að orkusambandi þar sem lög yfirríkis ESB gilda.

Karl Gauti Hjaltason segir fordæmið í þessum málum sjáist í innflutningi á matvælum til skaða fyrir Ísland og landbúnað okkar. Þar sem valtað var yfir allt Ísland og alla fyrirvara þess. Sé þetta innleitt verður ekki snúið til baka. Að sjálfsögðu ekki. Yfir-ríki er jú yfirríki.

Gunnar Bragi Sveinsson segir að við séum að innleiða hugmyndafræði sem sé okkur framandi og ógnandi. Já að sjálfsögðu, enda bað enginn Íslendingur um þetta. Enginn Íslendingur hefur beðið um þetta. Þetta eru einkavæðingarpakkar þar sem súrefni þjóðarinnar á að gera að braski í höndum innlendra og erlendra óligarka

Karl Gauti Hjaltason segir að þetta mál allt geti verið tifandi tímasprengja undir orkuhagkerfi Íslands. 

Jón Þór Þorvaldsson segir segir að við eigum að segja nei, því þá höfum við valkost. Já algerlega óþolandi að láta stilla þjóðinni svona upp við vegg eins og að ESB sé aftökusveit og EES vopn þess.

[Gunnar Rögnvaldsson, 21.5.2019 kl. 01:51]

þriðjudagur, 21. maí 2019 kl. 01:51:28

Gunnar Bragi Sveinsson segir að ákvæðið um "frjáls viðskipti" þýði að Íslandi verði gert að tengjast, alveg sama hvað. Það sé þannig.

Já. Það missa allir virðingu fyrir þjóð sem afsalar sér valdi sem hún þarf ekki að gera. Það verður að láta reyna á þetta fyrir rétti. Það verður. Það er algjör lágmarkskrafa.

Laga mér kaffi og fæ mér snúða sem konan mín bakaði og fer út og tala við hrossagaukinn og rjúpuna. Hún svarði mér um daginn

[Gunnar Rögnvaldsson, 21.5.2019 kl. 02:14]

þriðjudagur, 21. maí 2019 kl. 02:14:12

Þorsteinn Sæmundsson segir að ekkert hafði breyst í hans afstöðu. En það sé hins vegar rannsóknarefni hvað varð um afstöðu þingflokks Framsóknarflokksins um að ekki ætti að afhenda útlendum orkumálefni okkar. Hið sama gildir um þingflokk Sjálfstæðisflokksins. Hlaupið frá öllu. 

Já vel á minnst. Í svakalega góðri grein Viðars Guðjohnsen í Morgunblaðinu mánudaginn 20 maí 2019  áréttar hann eftirfarandi:

Sjálf­stæðis­flokk­ur­inn var stofnaður 25. maí 1929 við sam­ein­ingu Frjáls­lynda flokks­ins og Íhalds­flokks­ins í kring­um tvö ófrá­víkj­an­leg aðal­stefnu­mál sem birt­ust m.a. í Morg­un­blaðinu dag­inn eft­ir stofn­un flokks­ins. Fyrsta aðal­stefnu­málið var að "Ísland taki að fullu og öllu sín mál í sín­ar eig­in hend­ur og gæði lands­ins til af­nota fyr­ir lands­menn eina" en hitt var "að vinna í inn­an­lands­mál­um að víðsýnni og þjóðlegri um­bóta­stefnu á grund­velli ein­stak­lings­frels­is og at­vinnu­frels­is með hags­muni allra stétta fyr­ir aug­um." Mark­mið þessi eru enn þann dag­inn í dag bund­in í lög flokks­ins. Mik­il­vægi þeirra má m.a. sjá á staðsetn­ingu þeirra í lög­um flokks­ins en fyrr­nefnd aðal­stefnu­mál má finna strax í ann­arri grein lag­anna (fyrsta grein­in fjall­ar um nafn flokks­ins).  Það mætti með réttu segja að aðal­stefnu­mál­in tvö hafi hitt þjóðina í hjart­astað því Sjálf­stæðis­flokk­ur­inn varð strax frá stofn­un að póli­tískri burðarstoð sem setti Ísland og full­veldið í fyrsta sætið.

En hvað gerðist! Já hvað gerðist. Árið 2019 hittir xD íslensku þjóðina með eiturörvum í hjartastað. Hvar eru greinar Bjarna Ben um hjarta Íslands. Það eina sem frá honum kemur er kúguð þögn, þöggun og einstöku stafur um að Íslandi sé berst borgið á altari útsölubrasks.

Enn stendur Miðflokkurinn vaktina á Alþingi Íslendinga

Böðla á þessu máli í gegn. En þarna er Miðflokkurinn eina viðspyrna þjóðarinnar.

xD liggur í rúst

[Gunnar Rögnvaldsson, 21.5.2019 kl. 02:38]

þriðjudagur, 21. maí 2019 kl. 02:38:16

Birgir Þórarinsson segir hvar værum við stödd ef við hefðum látið stjórnast af þeim ótta sem notaður er til að kúga orkupakka ESB ofan í þjóðina. Þá hefðum við enga landhelgi í dag. Nei, auðvitað hefðum við hana ekki, og heldur engar stórvirkjanir. Við VERÐUM að fá betri niðurstöðu í þetta mál en þá sem ríkisstjórnin með kratatöflu-stapparann að vopni er að troða niður kok þjóðarinnar.

Já það er einmitt svona sem ESB kemur inn í þjóðríki þjóðanna; sem tundurspillir sem tekur súrefnið frá þjóðum. Tilgangurinn er að sundra, spilla, etja fólki saman og upp á móti þjóðfélagi sínu og koma þjóðríkinu fyrir á biðlistanum eftir engu nema þeim hægfara dauða sem ég kynntist svo vel á meginlandi Evrópu.

[Gunnar Rögnvaldsson, 21.5.2019 kl. 03:07]

þriðjudagur, 21. maí 2019 kl. 03:07:53

Bergþór Ólafsson segir mikið vill meira. Aflands aflátsbréf í orkumálum stunduð.

Já einmitt, alþjóðlegt pornó af verstu embættismannasort.

Þorsteinn Sæmundsson talar um möguleika íslenskrar garðyrkju. En á sama tíma er lögð fram tillaga Framsóknarflokks, Sjálfstæðisflokks og Hreyfingarinnar framboðs (og eftirspurnar) um að slátra garðyrkjubændum. Já þetta er enn verra en svo. Danir þurfa að henda bestu tómötum landsins frá Fjóni vegna innflutnings rusls frá 50 þusund tonna eiturbrasi á örkunum í Suður-Evrópu þar sem uppskeran er pínd upp með þúsundum tonna af eitri.

Birgir Þórarinsson orkupakkar 1+2 hafa ekki orðið Íslandi til góðs. Þvert á móti. Þeir bönnuðu að sérþörfum Íslendinga væri sinnt og hægt að uppfylla. Stjórnmálamenn hafa ekki staðið sig í að verja þjóðarhagsmuni Íslands. Ömurleg þjóðarvakt. Þjóðin beygð.

Já og svo brotnar hún. Takmarkað ríkisvald getur aldrei þrifist í kúgunarkerfum. Það verður alltaf ótakmarkað ríkisvald eins og við erum að upplifa hér og nú. Og þá er aðeins hægt að halda löndum saman með sífellt svæsnara ofbeldi. Þetta er leiðin til ánauðar. 

[Gunnar Rögnvaldsson, 21.5.2019 kl. 03:32]

þriðjudagur, 21. maí 2019 kl. 03:30:30

Wolfgang Munchau ESB-fíkill skrifaði einu sinni um sjálfstortímingarferil Evrópusambandsins, því sannarlega er einmitt um það að ræða þegar takmarkað ríkisvaldi hverfur af sviðinu. Hann sagði að Evrópusambandið væri orðið Notbremsenresistent fyrirbæri. Ekkert þýddi að nota neyðarbremsunar því sambandið væri orðið ónæmt fyrir þeim. Staða Sjálfstæðisflokksins er orðin sú sama. Hrun hans er orðið Notbremsenresistent.

Birgir Þórarinsson talar um uppnámskenningar-þvælu ríkisstjórnar um ESS. Já þetta er sama þvælan og viðhöfð er um allt í öllum löndum sambandsins. Þegar andstaða er við mál og málefni tengd yfirríki ESB. Þá breytast jafnvel lönd á miðju meginlandi Evrópu í að verða að útkjálkalöndum og allsherjar Kúba er alltaf á næsta leyti. Eins og að ESB sé einmitt ekki Kúban sjálf í sjálfu sér, og sem ávallt kallar á að Kúbversk stjórnmál séu viðhöfð. Það er einmitt þannig

[Gunnar Rögnvaldsson, 21.5.2019 kl. 03:36]

þriðjudagur, 21. maí 2019 kl. 03:34:39

Miðflokkurinn stendur enn einn vaktina fyrir íslensku þjóðina á Alþingi Íslendinga

Hattur ofan!

[Gunnar Rögnvaldsson, 21.5.2019 kl. 03:52]

þriðjudagur, 21. maí 2019 kl. 03:50:39

Þorsteinn Sæmundsson biður Steingrím J. Sigfússon þingforseta um að gera grein fyrir pólskiptum sínum í málinu.

SJS er sá sem sveik kjósendur flokks síns svo hrikalega að aldrei hefur annað sést í sögu Íslands. Þetta þjóðvikagengi sem þarna ræður för er algjörlega óþolandi fyrir land og þjóð. Þessu verður að linna. Takið ykkur saman vesalingar!

Hvaða undirliggjandi duldir hagsmunir eru hér á ferð spyr Jón Þór Þorvaldsson. Af verju er þetta svona?

Þorsteinn Sæmundsson, það er eitthvað afl hér á ferðinni annað en Íslenska þjóðin. Þjóðin má ekki verða fyrir þessu tjóni sem hér er í uppsiglingu.

Jón Þór Þorvaldsson spyr. Ætla stjórnarliðar þá að kalla Jón Sigurðsson forseta lýðskrumara eða popúlista, eins og þeir kalla þann mikla meirihluta þjóðarinnar sem hér er algerlega andvígur?

[Helga Kristjánsdóttir, 21.5.2019 kl. 03:57]

Ég hlusta enn. Það kom fram í dag í viðtali Arnþrúðar við Jón Baldvin Hannibalssonar að orka íslands er ekki ótakmörkuð og mér skilst ekki til skiptanna með heilli álfu,guð minn góður við biðjum..........

[Gunnar Rögnvaldsson, 21.5.2019 kl. 04:11]

þriðjudagur, 21. maí 2019 kl. 04:08:21

Þakka þér Helga. Já hún er takmörkuð. Það eina sem er ótakmarkað er heimska ríkisstjórnarinnar og svik flokka hennar við kjósendur sína.

Jón Þór Þorvaldsson spyr. Af hverju lætur utanríkisráðherra eins og málið sem hann lagði fram sé ekki til.

Birgir Þórarinsson segir ekkert að marka það sem stendur í stjórnarsáttmála um að efla Alþingi. Enginn úr stjórnarliðinu lætur svo lítið að virða þingið og þjóðina viðlits í þessu máli.

Af hverju er það mál sem átti að vera um ekkert og engu máli skipta svona mikilvægt að heimurinn er sagður hrynja sé því ekki kyngt. Auðvitað vegna þess að hér er verið er reyna að svíkja þjóðina.

Hvernig getur ríkisstjórnin verið svona algerlega úr takti við þá þjóð hverrar hagsmuna hún er kjörin til að verja. Já þetta er gerræðislegt!

Ríkisstjórnin virðist veða galeiða þræla sem búið er að skera tunguna úr. Engin rök. Bara sjálfstýring. Steypa er hollur matur, segir hún. Étið og kyngið.

Þetta er sovéskt!

[Gunnar Rögnvaldsson, 21.5.2019 kl. 04:48]

þriðjudagur, 21. maí 2019 kl. 04:48:32

Enn stendur Miðflokkurinn einn vaktina á Alþingi Íslendinga

Jú raforkan á Íslandi er takmörkuð. Alveg eins og fiskveiðistofnar í landhelgi Íslands eru takmörkuð stærð.

Síðan hvenær varð það stefna Sjálfstæðisflokksins að þúsund orkudreifingarfyrirtæki elti sama kílóvattið af rafmagni í orkulandhelgi Íslands? Ég spyr. Var það ekki þetta sem var röksemdin fyrir kvótakerfinu: að þúsund skip eltu ekki sama fiskinn í fiskveiðilandhelgi Íslands? Að allir ynnu ekki við að koma öllum á hausinn og sjálfum sér líka?

Birgir Þórarinsson segir að svokölluð "neytendavernd" (ha ha ha) í þessu máli sé þvæla. Íslendingar missa vernd sinna þjóðkjörnu fulltrúa í orkumálum og standa eftir einir og berskjaldaðir vegna gunguskaps Framsóknar, Sjálfstæðisflokks og Hreyfingarinnar framboðs, við lófaklapp Viðeirsnar, Samfylkingar og Pírata.

Já. Þessir flokkar hanga nú eins og myllusteinn um háls þjóðarinnar

[Gunnar Rögnvaldsson, 21.5.2019 kl. 04:59]

þriðjudagur, 21. maí 2019 kl. 04:59:34

Er þá hugmyndafræði kvótakerfisins fallin líka? Fyrst að eitt er ekki látið yfir allar takmarkaðar auðlindir Íslands jafnt ganga.

Orkupakkar ESB eru fyrst og fremst einkavæðingarpakkar. Einkavæða á súrefni þjóðarinnar. Taka af henni vopnin í hinu eilífa kalda stríði okkar við kuldann. Láta súrefni þjóðarinnar í hendur óligarkískra braskara sem koma munu öllu á hausinn og láta þjóðina um tapið.

[Gunnar Rögnvaldsson, 21.5.2019 kl. 05:13]

þriðjudagur, 21. maí 2019 kl. 05:13:42

Þorsteinn Sæmundsson spyr hvort að þetta geti endað með því að Landsvirkjun þjóðarinnar verði höggvin upp og seld í bútum til vogunarsjóða (eins og í Danmörku, eftir 100 ára eignarhald þeirra þjóðar á sínu).

Já auðvitað verður hún höggvin upp. Þetta er nýr ESB-bankabraskpakki2, þar sem allar útkomur áfalla eru háðar þjóðerni. Þetta eru fyrst og fremst einkavæðingarpakkar enda var eingöngu talað um þetta mál undir þeim formerkjum í Danmörku d. privatisering/liberalisering

Getulausa braskliðinu sem kom Íslandi næstum á hausinn vantar ný leikföng til að tapa á og þurrka tapinu yfir á þjóðina. Vantar að geta borað Ísland út að innan.

[Gunnar Rögnvaldsson, 21.5.2019 kl. 05:34]

þriðjudagur, 21. maí 2019 kl. 05:30:14

Enn stendur Miðflokkurinn vaktina á Alþingi

Jón Þór Þorvaldsson talar um skyndilegan áhuga braskliðs Íslands á orkumálum.

Já þetta eru fyrst og fremst einkavæðingarpakkar. Það verða menn að hafa efst í huga. Og til að hrifsa þessar eigur úr höndum þjóðarinnar þá ætla íslenskir stjórnmálamenn að sækja sér vald til útlanda (Brussel), til að ná þessum eigum úr höndum þjóðarinnar, með erlendum lögum. Annars væri það nefnilega ekki hægt. Með EES-samninginn að vopni sækja þeir sér erlendan verndara valda sinna.

Bjarni Ben er jú ekki beint þekktur fyrir að vera ekki í braskliðinu. Vantraustið á Bjarna vegna þessa liðs fer ekki. Það er límt fast við formennsku hans. Það fer ekki og Sjálfstæðisflokkurinn fer því niður með honum

Ólafur Ísleifsson talar um þokulúðrasveitina sem spilar þokubakkana um svo kallaða "fyrirvara". Þjóðin er leidd inn í þokubakka. Þeir taka á sig alls konar nýjar skuggamyndir hvern einasta dag sem líður.

[Gunnar Rögnvaldsson, 21.5.2019 kl. 05:45]

þriðjudagur, 21. maí 2019 kl. 05:40:13

Enn stendur Miðflokkurinn vaktina á Alþingi

Jón Þór Þorvaldsson talar um að norska ríkisstjórnin hafi verið kærð fyrir að brjóta stjórnarskrá landsins vegna orkupakka3.

þriðjudagur, 21. maí 2019 kl. 05:43:26

Þingforseti slítur fundi og málinu er frestað

Hattur ofan fyrir þingmönnum Miðflokksins!

099 SIGNOFF

[Símon Pétur frá Hákoti (IP-tala skráð) 21.5.2019 kl. 10:32]

Takk fyrir rapportið Gunnar.

Sanna sjálfstæðismenn er nú

eingöngu að finna í Miðflokknum.

[Símon Pétur frá Hákoti (IP-tala skráð) 21.5.2019 kl. 10:42]

Það kemur dagur eftir þennan dag.

Kosningadagur.  Þá mun Miðflokkurinn

fá fylgi sjálfstæðismanna og framsóknar

og verða stærsti flokkur landsins

og algjör sigurvegari næstu kosninga.

[Óskar Kristinsson, 21.5.2019 kl. 17:39]

Blessaður Gunnar!!!

Eg vildi nota orðatiltæki um þig, sem að frændi minn Fyrir austan notaði gjarnan ef honum líkaði einhver sérlega vel.

Hann sagði, Þú ert alveg einstakÖr.

Kv af Suðurlandi

[Óskar Kristinsson, 21.5.2019 kl. 18:09]

Og auðvitað þakkir til Nyðarvaktarinnar, þeir hafa nú þegar unnið ómetanlegt starf fyrir þjóðina alla.

Kv af Suðurlandi

[Gunnar Rögnvaldsson, 21.5.2019 kl. 21:04]

Þakka ykkur Símon Pétur og Óskar

Góðar kveðjur