Raflagnameðferð fyrir forystu Sjálfstæðisflokksins

Mynd, Wall Street Journal í dag: Hve mikil nýtanleg orka er geymd í hverju kílói af efni (bein krækja @trevornoren)

****

Geggjað, en auðvitað vissi maður þetta. Bensíntankurinn minn tekur 70 lítra eða um 70 kg. Ef ég ætti að hlaða sömu orku á rafmagnsbíl þá þyrfti ég 1330 kg þunga baneitraða innflutta (og svo útflutta) rafhlöðu. En ekki nóg með það, ég þyrfti þess utan að draga 1,2 tonna aukalega-þunga rafhlöðuna á hjólum eða eins og að vera með kerru aftan í bílnum sem er 70 prósent af þyngd bílsins (Cherokee SRT8), hvert einasta hænufet sem ég ek. Kemst ég þá fyrir vikið aðeins rúmlega helming þeirrar vegalengdar sem ég annars kæmist. Ef þetta er ekki sovésk hagfræði beint frá læknunum á sovésku geðveikrahæli, þá veit ég ekki hvað. Hvaða fífli dettur svona rugl í hug!

Sem sagt: Forysta Sjálfstæðisflokksins hefur keypt þessa þvælu af Vinstri grænum og hyggst láta íslenska raforku fara í það að láta bílaflota landsmanna draga 100 þúsund tonna flugmóðurstálstykkið USS Gerald R. Ford eftir vegum landsins, hvern einasta ekinn kílómetra hvern einasta dag ársins - án nokkurs árangurs, nema stjarnfræðilegrar sóunar og absalút klikkunar. Og ef að allur bílafloti landsmanna væri úti að aka samtímis þann daginn, þá þyrfti hann að draga minnst þrjú þannig stálstykki eftir vegum landsins: Þrjú hundruð þúsund tonn. Og við skulum ekki minnast hér á þungavinnuvélar og trukkana. Heldur forysta Sjálfstæðisflokksins að fólk sé almennt fífl? Já það hlýtur að vera. Enginn nema sannur grasasni kaupir svona þvælu. Enginn annar!

Og svo er það orkupakkaþvæla3 sem náð hefur að skjóta sérstökum arfagrösum í heilabúi forystunnar. Og sem í Sunnudagsmogga reynir að halda því fram að ferðamannabransinn sé undirstöðuatvinnugrein á Íslandi. Það er eins og að segja að sjoppurekstur með kók og prins póló hafði byggt upp Ísland og gert því kleyft að taka á móti erlendum ferðamönnum: fjármagnað vegina, brýr, flugvelli, sjúkrahús, þyrlur, flugvélar og bara nánast allt sem þarf til að geta tekið á móti erlendum ferðamönnum, hýst þá og gefið þeim mat sem er ekki innflutt rusl að borða. Ráðherrann veit ekki um hvað hann er að tala. Hann er úti að aka í rafhlöðu Visinna heilagrænna. Einu sinni var það Herbalife en nú er það Batterílife. Hvað er að ykkur!

Það er greinilegt að íslenskir læknar þurfa að bæta tveimur spurningum í viðbót á þann spurningalista sem þeir neyðast til að nota þegar spurt er um lífsvenjur fólks og verðandi mæðra sem leita til þeirra. 1) neytir þú fíkniefna. 2) Ertu á Herablife. 3) Trúir þú á rafmagnsbíla (nýtt). 4) Er sjoppa undirstaða byggðar á Íslandi? (nýtt)

Þeir sem líkja rafmagnsbílaþvælunni við það þegar hitaveitan kom á Íslandi, ættu að prófa að setja hjól undir húsið sitt og negla súrheysturn á það. Þá heldur samlíkingin - og ferðafrelsið blasir við, alla leið upp í Öskjuhlíð. Þá er þvælan um "orkuskiptin" fullkomnuð, þar sem Orkupakki3 er sjálft gufubaðið

"Screw the Government"

****

Gunnar er Íhaldsmaður í Sjálfstæðisflokknum 

Fyrri færsla

Andvaraleysi í orkumálum stórhættulegt þjóðaröryggi Íslands

Athugasemdir

[Valdimar Samúelsson, 9.4.2019 kl. 12:24]

Frábær grein. Ég hélt að það væri ekki svona mikill munur á bensíni og Metan gasi. Það er enn undarlegra að stjórnvöld vilja forðast framleiðslu á því en allt er gert til að gera endurvinnslu stöðvum erfitt í þeim efnum en þeir fá hjálp ef þeir vilja flytja sorp til Kína.

Við erum með samansafn af kjaftliðugum tossum sem eru gersamlega snauðir allri tækni kunnáttu eða getu til að skilja eðlis og efnafræði. 

Nú er að róa sig miður og horfa á síðasta káboinn. :-) Er nefnilega að lesa um einn upp í BC sem gerðist veiði guide og Rancher. Sörensen, Red danskættaður algjör nagli.

[Gunnar Rögnvaldsson, 9.4.2019 kl. 12:53]

Þakka þér kærlega Valdimar Alaskafari.

Hljómar sem athyglisverð lesning. Sjálfur er ég að lesa hina nýju bók "The Case for Trump", eftir Victor Davis Hanson bónda og sagnfræðing. Hún er tileinkuð okkur hinum fyrirlitlegu (the deplorables).

Var enda við að horfa á ljóskuna hér og öfundast út í bílinn sem hún er á: Supercar Blondie.

Nú er hægt að tengja venjuleg heimilistæki við nýja Jeep Trackhawk módelið hér. Örbylgjuofn, brauðrist, en þó sennilega ekki þriggja fasa Miele þvottavélina.

Er þó samt heitastur fyrir nýjum Jeep Wrangler.

Jæja best að fá sér súran lundabagga og harðfisk í hádegismat. 

Kveðja

[Valdimar Samúelsson, 9.4.2019 kl. 13:37]

The Last Cowboy er skýrt dæmi um yfirráð ríkisstjórna og í þágu þeirra. Fed´s in USA er skýrasta dæmið með land yfirráð. Þeir eignuðu sér fljótt um 70% af lendum í Alaska og mest þar sem orku var að finna. Tré var talin orka á þeim tíma en á tíma voru járnbrautirnar keyrðar á við. Ég hef ekki fylgst með hvernig Trump hefir komið út með að endurheimta Fed reserve lands en hann var einhvað að reyna en hann er að berjast við sterk öfl.      

[Jónas Gunnlaugsson, 9.4.2019 kl. 15:39]

Gaman að fylgjast með ykkur.  Getur verið að vandamálið með gasið sé rúmmálið, reyndar undir miklum þrýstingi er það ekki vandamál, en þá þarf öflugan kút. Ég var með kút fyrir ferða hellu, svo komu fréttit um að lekur kútut hefði orsakað sprengingu í íbúðarhúsi.

Ég var fljótur að henda kútnum út.

Bið ykkur vel að lifa.

Egilsstaðir, 09.04.2019  Jónas Gunnlaugsson

[Gunnar Rögnvaldsson, 9.4.2019 kl. 16:12]

Þakka þér Jóns.

Já, er ekki mikið hrifinn af gasi (natural gas) innandyra heldur. En það er ofboðslega mikil orka í því.

Jæja loksins. Hrossagaukurinn lenti hér í gær og byrjaði strax að stinga sér og djuggu djugga sig í lendingum. Vorið er komið!

Kveðja

[Gunnar Rögnvaldsson, 9.4.2019 kl. 17:35]

Jónas átti það að sjálfsögðu að vera.

[Ómar Ragnarsson, 9.4.2019 kl. 23:16]

Þarna er því sleppt algerlega að orkutapið í rafhreyflinum er aðeins 10% en 70% í sprengihreyflinum.

Þess vegna sparast um fjórðungur eldsneytisins í hybrid bílum við það að bensínhreyfillinn er látinn framleiða orku að hluta til fyrir rafhreyfil í sama bíl sem er bæði með rafhreyfil og bensínhreyfil. 

Og það er hægt að endurheimta raforku fyrir rafhreyfilinn, þegar ekið er niður brekkur og hægt á sér, en slíkt er ómögulegt hvað bensínið varðar.  

Ég fór í sérstaka hringferð á rúmum sólarhring um landið á léttu vélhjóli í ágúst 2017 undir kjörorðinu "Orkunýtni - koma svo!" til að sýna fram á, hve furðu langt er hægt að ná án rafafls.  

Eins og er, eru nýjustu lithium rafhlöðurnar í langdrægustu rafbílunum um 350 kíló, en samsvarandi bensín myndi vera átta sinnum léttara. 

Þessi mikli munur kemur í veg fyrir að hægt sé að knýja flugvélar með rafafli. 

Síðan er ótalið, að olía/bensín er takmörkuð auðlind og mun þverra.  

[Gunnar Rögnvaldsson, 9.4.2019 kl. 23:36]

Þakka þér kærlega Ómar.

Hvorki bensín né rafmagn er auðlind Ómar. Olía er unnin vara og rafmagn er ein dýrasta afurð sem til er.

Og stofnkostnaður rafmangs úr fallvötnum okkar er svo hár að sú orka sem úr þeim kemur er ekki samkeppnishæf við neitt. Enda kostar meira að framleiða rafmagn hér á landi en til dæmis í Danmörku, þar sem það er framleitt úr milljónum tonna af innfluttum kolum og trjámassa.

Það sem gerir orkuframleiðslu okkar hins vegar aðlaðandi er stóriðjan sem réttlætir stórskalarekstur sem leiðir til hagvæmni. Annars væri raforkuframleiðsla okkar bara hobbý snobb.

En annars staðar og ákaflega víðar, er raforka enn takmarkaðri afurð en jarðefnaeldsneyti.

Hókus-pókus kerlingafræði þín úr naglasúpupotti tískufyrirbæra, til að réttlæta þá gerræðislegu sóun sem verður við það að nota verstu hugsanlegu og óhreyfanlegustu orku sem til er til að knýja hreyfanlega hluti, er út í bláinn eins og allt sem ég hef heyrt frá rafmagns-ofsatrúarsöfnuðinum.

Þetta er geðbilun og massahystería á háu stigi, dauðfæddur svarti galdur og aflátsbréfasala af verstu sort. Að ætla sér að rafvæða bílaflota heimsins myndi leggja umhverfi jarðar í rúst.

Kveðjur

[Jónas Gunnlaugsson, 11.4.2019 kl. 08:28]

Corsi og hans skoðana bræður segja að næstum takmarkalaust framboð sé á olíu. Einnig að hægt sé að búa til olíu með Eischer-Tropsch aðferðinni. OPEC stjórnar 80% af framleiðslunni. Öllum verðum er stjórnað, olíunni, gullinu, lyfjunum og kaupgjaldinu.

16.9.2018 | 22:29

[Jónas Gunnlaugsson, 11.4.2019 kl. 09:01]

 slóð

Efnarafalar.

17.3.2012 | 23:30

000

Ísrael var með ál fuel sell ca. 2009-2010, til að hægt væri að nota raforku, frá kjarnorku, vatnsorku, sólarorku til að OPEC ríkin græddu minna, en þá fundu Ísraelar olíu vestur af ströndinni og uppi á landi.

Þá var spurt, ætlar þú að selja olíu, eða kjarnorku, vatnsorku, sólarorku. Ef við eigum að vinna olíuna, þá dragið þið ál efnarafalinn, fuel sell, til baka.

Grein Björns Kristinssonar var í Morgunblaðinu 3. júní 2001 

ÁL - MÁLMUR ORKUNNAR

Ál er fullt af efnaorku, segir Björn Kristinsson, alveg eins og olía og kol

slóð

http://www.mbl.is/greinasafn/grein/609466/

slóð

Rafgeymar, efnarafalar

22.11.2014 | 02:54

Egilsstaðir, 11.04.2019  Jónas Gunnlaugsson

[Halldór Jónsson, 11.4.2019 kl. 12:19]

Sannleikurnn og ekkert nema sannleikurinn um orkuskiptin Gunnar. Takk fyrir þessa skörpu greiningu.

Ómar sleppir kostnaðarliðunum við rafvæðinguna alveg eins og hann neitar þeirri staðeynd að CO2 í andrúmsloftinu á jörðinni hefur ekki verið lægra í 600 milljón ár og hitastigið að miklu leyti líka. Þessir umhverfisspekingar neita að trúa því að sólin sé áhrifavaldur í orkubúskap jarðarinnar. Þar hafi AlGore meiri áhrif og betra sé fyrir stjórnvöld allstaðar að hlusta á þann olíufjárfestir á einkaþotunni heldur en Judith Curry og fleiri vísindamenn.

[Halldór Jónsson, 11.4.2019 kl. 12:21]

Þeta var fallega sagt Gunnar:

Hókus-pókus kerlingafræði þín úr naglasúpupotti tískufyrirbæra, til að réttlæta þá gerræðislegu sóun sem verður við það að nota verstu hugsanlegu og óhreyfanlegustu orku sem til er til að knýja hreyfanlega hluti, er út í bláinn eins og allt sem ég hef heyrt frá rafmagns-ofsatrúarsöfnuðinum.

Þetta er geðbilun og massahystería á háu stigi, dauðfæddur svarti galdur og aflátsbréfasala af verstu sort. Að ætla sér að rafvæða bílaflota heimsins myndi leggja umhverfi jarðar í rúst.