Andvaraleysi í orkumálum stórhættulegt þjóðaröryggi Íslands

Fullveldi og sjálfstæði Íslands er þjóðaröryggismál

Ísland þarf ekki á erlendum lögum og reglum um raforku og dreifingu hennar að halda. Það að reyna að halda slíku fram, er móðgun við skynsemi allra manna. Enginn getur haldið þvílíku fram án þess að opinbera hvaða hvítar og jafnvel svartar lygar liggja þar að baki

Íslendingar verða að muna hvernig ókjörin elíta erlendra og innlendra embættismanna hefur á rúmlega 60 árum logið Evrópusambandinu upp og að þjóðum þess, með gúrkuaðferðum. Sambandið treystir því, að sé því einu sinni réttur litli fingur að þá fylgi allur þjóðarlíkaminn smám saman með, vegna innbyggðs hugleysis embættis- og ráðamanna, sem færa þjóðirnar á bak við öll ljós sanninda og heillinda

En þannig rotin illvirkja-stjórnmál skyldi enginn hlusta á. Og allir sjá nú þegar hvernig og hvílíkt stórslys Evrópusambandið er orðið fyrir nær allar þjóðir þess. Þar logar allt stafnanna á milli í illdeilum, vaxandi fátækt og orkuörbyrgð, sem nú þegar er að grafa undan varnarsamstarfi ESB-ríkja innan NATO

Orkumálin heyra einnig undir þjóðaröryggismál. Sérstaklega fyrir Ísland

Engum dytti í hug að Þýskaland myndi samþykkja fransk-breskan iðnaðarpakka1 né Norðmenn olíupakka1, svo ekki sé minnst á slíka pakka númer tvö, þrjú, fjögur og fimm

Stöðvið leikinn á meðan það er hægt

Tengt

Börnin mín og barnabörnin munu ekki eiga þetta land (Viljinn: af hádegisfundi Ögmundar Jónassonar um málið í Safnahúsinu í gær)

Fyrri færsla

Kjarasamningar: Fælnimáttur virkaði á sósíal óligarka

Athugasemdir

[Ómar Geirsson, 6.4.2019 kl. 19:46]

Blessaður Gunnar.

Ég reikna með að þessi harðorði pistill þinn sé andsvar við skrif Björns Bjarnasonar í dag.

Og spurning þín er athyglisverð; " Enginn getur haldið þvílíku fram án þess að opinbera hvaða hvítar og jafnvel svartar lygar liggja þar að baki".

Skyldi Björn svara henni?

Kveðja að austan.

[Halldór Egill Guðnason, 6.4.2019 kl. 19:57]

 Spurning hvort þetta sé andvaraleysi eða dulin hagsmunagæsla og græðgi. Að öll þessi mikla áhersla sé lögð á nauðsyn þess að samþykkja tilskipun utan úr heimi, sem engu máli skipti, gengur einfaldlega ekki upp. Þeir sem mæla með þessu afsali skilja annaðhvort ekki hverjar afleiðingarnar verða, eða hafa hagsmuna að gæta. Ekki er hægt að skilja þetta öðruvísi. Svei þeim, nái þetta fram að ganga.

 Þakka góðan pistil, sem ávallt.

 Góðar stundir, með kveðju að sunnan.

[Gunnar Rögnvaldsson, 6.4.2019 kl. 20:51]

Þakka ykkur.

Já okkur er sagt að þetta skipti engu máli, nema því máli að ekki megi segja nei við því.

Þetta er glórulaust.

Pakkamenn eru eiginlega að segja að áfengi skiptir þá engu máli, en ef þeir fái hins vegar ekki sjússinn sinn, þá láta þeir í loftinu liggja að þjóðin geti farið í delerium tremens, en ekki þeir sjálfir. Þeir drekki bara í gegnum þjóðina.

Það er kominn tími til að ESB- og EES-fíklar láti renna af sér, og haldi sér framvegis allsgáðum.

Það er átakanlegt að hlusta á þennan orku-pakka-málflutning þeirra.

Kveðja

[Símon Pétur frá Hákoti (IP-tala skráð) 6.4.2019 kl. 22:39]

Ég hef tjáð mig svo oft um þetta mál í athugasemdum, að ég læt mér nægja að segja:

Heyr, heyr Gunnar.

Ég mun forakta, fyrirlíta, hvern þann þingmann sem mun kjósa með innleiðingu þessa pakka.  Og mér mun ekki leiðast að spotta þá og hæða í hvert sinn sem ég mun rekast á þá á förnum vegi.

[Haukur Árnason, 6.4.2019 kl. 23:46]

Takk Gunnar, Fæ að deila. Ekki veitir af.

[Gunnar Rögnvaldsson, 7.4.2019 kl. 08:04]

Góðan daginn, og þakka ykkur Símon og Haukur.

Öllum er velkomið að deila öllu sem hér er, eins og alltaf.

Bloggsíða mín er eins opinbert vefsetur og framast getur orðið á veraldarvefnum.

Kveðja

PS:

Fyrir lesendur: Hér má einnig skoða opnu Snjáldru-síðuna Orkan okkar, undir handarjaðri Frosta Sigurjónssonar, fyrrum þingmanns Framsóknarflokksins.

[Gunnar Rögnvaldsson, 7.4.2019 kl. 11:02]

Bendi lesendum einnig á:

"Börnin mín og barnabörnin munu ekki eiga þetta land"

Viljinn, segir frá  hádegisfundi Ögmundar Jónassonar um málið í Safnahúsinu í gær.

[Símon Pétur frá Hákoti (IP-tala skráð) 7.4.2019 kl. 13:59]

Um tveir þriðju Íslendinga vilja ekki ganga í ESB.

Er það ástæðan fyrir því að forysta, þingmenn og ráðherrar "Sjálfstæðisflokksins" hafa ætíð staðið gegn því að íslenska þjóðin fengi að kjósa í eitt skipti fyrir öll gegn því að Ísland gengi í ESB?

Vitaskuld er það svo, enda er "Sjálfstæðisflokkurinn" helsti ESB flokkurinn á þingi og nú undir handarjaðri Steingríms J.

Það er tími til kominn að alvöru sjálfstæðismenn átti sig á þessum augljósu sannindum og geri annað hvort algjöra uppreisn gegn brusselsku klíkunni í flokknum, eða gangi til liðs við Miðflokkinn.  Aðeins þessir tveir kostir eru í boði fyrir sanna sjálfstæðismenn.

[Jón Þórhallsson, 7.4.2019 kl. 14:23]

Það er þá eins gott að kjósa rétta

stjórnmálaflokka í Alþingiskosningum.

[Gunnar Rögnvaldsson, 7.4.2019 kl. 15:01]

Símon Pétur.

Það er aldrei kosið í eitt skipti fyrir öll um þetta sem þú nefnir, nema þegar það kemur já. Ef það kemur nei, þá er kosið aftur og aftur og aftur þar til það kemur já í einhverju áfallinu sem allar þjóðir verða fyrir.

Þetta er ekki eins og að kjósa um neitt annað mál. Þetta er eins og að kjósa um að láta draga úr sér allar heilbrigðar tennur. Það er ekki hægt að kjósa um að fá þær aftur.

Svo ekki blanda þessu baneitraða máli við neitt annað sem þjóðir kjósa um, því þetta er varanleg eyðilegging.

Fyrir utan það þá er vel hægt að hugsa sér að þjóðinni sé bannað að kjósa undan sér lýðræðið og þjóðfrelsið.

Allt sem tengist Evrópusambandinu er eins og geislavirkur úrgangur. Varanleg eyðilegging.

[Jón Valur Jensson, 7.4.2019 kl. 17:45]

Bravó, Gunnar og félagar, hér tjá sig þjóðarvinir, ólíkt landsölulýð "Viðreisnar", forystu rangnefnds Sjálfstæðisflokks og öðrum svikurum sem allsendis umboðslausir eru til þessa yfirvofandi glæps gegn þjóðinni, sem ekki verður fyrirgefinn.

Enn ber þó að halda í von um synjun forseta Íslands. Svona stórt mál Á að bera undir hann skv. skýrum ákvæðum 16. til 19. greinar stjórnarskrárinnar. Orkupakka-andstæðingar á Alþingi eiga að skora á forsetann að stíga fram í málinu og krefjast aðkomu sinnar að því og vísa því til þjóðaratkvæðis.

[Valdimar Samúelsson, 8.4.2019 kl. 16:32]

Kraftmikil Grein Gunnar. Eina mótífið hjá þessum ráðherrum er að standa sig vel gagnvart ESB er það liggur framtíð þeirra því ern nú miður. Ég tel þetta hræsni að ganga í lið með erkiandstæðingnum sem er orðin nú þegar það sterkur hér á landi að öll völd eru að falla þeim í hendur.