Sjálfstæðissinnar funduðu með forseta Íslands. Strategika nr. 57 komin út

Í S L A N D

Mynd, Forsetaembættið: Frosti Sigurjónsson sjálfstæðissinni og fyrrum þingmaður Framsóknarflokksins, Styrmir Gunnarson sjálfstæðissinni og fyrrum ritstjóri, Haraldur Ólafsson sjálfstæðissinni og veðurfræðingur og Ásdís Helga Jóhannesdóttir sjálfstæðissinni og Guðni Th. Jóhannesson forseti Íslands

****

Sjálfstæðissinnar funduðu með forseta Íslands

Þessir Íslendingar með skoðun funduðu með forseta Íslands um þá vá sem ríkisstjórn Sjálfstæðisflokks, Framsóknarflokks og Vinstri grænna er sennilega að að verða fyrir fullveldi íslensku þjóðarinnar. Það var fullveldi okkar í orkumálum sem fundurinn snérist um. Nánar um fundinn á bloggsíðu Heimssýnar, hér

Hoppaði aftur á vagninn

Það var slæmur dagur fyrir Ísland þegar Bjarni Benediktsson hoppaði enn einu sinni á múgsefjunarvagn lesblindra afglapa með réttu röngu skoðanirnar, sem rann fram hjá honum sem Fjárfestingarbanki Asíulanda (AIIB). Nú er komið í ljós hvað er í þeim pakka: eða það sama og Eitt belti og Ein kínversk hengingaról, úr safni hins gamla Sósíalistaflokks og Alþýðubandalags fram að Ólafi Ragnari: þ.e. Kínagullið sem notað verður í nýju köldu stríði

Ef að Bjarni Benediktsson skyldi vera í Varðbergi, sem ég efast um því Björn Bjarna myndi varla hleypa honum inn, þá getur hann varla átt heima þar, lesi menn rétt það sem á Kínamúrnum stendur. Þar á undan hoppaði formaður Sjálfstæðisflokksins á áróður gáfumennaklúbbs hugleysingja sem kallaði sig "Við segjum já", sem var félagsskapur um uppgjöf, um að koma Icesave-skuldunum yfir á herðar íslensku þjóðarinnar

Í samtali við Morgunblaðið þann 1. júlí 2015 sagði Bjarni Benediktsson fjármálaráðherra þetta:

"Það gerðist bara á nokkrum sólarhringum, þegar átti að fara að loka stofnskránni og mikill fjöldi annarra bandamanna okkar en Bandaríkjamenn ákvað að vera með, að við ákváðum að vera með,".

Bjarni hoppaði á vagninn, því vagninum hafði verið stillt þarna. Ekki vegna þess að slíkt væri Íslandi fyrir bestu, heldur vegna þess að vagninum hafði verið stillt þarna. Hoppið á mig, stóð þar með stórum og glitrandi stöfum. Sama gildir Orkupakka ESB og Bjarna Benediktsson. Hann hoppar á pakkann á vagninum. Þorir ekki að hafa skoðun. Nú er AIIB-vagninn Íslandi fyrir verstu, eins og ESB-orkupakki3

------ K Í N A ------

Strategika Hoover stofnunarinnar, númer 57, er komin út og má lesa hér

Ritstjóri er Victor Davis Hanson, bóndi og sagnfræðingur. Þeir sem skrifa í Strategika númer 57 eru þessir:

1. Gordon G. Chang
2. Michael R. Auslin
3. Niall Ferguson

1. Kína var aldrei heimsáhrifavald (super power) og verður það ekki í framtíðinni

Xi has essentially put the entire country in a big red time machine and set the dial to 1950, perhaps 1650. State media may talk about "New China", but he is busy recreating a Chinese system that history demonstrates did not work well

Kína sækist eftir heimsyfirráðum og menn ættu ekki að láta blekkast, skrifar Gordon G. Chang. Nixon opnaði ekki Kína. Hann kom því á braut til valda. Kína er aldrei "opið". Það hefur engar fyrirætlanir um að aðhyllast Vestfalíu, þ.e. ríkjaskipan sjálfstæðra ríkja sem drottna ekki yfir hvort öðru. Maó var heimsvaldasinni. Deng Xiaoping var sammála Maó um heimsyfirráð Kína og Xi Jinping er kominn til að ná því marki, sem yfir-kontrólsjúklingur þeirra beggja.

2. Michael R. Auslin skrifar: Já, Kínaflóð er. En er það háflóð?

Finally, the world is beginning to respond to Chinas pervasive influence operations, from spying to propaganda. Beijing-funded Confucius Institutes are coming under scrutiny, while European nations are rallying with America against Chinese companies like Huawei, whose ties to the Chinese state are concerning.

Kína er að eflast, en um leið að hnigna og lönd heimsins eru byrjuð að bregðast við kínversku ógninni. En ekki er víst að metnaði þess til heimsáhrifa muni hnigna að sama skapi

3. Njáll Ferguson skrifar greinina: "Frá viðskipta-stríði til tækni-stríðs til Kalda-stríðs II"

Árið 2016 leit kalt stríð milli Bandaríkjanna og Kína út eins og sjúk og ímynduð þvæla úr höfði Steve Bannon og fræðimanna á leið inn á Klepp. En nei. Ég hafði bara lesið of mikið af Henry Kissinger (sem Njáll var þá að skrifa bók um). Ég hefði átt að hlusta á menn, til dæmis Graham Allison. Þegar hann sagði mér að hann væri að skrifa bókina Dæmd til styrjaldar þá var ég vantrúa. En hann hafði rétt fyrir sér og ég rangt, segir Ferguson. Njáll Ferugson gefur Trump 10 í einkunn fyrir utanríkisstefnu. Trump var sá eini sem þorði að segja það sem var rétt og satt, segir Njáll í hlaðvarpi hér

In 2016 a Cold War between the United States and China seemed like the febrile fantasy of Steve Bannon and a few fringe academics. Even Donald Trump’s campaign threats to impose tariffs on Chinese goods struck me as a throwback to an earlier era.. [..]. I had been reading too much Henry Kissinger. I should have listened more to Graham Allison, another Harvard-trained veteran of U.S. national security policy. When he told me he was writing a book on the U.S.-China relationship with the title Destined for War, I was incredulous. He was right.

Stutt frétt

Í leiðinni er hægt að geta þess að þverpólitískur hópur á bandaríska þinginu, hefur lagt fram frumvarpið "Taiwan Assurance Act", til að bæta stöðu Taívan gegn Kína-kommúnistaflokks. Bandarísk herskip með aðstoð lítilla varðskipa frá bandarísku landhelgisgæslunni, eru nú á hafinu á milli Taívan og Kína. Ég legg til að Ísland viðurkenni Taívan. Bandaríkin hafa einnig sent Úkraínu varðskip frá bandarísku landhelgisgæslunni ásamt strandgæsluratsjám

Um NATO og ESB

Victor Davis Hanson bóndi og sagnfræðingur, og meðal margs annars ritstjóri Strategika, um NATO og "bandamenn" okkar austur í Evrópu

Fyrri færsla

30 ára hrun: Verður ESB eins - eða miklu verra ?

Athugasemdir

[Valdimar Samúelsson, 1.4.2019 kl. 10:37]

Góð Grein Gunnar og Viktor alltaf sannur.

Það fór lítið fyrir þessum fundi með forsetanum.

Kannski sé ég illa. Kv V  

[Júlíus Valsson, 1.4.2019 kl. 11:45]

Forseti Íslands, sem hlýtur að bera þá skyldu á herðum að standa vörð um fullveldi íslensku þjóðarinnar, ætti nú að hafa verulegar áhyggjur af því valdaframsali em er fyrirhugað með því að afsala okkur eigin dómsvaldi og framkvæmdavaldi í orku- og auðlindamálum Íslands til yfirþjóðlegs valds.   

[Jón Valur Jensson, 1.4.2019 kl. 14:25]

Hér er ýmsu óskyldu blandað saman, maður nær varla áttum, þegar á líður lesturinn. Gunnar þarf að halda kúrsi og afgreiða eitt meginmál í einu, ekki láta ákafann bera sig afvega.

En frábær er fregnin af fundi fjórmenninganna með forsetanum. Allur er varinn góður og eins gott að hann sé vel upplýstur um þá stórhættu sem landi og þjóð stafar af þriðja orkupakka Evrópusambandsins.

Bjarni Jónsson rafmagnsverkfræðingur, þjóðvinur flestum fremur, hefði reyndar átt heima á þessum fundi með þeim hinum.

[Gunnar Rögnvaldsson, 1.4.2019 kl. 15:47]

Kærar þakkir Valdimar.

Góð kveðja

[Gunnar Rögnvaldsson, 1.4.2019 kl. 15:48]

Þakka þér Júlíus.

Fyrst að formaður Sjálfstæðisflokksins sýnir það ömurlega fordæmi að hafa komist upp með að vera eingöngu reglugerðamóttakari dulbúinn sem stjórnmálamaður á launum hjá kjósendum, þá býst ég við að forsetinn líti það fordæmi hýru auga, því það er auðveldara en að þurfa að rugga bát og brjóta gler-augu sín.

Hvað er verra fyrir embættismennin en að þurfa að hlusta á kjósendur sem héldu að þeir hefðu kosið eitthvað annað en þannig menn.

Ég efast um að forsetinn hafi bein í nefinu. Það myndi að minnsta kosti koma mér á óvart.

Kveðjur

[Gunnar Rögnvaldsson, 1.4.2019 kl. 16:03]

Þakka þér Jón Valur.

Þú verður bara að gera betur sjálfur, og skrifa eins stutt eða langt um hin ýmsu mál, málið og málin og þér sýnist sjálfum.

Þér finnst það kannski of flókið að þökk sé Bjarna Benedikssyni og fleirum, búum við nú í landi þar sem Kína skuli fá nokkuð greiðan aðgang að uppkaupum hér í gegnum þriðja aðila, af því að við séum til dæmis aðili að útþenslu-ríkisstjórnarbanka kommúnistaflokks Kína, sem mesti, besti og eini bandamaður okkar, Bandaríki Norður-Ameríku, neyðist til að fara í kalt stríð við til þess að reyna að hemja, áður en það gleypir í sig heiminn (og stelur öllu steini léttara frá löndum og þverbrýtur öll þau fjölþjóðlegu samkomulög sem það hefur samþykkt).

Við erum heppin að eiga þannig bandamann sem hefur getu til að tryggja bara sæmilegt frelsi í heiminum.

Og þeim eina bandamanni okkar sýndi Bjarni Benediktsson rassinn í kór með bjánakollegum sínum í ESB. Bandaríkin voru búin að vara hann við. EKKI TAKA ÞÁTT Í AIIB!

Kína er ekki bandamaður okkar. Það er ekki einu sinni vinur okkar. Og Evrópusambandið er ekki bandamaður okkar heldur. Það er óvinur okkar af því að það er óvinur fullveldis þjóða Evrópu. Þetta verða menn að hafa á hreinu.

Finnst þér það kannski of flókið að stjórnmálaelíta okkar þykist allt í einu ekki geta átt við Evrópusambandið innan ramma EES-samningsins eins og hann var, án þess að viðurkenna og hlýða nýjum helvítis-lögum þess um orku!

Á hvaða málaflokk skyldi sambandið setja sig einhliða næst?, sem sú ókjörna klessa sem það er.

Þetta er ekki tækni- né verkfræðilegt mál Jón Valur. Þetta er fyrst og fremst stórpólitískt mál frá a til ö og ekkert annað en stórpólitískt mál af geópólitískum styrkleika 7,5 á Richter. Og það stendur ekki eitt og sér, eitt í heiminum.

Þetta verða menn að hafa á hreinu. Það þýðir ekkert að skýla sér hér á bak við tæknileg atriði á sviði lögfræði, innviðafræða, raforku né á bak við laga-paragröf. Þetta er stórpólitískt mál og ekkert annað.

Já við þökkum öll Bjarna Jónssyni fyrir að taka þetta mál um orkupakka3 upp fyrstur manna.

Kveðjur

[Gunnar Rögnvaldsson, 1.4.2019 kl. 16:24]

Sem sagt Jón Valur:

Pistillinn er um tvö efni. Fjarskyld og náskyld, eftir því við hvaða síðustu 4 ár miðað er við. Ef þú miðar við árið 2015 þegar Bjarni tók ákvörðum um AIIB og Ísland, þá sýndust þessi tvö mál alls óskyld, en voru það auðvitað ekki. Ef þú miðar við árið 2016 eins og Njáll Ferguson, þá þurfti enn glögga menn, og gleggri en Njál, til að sjá samhengið. En í dag 2019 þá liggur það ljóst fyrir að Bjarni Benediktsson átti bara alls ekki að mæra og mæla fyrir AIIB og alls ekki orkupakka3. Bara alls ekki. Hann hefur skaðað Ísland með AIIB og hann er að reyna að skaða Ísland með orkupakka3. Hann var varaður við. En hlustaði ekki.

[Jón Valur Jensson, 1.4.2019 kl. 18:46]

Ég næ þessu núna, Gunnar, þú ert afskaplega skýrmæltur. Hjartans þakkir, félagi.