Hættulegra að segja nei en að vera ólöglegur í ESB [u]

Í ESB-Evrópu standa málin þannig, aðeins 30 árum eftir endursameiningu Þýskalands, að þar er orðið hættulegra að segja nei við innflæði ólöglegra innflytjenda og lýsa yfir efasemdum um þá, en að vera ólöglegur innflytjandi í sambandinu. Nú ert þú settur í ESB-gúlag ef þú efast um alræði Þýskalands í þessum málum, sem lét sturta milljónum af innflytjendum frá annarri plánetu, ástamt glæpa- og vígamönnum, yfir Evrópu og sem flæða þar um á milli landanna. En brjótir þú hins vegar lögin og ryðjist inn yfir ytri sem innri- gatasigta-landamæri landanna í sambandinu, þá færðu peningapoka frá hinu opinbera, sem þvingar þá út úr skattgreiðendum landanna, sem settir hafa verið í eins konar gúlag

Norðmenn þorðu heldur ekki að segja nei við þriðja orkupakkanum af sömu ástæðu. Þeir hræddust að vera settir gúlag með þeim sem sett hafa spurningarmerki við evrópusamrunann, sem verja á Þýskaland og Frakkland gegn alþjóðlegri samkeppni, með því að þau hafi völdin yfir öllum ríkjum Evrópu í gegnum ESB, sér í hag. Það er á þá leið sem Reuters skrifar um samþykki Noregs, þegar að þriðja orkupakkanum kemur. Norðmenn hafa aldrei þorað að segja nei við neinu frá ESB. Þeir hafa bara þorað að segja nei við Íslendinga

Þetta er að verða frekar súrrealistískt ástand í ríki líberalismans, sem Þórdís Kolbrún þingmaður og ráðherra Sjálfstæðisflokksins dásamar í Moggapistli sínum nú um helgina. ESB (og EES) er orðið að de-facto gúlagkerfi, þar sem sjálf háborg líberalistanna, París, er að verða svipað apartheit-samfélag og Suður-Afríka var. Gildir hið sama um fleiri borgir í löndum Evrópusambandsins. Líberalistaríki hennar stendur á barmi borgarastyrjaldar og er þegar orðið að apartheit-einangrunarbúðum

Það tók Þýskaland ekki nema 30 ár að verða að nýrri og þrúgandi ógn yfir Evrópu. 1) Það lemur Suður-Evrópu í efnahagslegan plokkfisk og hefur gert svo allt frá því að það bjó til og fékk EMU-verkfærin í hendur sínar. 2) Þýskaland er þegar komið í stríð við Austur-Evrópu sem vogar sér að andæfa þýsku gerræði. 3) Þýskaland reynir allt hvað það getur að berja Bretland niður og út í brexit. Og 4) Grikkland fær enn og fékk í 10 ár verri meðferð úr lófa Þýskalands en ólöglegir innflytjendur frá annarri plánetu fá, og sem þýski kanslarinn veifaði bara inn og yfir Evrópu

Norðmenn þegja sem fastast 1933-sænskri þögn um allt, á meðan hin gamla aristókratíska undirgefni Svíþjóðar í garð Þýskalands, frá tímum Síðari heimsstyrjaldarinnar og fyrr, lepur það ábyrgðar- og stjórnleysi gagnvart Svíum úr hönd Þýskalands, sem sænsku ríkisstjórninni er skammtað þann daginn og hinn, af einskærum ótta við þær afleiðingar sem allar tilraunir til fullveldis í sænskum málum hefðu í för með sér. Svíþjóð er því að verða óþekkjanlegt stórslys

Hvað á svona "samvinna" að þýða? Þetta er að sjálfsögðu að nálgast geðklofaástand sem ekkert hefur með samvinnu að gera. Þvert á móti!

Sektarkennd Þýskalands vegna Síðari heimsstyrjaldarinnar hefur nú þegar að miklu leyti breyst í sektarkennd yfir því að hafa tapað henni. Ameríkuandúðin blómstrar og hefur gert svo áratugum saman, svæsin allar götur frá að minnsta kosti 1981. Og Ísrael og Gyðingar færast óðum efst upp á listann. Það var engin tilviljun að Ameríkuandúðarmiðillinn Der Spiegel skyldi á þremur árum birta tugi upploginna frétta um Bandaríkin, kosningabaráttu og forsetakjör Donalds Trump 2016, en sem blaðið afsakar sig með að hafi aðeins verið birtar vegna eins rotins og svikuls blaðamanns, sem skáldaði þær allar upp frá a til ö. Enginn fótur var fyrir neinu. Allt var upplogið og falsað, blaðsíðunúmerin líka. Hinn þýski stjörnu-blaðamaður tímaritsins færði hins vegar yfirmönnum sínum á Der Spiegel bara það sem þeir vildu heyra. Þess vegna runnu lygar hans niður eins og heitar lummur hjá ritstjórninni, því í hennar augum voru þær hinn hreini sannleikur um landið í vestri, sem hið aristókratíska "æðra Þýskaland" og skáldskapur þess um Sonderweg, hefur að miklu leyti fyrirlitið og jafnvel hatað frá fæðingu Bandaríkjanna sem lýðveldi fólksins. "We the people" hljómar þar ekki vel. Íslenskir Þýskalandsfetistar eru í hópi tryggustu áskrifenda að þessum miðli og margir til pólitísks heimils í Sjálfstæðisflokki mínum og á kratagervihnöttum. Þeir æmtu því; þessi maður verður aldrei forseti!

Á sama tíma -að sögn fréttaveitu Bloomberg, GPF og Stratfor og fleirum- neitaði Þýskaland að verða við bón varaforseta Bandaríkjanna í kjölfar öryggisráðstefnunnar í Munchen um daginn, um að sjófrelsis-sigla litlum þýskum herskipum um Kerchsundið, sem tengir Svartahaf og Azovhaf, og sem er alþjóðleg siglingarleið. Því neitaði Þýskaland með þeim rökum að slíkt væri "óþarfa áreitni" í garð Rússlands! Hið sama gerði Frakkland, það neitaði líka. Bæði löndin þykjast þó vera í NATO. Heldur virkilega einhver að þessi "fjölþjóðlegu-samvinnulönd" muni lyfta litla fingri Austur-Evrópu til varnar, þegar Rússland slær til og étur sig lengra vestur í álfunni. Eða Grikklandi, þegar Ottómankolin hitna upp fyrir suðumarkið þar. Þar stóð Grikkland varðstöðu fyrir norðrið í 500 ár og hún kostaði Grikki það mikið að það sést enn þann dag í dag

Svo kallar Þórdís Kolbrún ráðherra xD þetta bara "alþjóðlega samvinnu". Ég vona svo sannarlega að þetta sé ekki viðhorfið hjá fleiri Sjálfstæðismönnum, því þá er illa komið fyrir okkur, og Ísland á á hættu að glatast þjóðinni sem á landið. Að mæra Evrópusambandið er að verða eins og að dásama nýtt alræði yfir Evrópu sem "samvinnu" um fjölþjóðlega eyðileggingu

Við þurfum öldungadeild sem bremsuvirki á þannig fólk sem krefst ofangreinds ömurlegs sambands við önnur lönd. Bremsuvirki

Fyrri færsla

Sósíalistar komnir á ískalt hlaðborð xD ?

Athugasemdir

[Helga Kristjánsdóttir, 11.3.2019 kl. 02:04]

Ég segi bara Ólafur Ragnar komdu heim! 
Davíð Oddson og Jón Baldvin,myndið öldungadeild Íslands!

[Gunnar Rögnvaldsson, 11.3.2019 kl. 06:57]

Þakka Helga.

Já, ég fyrir mitt leyti myndi með glöðu geði kjósa þá, ákaft! Davíð yrði þó margsinnis númer eitt á mínum kjörseðli, sem er bara eitt atkvæði.

Kveðja

[Jón Steinar Ragnarsson, 11.3.2019 kl. 09:11]

Það er eitthvað sem veldur því þegar fólk fær vinstri sannfæringu að göfgi til heimabrúks heltekur það og það hættir að gera greinarmun á löglegur og ólöglegur. Hvað er það sem veldur að það sér ekki þetta ó þegar sjálfshelgunin heltekur það?

[Valdimar Samúelsson, 11.3.2019 kl. 10:26]

Alveg rétt Gunnar, Ég held að það sé komin tími að við höfum ...elderly... commision sem fer yfir allar ákvarðanir alþingis já og ráðuneytanna. Það eru fleiri í hópi eldra fólks en öðrum þjóðfélagshópum. Vona ég :-). Allaveganna þá kunna Eskimóar að stjórna betur fólkinu sínu en þessir Alþingismenn okkar.   

[Gunnar Rögnvaldsson, 11.3.2019 kl. 12:24]

Gott hjá þér Valdimar!

Kveðja

[Gunnar Rögnvaldsson, 11.3.2019 kl. 12:44]

Þakka þér Jón Steinar.

Góð spurning. Hér heima var það hrunið sem breytti miklu. Við Íslendingar erum þannig að við erum ávallt sundruð þjóð til hversdagsbrúks, af því að við getum það. Við búum á eyju sem Atlantshafið verndar á alla kanta og þurfum því ekki að að standa sameinuð alla daga. Það er aðeins við áföll að við sameinumst eins og klettur, um það sem þarf að sameinast gegn. Þá búum við til einn sameiginlegan járnkall úr okkur. En þegar hættan er liðin hjá, þá er eins og til of mikils hafi verið ætlast, og fólk byrjar að svífa, og taka til sín erlent rugl í leit að nýjum tilgangi í lífinu. Og svo eru það ríkisfjárlögin sem eru orðin allt allt of stór. Og vegna þeirra er stór hluti af fólki búið að gleyma því að á undan peningum sem fara til háskóla, þarf að draga feikilega mörg tonn af fiski úr sjó og byggja upp alvöru mannvirki og bora alveg svakalegt magn af borholum til að hægt sé að henda peningum í fóður handa háskólum, til að unga þar út einverju öðru en lífsnauðsynlegum verkfræðingum, læknum og fólki sem kann og getur eitthvað í alvörunni. Hitt, fræðimannapuntið sem ungar út þvaðrinu ofan í sósíal-stríðsmanna-liðið og landmæra-geggjun, er merki um svakalega velmegun, sem búin er til af þeim sem geta eitthvað í alvörunni. Og af því að við erum eyja þá tökum við til okkar alls konar erlent rugl úr sömu skúffum erlendis. Einu sinni hét þetta fólk hippar, og það lét sér vaxa skegg, en hefur nú náð þeim aldri að skilja hvað foreldrar þeirra máttu þola bara við að umbera það í einn dag.

En nú eru rugltímarnir að byrja að snúa sig sjálfir niður sem ein allsherjar sósíal-stríðs-manna úrkynjun, og tímarnir eru að byrja að breytast aftur. Náttúrubólan sem ferðamannabólan átti heima í, er byrjuð að springa; græna hagkerfið er á leið í þrot, áður en það yfirhöfuð gat hitað hagkerfin upp fyrir tómstunda-frostmarkið; og margt sveiflukennt fólk er almennt orðið kalið í náttúru-skallanum vegna veðurbarnings, og framhaldið þekkið þið; Skeggið dettur af; heil árslaun fara í að láta fjarlæga tattóverkin, ef það yfir höfuð reynir að sækja einhversstaðar um vinnu, í mun hærra atvinnuleysi en er í dag; og lambalifur í raspi með steiktum lauk, kartöflustöppu og rabarbarasultu kemur í stað grænnar myglu og sveppavexti í andlitum þess, sökum næringarskorts og óhamingju. Þar með er þessi fjórða iðnbylting búin, og við tekur glíman við neikvæðar afleiðingar hennar. Vinstrið dettur úr batikinu um háls sér og verður aftur eðlilega súrt, eins og við fæðingu þess.

Þetta kemur vonandi. Háskólinn í Wyoming, sem neitaði að láta undan sósíal-stríðsmanna-dansinum, hefur heldur betur tekið við sér og er byrjað að græðast fé og nýir nemendur, vegna þess að hann fann upp nýtt en gamalt landnema-koncept sem hann auglýsir sig upp með: "The world needs more cowboys" -  og fjallaði leiðari Wall Street Journal um skólann á föstudaginn undir yfirskriftinni. It Pays to Be A Wyoming Cowboy.

Skólinn neitaði að dansa villimannadansinn. Hann sagði: "The campaign lauded self-reliance, grit and courage and suggested that anyone with this caliber of character can be a cowboy." Hér má sjá kynningarmyndband skólans; The World Needs More Cowboys || University of Wyoming

Ég varð ansi hugfanginn þegar ég sá þetta hér myndband frá WSJ í fyrra, því það minnti mig svo á margt hjá okkur hér á Íslandi. Tump er að reyna að vinna í þessu máli, en hjá honum kemur fé í nýja borholu, nýja brú og betri fælnimátt, alltaf á undan peningum í þvaður.

Kveðjur norður.

Gunnar

Íhald

[Valdimar Samúelsson, 11.3.2019 kl. 13:59]

 Hugsa sér Gunnar það eru þá fleiri Bundi mál í gangi. Ég vissi að Trump gaf mörgum fylkjum lönd til baka. Ég held að Fed-arnir hafi stolið mest af Alaska en þar ráða þeir um 70% af lendum sem þeir hafa ekkert með að gera. Bara græðgi Deep state manna.  

[Gunnar Rögnvaldsson, 11.3.2019 kl. 17:21]

Fréttir bárust:

Í dag bárust þær fregnir að Donald Trump sé að senda tvö varðskip bandarísku landhelgisgæslunnar til þeirra í Kiev, ásamt ratsjárkerfi til strandgæslu, og einnig til þiggja nágrannaríkja Úkraínu við Svartahaf. Trump  ætlar líka að aðstoða þá við að byggja upp sjóferða-stjórnstöð og mun senda herskip í heimsókn, fyrir utan tundurspillirinn sem er í Svartahafi. Svo sagði hann Þýskalandi að ef það henti ekki kínverska Huawei út úr 5G innviðum landsins, þá myndu upplýsingar hætta að berast til Þýskalands frá Bandaríkjunum.

..fullt stopp

[Gunnar Rögnvaldsson, 11.3.2019 kl. 17:29]

.. og þá hættir líklega Schengen-gagnagrunnurinn, svo hátíðlega kallaði, að virka.. nema til pólitískra tómstundiðkana...

[Gunnar Rögnvaldsson, 11.3.2019 kl. 18:21]

Já Valdimar. 

Okkar íslensku bændur þurfa heldur betur að halda fast í jarðirnar og afréttina ef illa á ekki að fara, nú þegar græna myglan með batikhalana leikur enn lausum hala í stjórnlausri Reykjavík sósíalismans.

[Gunnar Rögnvaldsson, 11.3.2019 kl. 18:47]

Frétt barst: 

Bild segir að Angela Merkel hafi hleypt 5000 eftirlýstum stríðsglæpamönnum inn í Þýskaland, þ.e. inn á Schengensvæðið, án þess að rannsaka nema fáa af þeim sem komu inn í landið þegar hún veifaði þeim inn. Kannski að þeir séu komnir Schengen-vottaðir hingað til Íslands í dag, með gagnagrunninn í símanum sínum. Það verður auðvitað að passa að þeir komist inn eins og kjötið sem Vörður (hvers?), heiladinglandi stuttbuxnaklúbbur Sjálfstæðisflokksins, fagnar í dag. Það styttist í endalok flokksins.

[Jón Valur Jensson, 12.3.2019 kl. 14:29]

Flottur pistill hjá þér og skrif (eins og þetta  kl. 18:47 í gær), fyrir utan 3. síðustu klausuna í greininni. Ég held það væri vísdómsleg varúðarráðstöfun að senda ekki fullvopnað erlent herskip inn um Kerch-sundið, Bandaríkin eiga þangað ekkert erindi.

[Gunnar Rögnvaldsson, 13.3.2019 kl. 06:29]

Kærar þakkir Jón Valur.

Erhem. Ekkert erindi? Ættu þá Bretar og Danir að segja að rússnesk skip (herskip sem og önnur skip) eigi ekkert erindi um alþjóðlegar siglingaleiðir á Ermasundi, Eystrasalti, um Stórabelti og Kattegat?

Kerch-sundið er alþjóðlegt farvatn.

Kveðja

[Jón Valur Jensson, 14.3.2019 kl. 05:08]

Það á enginn leið um Kerch-sund nema til Rússlands eða Úkraínu.

Og til Úkraínu er hægt að sigla á margar hafnir aðrar, jafnvel þótt þeir hafi misst Krímskagann.

Sízt eiga erlend herskip neitt erindi þangað nema til að espa til óspekta!

En þakka þér samt svarið, vinur.