Hvað segja bresk lög um Brexit?

Jú, þau segja að það séu lög að Bretland yfirgefi fyrir fullt og allt Evrópusambandið þann 29. mars 2019. Lög eru lög

Og í þessu tilfelli sem öðrum, þá eru lög lög, þar til að ný lög eru sett. Og engin ný lög hafa verið sett sem segja með hvaða hætti Bretland fari úr Evrópusambandinu án þess að fara úr því, því það er einfaldlega ekki hægt að setja slík lög. Brexit er Brexit eins og stríð er stríð, en ekki friður

Það var ekkert vandamál að ákveða þetta, því að Bretar gáfu í þjóðaratkvæði fyrirmæli um að Bretland yfirgæfi Evrópusambandið. Og þau fyrirmæli urðu að lögum. Algerlega óháð útgöngufælni þeirra sem halda að formlegheit séu inntak en ekki úttak í stjórnmálum: þ.e. formlegheit eru útblásturtegund, en ekki drifkraftur

Sumir ökumenn eru ávallt illa undirbúnir fyrir ný lög og rása því í kæk yfir í vinstri kant. Glæpamenn gera þetta líka. Fréttasnápar sömuleiðis og hagsmunatankar alltaf. Alltaf vanbúnir og grenja, líki þeim ekki lögin

Við skulum, í þessu sambandi þjóðar við stjórnmálamenn, ekkert vera að minnast á þá sem voru and-vígir (þ.e. óvígir) er þjóðin talaði, eins og til dæmis Bjarni Benediktsson formaður Sjálfstæðisflokksins og Co, hefur verið and-vígur íslensku þjóðinni í fullveldismálum og virðist enn, ef marka má grafarstemminguna sem ríkir hjá pukur-og áttavita-fingri formannsins út í loftið, og sem virðist hafa tileinkað sér pólitísk vísindi Barack Obama, um að leiða flokkinn áfram með því að vera fyrir aftan hann, e. "lead from behind". Eiginlega hef ég aldrei séð svona leiðtogssnauðan formann nema ef vera skyldi í Samfylkingunni. Samt er ég búinn að heppa á hann í 11 ár. En nei, forystukindin skal alltaf síðust fram

Eftir 10 ára mötun með teskeið, hefur flokks-forkista Sjálfstæðisflokksins þó í neyðartilfellum sest upp í útför flokksins og látið almenna flokksmenn og kjósendur um að mata sig á sumum staðreyndum, sem haldið hafa í henni lífinu og gert henni kleyft að hendast bersköllóttri frá einum kosningum til annarra. Með næstum allar fjaðrir foknar, eins og 1939, þegar flokksforystum tveggja stórríkja Evrópuskaga í vestri, tókst ekki að halda valdajafnvægi nema í sex vikur og sem kenndu svo Bandaríkjunum um getuleysi sitt með söguáburði um einangrunarband, á meðan að þau Bandaríkin voru önnum kafin í glímu við Japani, á fullu í Kína, Indónesíu og Filippseyjum. Engum nema Evrópukjánum datt í hug að hún væri enn nafli alheimsins. Sem betur fer kom ný Winston forysta að breska Íhaldsflokknum og tók líkkistu-matarforða friðþægingarstefnu flokksins bókastaflega í nefið og sigraði stórt. Já, friðþæging er skelfileg stefna sem lamað getur öflugustu herveldi heims og blásið þeim trú á teskeið í brjóst

Nú nú. Í gær var ljóst að hlægilegir fréttasnápar og hagsmunatankar um eyðileggingu Brexit, höfðu lítið annað gert en að "enduropna" sjálfa sig er þeir tókust upp af "af borðinu". Allt hjal um annað þjóðaratkvæði og "no deal" = "no Brexit" var einungis prentsvetra sem ódýr pappír þeirra þakklátur át

Nú er bara þetta í stöðunni: Nýtt lagamakkverk og svo útskúfun eins og í Icesave, eða: Bretland fylgir lögum eins og vera ber. Ekkert slæmt mun gerast við það að Bretland fylgir lögum landsins

Ég er afar ánægður með Miðflokkinn hér heima, um þessar mundir. Það er ég, vegna þess að þar finnst mér ég hafa fengið fulla peninga fyrir miðann á bardagann, hefði ég keypt hann. Það er ekkert við það að eiga heimsfrægan vesturlenskan miða í jarðarför, sem auglýst og blásin er upp sem kappleikur, korteri fyrir dauðadá. Kannski kýs ég Miðflokkinn næst, því þar virðist fara flokkur með leiðtoga. Ég kýs hann allavega ef bókari Sjálfstæðisflokksins leggur ekki fullveldi og sjálfstæði Íslands inn á mig í debet (efsta skúffan til hægri)

Það er ég sem kjósandi sem afhendi formanninum fyrirmæli eða ekki. Þeim á hann að taka og setja í stefnur og ef til vill í lög. Þetta kallast pólitískt umboð. En samt er ég bara minnsti minnihluti lýðveldisins: einn maður. Hugsa ég þó mitt - og ávallt einmitt það

Fyrri færsla

Farsímavefur Veðurstofunnar dauður

Athugasemdir

[Halldór Jónsson, 31.1.2019 kl. 03:44]

Ekki eru þeir frændur Bjarni og Björn að smala fylgi til Sjálfstæðiosflokksins þessa dagana með daðrinu við Orkupakka 3 

[Hrólfur Þ Hraundal, 31.1.2019 kl. 05:25]

Það er ekki á neitt að hlusta nema talað sé. Hvað Bjarni Ben segir veit ég ekki og vænti enda ekki mikillafrétta þaðan, en fötin ber hann ágætlega.

[Valdimar Samúelsson, 31.1.2019 kl. 11:34]

Já satt Gunnar. Þyrfti ekki aðra þjóðaratkvæðagreiðslu  en ég er viss um að May er ekki að plata þjóðina. Það verður allt vitlaust ef þeir breyta þessum lögum því fólk er búið að fá sig fullsatt á áróðri og yfirgangi ESB. Þetta er prófmál sem margir bíða eftir. 

[Gunnar Rögnvaldsson, 31.1.2019 kl. 13:56]

Þakka þér Halldór, og þér Hrólfur, og þér Valdimar.

Jú, mikið rétt Halldór, Bjarni háskattaformaður og eins konar laumufarþegi í xD, og svo hinn mæti drengur Björn Bjarna, eru að reyna að smala flokkinum fyrir björg. Ekki flengist ég með þeim í brotajárnsrústina sem þeir eru að reyna að búa til úr flokknum.

Þetta með orkupakkann er nýtt Icesave fyrir Bjarna og flokkinn, og Björn virðist kominn út úr tíðnisviði xD-sólkerfisins og sendir út til annarra sólkerfa. Hann er að verða daufur blár díll úti í geimi þar sem Schengen steintöflurnar eru stjórnarskrárfastinn í ljósvakakerfi líberalisma (krati).

Þessir tveir og aðrir með þessi viðhorf, sarga fylgið af flokknum. Þeir þurfa á endurhæfinu að halda áður en við breytumst í enn verra og rauðara háskattaloft.

Um orkupakka og Shengenfetisma Björns fer að gilda að kjósendur álykti að Björn hafi verðið á móti ESB-aðild af því að formið á umsókninni hafi verið rangt. Sé formið rétt þá er hann með. Ég óttast það. Hann notar nú orðið Brexit-vandræðin sem röksemdalegt vogarstangarafl í steintöfluheiminum.

Og um Bjarna gildir að enginn kjósandi trúir því innst inni að hann hafði mannfasta skoðun á neinu sérstöku í því máli, því fólk veit að Bjarni hefur engan kjarna. Hann er kjarnasannfæðingarlaus og nýfrjáls fyrir sjálfan sig ónlý, en ekki ættjörð, hefðir og sögu Íslendinga.

Þetta er dapurlegt.

Kveðjur