Angela Merkel nálgast fylgi Sjálfstæðisflokksins

Svona er einnig að verða umhorfs í svo kölluðum "vísindaheimi" umhverfismála. Kukl og meira kukl

****

Nú skilur aðeins ein prósenta á milli fylgis Bjarna Ben og Merkels. Hún hefur lækkað sig úr 32,9 prósentum niður í 26 á tólf mánuðum. Þetta kemur. Já þetta kemur. Fylgi þýskra sósíaldemókrata mælist 16 prósentur í sömu könnun, sem birt var í gær. Í kosningunum fyrir ári, var það 20,5 prósentur. En fylgi AfD (Valkostur fyrir Þýskaland) er hins vegar komið upp í 18,5 prósentur, samkvæmt sömu könnun. Það reyndist 12,6 prósentur í kosningunum fyrir ári. Tuttugu og sex er rúmlega helmingur af því sem Merkel fékk 2013. En þá fékk hún 41,5 prósent atkvæða. Sem sagt: úr 41,5 niður í 26. Fylgi kommúnista í Austur-Berlín mælist nú 29 prósent. Í Vestur-Berlín mælist það hins vegar 16 prósentur

Fylgi Vinstri grænna mældist 10,3 prósent í Gallupkönnuninni sem birtist í gær. Það er fallið þangað, úr 16,9 prósentum á minna en ári (það er vinstri villa í mynd DDRÚV). Kuklstefnu Vinstri grænna í umhverfismálum er þar með hafnað ásamt Austur-Þýskum biðlistum Svandísar

Okkur Halldóri verkfræðingi og hörðum Hákotsmönnum xD, tókst að leiða þá rafmögnuðu eldingu sem þarna sló niður úr kjósendum, samkvæmt Gallup, burt úr innstungum Sjálfstæðiflokksins og yfir í flokksmaskínu Vinstri grænna, sem okkur sýnist vera að bræða úr sér. Áslaug er þó enn föst í pólitískum sleik við innstunguna sem leiddi eldinguna yfir í Vinstri græna, með kolbrúnan rjúkandi humar í hendi. Og þá er Bjarni í Icesavematinu búinn að létta skýrslu Hannesar af sér í hendur staðgengils Theresu May forsætisráðherra á flokksráðsstefnu breskra Íhaldsmanna í Birmingham. En þar sagði Jeremy Hunt utanríkisráðherra í gær að Evrópusambandið væri að því leytinu eins og Sovétríkin, að enginn mætti þaðan út sleppa. Meginlandinu sló út í bræði

Vinstrimenn þola ekki Hannes vegna þess að honum gæti hafa yfirsést í því efni að handlangarar Stalíns héldu ekki alltaf með hægri hönd um byssuna sem þeir skutu saklaus fórnarlömb sín með til bana, heldur notuðu þeir stundum þá vinstri. Sé þetta atriði ekki rétt með farið, þá skal Hannes felldur allur og sagður Sjibbólet. Annað og meira hafa þeir yfirleitt ekki um stórvirki Hannesar að segja. Áfram Hannes!

Fyrri færsla

Ísland viðurkenni Taívan

Athugasemdir

[Sigurður Antonsson, 2.10.2018 kl. 22:05]

Loksins tókst mér að skemmta allri fjölskyldunni með innliti inn á bloggsíðu á Mbl.is. Hækkaði í myndbandinu um eggið og steikina. Allir lögðu við eyru og augu. Hafði hugsað mér að bjóða fjölskyldunni í bíó þann þriðja til að horfa á hinn nýja Brexitman: Jonny englishman. Áður Mr. Bean. Nú get ég frestað því um nokkra daga og haldið áfram að glápa á kvöldfréttir á Stöð 2 og RÚV þar til í vikulokin.

Facebook og YouTube eða fésabækur eru að skapa öngþveiti hafi það ekki verið til áður. Blindbylur af nýjum fullyrðingum sem trúað er eins og nýju neti. Er von nema maður verði ruglaður og fari vinstri götur eins og málum er nú fyrir komið? Hvar er hægri flokkurinn?

Þið Háholtsmennirnir eruð vísir til með að rétta af kúrsinn fari maður einhverja vinstri villistíga. Þurfið ekki endilega að toppa mýraumræðuna í stjórnmálunum. Þetta kemur allt í ljós fyrr eða síðar þegar tekur að kólna á ný á norður pólum. 

Þið ættuð að hafa meiri áhyggjur af Framsókn sem tapar mestu fylgi. Áður grænn ísskápsflokkur. Þeir hafa löngum lengt líftíma stjórnarsamstarfs, þegar aðrir náðu ekki saman. Grænar innréttingar og ísskápar lífga ekki upp á tilveruna ef stjórnmálin enda öll í embættismennsku til að halda friðinn.

[Gunnar Rögnvaldsson, 2.10.2018 kl. 23:52]

Þakka þér Sigurður fyrir þetta skemmtilega innlit. 

Amen og bukta.

Kveðjur

[Ómar Geirsson, 3.10.2018 kl. 08:34]

Verð að taka undir með Sigurði.

Góður Gunnar, sérstaklega brosti ég hringinn um meintar ávirðingar Hannesar.

Menn hafa verið felldir af minni róg en þessum.

Kveðja að austan.

[Gunnar Rögnvaldsson, 3.10.2018 kl. 15:51]

Þakka góðar kveðjur Ómar.

Kveðja