Leita í fréttum mbl.is

Verður þetta næsta brúðkaup Evrópu?

Pútín færir Merkel blóm 18 maí 2018

Mynd PA/Sputnik: Vladímír Pútín færir Angelu Merkel blóm við komu hennar til Sochi í Rússlandi, þann 18. maí 2018 e.Kr.

****

Á kortinu stóð kannski þetta: "Við, sem drápum 70 prósent af öllum þeim þýskum hermönnum sem féllu í Síðari heimsstyrjöldinni, og sem gerðum samkomulag og sáttmála við alla og svikum þá flesta á sama tíma, óskum þér og fyrrum? bandamönnum þínum og okkar, sem drápuð 70 prósent af öllum þeim 70 milljón manns sem féllu í sömu styrjöld, til hamingju með að vera nú verr við Bandaríkin, sem byggðu ykkur upp, en ykkur er illa við okkur. Við lesum nefnilega það í þýskum fjölmiðlum síðustu 28 ár, að ykkur fellur orðið betur við okkur en Bandaríkjamenn og að samviskubit ykkar yfir því að hafa myrt sjö milljón varnarlausa Gyðinga, er orðið minna en samviskubit ykkar er yfir því að hafa tapað báðum þeim heimsstyrjöldum sem þið hófuð

Og við Rússar, sem þið í febrúar og mars 1918 tókuð tvær milljónir ferkílómetra af landi frá, ásamt 40 prósent af allri rússneskri iðnaðargetu og 50 milljónir rússneskutalandi borgara, bjóðum þig velkomna á nýja valdataflsmótið sem er að hefast í Evrópu. Við stöndum nú sameinuð gegn Bandaríkjunum. Þú veifar nýjum Versalasamningi sem þið greidduð ekkert af og sem var gúmmípappír miðað við þá "samninga" sem þið ætluðuð að draga yfir höfuð Frakka, Belga og Lúxemborg í september 1914. Þessi nýi Versalasamningur sem þið veifið í dag, til að kreista fram ný fölsk tár, inniheldur eldsneytið sem knýr hatur ykkar á Ísrael, Bandaríkjunum og Bretlandi, sem voru svo vond að hafa snúist til varnar, bombað ykkur sundur og saman, og sest ofan á ykkur í 70 ár. Við Rússar veifum í takt við ykkur sama plaggi og sem kom mér til valda"

Lesendur ættu í 5 mínútur að reyna að ímynda sér hvernig heimurinn væri í dag ef Bandaríkin væru eins og Þýskaland og Rússland. Þegar þeim vangaveltum er lokið væri ekki úr vegi að reyna að ímynda sér hvernig hinn sami heimur væri ef Bandaríkin væru bara alls ekki til. Slíkt ástand hefur reyndar verið prófað. Síðustu 70 eru þannig að í stað þess að vera evrópskt asíulegt helvíti, urðu þau besta tímabil mannkynsögunnar; þökk sé Bandaríkjunum og Bretlandi, en algerlega í óþökk Evrópusambandsins, sem ekkert hefur gert annað en að reyna enda þetta 70 ára tímabil

Donald Trump og frú aka um

Mynd: Finnst gaman að aka sjálfur - með frúna

Og vona ég að sá meistari sem nú situr í Hvítu húsi, og sem samkvæmt ónýtum fjölmiðlum Vesturlanda ekkert á að geta né kunna, þrátt fyrir að hann hafi vaðið oftar en einu sinni og tvisvar í gegnum tröllvaxnar óendanlegar flækjur spilltra embættismanna borgarinnar til að byggja skýjakljúfa á dýrasta byggingarreit mannkynssögunnar á Manhattan, og verandi sá maður sem járna-, múr-, og steypuliðið klappar fyrir þegar hann mætir á staðinn í Rolls til að tala við þá, já ég vona að sá maður sýni þessu liði stóra skaftið og vísi því til þess sætis sem það er vaxið til að sitja í og engu öðru

Og ég vona að þið sem aldrei hafið byggt neitt og sem enginn klappar fyrir þegar þið mætið í vinnuna, já ég vona að þið gerið ykkur grein fyrir því að líf ykkar í dag er gott vegna einmitt Bandaríkjanna. Stærsta vandamál ykkar er þó að hafa aldrei prófað að búa í heimi án Bandaríkja Norður-Ameríku. Sú þjóð sem þar býr, er ekki sama gamla súpan sem gamla isma-liðið elskar í Evrópu, og sem gerði Síðari heimsstyrjöldina mannskæðari fyrir álfuna en Svarti dauði

Ég hef séð og hitt svona mann, því ég var einu sinni í múr- og steypuliðinu sjálfur. En það tók samt smá tíma fyrir mig að kveikja á perunni. Þeir sem enga peru hafa, kveikja að sjálfsögðu ekki á neinu, nema DDRVÚ. Þannig er það. Og þannig mun það alltaf verða

Fyrri færsla

Ítalski stjórnarsáttmálinn boðar ekki bara evrudauða [u]


« Síðasta færsla | Næsta færsla »

Athugasemdir

1 Smámynd: Ragnhildur Kolka

Það verður fróðlegt að fylgjast með þessu tilhugalífi og enn fróðlegar að fylgjast með þegar Þýskaland hefur enga markaði til að selja vörur sínar nema Rússland og fylgihnetti.

Ragnhildur Kolka, 22.5.2018 kl. 13:10

2 Smámynd: Gunnar Rögnvaldsson

Þakka þér Ragnhildur.

Ekki hafa áhyggjur af markaði fyrir Þýskaland. Þeir munu bara stela því sem þeim vantar eins og venjulega.

Hefurðu séð nýjasta flugmóðurskip japanska flotans? Það var sjósett í ágúst 2015 og tekið í notkun í mars í fyrra.

Gettu hvaða nafn Japanir gáfu því. Jú, JS Kaga. Það var nafnið á flugmóðurskipinu sem notað var til að gera árásina á Pearl Harbor.

Segðu svo að heimurinn læri ekki ekki neitt. Þetta kemur.

Kveðjur

Gunnar Rögnvaldsson, 22.5.2018 kl. 14:49

3 Smámynd: Borgþór Jónsson

Djöfull hefurđu vaknađ illa mađur.

Èg held  ađ þù þurfir ekki ađ òttast þetta brùđkaup.

Mèr finnst òliklegt ađ brùđurin þori ađ rìfa sig frà þvì ofbeldissambandi se hùn er ì.

Borgþór Jónsson, 22.5.2018 kl. 15:35

4 Smámynd: Daníel Sigurðsson

Þú mættir vera aðeins nákvæmari Gunnar í svartnættis skrifum þínum gegn Þjóðverjum, í sögulegu tilliti, að mínu mati. Hér nokkur dæmi:

Þú heldur því fram að þjóðverjar hafi myrt 7 milljónir Gyðinga (lætur reyndar Pútin segja það).  Síðan hvenær urðu þetta 7 milljónir en ekki 6 sem hingað til  hefur verið haldið á lofti?

 

Þú heldur því fram að Þjóðverjar hafi ekki greitt neitt af himinháum kröfum hinna illræmdu Versalasamninga.  Hið rétta er að Þjóðverjar hafa greitt upphæð sem svarar til um tveimur fullhlöðnum  flutningaskipum af gulli .  Aðeins varð hlé á greiðslu um tíma á valdatíma Hitlers.

 

Þú talar um að Þjóðverjar hafi hafið báðar heimstyrjaldirnar. Það er ekki rétt a.m.k. ekki hvað fyrri heimsstyrjöldina  varðar.

Það voru Rússar sem hófu fyrri  heimsstyrjöldina en ekki Þjóðverjar.  Rússar réðust með herdeild inn í  Austur Prússland 1. ágúst 1914 og voru þar með fyrstir stórveldanna til að grípa til vopna.

þann 28. júlí 1914  hafði Austurríska-Ungaverska keisaradæmið lýst yfir stríði við Serbíu sem afleiðingu morðsins á Franz Ferdinant krónprins keisaradæmisins. Ráðamenn  Þjóðverja  voru því mjög mótdrægir á þeim tíma að láta draga sig inn í styrjöld.

Öll stórveldin þrjú, Rússland, Frakkland og England vour fyrri til en Þýskaland að lýsa yfir herkvaningu  (mobilmachung)  sem a.m.k.  á þeim tíma var allt að því  igildi stríðsyfirlýsingar.

Daníel Sigurðsson, 22.5.2018 kl. 17:10

5 Smámynd: Gunnar Rögnvaldsson

Þakka þér kærlega Daníel.

Vegna þess að tala myrtra og drepinna hækkar og hækkar hraðar í takt við rannsóknir en hægt er að uppfæra bækur mannkynssögunnar.

En síðan hvenær skiptir líf milljón Gyðinga rússa- og þjóðverjavini máli, ég spyr?

Það startar enginn heimsstyrjöld nema með því að lýsa stríði á hendur þeim sem ráða ríkjum í heiminum og gera samsærissamninga þvers og kruss á allt og alla og svíkja þá síðan. Landamæraskylmingar milli Rússa og Prússa er ekki heimsstyrjöld.

"Allt að því" er ekki staðreynd.

Þjóðverjar greiddu aðeins smáhluta þess sem þeir áttu að greiða og gerðu lítið af því sem þeir höfðu samþykkt að gera. Þeir komu af stað verðbólgu til að brenna það burt sem átti að greiða í seðlum, fóru ekki eftir neinu sem þeir höfðu skrifað undir og komu svo þeirri fiskisögu af stað að Versalasamningurinn væri óréttlátur. En hann var samt mjög svo vægur miðað við þá samninga sem Þjóðverjar sjálfir drógu yfir höfuð annarra þjóða á þessum tíma.

Það vissu valdamenn í Þýskalandi mjög vel, en það var hins vegar pólitískt banvænt að segja það opinberlega. Vinna átti samúð góða fólksins, sem oftast eru fífl, eins og sést í dag.

Bandaríkin, Frakkland og Bretland hefðu átt að fara alla leið til Berlínar og setja byssuhlaupið upp að höfði Þýskalands, og ekki fjarlægja það fyrr en þjóðin og valdastéttin hefði fest Weimarlýðveldið í sessi eftir 100 ár.

Það voru stór mistök að handefja ekki öll ákvæði Versalasamningsins út í ystu æsar. En friðþægingarlið Vesturlanda þá, fékk byr undir báða vængi með fræðimannaliði á borð við Keynes, sem var jafn mikið gáfumenni og það friðþægingarlið nútímans sem er að kveikja í heiminum í dag.

Eina leiðin til að koma í veg fyrir svona isma-stríð sem er rauði-dauði veraldarhyggjudellunnar, er að halda fælnimættinum á lífi, sama hvað akademíudellumenn segja í gegnum sína fjölmiðlasnápa. 

Þetta er Dondal J. Trump að gera. Ekki missa af því Daníel.

Kveðjur

Gunnar Rögnvaldsson, 22.5.2018 kl. 18:44

6 Smámynd: Daníel Sigurðsson

Þú segir m.a.:

“Það startar enginn heimsstyrjöld nema með því að lýsa stríði á hendur þeim sem ráða ríkjum í heiminum og ...........“.

Skv. þessari skilgreiningu voru það Bretar og Frakkar sem störtuðu heimsstyrjöldinni síðari með því  að lýsa yfir striði á hendur Þjóðverjum að fyrra bragði.

það er kolrangt hjá þér að Þjóðverjar hafi aðeins greitt smáhluta af því sem þeir höfðu átt að greiða, hins vegar voru endurskoðunar skilmálar í samningunum sem gripið var til síðar en eigi að síður er um gigantiskar upphæðir að ræða sem Þjóðverjar hafa greitt í þessa hít í næstum heila öld.

Greiðslurnar  voru inntar af hendi í dollurum þannig að verðbólga  og fall þýska marksins hjálpaði ekki Þjóðverjum nema síður sé. Þannig að þetta er bara rugl í þér að verðbólgan hjá þeim hafi gert það að verkum að “brenna það burt sem átti að greiða í seðlum“, eins og þú skrifar.   Þjóðverjar voru aldrei kallaðir til skrafs og ráðagerða með þennan gjörnung heldur voru þeir aðeins fengnir í lokin til málamynda til að skrifa undir, punktur og basta.

Ráðamenn Bandaríkjanna sáu fljótlega óréttlætið og skaðann sem Versalasamningarnir ollu og sáu eftir afskiptum sínum af stríðinu í Evrópu, þar sem þeir réðu úrslitum.  Það fór því svo að Bandaríkjamenn settu það í bandarísku stjórnarskrána að hafa ekki afskipti framar af striðum í Evrópu. Sem sagt, það þýddi að 3/4 hluta þingsins þufti til að aflétta stjórnarskrárbyndingunni síðar.

Daníel Sigurðsson, 22.5.2018 kl. 21:19

7 identicon

Þetta eru rennilegir pólitískir ljóðabálkar sem koma frá þér Gunnar :)

Sigþór Hrafnsson (IP-tala skráð) 22.5.2018 kl. 21:48

8 Smámynd: Gunnar Rögnvaldsson

Þetta er ekki rétt hjá þér Daníel.

Þú verður að athuga að Versalasamningurinn snérist ekki bara um peninga og að sá hluti samningsins er mjög fólkinn vegna endalausra framlenginga og aðstoðar annarra við greiðslur. Mikilvægustu hlutar samnings snérust um að leggja bönd á hernaðarbrjálæði Þýskalands og hreinlega að kveða hugtakið Prússland niður sem alþjóðlegt böl. 

Eins og ég hef sagt Daníel var Versalasamningurinn mjög vægur miðað við aðra samninga þessa tíma og hann var nánast hlægilegur miðað við það sem Þýskaland með septemberprógramminu hugðist skella á Frakkland, þ.e. gera Belgíu upptæka (þurrka hana út af landakortinu ásamt Lúxemborg), því Þjóðverjar þóttust vissir um sigur, taka allar hafnir Frakklands og allt að helmingi landsins. Þannig má nefna að Frakkland greiddi Þýskalandi 15-21 prósent af sinni landsframleiðslu í enda Napóleonsstríðsins. Við enda fransk-prússneksa stríðsins greiddi Frakkland 25 prósent af landsframleiðslu. Þar fékk Þýskaland það gull sem gerði því kleift að fara af silfurfæti yfir á gullfót og þeir flæddu með því silfurmarkaðinn sem svo leiddi til upplausnar myntbandalags Skandinavíu-krónu sem var gjaldmiðill hér á landi og sem leiddi til þess að Íslendingar gengu ekki í það myntbandalag eins og ákveðið hafði verið og við fengum sem betur fer okkar eigin íslensku krónu.

Og nokkra sikilmála Brest-Litovsk 1918 hef ég nefnt. Það var því aumlegt að Þýskaland skyldi kveinka sér undan Versalasamningi því Þýskaland sjálft hafði ekki orðið fyrir skaða, heldur hafði það valdið öðrum löndum stórkostlegum skaða.

Það sem þú heldur að sé gull er ekki gull. Í samningum var um að ræða ígildi GullMarks. En Þýskaland rauf bindingu marks við gull árið 1914 til að hefja peningaprentun fyrir stríðsrekstri. Markið sem þeir sendu síðar sem greiðslur gufaði bókstaflega upp á leiðinni í óðaverðbólgu, svo ofsafengin var hún að verða að dalurinn sem kostaði 4,2 mörk árið 1914 kostaði um 200 mörk árið 1921 þegar fyrsta greiðsla átti að fara fram. Þýskaland greiddi þá greiðslu ekki.

Þó var 1921 greiðslan skilyrt og Þýskalandi var veitt svigrúm sem tóku mið af efnahagslegum aðstæðum. Og það var sem sagt ekki Þýskaland sem lá í rúst, heldur fórnarlömb þeirra. En samt byrjaði Þýskaland strax frá fyrsta degi að reyna að snúa sér út úr samningum og árið 1933 neitaði seðlabankinn að greiða í erlendri mynt. Síðan fór Þýskaland í þjóðargjaldþrot, það fjórða í röð slíkra, og borgaði ekki nema brot af samningum.

Í heildina er álitið að Þýskaland hafi greitt sem svarar til 2,5 prósent af landsframleiðslu í nokkur ár og svo ekki meir, fyrr en London ráðstefnan árið 1953 reyndi að gera þetta upp. Í henni var ákveðið að við ef til sameiningar Þýskalands kæmi, þá þýddi það að Þýskaland væri á ný orðið ríkt land og ætti að greiða nokkra summu fjár. En því hafnaði Þýskaland líka, þegar til kastanna kom, og neitaði líka að greiða þá summu, en féllst samt á nokkrar greiðslur.

Kveðjur

Gunnar Rögnvaldsson, 22.5.2018 kl. 23:10

9 Smámynd: Gunnar Rögnvaldsson

Bandamenn þurrku svo loks hugtakið Prússland út úr orðabókinni 1945 og neituðu að viðurkenna það. Þar þóttust menn hafa lagt lok á brjálæði Þýskalands.

NATO var svo stofnað til að halda Rússlandi úti, Þýskalandi niðri á jörðinni og Bandaríkjunum inni.

En nú eru Bandaríkin komin út, Þýskaland er komið upp og Rússland er á leið inn

Þarna er allt að fara til fjandans á ný. Það þarf að endurnýja sleggjuna yfir þessu vonlausa landi. Svo mikið er víst.

Gunnar Rögnvaldsson, 22.5.2018 kl. 23:28

10 Smámynd: Daníel Sigurðsson

Árið 1921 kröfðust sigurveldin skaðabótagreiðslna af hendi Þjóðverja sem svaraði til um eitthundraðþúsund tonna af gulli sem greiða skyldi á 42 árum. Að auki urðu Þóðverjar að afhenda sigurveldunum nær allan skipaflota sinn sem gerði þeim mjög erfitt með útflutning sem þeir voru mjög háðir og auk þess var krafist frekari bóta í kolum.  Á næstu árum urðu Þjóðverjar að afhenda mörg nýjustu loftskipin sem lagði á endanum það glæsilega tímabil í flugsögunni í rúst.

Til að fylgja kröfum sínum eftir voru franskir  og belgískir herir  látnir taka nokkrar þýskar borgir og á endanum allt Ruhr-héraðið sem þeir hersátu í langan tíma.

Vitaskuld var ógerlegt fyrir Þjóðveja að standa undir þessum svívirðilegu kröfum.  Úttekt á öllum þeim greiðslum sem inntar voru af hendi þjóðveja allt til þeirrar síðustu árið 2010 eru af stærðargráðunni tveir skipsfarmar af gulli eins og ég hér að framan sagði.

 

þar sem þú minnist á fransk-prússneska stríðið þá er rétt að halda því til haga að það var Napoleon III sem sagði Þýskalandi stríð á hendur og réðist inní Bayern (í júlí 1870) en varð flótlega að leggjast í vörn og gjörtapaði svo á endanum stríðinu og var tekinn til fanga af hinum sigursæla þýska her þegar París féll.   

 

Þú talar um að mikilvægustu hlutar Versalasamningsins hafi snúist um að leggja bönd á hernaðarbrjálæði Þýskalands og hreinlega að kveða hugtakið Prússland niður sem alþjóðlegt böl.

Af hverju tekuðu svona til orða “hernaðarbrjálæði“ Þýskalands?  Hvað með hin stórveldin? voru þau ekki líka í sama brjálæðinu?   Og hvers áttu Prússar  að gjalda sem komu aðframkomum her hins breska Wellingtons til bjargar í  orustunni við Waterloo í Belgíu í júní 1815.

Ég held að þú hefðir gott af því að það sé aðeins rifjað upp. 

Fyrst áttust við herir Naðóleons og Breta undir stjórn Wellingtons hertoga. Er leið á bardagana í ausandi rigningu hallaði á Wellington og þótti Wllington sýnt að hann myndi tapa orustinni nema herir Prússa undir stjórn Blüchner marskálks sem voru á leiðinni myndu ná til átakasvæðisins í tíma.  Á elleftu stundu birtist Blüchner með her Prússa sem var stærstur þessara þriggja herja.

Snerist nú taflið við og flótti brast á lið Frakka.  Herir Prússa fylgdu flóttanum eftir alla leið til Parísar og Frakkland var nú varnarlaust. Napóleon ætlaði að reyna að komast sjóleiðina til Ameríku en bresk herskip komu í veg fyrir það. Þann 15. júlí gaf hann sig fram við breskt herskip, fremur en að falla í hendur Prússa.

Nei það var ekki Wellington sem átti aðalheiðurinn á endanlegum sigri á Napoleon I. eins ranglega er kennt í skólum heldur hinn eitursnalli prússneski hershöðingi Blüchner.    

Daníel Sigurðsson, 23.5.2018 kl. 00:46

11 Smámynd: Gunnar Rögnvaldsson

Og til viðbótar þessu telja þeir sem ofbýður framferði Þýskalands á evrusvæðinu í samfellt 16 ár, að landið skuldi Frakklandi og Bretlandi 4,6 til 9 prósent af landsframleiðslu Þýskalands, fyrir afnot þess af kjarnorkuvopnaregnhlíf beggja landa. Og rök þeirra eru þau að það sama eigi að gilda um kostnað varnarstefnu og gildir um peningapólitíska stefnu evrusvæðis, sem Þýskaland mergsýgur önnur lönd með. Hér er eitt nýlegt dæmi um slík rök frá 15. maí 2018.

Gunnar Rögnvaldsson, 23.5.2018 kl. 00:50

12 Smámynd: Gunnar Rögnvaldsson

Ekkert af þessu sem þú nefnir hér síðast skiptir verulegu máli Daníel. Það eina sem menn gátu horft til var þetta.

1. Hvernig samninga af þessu tagi var verið að gera í heiminum á þessum tíma. Sérstaklega í Evrópu.

2. Þeir samningar sem Þýskaland sjálft hafði og ætlaði að leggja á önnur lönd voru mörgum sinnum þyngri en Versalasamningurinn. Af hverju átti Þýskaland þá að fá mjúkan samning á meðan aðrir áttu að glata svona miklu í þeim samningum sem Þýskaland sjálft samdi. Það skil ég ekki.

Miðað við þetta tvennt var Versalasamningurinn vægur. Þú ert að skoða hann með augum þess sem alinn hefur verið upp við þann áróður sem friðþægingarstefnumenn notuðu til að sannfæra þá sem ekki voru á þeirra línu. Rök þín eru afleiður þess áróðurs sem leiddi til friðþægingar sem síðan leiddi af sér Síðari heimsstyrjöldina.

Versalasamningarnir voru ekki nægilega þungir í praxís og þeir voru því miður ekki framkvæmdir í praxís, því búið var að taka heri Bandamanna niður þegar friðarráðstefnunni lauk og Frakkland skilið eitt eftir til að framkvæma hann.

Þýskaland átti líka þann valkost að berjast áfram. Þeim var boðið það. En þeir vissu að sá bardagi myndi enda í Berlín og með hernámi.

Að nefna heimskuleg loftför við hliðina Frakkalandi í rúst, jaðrar við móðgun við heilbrigðra skynsemi Daníel. Þjóðverjum var nær.

Það versta við þetta allt er að gengið skyldi til friðarsamninga. Bandamenn hefðu átt að krefjast skilyrðislausrar uppgjafar og hernema Þýskaland í 100 ár eða þar til Weimar var fast í sessi. Fara leið Ulysses (unconditional) Grant.

Mætti ég svo spyrja hvers vegna þú skrifar allt feitletrað. Það lítur svo frekjulega út, miðað við allt annað.

Gunnar Rögnvaldsson, 23.5.2018 kl. 01:13

13 Smámynd: Daníel Sigurðsson

Það er tilbúningur hjá þér að Þjóðverjar hafi ætlað að leggja miklu þyngri byrðar á Frakka heldur en Versalasamningarnir kváðu á um Þýskaland.  Og það stóð aldrei til af hálfu Þjóðverja að sölsa undir sig hálft Frakkland til frambúðar. 

Það er beinlínis hlægilegt að þú skulir nefna kjarnorkuvígbúnað Breta og Frakka kjarnorkuvopnaregnhlíf fyrir Þýskaland.  A.m.k. Bretum hefur verið það fullljóst lengi að þeirra kjarnorkubúnaður hefur mjög takmarkaðan fælingarmátt og ítrekaðar tillögur hafa komið fram á þinginu um að þeir leggi hreilega niður kjarnorkuvígbúnað sinn. Sú eina regnhlíf sem standa mun undir nafninu kjarnorkuvopnaregnhlíf   fyrir Vestur Evrópu er kjarnorkubúnaður Bandaríkjanna.   Þannig að Þjóðverjar skulda hvorki Bretum né Frökkum neitt hvað þetta varðar.

Ég nefndi nú bara Hindenburg loftförin til að benda á að sigurlöndin eirðu engu sem gat talist tll einhverra verðmæta í taumlausri ákefð sinni að fá allt bætt sem þau áttu sjálf jafn mikla sök á að tortímdist í þessu heimskulega stríði sem fyrri heimsstyjöldin var.

Að lokum langar mig til að nefna eitt atriði í s.b.v. tölu þína um 7 milljónir myrtra Gyðinga (en ekki 6 eins og venja er) en það er staðhæfing þín að tala myrtra og drepinna hækkar og hækkar hraðar í takt við rannsóknir en hægt er að uppfæra bækur mannkynssögunnar.  Þessi staðhæging þín er í besta falli hugarburður enda er langt í það að rannsóknir hafi náð uppí töluna 6 milljónnir og mun sennilgar aldrei takast.  Málið er líka það að þessi tala 6 milljónir var hreinlega smellt á pappír án nokkurra eiginlegra rannsókna af hálfu Adenauers, fyrsta kanslara (vestur-) Þjóðverja eftir stríð og Bandamanna.  Tilhneigingin var sú að hafa töluna í hærri kantinum til að auka líkurnar á því að þýskur almenningur ætti þar með auðveldara með að fjarlægjast hugmyndafræði nasismans þegar honum væri ljóst hversu glæpsamleg stefnan hafi verið í reynd.

Bið þig að síðustu forláts Gunnar að hafa fyrir mistök byrjað að haf texta minn feitletraðan í þessum korrespondens en leyfi mér að hafa hann þannig til enda að þesssu sinni upp á samkvæmið.

Daníel Sigurðsson, 23.5.2018 kl. 11:40

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband