Ísrael viðurkennir að hafa grandað kjarnorkuvopnasmíði Sýrlands 2007

Kvikmynd: Upptaka Ísraelshers

Í gær viðurkenndi varnarmálaráðuneyti Ísraels í fyrsta sinn opinberlega að hafa grandað kjarnorkuvopna-smíðastöð Sýrlands í september 2007. Þá aðgerð framkvæmdi Ísraelsher fyrir rúmlega tíu árum síðan og sammæltust Ísraelar og Bandaríkjamenn um að halda aðgerðinni leyndri. En í gær kom svo staðfesting frá Ísraelsmönnum um að það sem marga grunaði, var einmitt rétt. Ekki mörgum árum síðar var landsvæðið sem um ræðir, komið í hendur Ríkis íslam. Kjarnorkuvopnasmíðastöðin í Sýrlandi var byggð með aðstoð Norður-Kóreu og geislavirku efnunum var siglt þaðan um borð í skipum Norður-Kóreu. Grunsemdir Ísraelsmanna vöknuðu þegar skipsfarmar frá Norður-Kóreu komu til uppskipunar í Sýrlandi og náðist uppskipunin á mynd. Og svo stuttu síðar þegar líkkistur úr blýi tóku að berast til Sýrlands frá Norður-Kóreu. En þar höfðu Sýlendingar verið að störfum við áætlunina og lent í járnbrautarslysi með farminn, sem leiddi til þess að farsímasamband víða í Norður-Kóreu var bannað í nokkur ár, því aðkoman að slysstað var svo hroðaleg

Ein af ástæðunum fyrir því að ríkisstjórn og her Sýrlands tókst að halda kjarnorkuvopnaprógramminu leyndu svo lengi, er talin vera sú að öll samskipti sem vörðuðu áætlunina fóru fram bréfleiðis með sérstökum sendiboðum, og að henni var haldið í einangrun frá öðrum þáttum herstjórnarinnar. Þarna munaði mjóu því stöðin var næstum fullgerð og tilbúin til vinnslu er Ísraelsmenn lögðu hana í rúst í september 2007

Leiðangur Ísraelshers hóst eftir að hermenn hans höfðu laumast á staðinn í Sýrlandi, tekið jarðvegssýni og aflað nauðsynlegra upplýsinga á jörðu niðri. Flogið var svo lágt upp Kýpurflóann, austur inn yfir land og inn í tímabundið blindaða loftrýmisgæslu Tyrklands og Sýrlands og sprengjunum síðan varpað frá nokkrum sérbúnum og þunghlöðnum orrustuþotum Ísraelsmanna, sem læðst höfðu lágt yfir jörðu að skotmarkinu. Að aðgerð lokinni var ríkisstjórn Tyrklands upplýst um málið og beðin afsökunar á þeim hluta leiðangursins sem lá um lögsögu þess. Í júní 1981 lagði Ísraelsher einnig kjarnorkuvopnavinnslu Saddams Hussein í Írak í rúst með sviparði aðgerð, sem nefnd var Opera

Ofsóknir á hendur Gyðingum hafa árþúsundum saman verið hroðalega svæsnar og illar. Í aðdraganda, undir, og í kjölfar Helfararinnar meinuðu Bretar Gyðingum að flýja til þess forna landssvæðis Gyðinga í Ísrael sem Bandaríkin, Bretland, Frakkland, Ítalía og Páfagarður höfðu lagt blessun sína yfir með Balfour-yfirlýsingunni. Bretar brutu einhliða anda þess samkomulags með því að meina Gyðingum að flýja þar inn, en sem var einmitt tilgangurinn með yfirlýsingunni. Það gerðu Bretar af geopólitískum orsökum því olíusvæðin sem Bretar urðu að hafa aðgang að, lágu einmitt á áhrifasvæði Araba, og þá reyndu Bretar að styggja ekki, því þannig ömurleg var staðan í heiminum þá. Gyðingum var því haldið úti frá því lífsnauðsynlega rými sem þeir höfðu fengið úthlutað til að draga andann í

Á alþingi Íslendinga fara nú fram síðustu Gyðingaofsóknirnar á nýrri tímum. Þar skal mannorð Íslands og Íslendinga allra lagt í rúst með stjórnmálum sem aðeins er hægt að flokka niður í síðasta endann af öllum. Það var ekki heilastappa Framsóknarmanna, Pírata, Vinstri-grænna og Flokks hreina fólksins sem lagði grunninn að Vesturlöndum. Það gerði Gamla testamenti Gyðinga. Við eigum Gyðingum því óendanlega mikið að þakka. Og þær þakkir ber að sýna í verki, en ekki með heilastöðvun á Alþingi Íslendinga og endametrum bölvaðrar borgarstjórnar vinstri-manna Reykjavíkur

Engir aðrir í heiminum munu hafa fyrir því að standa vörð um líf Gyðinga en Gyðingar sjálfir. Hefðu þeir verið fullvalda og vopnaðir, þá hefði Helförin aldrei getað farið fram. En pennastrik vesalinga geta einnig verið öflug drápsvopn. Þau strik eigum við alls ekki að skaffa slæmum öflum

Krækja: Hinn gleymdi sannleikur um Balfour-yfirlýsinguna (Mosaic)

Tilgátu-heimildarmynd um aðgerðina í Sýrlandi (YouTube)

Fyrri færsla

Angela Merkel kom skríðandi til Póllands

Athugasemdir

[Vilhjálmur Örn Vilhjálmsson, 22.3.2018 kl. 10:27]

Takk

[Tómas Ibsen Halldórsson, 22.3.2018 kl. 11:57]

Vel mælt Gunnar

[Ragnhildur Kolka, 22.3.2018 kl. 12:23]

Frábært að rifja þetta upp Gunnar. Þótt þetta sé aðeins einn kafli í langri varnarbaráttu gyðinga fyrir tilvist sinni, þá er hann lýsandi fyrir ógnina sem að þeim steðja. Það er smánarlegt af Íslendingum að leggja þessum gereyðingaröflum lið.

[Borgþór Jónsson, 22.3.2018 kl. 12:44]

Það er nú varla sambærilegt við helförina að fara fram á að þeir hætti að skera tittlinginn af smákrökkum

[Helga Kristjánsdóttir, 22.3.2018 kl. 14:48]

Boggi með brandinn tilbúinn að leggja vesalingum lið? Alltaf tilbúnir með stíl vopnið. Bið að á Alþingi vinni réttlætis öflin.

[Gunnar Rögnvaldsson, 22.3.2018 kl. 15:01]

Þakka ykkur Vilhjálmur, Tómas og Ragnhildur og Helga.

Það er eitt sem ég skil ekki. Á DDRÚV er okkur hvað eftir annað sýndar myndir af því hversu glatt og miklir ljósgeislar fólk er sem fætt er með Down-heilkenni. En á sama tíma er þeim eytt sem fóstrum vegna einmitt þessa Down-heilkennis. Ég hef ekkert heyrt frá Framsóknarmönnum um að hér eigi að "standa með börnunum" og bíða með að eyða þeim þar til þau eru fær um að samþykkja líflát sitt sjálf.

Fyrst að læknis-tækninni hefur fleygt svona mikið fram, er þá ekki vert að bíða með þetta umskurðarmál þar til hægt er að skima fyrir trúarhneigð í fóstrum og þá eyða þeim ef óæskilegar lífsskoðanir eru líklegar til að verða með-fæddar?

Eða þá að bjóða fólki upp á læknismeðferð, í stað 6 ára fangelsisvistar, við því sem Framsóknarþingmenn segja að rétt sé að brennimerkja sem glæp eða glæpaheygð, og bjóða fólki í staðinn upp á þá læknismeðferð að trúarstöðvarnar séu fjarlægðar með heilaskurðaðgerð um leið og lækna-tæknin hefur náð svo langt.

Ef svo skyldi fara að heilastöðvar Framsóknarmennsku skyldu rjúka með í leiðinni, er það þá samt ekki áhættunnar virði? Íslendingar hafa hvor sem er stigið fyrstu skrefin í kynbótameðferð á þjóðinni með því að útrýma þeim sem geta fæðst með Down-heilkenni. Er þetta ekki betra og ódýrara en að sitja uppi með fólk í sex ára fangelsisvist, sem kostar skattgreiðendur jafnvel meira en fyrirspurnir Pírata? Verða þessar tæknilega fullkomnu lækningar lækna ekki lausnin í framtíðinni?

Kveðjur

[Theódór Norðkvist, 22.3.2018 kl. 19:48]

Gunnar, eins mikið og ég fagna því að Ísrael hafi komið í veg fyrir að brjálæðingarnir í Sýrlandi hafi fengið kjarnorkuvopn, því nógu slæmt er nú ástandið þar án þeirra, þá skil ég ekki hvað þú ert á úti á túní í umskurnarmálinu.

Gamla testamentið, gott og vel, á sínum tíma var það langt á undan sinni samtíð. Síðan kom Nýja testamentið, eins og ég geri ráð fyrir að þú vitir.

Orðið testamenti merkir sáttmáli. Gamla testamentið merkir þannig gamli sáttmáli og Nýja testamentið nýji sáttmáli. Guð vinnur í sáttmálum þegar Hann er að reyna að fá mannfólkið til að hegða sér af viti, sem reyndar tekst ekkert allt of vel, ef marka má mannkynssöguna.

Gamli sáttmálinn (við Gyðinga fyrst og fremst, þó útlendingar sem tóku trú Gyðinga áttu möguleika) var staðfestur með umskurn.

Nýji sáttmálinn, um trú og hlýðni við Jesú Krist, sem kom í stað þess gamla, var og er staðfestur með skírn.

Þó að umskurn komi úr Gamla testamentinu, þýðir það ekki sjálfkrafa að hún eigi rétt á sér í dag. Eftirfarandi fyrirskipanir koma líka úr Gamla testamentinu:

¹⁸Eigi skalt þú láta galdrakonu lífi halda. 2. Mósebók 22:18

¹⁸Ef maður á þrjóskan son og ódælan, sem eigi vill hlýða föður sínum og móður, og hann hlýðnast þeim ekki að heldur, þótt þau hirti hann, ¹⁹þá skal faðir hans og móðir taka hann og fara með hann til öldunga borgar hans, að borgarhliðinu, þar sem hann á heima, ²⁰og segja við öldunga borgar hans: "Þessi sonur okkar er þrjóskur og ódæll og vill ekki hlýða okkur, hann er svallari og drykkjurútur." ²¹Skulu þá allir borgarmenn lemja hann grjóti til bana. Þannig skalt þú útrýma hinu illa burt frá þér, og allur Ísrael skal heyra það og skelfast. - 5. Mósebók 21:18-21

Vilt þú láta aflífa galdrakonur og útrýma flestum drengjum og unglingspiltum á Íslandi, ef þeir hafa einhvern tímann óhlýðnast foreldrum sínum?

[Gunnar Rögnvaldsson, 23.3.2018 kl. 02:46]

Þakka þér Theódór.

Sumir páfagaukar kunna að tala. Þeir vita þó ekkert um hvað þeir eru að tala.

Gamla testamentið er kennslubók í óhlýðni. Hún er kennslubók í því að það er ekki nóg að hlýða bara lögum manna, lögum einræðisherra, smákónga og jafnvel lögum Guðs. Það er ekki nóg til að halda sér sem fullvalda ríki, fullvalda einstaklingar og að gefa okkur gott mannlíf. Enda snýst allt það mest spennandi í bókinni um að án aðstoðar góðra manna, er heimurinn sem Guð er að reyna að reisa, frekar glataður staður. Hann þarf aðstoð góðra manna.

Ljósmæðurnar neituðu að hlýða lögum og drápu ekki Gyðingabörnin, heldur björguðu þeim. Og að það eru lög mannanna en ekki lög Guðs sem gilda í landi Ísraels. Konur kvörtuðu yfir lögum Guðs og sendu Móses aftur upp á fjallið til að fá þeim breytt. Og þeim var breytt og Guð var enn ánægðari með lagaverkið fyrir vikið. Gott kennslubókardæmi í góðri lagasmíði á æðstu stofnunum. Ekkert sem sendur í þessu riti er haft þar með án mikilvægrar ástæðu. Allt sem þarna er, hefur dýpri meinungu.

Lögin eru ekki nóg og Guð getur haft rangt fyrir sér. Það er móralinn í þessum ritningum. Hættu að hlýða öpum Theódór, það er það sem þarna stendur. Hættu að hlýða Hitler götunnar og Hitler stofnana. Þú getur ekki afsakað þig með því að stunda bókstafstrúarlestur. Þú verður að skilja. Þú verður að klífa fjallið. Annars sérðu ekki neitt. Hér er ágætis byrjun: Glímt við Guð

Auga fyrir auga þýðir ekki að rífa eigi augun úr fólki, heldur er um uppskrift að tryggingafélögum Vesturlanda að ræða. Ef þú og nógu margir aðrir halda áfram að lesa Gamla testamentið eins og páfagaukar, þá endum við sem Egyptaland. Já, sem úníversal-imperíal heimsveldi sem heggur öll horn og sérkenni af öllum þjóðum Guðs og gerir heiminn að helvíti á jörð.

Kveðjur

[Theódór Norðkvist, 23.3.2018 kl. 10:53]

Margt til í þessu hjá þér um páfagaukalærdóminn, þó ég eigi erfitt með að sjá hvernig það gerir heiminn að betri stað, að roðfletta ungbörn að neðan.

[Gunnar Rögnvaldsson, 23.3.2018 kl. 11:25]

Þakka þér aftur Theódór.

Hvaða þvæla er þetta. Fóru lömb úr bæði ull og skinni við mörkun?

Í Bandaríkjunum eru karlmenn umskornir sem heilbrigðisráðstöfun. Að eiga fæðingarrétt á heimalandi sínu Ísrael er það sem um er að ræða fyrir t.d. Gyðinga. Þetta er þrjú þúsund ára hefð hjá þeim og hún er algerlega gersamlega skaðlaus og það sem meira er: enginn er að kvarta undan neinu.

Á þá ekki að banna bólusetningar ungbarna líka? Þar er  framandi efni dælt inn í líkama nýfæddra barna. Ég vona sannarlega að sú verði EKKI raunin, en það kæmi mér ekki á óvart að tölfræðilega sé hægt að sýna fram á að "skaðleg" áhrif bólusetninga eru himinhátt meiri en við umskurð drengja.

En eins og við vitum þá fylgir því viss áhætta bara að vera til. En útrýmingaráhættan fyrir fóstur á Íslandi er það sem mér finnst að frekar ætti að ræða en þetta fáránlega umskurðarmál sem er bara enn eitt ófriðarmálið. Þar er um að ræða 30 þúsund fóstur sem hefðu flest getað fæðst heilbrigð, en gerðu það ekki. Ég er hér með EKKI að mælast til að fóstureyðingar séu bannaðar. En þúsund fóstureyðingar í landi stútfullu af getnaðarvörnum finnst mér vera húrrandi skandall og ábyrgðarleysi. Hvað er að fólki? Er það heiladautt?

Kveðjur

[Theódór Norðkvist, 23.3.2018 kl. 20:12]

Sammála þér um fóstureyðingar, sem aðstandandi barns með Downs. Tökum þessau umræðu síðar og takk fyrir góða pistla. Keep up the good work, bestu kveðjur, TN från Skåne.

[Gunnar Rögnvaldsson, 23.3.2018 kl. 20:48]

Þakka þér TN.

Svo þú ert á Skáni. Ja hérna. Mér fannst nú Ystadkorv og Prestosturinn ansi góður. Og pylsur með kartöflustöppunni þeirra er tær snilld. Fegnum alltaf heitar Ystadkorv í vinnunni á föstudagsmorgnum.

En nú hef ég hins vegar allt. Slátur, svið, lundabagga, hangikjöt, harðfisk, ýsu, hamsatólg, lambaskrokka, ærkjöt, ærhakk, bláber, krækiberjasaft, hrossakjöt, trippin, silung og svo besta fisk sem hægt er að fá. Og hef líka alltaf betra og meira spennandi veður en hvar sem skyldi vera í heiminum.

Aldrei skánsk grámygla hér, þar sem fólkið verður svo grátt að það jafnast út við jörðu. Það er auðveldara að þrauka íslenska þorrann en að þrauka skánska grámann þar sem skiptist á grátt og blýgrátt. En svo kemur skánska vorið og það fannst mér besti árstíminn þarna um slóðir. Vorið er einstök árstíð þarna.

Bið kærlega að heilsa gömlu Skáni

- og bestu kveðjur

[Theódór Norðkvist, 23.3.2018 kl. 20:56]