Angela Merkel kom skríðandi til Póllands

Fyrir kosningar lét hún höggin dynja á Póllandi. Og ef Pólland væri á evrum þá væri komin krísa í peningamál landsins. En svo er ekki, þökk sé sjálfstæðri mynt Póllands

En svo komu þýskar kosningar og þar tók það kanslarann heila esb-pólitíska miðöld að mynda nýja ríkisstjórn. Þar lafir persóna hennar nú á tíu atkvæða meirihluta í kanslaraembætti. Það var því lágreist Merkel með blauta púðurdós í vasa sem kom til Póllands á fyrsta erlenda stoppi hennar sem endurkjörin, ef litið er burt frá Lotharinga-ferð hennar á biðstofuna í París

En hvað er hún að gera til Póllands? Jú hún vonast til að Weimar-þrennan geti veitt henni pólitískt vogarstangarafl gegn þýska miðflóttaaflinu sem er að tæta Evrópusambandið í tætlur. Hún vonast til að þrennan -Frakkland, Þýskaland og Pólland- geti orðið vettvangur fyrir pólitískan stuðning við UHU-límtúbuna sem hún er að reyna kreista síðustu endurlífgunartilraunina á Evrópusambandinu upp úr. Vonast er til að Pólland geti kallað önnur ríki Austur-Evrópu með í örvæntingar-hoppið ofan á límtúbunni

Ekkert land í Evrópu er eins háð Evrópusambandinu og Þýskaland. Hinn svokallaði "innri-markaður" er efnahagslegt einka öryggis- og nýlendusvæði Þýskalands (e. buffer-zone). Án þess er efnahagur Þýskalands búinn að vera, því það verðmætasta sem til er á Vesturlöndum í dag er eftirspurn. Hana hefur Þýskaland alls ekki

Það hefur þó ekki enn físað inn hjá Merkel að Pólland, en ekki Þýskaland, er á leið að verða ný-mikilvægasta ríki meginalands Evrópu. Sá skilningur kemur síðar, með flugpóstinum frá Washington, því talandi hausar Þýskalands segjast geta samþykkt Rússland upp að landamærum Póllands. Og svo er það Nord-stream leiðslan sem keisari Merkel er vel hugsanlega að kveikja í Úkraínu með og þar með Póllandi líka

Mánudaginn 25. apríl 2005 sagði Vladímír Pútín að hrun Sovétríkjanna hefði verið "stærsta pólitíska katastrófa 20. aldarinnar". Þessi fyrrverandi agent KGB sagði þetta í ávarpi til þingsins. Og það er ekki tilviljun að þessi forseti Rússlands skuli hafa komið úr röðum KGB-manna. Rússlandi hefur alltaf verið haldið saman með þannig "öryggis-apparati". Ekkert annað afl en leyndur og ljós terror getur haldið Rússlandi saman sem ríki

Hvað hugsar maður sem sér fall Sovétríkjanna sem stærstu pólitísku katastrófu 20. aldarinnar. Já það er nú það. En ef forseti Rússlands héti ekki Pútín í dag, þá héti hann bara öðru nafni, en Rússland væri samt alveg eins; þ.e. Rússland, byggt á rússneskum hefðum

Fyrri færsla

ESB hefur þrjá daga til að forðast viðskiptastríð

Athugasemdir

[Borgþór Jónsson, 21.3.2018 kl. 13:43]

Ef þú heldur að þetta séu högg sem ríða á Póllandi þá er það mikill misskilningur.

Þegar Nordstream pípan verður komin ,þá áttu eftir að sjá högg.

Í dag halda Úkrainskir nasistar og pólverjar,Evrópu í gíslingu með að hóta að skrúfa fyrir gasið.Með lagningu Nordstream 2 snýst þetta við. Þá halda Þjóðverjar um kranann öðru megin,en Nasistar um kranann hinumegin. Rússar halda svo um stóra kranann.Eina leiðinf fyrir Pólverja verður því að kaupa LNG frá Bandaríkjunum og hækka með því gasreikninginn um 40%.

Í þessari stöðu verða Þjóðverjar þunghöggari.

Það er alveg makalaust hvað Pólverjar eru alltaf lánlausir með að velja sér félaga. Eftir að Rússar eyddu Litháensk Pólska sambandsríkinu ,hefur hver bommertan riðið á eftir annarri.

Draumurinn um endurreysn þessa sambamdsríkis nær aldrei að slokkna virðist vera. Fyrst reyna Pólverjar að húkka sér far með Napoleon en allir vita hvernig það fór. Næst sjáum  við þá reyna í lok borgarastyrjaldarinnar í Rússlandi 1918. Síðan húkka þeir sér far með Nasistum inn í Tékkóslovakíu ,við vitum hvernig það fór.

Nú eru þeir enn einu sinni að spyrða sig saman við hnignandi stórveldi ,til að reyna að verða stórir aftur. Það er nokkuð fyrirsjánlegt hvernig það fer.Það er ekkert svo langt þangað til Bandaríkjamenn neyðast til að segja skilið við heimsyfirráðadrauminn,og þá standa Pólverjar uppi gaslausir og bensínlausir og Evrópustyrkurinn gufaður upp.

Þegar pípan góða verður komin,verður hægt að hefjast handa við að hreinsa til í Evrópu. Nasistarnir þurfa að víkja úr Úkrainu og sennilega þarf að skifta henni upp á milli Rússa,Pólverja og Hvítrússa. Ég held að þessi Úkrainutilraun sé fullreynd.Það þarf aðra Yalta ráðstefnu þar sem Rússar fá allt land að Dnépr og sunnan Cherkaska héraðs.Ekki væri vitlaust að henda Moldovu inn í þann díl

Hvítrússar fái nyrstu héröðin ,en það er spurning hvað er hægt að gera við rest. Það er varla hægt að leggja það á nokkra þjóð að innlima þann ófögnuð sem þar þrífst.Það er kannski hægt að hafa það sem dvergríki þar sem menn geta rifið augun hver úr öðrum sér til dægrastyttingar. (Í óeiginlegri merkingu að sjálfsögðu.Ef þeir fara raunverulega að gera það þarf náttúrlega að grípa inn í)

Pólland er þurfalingur sem er ekki að fara neitt.

[Jón Steinar Ragnarsson, 21.3.2018 kl. 14:03]

Merkel þarf að hafa þrælakistur ESB góðar. Láglaunasvæði gamalla austantjaldsríkja ril að vinna skítverkin er hryggjarsúlan í bandalaginu.