Spái Sjálfstæðisflokknum 34 prósent fylgis í næstu kosningum

Upptaka í gær: Ávarp formanns hefst á tíundu mínútu

****

Landsfundur Sjálfstæðisflokksins er settur. Bjarni Benediktsson, leiðtogi flokksins, setti fundinn í gær og krafðist áframhaldandi fulls og óskerts fullveldis Íslands, stundvísi og aga. Ferming og fullfermi Íslands er í gangi. Hún stendur yfir og bát Bjarna verður ekki ruggað. Hann kemur heill til hafnar og landar fullfermi í næstu kosningum, vegna þess að aðgát var höfð í nærveru afla. Staðfast og með varkárni siglir hann fullfermi Sjálfstæðisstefnunnar í land. Rugg er ekkert, því þungt er haldið um stýrið og stefnufesta á stíminu skilar aflanum heim

 

Áfram með róðurinn kæru Sjálfstæðismenn. Róið Íslandi heim!

 

Happafley Íslands: Sjálfstæðisflokkurinn

****

 

Fyrri færsla

Hver er munurinn á viðbrögðum Bretlands og Berlín-Brussel við efnavopnaárás?

Athugasemdir

[Halldór Jónsson, 17.3.2018 kl. 16:04]

mæltu manna heilastur Gunnar

[Gunnar Rögnvaldsson, 17.3.2018 kl. 20:07]

Þakka þér Halldór.

Já þetta liggur í loftinu. Bjarni er nálgast landið með fullfermi.

Kveðjur

[Jón Steinar Ragnarsson, 18.3.2018 kl. 11:58]

Það er erfitt að keppa við Dag í borginni sem notar prókúru  borgarinnar til að kosta pótemkíntjöld framtíðardraumanna.

Siðasta útspilið er jú snilld. Hann fann út að fólk vantaði bara spýtur og sög og málningu og fjörug lög. Borginn hendir upp fimmhundruð líkskáoum fyrir kúk og kanel, sem fólk getur svo innréttað sjálft næstu áratugi. Nostalgían er að fölk fái aftur að búa í fokheldu með vírana úr loftinu, silfraða einangrun milli bita, einn rafmagnsofn, prímus og vaskafat í eldhúsígildinu. Þvottabalinn fær svo uppreist æru í baðherbergisígildinu.

[Gunnar Rögnvaldsson, 18.3.2018 kl. 15:35]

Þakka þér Jón Steinar.

Reykjavík skiptir ekki svo miklu máli lengur. En það gerir hins vegar landsstjórnin og alþingiskosningar. Ef Reykjavík sekkur dýpra þá er það bara þannig. Sama er mér.

Kveðjur 

[Guðbjörg Snót Jónsdóttir (IP-tala skráð) 18.3.2018 kl. 17:47]

 Sjálfstæðisflokkurinn stendur vel fyrir sínu. Það er rétt, en eigum við nú ekki ætla, að Eyþóri takist að skora hærra en þessi 34%? Það er samt augljóst, að það verður harður slagur milli Sjálfstæðisflokksins og Samfó eftir síðustu skoðanakönnunum að dæma, hversu mikið sem er svo að marka þær. Við skulum bara vona, að Eyþór hafi betur í þeim slag. Þrátt fyrir þær prósentutölur, sem alltaf er verið að gefa Samfó, þá held ég nú, að fólk sé búið að fá sig alveg fullsatt af Degi og kó. Ég hef líka verið að leiða að því líkum, að fjölgun atkvæða Samfó skýrist af því, að BF er við það að lognast út af, ef sá félagsskapur er ekki alveg dauður nú þegar. Hins vegar skil ég ekki, hvers vegna fólk velur þá ekki heldur VG frekar en Samfó, þar sem svo virtist, að VG hefði vinninginn yfir Samfó í síðustu alþingiskosningum, auk þess sem sá flokkur er nú í ríkisstjórn, og sú stjórn ekki sem verst og gengur býsna vel á margan hátt. Hins vegar er kosningaslagurinn rétt að byrja, svo að við skulum bíða og sjá, hverju fram vindur, þegar nær dregur, og hvort við förum þá ekki að sjá marktækari prósentutölur þá. Við verðum bara að vona það besta.

[Ragnhildur Kolka, 18.3.2018 kl. 17:51]

Samfylkingin kann að gera sér mat úr aðstöðunni. Minnist þess þegar Ingibjörg Sólrún flutti Listahátíð fram í fyrripart maí til að geta mætt á nógu marga merkisatburði, hitt mann og annann og verið alls staðar í mynd fyrir kosningar. 

Eyþór Arnalds fær hins vegar ekki mæta á fund sveitarstjórnarmanna svo hann skyggi ekki á lokkadrengin.  

[Gunnar Rögnvaldsson, 18.3.2018 kl. 19:18]

Þakka þér Guðbjörg Snót.

Ég er nú að tala um næstu alþingiskosningar og spái Sjálfstæðisflokknum þar 34 prósentum atkvæða.

Hvað verður um um bæjarstjórn Reykjavíkur er undir Reykvíkingum komið en ekki mér.

Og þakka þér einnig Ragnhildur. 

Kveðjur