Donald J. Trump heimsækir Pólland fyrst

Mynd: Evru-upptakari

Þegar þessi frétt er lesin (sjá neðst) þá er ljóst að stór hluti fólks í veröldinni hefur tapað vitinu, eða jafnvel aldrei haft það

Ef að Pólland hefði megnað að halda fullveldi sínu á lofti, þá hefðu Þjóðverjar ekki getað tekið land Pólverja af þeim, til að láta Deutsche Bank fjármagna þar bygginu útrýmingarbúða í Auschwitz fyrir þýska ríkið. Þýskt byggðar búðir þar sem þýskir stjórnmálamenn tortímdu svo milljónum Gyðinga og þar á meðal Pólverjum sjálfum. Það eina sem hefði getað komið í veg fyrir þetta var þungt vopnað fullveldi Póllands til að drepa vonda menn með vopn. Athugið að innrásir með pennum og pennastrikum eru oft sama eðlis

En fullveldi Póllands reyndist of veikburða til að standa á móti þýskum stjórnmálamönnum og því fór sem fór. Ríkisstjórn Póllands gat ekki verndað líf, limi og eignir borgaranna. Þetta veit Beata Maria Szydlo, forsætisráðherra Póllands, mjög vel. Enda vopnast Pólland eins hratt og það getur um þessar mundir til að styrkja fullveldi sitt á ný, meðal annars til að geta mætt rússneska hernum ef með þarf og svo til að verjast árásum Evrópusambandsins, sem komið er með þýskan kanslara sem nýjan keisara á sviknu skafti yfir lífi 500 milljón manna - og sem allir muna ákaflega vel hvað gerðist síðast er Þýskaland réði of miklu

Ef að Gyðingar hefðu sem þjóð haldið fullveldi sínu þá hefðu þeir getað varist í sínu eigin landi og ekki mátt þola að verða leiddir sem varnalaus þjóð til slátrunar innan í annarri þjóð, sem sannarlega var sturluð og til einskis treystandi. Þjóðaröryggisstefna þjóða getur aldrei byggst á því að vona hið besta, eins og er í Evrópusambandinu núna

Þegar svo upp úr sýður næst þá er þungt vopnuðum Pólverjum að mæta. Ekki þurftu menn því að undrast að Donald J. Trump segði heiminum frá því í síðustu viku að hann, já hann, myndi heimsækja Pólland þann 6. júlí næstkomandi. Þar mun hann skoða framvindu byggingar Intermarium og hvetja lönd þess til dáða, en ekki til brusselsks aumingjaskapar

Þýskaland segist geta sætt sig við Rússland upp að landamærum Póllands. Svo mikla og króníska aumingja hefur Pólland sem sína næstu nágranna. Mikilvægasti bandamaður Póllands eru Bandaríki Norður-Ameríku og Stóra-Bretland. Fer Donald J. Trump því FYRST til Póllands, áður en hann fer á G20-fund til Hamborgar, til að slá þar á króníska útskipunarfíkn Þýskalands, sem er að rífa meginlandið í tætlur

Skál fyrir Póllandi! Þeir eru óhræddir við hugtökin ættjörð og þjóð. Þeir eru með öðrum orðum heilbrigðir enn. Allt gott fólk er þjóðernissinnað, því það styður sjálfsákvörðunarrétt þjóða, en vinnur ekki stanslaust að afnámi hans eins og ESB-sinnar gera. En úr vestri sækir vont ESB-fólk að Pólverjum fyrir að voga sér að vera normal þjóð í eigin landi. Það fólk veit ekkert og hirðir ekkert um aðstæður Póllands, hefðir þess né sögu. Það fólk er úniversalistar og þannig fólk er heiminum hættulegt, því það er svo fávíst

Fyrri færsla

ESB-tröllasamkunda meginlandsins; bless!

Ósmekkleg ummæli á minningarathöfn Auschwitz

Athugasemdir

[Helga Kristjánsdóttir, 16.6.2017 kl. 02:59]

Það minnir mig á atriði úr kvikmynd sem ég sá ung að árum og heitir Unaðsómar. Hún er byggð á ævi tónskáldsins Fréderik Chopin.Eitt minnisstæðasta atriði úr myndinni er þegar landar hans höfðu lagt hart að honum að leika til styrktar(eða heima)í Póllandi,en var tregur til.þar kom að hann lét sig og komst við þegar þeir færðu honum pyngju með mold fósturjarðar hans.Heldrðu Gunnar minn að jaxlarnir skylji þessa yndisfögru tilfinningu?

[Bjarne Örn Hansen (IP-tala skráð) 16.6.2017 kl. 09:56]

Þegar við erum að tala um bíómyndir þá dettur mer í hug amerísk mynd þar sem þeir fóru svo hratt inn í Þýskaland að byrgðaflutningar höfðu ekki við svo þeir stoppuðu á næstu þýsku olíu birgðastöð tiger skriðdreka og fylltu bensíntanki sína með þýskri hráolíu.

eg mæli með því að Gunnar her hinn alvitru setji gamla svarta og ógeðslega hraoliu á bensín tankinn hjá sér og kenni svo sjalfum sér um að trúa lyga þvættingnum.

[Theódór Norðkvist, 16.6.2017 kl. 13:29]

Gott hjá Pólverjum, einu stjórnmálamennirnir sem standa almennilega gegn útrýmingarbúðunum ESB, sem kúgar innlimaðar þjóðir sínar til að fjármagna eigin þjóðarmorð, koma frá Austur-Evrópu, Póllandi, Ungverjalandi og Slóvakíu/Tékklandi.

PS Getur einhver þýtt fyrir mig yfir á íelsnku, það sem Bjarne Örn sagði? Ég fæ engan botn í það.

[Gunnar Rögnvaldsson, 16.6.2017 kl. 14:43]

Þakka þér Helga fyrir athyglisverða frásögn um Frédéric Chopin. Vitjaði ég leiðis hans í París árið 2007, því ég held svo mikið upp á einmitt hann.

Það síðasta sem Pólska Útvarpið sendi út frá Varsjá áður en þýska útþensluliðið drekkti landi Pólverja í terror og lokaði á útvarpið í september 1939, var einmitt Polonaises hans Chopin.

Kveðjur

[Gunnar Rögnvaldsson, 16.6.2017 kl. 14:47]

Þakka þér Theódór.

Já. Virða verður menningarleg sem og önnur landamæri ríkja. Annars fer illa. Eins og sést svo greinilega í Evrópu. Þar syttist í teppasprengingar.

PS: pass

Kveðjur

[Sigþór Hrafnsson (IP-tala skráð) 16.6.2017 kl. 16:12]

"Þar styttist í teppasprengingar?" Hvað áttu við með því? Hvað eru teppasprengingar?

[Gunnar Rögnvaldsson, 16.6.2017 kl. 18:00]

Þakka þér Sigþór.

Þegar góðviðris-stofnunin EMU eða evran, fékk á sig sína fyrstu ágjöf þá lagði sú stofnun Evrópusambandsins efnahag evrulanda í rúst með seinkuðum teppasprengjum (carpet-bombing) massífs atvinnuleysis sem ekki sér fyrir endann á enn. Allt sem sú stofnun átti að lagfæra hefur hún gert mörgum sinnum verra en það var. 

Það saman hefur gerst með allar aðrar stofnanir Evrópusambandsins. Seinkaðar teppasprengingar vegna brottnáms innri landamæra Evrópusambandsins og hrun hinna yrti landamæra þess sem ESB var falið að vernda, eru þegar hafnar að vissu leyti.

En þær munu aukast og aukast í svo miklum mæli næstu mörg árin að úr getur orðið borgarastyrjöld sem leggur meginland Evrópu að velli. Menningarleg landamæri eru mjög "sticky" og verða ekki leyst upp nema með algerlega hörmulegum afleiðingum.

Þetta meginland mun brátt verða óþekkjanlegt sem mannabústaður eftir 50 ára teppasprengjuregn Evrópusambandsins.

Kveðjur

[Hörður Einarsson, 18.6.2017 kl. 20:11]

Góður Gunnar, haltu áfram eins og þú hefur gert fram að þessu.

[Gunnar Rögnvaldsson, 19.6.2017 kl. 08:01]

Þakka þér Hörður.

Kveðjur