Þýskaland ætti að segja sig úr NATO

Ein leiðin til að styrkja NATO væri sú að Þýskaland myndi fara úr varnarbandalaginu. Þýskaland hefur ávallt litið svo á að varnabandalagið þurfi ekki á sér að halda, því það neitar ávallt að taka þátt í öllu sem bandamenn þess lenda í og álita að þurfi að glíma við. Það tekur að vísu stundum pappírslegan 83-fyrirvara þátt, en svo ekki meir. Landið er með sérskoðun á öllu sem viðkemur NATO. Best færi því á að það segði sig úr NATO

Já. Þannig gæti Þýskaland lagt bandalaginu til vígvöll sem að mati þess sjálfs er bandalaginu sæmandi. Bandalagið hefur eðli sínu samkvæmt engu hlutverki að gegna innan varnarsvæðis þess. Og flestir hljóta að skilja það. Öll viðfangsefni bandalagsins eru utan þess. Og þannig á það að vera. Það á að verjast þeim hættum sem steðja að varnasvæði þess. Það er ekki hægt að setja bandalagið inn vegna sífellt ömurlegri þróunar árása á almenna borgara innan varnasvæðis NATO. Og Þýskaland neitar að taka þátt í og fjármagna alla getu bandalagsins utan varnarsvæðisins, sem myndi ráða niðurlögum vandamálanna sem svo verða innan þess

Með því að Þýskaland segði sig úr NATO þá væri loksins hægt að beita bandalaginu á stærsta vandamamálið sem Evrópa glímir við: sjálft Þýskaland

Þetta gæti verið lausnin. Þýskaland álítur að hernaðargeta NATO sé ekkert sem þarf að hugsa um. Það álítur að hlutverk bandalagsins sé helst pólitískt. Þarna væri hægt að sleppa NATO lausu á pólitíska vandamálið sjálft: á Þýskaland!

Fyrri færsla

Bandaríski flotinn tekur stjörnusiglingafræði upp á ný

Athugasemdir

[Brynjar (IP-tala skráð) 1.6.2017 kl. 09:33]

Sæll Gunnar.

Mig langar að spyrja þig hvort þessi færsla þín sé sett inn sem grín eða hvort þetta sé virkilega þín skoðun.

[Róbert Björnsson, 1.6.2017 kl. 09:34]

Auðvitað á Þýskaland - nýr leiðtogi hins frjálsa heims - að segja sig úr þessu merkingalausa bandalagi við Trumpistan hið fyrsta.

Mutti hefur þegar sagt opinberlega að Evrópa geti ekki lengur treyst á varnarsamstarf við Bandaríkin með þennan trúð í Hvíta húsinu.

Vissulega þurfa þjóðverjar að stór-auka útgjöld til varnarmála en lausnin er ekki að kaupa handónýtt Amerískt drasl eins og F-35 þotuna (sem nú er verið að skoða sem arftaka Panavia Tornado).  Nei og varla verður Eurofighter II framleidd í samstarfi við Tjalla-fíflin úr þessu og varla getum við stólað á Dassault og franskan áreiðanleika.  Nei, nú þurfum við að endurreisa þýskan flugvélaiðnað - Dornier, Messerschmitt, Heinkel, FW!  

Helst þyrftum við svo auðvitað að gerast kjarnorkuveldi sem fyrst og planta nokkrum ICBM U-boots við strendur Virginíu og Eistlands.  

Þýskaland hefur ekki lengur efni á þessu endalausa samviskubiti og niðurlægjandi þjónkun við "stórveldin".  Með snar-geðveika ólígarka-fasista bæði í Hvíta húsinu og Kreml er kominn tími fyrir frjálsa og óháða Evrópu til að hervæðast.  Hratt.

[Gunnar Rögnvaldsson, 1.6.2017 kl. 09:58]

Þakka þér fyrir Brynjar.

Hvort mér er alvara? Mja.. pípan.. harðfiskur.. lýsi.. kaffi.. púff.. jú hérna kemur það; eiginlega er ég ekki alveg viss hvað ég meina. Þarf fyrst að ráðfæra mig við borgarstjórnarmeirihluta Reykjavíkur, því ég hef svo litla reynslu í að styðja við svona málstað.

En er þetta svo alvont hjá mér, ef þetta skyldi þá vera meining mín, fyrst að Þýskaland álítur að hernaðargeta bandalagsins sé ekki aðalatriðið, heldur að það sé fyrst og fremst pólitískt bandalag. Þýskaland segist geta samþykkt Rússland upp að landamærum Póllands, veit ekki hvoru megin, svo þýska kanslaraínan hlýtur að geta sætt sig við NATO við sömu landamæri.

Bara datt þetta svona í hug og hlakka til bæjar- og sveitastjórnarkosninganna.

Kveðjur 

[Gunnar Rögnvaldsson, 1.6.2017 kl. 10:23]

Þakka þér fyrir Róbert.

Verð víst að valda hér vissum vonbrigðum. Evrópa er einungis landfræðilegt heiti á skaga sem rennur út úr Rússlandi. Þar er ekkert sem hægt er að "hervæða".

En hins vegar væri hægt að búa til nýtt Stór-Þýskaland eða Germaníu, eins og þetta sem þú lýsir var kallað.

Býrðu ekki ennþá í friðarbandalagi Evrópusambandsins  í Trier í Þýskalandi, Róbert? Mér heyrist það svona á þér.

Kveðjur

[Bjarne Örn Hansen (IP-tala skráð) 1.6.2017 kl. 19:54]

Sammála Brynjari ... auðviðat á þýskaland að segja sig úr NATÓ.  NATÓ var aldrei varnarbandalag, heldur bandalag til að afvopna evrópu ...

Hver sá, sem heldur að ef Rússar myndu beita sínum Sarmat II, að bandaríkjamenn myndu fórna sér og fremja "kollektivt" sjálfsmorð, fyrir Íslendinga ... er ekki bara illa gefinn, heldur hreinlega vangefinn.

[Bjarne Örn Hansen (IP-tala skráð) 1.6.2017 kl. 19:56]

Sammála Róbert