Donald J. Trump gengur vel og samkvæmt áætlun

Kosningabarátta hans snérist að miklu leyti um að alþjóða-(universal-imperíalista)-kerfið væri orðið rammskakkt, öfugsnúið, illa meinandi og illa þjónandi fyrir þjóðríki á borð við Bandaríkin, og það sett þannig upp, að það ynni gegn hagsmunum kjósenda bandaríska þjóðríkisins. Punktur

Donald Trump er greinilega að ná miklum árangri hér með því að setja þetta kerfi allt í uppnám. En uppnám er forsenda þess að breytingar geti orðið. Hann setur alla alþjóða-(universal-imperíalista)-elítuna algerlega úr jafnvægi með því að gera einmitt það sem hann sagðist ætla að gera. En það má ekki samkvæmt kokkabókum alþjóðavitringa. Elítan stendur og skelfur og getur bara alls ekki ímyndað sér hvað Donald J. Trump muni gera næst, því hún kann hvorki að lesa né hlusta

Kína skelfur á brauðfótum Kommúnistaflokksins, sem flokkurinn hélt að væru komnir til að vera. Flokkurinn skelfur af ótta við að verða lokaður inni í eigin búri með útflutningsfíklinum sjálfum sér. Alveg hroðaleg staða að þurfa kannski að fara framleiða eitthvað ofna í 1,3 milljarða fátæklingaveldi landsins. Það gæti endað með velmegun sem kollvarpar kúgunarkerfi flokksins. Alveg skelfilega tilhugsun. Og svo eru þeir logandi hræddir við að lenda í því að þurfa að beita einu beinagrindinni að eina flugmóðurskipi landsins áður en það verður sjóklárt og bardagahæft árið 2023, og jafnvel að beita einnig hluta af sjálfum kínverska hernum sem flokkurinn má ekki missa úr hlutverki sínu sem innvortis einkalífvarðarherafli flokksins gegn fólkinu. Tíu bandarísk flugmóðurskip með ótakmarkaða drægni og sem þurfa ekki að leita hafnar nema á 25 ára fresti og þeirra ellefu ballett-dansandi hersveitir á heimshöfunum (carrier strike groups) standa andspænis hinni einu beinagrind kommúnistaflokksins, í höndum fávita, ásamt strategískum sprengjuflugsveitum Bandaríkjanna á Diego Garcia og Guam, svo ég tali nú ekki um flotastöð þeirra í Japan. Þessu getur Trump siglt af stað og lokað Kína inni í sjálfu sér án þess að þeir fái neitt við ráðið

Þýskaland er einnig í einu allsherjar uppnámi og heldur skjálfandi um peningapoka landsins sem fylltur hefur verið upp með gengisfölsun. Stærsti poki í heimunum. Stærri en svindlpoki Kína. Fallbyssurnar hans Péturs Navarro, viðskiptavaktstjóra Trumps, eru nefnilega að undirbúa ósamhverft 360 gráðu fallbyssuskot á poka Þýskalands, því landið uppfyllir með 100 prósent öryggi þrjú af þeim fjórum skilyrðum sem ríkisstjórn Óbama setti, en þorði ekki að gera neitt í, til að hægt sé að finna og stimpla heil ríki sem gengisfalsara. Fjórða skilyrðið mun Trump sjá um að opinbera sem fúpp og fídus Þýskalands (þ,e. dagsgengi evru eða raungengið).

Þegar Þýskaland brasar saman og þarf að fara í útflutningsafvötnun og búa til innlenda neytendur, sem á fagmáli kallast börn eða afkvæmi, þá detta þýsku og kínversku gengisfalsararnir í gagnkvæma depurð, ESB lognast útaf og verksmiðjur beggja landa í Mexíkó fara á hausinn, samtímis

Andspænis alþjóða-(universal-imperíalista)-kerfinu stendur Donald Trump, tundurspillirinn sjálfur, sem enginn veit hvað gerir næst. Þetta er strategísk staða sem enginn annar forseti Bandaríkjanna hefur getað skapað til að nýta sér, síðan að Richard Nixon sat í Hvíta húsinu. Og eins og það sé ekki nóg, þá nýtur Donald Trump einnig gæfu sama fávitastimpils og Ronald Reagan naut næstum öll sín átta ár í sama embætti. Að hann hefði ekki vit til setu í þessu Hvíta húsi kjósenda Bandaríkjanna

Donald J. Trump gengur sem sagt vel og samkvæmt áætlun

Fyrri færsla

"Kostir" fjölmenningar: Sýrland brennur

Athugasemdir

[Bjarne Örn Hansen (IP-tala skráð) 8.2.2017 kl. 11:16]

Þessi grein þín byrjar vel en þegar þú komst að Kína for þetta bara út í hálfvita blaður hjá þér sjalfum. Ef þú ætlar að tala um Kína ættir þú að búa þar um hríð og kynnast landi og þjóð. Læra til dæmis tungumálið. Sjálfur er ég ál talandi á tungumálinu giftur Kínverja og búið þar. Og að lesa svona afturhald samt bull sem er jafn gamalt og úrelt og í hoover, þá verður greinin bara hjal úr manni sem veit litið um hvað hann er að tala.

[Gunnar Rögnvaldsson, 8.2.2017 kl. 12:04]

Sæll Bjarne Örn.

Já, Kína er Kína en samt ekki Kína. Það er í reynd eitt land sem hýsir Han-kínverja og þar er til fólk sem lifir ekki algerri í fátækt úti við sjávarsíðuna. En þegar komið er 200 km inn í það land þá eru peningarnir horfnir og kaupmátturinn næstum enginn. Á bak við þetta Han-Kína eru fjögur önnur lönd Kína og sem mynda eins konar stuðara-hring fyrir aftan Han-Kína. Þetta eru Tíbet, múslímar Xinjaiang, Innri-Mongólía og Manchuría. Öll þessi 4 innri lönd Kína hata Han-Kína og einnig hvort annað. Þessi 4 lönd fæða Han-Kínverja og láta vatnið renna niður til þeirra, ef þeim sýnist svo.

Og svo er enn eitt Kína og sem er hið ríkasta Kína af öllum og stendur fyrir framan og framar öllum hinum 5-Kína, en það er Taívan, sem er eina löglega Kína, lýðræðislega séð.

Ef að Han-Kína opnar landið út á við til hafs gagnvart umheiminum, þá getur Han-Kína auðgast og þrifist. En við það missir Kommúnistaflokkurinn völd. Þetta hefur nú þegar gerst og því er verið að hreinsa til þarna með úthreinsunum eins og í Sovét. Opnun landsins var farin að grafa undan flokknum. Þess vegna þarf það að loka sér meira á ný svo að flokkurinn missi ekki völdin. Því meira sem landið lokast, því sterkari stöðu fá bakstuðaralönd Kína í gegnum flokkinn og landið helst áfram fátækt og flokkurinn valdamikill. En herinn er eins og ég segi, innvortis herafli gegn fólkinu en ekki útvortis her. Hann gæti ekki einu sinni tekið Taívan á sitt vald.

Þetta er sú staða sem einkennir Kína. Um leið og kommúnistaflokkurinn missir völdin, þá brotnar Kína upp í þessi og fleiri lönd, og þau munu freista þess að rífa sig laus frá Han.

Leið kínverska kommúnistaflokksins til að koma núverandi Lenín-með-vindil veldi sínu á í landinu var að framkvæma sovéskar 5-ára fjárfestingar-áætlanir og sem áttu að fjármagna uppbyggingu Kína með því að leyfa deildum erlendra ríkja að reka samsetningaþrælabúðir sem sköffuðu landinu gjaldeyrir í þessar fjárfestingaráætlanir. Þær hafa hins vegar sýnt sig að vera stærsta rangstæða staðsetning fjármagns í sögu mannkyns og eru að enda eins og fjárfestingar Sovétríkjanna, sem tóm tjara.

Stjórnmálamenn hafa af öllum mönnum mannkyns alltaf haft minnst vit á peningum. Þetta er búið í Kína núna í bili og við mun taka hert einræði og enn árásargjarnari staðsetning vafasams fjármagns fyrir utan landssteina Kína, því ekkert borgar sig lengur heima í Kínverska hagkerfinu. Þetta veit Donald J. Trump og sópa mun hann líkelga sandeyjum flokksins burt, ásamt þessu með útflutninginn. Þetta er hann að taka til endurskoðunar

Kveðjur

[Halldór Jónsson, 8.2.2017 kl. 17:45]

Þér hefur sjaldan tekist betur upp. Ef Bjarne Örn Hansen mislíkar tónninn þá er það gæðastimpill í mínum augum.

En ég tek samt ofan fyrir honum fyrir að tala kínversku og skilja, það myndi ég vilja geta en get ekki lært.

 En hann skilur ekki Donald Trump fyrir því né afl Bandaríkjanna. Kína er pappírstígur sem stendur á brauðfótum þó þeir hafi lifað vel um stund á Vesturlöndum.  Þeir eru ekki sjálfbærir hinsvegar þó þeir geti  lagt undir sig Ísland.

 Þetta er frábær pistill Guinnar

[Gunnar Rögnvaldsson, 8.2.2017 kl. 21:25]

Þakka þér innlitið og kveðjur Halldór.

Kína mun fyrst og fremst reyna að nálgast Filippseyjar en einnig fleiri lönd í nágrenni þess á einn eða annan hátt, til að reyna að núlla út hættuna á að lokast inni í búrinu sem það hefur smíðað. Nágrönnum Kína í Asíu stendur bara alls ekki á sama um það sem þeir eru að reyna að gera í Suður-Kínahafi. Spennan eykst og Japan er orðið áhyggjufullt yfir laumuferðum Kína inn í lögsögu Japans sem hófust fyrir alöru seint á árinu 2012. Þessa sanddælingu Kína upp í eyjar sem þeir svo þykjast hafa lögsögu umhverfis þarf að stöðva.

Kínverski flotinn er sagður talsverður eða 450 skip, en þegar nánar er að gáð þá má segja að hann sé frekar 120 skip sem teljast geta til nútímalegra fleyta. Ekkert af þessu er kjarnorkuknúið og þarf á stanslausum bensínsstöðvaferðum að halda. Stutt er síðan að gufuskip Rússneska flotans gerði tilraun til að fylla á tankinn í Portúgal, án árangurs. Það skip hefur nú gufað sér heim á ný.

Kína óskar ekki eftir átökum við Bandaríkin, en þau óska hins vegar eftir því að núlla út löggun Bandaríkjanna yfir alþjóðlegum siglingarleiðum í Asíu. Með öðrum orðum; þeir eru hræddir, og loftið myndi farar úr þeim um leið og ýtt er á blöðru þeirra. 

Kveðjur