Leita í fréttum mbl.is

"Kostir" fjölmenningar: Sýrland brennur

Une_carte_des_communautés_religieuses_et_ethniques_de_la_Syrie_et_du_Liban_(1935)

Mynd: Sýrland og Líbanon 1935; trúarlegt þjóðarbrota-yfirlit á fjölmenningarkorti

Að ekki skuli settur réttur stimpill á það sem er að gerast þarna, er alveg furðulegt. Þarna er fjölmenningarsamfélagið á hátindi sínum án þess að nokkur hirði um að nefna að þetta er hin stóra lokaútgáfa hennar; tortíming

Í Evrópu hefur Evrópusambandið í óþökk þjóðanna unnið hörðum höndum að því að leysa ríki Evrópu sem mest upp svo að þar geti myndast tómarúm (vakúm) fyrir áætlanir sambandsins til að flæða inn í og taka yfir sem flest og byggja þar nýtt imperíal-ríki. Þetta hefur hins vegar farið á annan veg eins og alltaf gerist þegar leysa á þjóðir passlega upp til að auka varnarleysi þeirra gegn því sem að ofan og utan kemur og á að troða upp í þær

Stóra ESB-planið er farið í vaskinn og inn í hið stóra vakúm varnar- og stjórnlítilla og laskaðra þjóða Evrópusambandsins, hefur kanslari Þýskalands nú hleypt inn hesti sem tekur á sig ömurlegan lit þess sem gefið afhent var ólögmætt vald yfir fjórða hluta jarðarinnar. Fimmtán milljón manns eru því á leið einmitt þangað sem girðingin hennar er lægst. Og svo er Evrópa orðin svo veikburða vegna Evrópusambandsins, að hún getur ekki lyft litla fingri til að koma á lögum og reglu í Sýrland, frekar en hún gat það er suð-austurhluti hennar logaði. Þetta mun því allt brenna til ösku. Evrópa er á síðasta snúningi, vegna þeirra sem sóttust eftir "valdi yfir fjórða hluta jarðarinnar"

Þegar lambið lauk upp fjórða innsiglinu, heyrði ég rödd fjórðu verunnar, er sagði: "Kom!" Og ég sá, og sjá: Bleikur hestur, og sá er á honum sat, hann hét Dauði, og Hel var í för með honum. Þeim var gefið vald yfir fjórða hluta jarðarinnar, til þess að deyða með sverði, með hungri og drepsótt og láta menn farast fyrir villidýrum jarðarinnar.

Þetta er líklega það sem koma skal í Evrópu. En Evrópuútgáfan verður að sjálfsögðu önnur, því sagan endurtekur sig aldrei eins. En koma skal hún, fjölmenningin

Fyrri færsla

Brjéf til: Hæstvirtrar Janet L. Yellen formanns seðlabanka


mbl.is Aftökur í leynifangelsum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ómar Ragnarsson

Hér er algerlega skautað fram hjá því að stríðið í Sýrlandi hefur ekkert með fjölmenningu að gera, heldur átök milli þjóðarbrota og átök múslima við múslima. 

Assad hefur minnihluta þjóðflokk sinn sem bakhjarl alræðis síns (rúmlega 10%) en mestu öfgatrúarmenn, sem um getur, ISIS, hafa fyrst og fremst ráðist gegn öðrum múslimum. 

Ómar Ragnarsson, 7.2.2017 kl. 12:40

2 Smámynd: Gunnar Rögnvaldsson

Sæll Ómar

Ástandið í Sýrlandi í dag er dauðastríð fjölmenningarinnar þar. Það er svona sem sú menning endar. Sem ragnarök. Þannig enda flest fjölmenningarsamfélög. Þau eru nefnilega ekki samfélög heldur sundurfélög.

Til að halda svona fjölmenningarsamfélagi saman þarf KBG, Stalín, endalausan innvortis terror og massífa fátækt.

Þetta lærðu Gyðingar á eigin líkama. Þeir flúðu Evrópu og stofnuðu sitt eigið þjóð-ríki. Eina lýðræðisríkið í þessum heimshluta. Og það virkar. Þjóðin er örugg þar á sínu eigin heimili. Hún ræður. 

Hélstu kannski að fjölmenning væri mataruppskriftir frá ólíkum löndum eða húðlitur?

Kveðjur 

Gunnar Rögnvaldsson, 7.2.2017 kl. 13:00

3 identicon

Þegar þjóðarbrot safnast saman á takmörkuðu svæði, þá myndast fjölmenning. Menning og siðir kljúfa þetta fólk frá hvort öðru og það safnast í getto. Stærst vandamál svía í dag er að flóttamönnum af ólíkum uppruna er komið fyrir í sömu byggingum, sem skapar óvinsemd, slagsmá, íkveikjur, ofbeldi og morð. Um leið og eitthvað af þessu fólki fær dvalarleyfi, þá flytur það í hverfið þar sem ættingjarnir og vinir búa. Fólk klýfur sig frá framandi fólki og þessi svokallaða "flölmenning" verður "ómenning" þar sem óreiða og skipulagsleysi ræður ríkjum.

valdimar jóhannsson (IP-tala skráð) 7.2.2017 kl. 13:16

4 Smámynd: Þorsteinn H. Gunnarsson

Nú er ég að fara á Hreppablótið í sveitum þar sem Ómar var í sveit A-Hún. Þar eru skemmtiatriði í föstum skorðum og bændur og búalið gera grín hver að öðrum og engin móðgast heldur fallast menn í faðma og syngja öll gömlulöginn saman á dansgólfinu. Þar er bara ein menning sem hefur haldist býsna lengi. Þ.e.r. að éta súrmat og hákarl og vera ævinlegir vinir þrátt fyrir rýskingar í göngum og ef til vill pústra í hreppsnefndum.

Þetta er að vísu svolítið að spillast eftir að farið var að syngja nýjulögin sem engin kann texta við. En menn eru eiginlega alveg hættir að slást, því útkastararnir eru svo öflugir.

Þorsteinn H. Gunnarsson, 7.2.2017 kl. 14:23

5 identicon

Sæll.

Hér er ágætt að taka allri þessari frétt með fyrirvara. Súnníar hata sjía og öfugt. Ég er ekki að reyna að bera blak af Assad en hann er allawiti (shjii) og  þess vegna hataður af súnníum. Vel má vera að þessi frétt sé sönn en hún getur líka verið uppspuni frá rótum.

Fyrir átökin í Sýrlandi fengu trúarhópar almennt að vera í friði en eftir þessi átök er öðru til að dreifa.

Átökin þarna í Sýrlandi eru fyrst og síðast átök á milli súnnía (sem eru meirihluti íbúa Sýrlands) og Sjía. Þessi átök eru ekki nema að litlu leyti borgarastyrjöld. Hverjir styðja uppreisnarmenn? Það eru auðvitað súnníríkin. Hvejir styðja svo Assad? Það eru aðrir sjíar í Íran og Líbanon.

Helgi (IP-tala skráð) 7.2.2017 kl. 17:46

6 Smámynd: Gunnar Rögnvaldsson

Þakka ykkur Valdimar, Þorsteinn og Helgi fyrir innlit og skrif.

Um 96 prósent af íbúum Anbar héraðs (Sunni meirihluti) og 55 prósent íbúa Mosúl (Sunni meirihluti), þ.e.a.s. flestir þeir sem búa á landsvæðum sem Mosúl er helsta borgin fyrir, sögðu á sínum tíma, árið 2005, nei við þeirri nýju stjórnarskrá Íraks sem nú hefur sent herafla sinn til að frelsa þá ekki frá en með því sem þeir vildu ekki samþykkja.

Það er engin leið að semja stjórnarskrá yfir svona mixtúru. Hún mun aldrei virka. Enginn mun virða hana og enginn mun verja hana. Hún yrði óverjanleg. 

Tyrkland er einnig að koma svangt til þessa kvöldverðar, sem er ekkert þorrablót. Þar er menntamálaráðuneytið Erdogans að búa sig undir að þurrka sögu Kemal Atatürk og þróunarkenningu Darwins burt úr námsefni skólakerfis Tyrklands. Þetta með Tyrkland er nú svo ótrúlegt að ég tek sannleiksgildi þessa með fyrirvara, en mér kæmi þetta alls ekki á óvart.

Tyrkland er á múrara-launum hjá Evrópusambandinu og ESB fjármagnar steypustöð Erdogans. 

Kveðjur

Gunnar Rögnvaldsson, 7.2.2017 kl. 21:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband