Sjálfstæðismaður kominn í Hvíta húsið

Einn stærsti atburður meira en bara nútímasögunnar fer nú fram, beint fyrir framan augu okkar

Nýr leiðtogi bandarísku þjóðarinnar er kominn í Hvíta húsið. Hann komst þangað fyrir eigin vélarafli. Hann skuldar engum neitt, nema þeim sem komu honum þangað; þ.e. kjósendum

Enginn bransi kom honum þangað. Engir hagsmunir komu honum þangað. Engir fjármunir annarra komu honum þangað. Enginn fjölmiðill kom honum þangað. Enginn flokkur kom honum þangað. Ekkert opinbert elítubatterí kom honum þangað. Og ekkert alþjóðlegt elítuálit kom honum þangað

Elítur allra fyrirbæra voru á móti honum. Allir valdamestu fjölmiðlar voru á móti honum, nema einn. Þeir ættu reyndar ekki að hafa nein mark á takandi völd, en þeir hafa það samt

Mest öll menningarelítan var á móti honum, sérstaklega sú til vinstri. Flestir pennar voru á móti honum, sérstaklega þeir til vinstri. Flestir hinir gáfuðu, með barnlausu greindarvísitöluna, voru á móti honum. Repúblikanaflokkurinn var að mestu á móti honum. Allt þetta batterí hafði Obama í bakið. Allt!

Donald J. Trump hefur ekkert af þessu. Hann hefur engan, - nema þá sem kusu hann. Hann hefur Bandaríkin. Hann stendur einn með þjóð sinni. En hann mun leiða hana áfram, hvað sem hver segir

Fyrri færsla

Landgöngulið Donalds Trump fer í bátana

Athugasemdir

[Óskar Helgi Helgason (IP-tala skráð) 24.1.2017 kl. 11:29]

Sæll Gunnar æfinlega - og þakka þér fyrir, margvíslega varðstöðuna gagnvart óhugnaðar öflunum Kapítalízku- Kommúnísku !

Í Guðanna bænum Gunnar minn: ekki / ekki bendla nafn þess ágæta drengs:: Donalds Jóhannesar Trump, við einn HÖFUÐ glæpaflokkanna íslenzku, sem þú gerir hér að ofan, í fyrirsögn þinni.

Vafalítið - athugunarlaus fljótfærni, af þinni hálfu, í annarrs ágætri hugleiðingu þinni, Gunnar minn.

Eins; og staðan er hér á landi í dag, mættum við þakka fyrir liðsinni Grænlenzkra og Færeyskra stjórnmálamanna:: já, og vestan frá Washington líka / sem og frá Pútín og hans fólki í Moskvu til þess, að við næðum að sjá á bak Engeyjar viðbjóði Bjarna Benediktssonar, og illþýðis þjófa gengis hans.

Í fullri alvöru talað - Bjarni og Óttar og Benedikt, kappkosta nú að skipta út landsmönnum, fyrir alls lags uppsóp fólks, frá Mið- Austurlöndum og nágrenni, þessa dagana.

Hugleiðum þá alvarlegu stöðu; síðuhafi mæti !

Með beztu kveðjum - sem endranær, af Suðurlandi /

    

 

[Gunnar Rögnvaldsson, 24.1.2017 kl. 11:51]

Þakka þér Óskar

Þar sem Bandaríki Norður-Ameríku urðu sjálfstætt ríki á undan Íslandi, og sem að síðar, í krafti einmitt sjálfstæðis og verndar þeirra, voru fyrst til að viðurkenna sjálfstæði Íslands, þá held ég að þú sért á miklum villigötum í forgangsröð þinni á atburðarás sögunnar sem bjó til hugtakið sem þér er orðið svona og algerlega óréttmætt illa við.

Einn mesti þjóðarleiðtogi sjálfstæðs Íslands og einn mesti Íslendingur allra tíma var einmitt Sjálfstæðismaður: hann heitir Davíð Oddsson!

Kveðjur að vestan

[Óskar Helgi Helgason (IP-tala skráð) 24.1.2017 kl. 11:57]

Sæll á ný: Gunnar !

Þakka þér fyrir - drengilegt andsvarið.

Ljóst má vera: að sums staðar náum við vel saman:: hugmynda fræðilega / annarrs staðar ekki, Gunnar minn.

Svo skal vera - um hríð að minnsta kosti, en ég hvet þig til áframhaldandi góðra hugleiðinga samt:: héreftir, sem hingað til, mæti Gunnar.

Með: ekki síðri kveðjum - fremur en þeim fyrri /

[Óskar Helgi Helgason (IP-tala skráð) 24.1.2017 kl. 12:14]

.... en: gleymum ekki heldur Gunnar, að Davíð Oddsson lagðist í EES foraðið með Jóni Baldvin Hannibalssyni á sínum tíma, með þeim afleiðingum, sem leiddu til atburðanna Haustið 2008, m.a.

Það - má Davíð Oddssyni ALDREI fyrirgefast, síðuhafi góður !

ÓHH

[Gunnar Rögnvaldsson, 24.1.2017 kl. 13:04]

Óskar

Þakkaðu því Davíð fyrir það að við erum ekki í Evrópusambandinu. Þakkaðu honum fyrir það.

Davíð Oddsson er sterkasti andstæðingur Evrópusambandsaðildar á Íslandi. Hafðu það í huga við bókhaldsuppgjör þitt á sögunni, Óskar.

Það er um að gera að fyrirgefa aldrei neinum neitt. Það var lagið. Það er leiðin fram á við, eða hitt þó heldur.

Enginn hefur sett kröfur sínar eins hátt gagnvart neinum stjórnmálamanni Íslandssögunnar eins og gagnvart Davíð Oddssyni. En það er eðlilegt, því miklar kröfur eru ávallt gerðar til leiðtoga sem um munar.

Ég myndi samt segja að þú, Óskar, ættir frekar aldrei að fyrirgefa Jóni Sigurðssyni forseta fyrir það að hann hafi stofnað til Reykjavíkur. Þú sérð hvernig það dæmi fór. EES varð jú til í Reykjavík.

EES-samningurinn er að falla saman. Reyndar er allur multilateralisminn, dulbúinn sem ókjörinn imperíalismi, að falla saman. Sem betur fer. En hver sá allt þetta fyrir. Gerðir þú það Óskar?

Ekki sá ég Trump koma, því fer fjarri, en mig grunaði það þó samt, og ekki sá ég Brexit koma, þó svo að mig grunaði það, og ekki sá ég kreppuna koma á þann hátt sem hún kom. En ég sé þó samt það sem komið er.

Það er þessa vegna Óskar, sem það er kosið á fjögurra ára fresti. Til að staðfesta það sem er. Kjör Trumps er staðfesting á því sem er. Brexit var staðfesting númer eitt á því sem er og koma skal.

Allir sem sjá, það sem er, og það sem hefur verið síðustu 30 árin, vita að Donald Trump hefur rétt fyrir sér. En enginn þorði að gera neitt í því. Þess vegna eru þeir svona á móti honum.

Kveðjur

[Óskar Helgi Helgason (IP-tala skráð) 24.1.2017 kl. 13:17]

Sæll sem fyrr - Gunnar !

Gunnar !

Donald Jóhannes Trump: og þeir Mikhaíl Ríkharður Pence, munu koma til með að spjara sig - ég hefi ekki stórar áhyggjur, af þeirra framvindu, svo sem.

Jón Sigurðsson frá Eyri: var sams konar ómerkingur 19. aldar, gagnvart íslenzkum hagsmunum / sem og Davíð Oddsson, á þeim 20. og 21.: þér, að segja.

Jón - vildi hygla innfæddum burgeisum á kostnað almennings, en Davíð var mun víðfeðmari, í sínu frjálshyggju brölti.

Báðir: jafn ómerkilegir, þegar upp er staðið, Gunnar minn.

Þingkosningar hérlendis: eru / og verða stökkpallur einka gróðahyggjulýðsins, meðan sá óþverri er viðvarandi, sbr. gleggsta dæmið, með upp undir 45 prósenta (%) niðurstöðu hins skelfilega Kjararáðs núna síðast / sem og áður.

Dómarar Hæstaréttar - fá meira að segja auka- sporzlur, til þess að geta gamblað með, í sínum frístundum.

Ótal margt annað: væri hægt að nefna, Gunnar minn.

Zimbabwe Mugabe´s gamla hvað, síðuhafi mæti ???

Hinar sömu kveðjur - sem aðrar áður, vitaskuld /  

[Gunnar Rögnvaldsson, 24.1.2017 kl. 13:19]

Jæja Óskar

Nú ætla ég að fá mér brennt ristað brauð.

Hafðu það gott

[Óskar Helgi Helgason (IP-tala skráð) 24.1.2017 kl. 13:21]

.... verði þér ristaða brauðið að góðu, Gunnar minn.

Og hafðu það gott - sömuleiðis.

ÓHH

[Ómar Ragnarsson, 24.1.2017 kl. 16:25]

Mótframbjóðandi Trumps fékk raunar næstum þremur milljónum atkvæða fleiri en hann, svo að það væri réttara að segja að Trump hafi komist til valda fyrir gallað kjörmannakerfi.

Samkvæmt pistli þessum er engu líkara en að hafi fengið auðæfi sín og glæsieignir af himnum ofan án þess að taka neitt frá öðrum.  

Áður hafa fjölmargir í veraldarsögunni komist til æðstu valda "einir og óstuddir" án þess að hafa reynst valdanna verðugir nema síður sé.

Einn þeirra var mislukkaður málari og utangarðsmaður sem varð samt "af eigin vélarafli" valdamesti maður heims í nokkur ár og dýrkaður af tugmilljónum manna en skildi líka eftir tugmilljónir drepinna í lok valdaferils síns. 

En auðvitað hafa síðan aðrir sem komust áfram til valda á eigin verðleikum, verið gæddir þeirri hógværð, skilningi og auðmýkt, sem Trump virðist gersneyddur.  

[Gunnar Rögnvaldsson, 24.1.2017 kl. 16:40]

Þakka þér Ómar

Gott hjá þér að segja að eitthvað sé gallað þegar það hentar ekki einmitt skoðunum þínum. Í þessu tilfelli; tryggðina við lýðræði þess kosningakerfis sem lýðurinn hefur ákveðið að gildi fyrir hann og bara hann. Þá hentar það þér ekki, af því að þér geðjast ekki að einum frambjóðenda þess. Svona lýðskrum er ekki gott Ómar, en það virðist fara þér vel, því miður.

Kveðjur

[Erlendur (IP-tala skráð) 24.1.2017 kl. 16:48]

Kjörmannakefið er gallað af því að fáein fjölmenn ríki á hægri og vinstri ströndinni fá því ekki ráðið hver verður forseti? Kjörmannakefrið er til þess gert að ekki sé valtað yfir smærri ríkin.  Nú hefi ég verið búsettur á vinstri strönd bandaríkjanna í rúm 30 ár og í hverjum kosningum sem ég hef verið vitni að, er frambjóðandi rebúblikana alltaf næsti Hitler.  

Hér er tengill sem útlistar kjörmannakerfið.

https://www.bing.com/videos/search?q=prager+university+electoral+college+video&view=detail&mid=4B8DB8E2CDCA814FE4D94B8DB8E2CDCA814FE4D9&FORM=VIRE

[Gunnar Rögnvaldsson, 24.1.2017 kl. 17:12]

Þakka þér Erlendur. Gott að fá rödd úr landi hinna frjálsu.

Ómar hefur bara áhuga á Reykjavíkur-lýðræði.

Enn ein Reykjavíkurstjórnin er til dæmis nú sest ofan á landið okkar.

Höfuðborgarsvæðið er 2 prósent af Íslandi. Og eins og menn vita þá er fólk forgengilegt en landið ekki.

Ef ég ætti sand af seðlum þá gæti ég keypt mér nýja ríkisstjórn og nýtt alþingi. Ég myndi setjast að úti á landi, því þar er eina vitið í þessu landi, og ég myndi byrja að pumpa út peningum í fjárfestingar. Fólk myndi flytja þangað sem peningarnir mínir eru og smám saman myndi mér takast að leggja höfuðborgarsvæðið í rúst og gera eignir þeirra sem þar búa upptækar. Með fólkinu flytjast jú atkvæðin.

Eftir 30 ár með svona peningadælum myndi lítið standa eftir á höfuðborgarsvæðinu, sem þá myndi að sjálfsögðu vera orðið fyrrverandi. Nýja höfuðborgin á Íslandi yrði staðsett þar sem ég planta peningum í nógu marga nýja hurðaskelli.

Þetta myndu þeir sem búa á hinu fyrrverandi höfuðborgarsvæði að sjálfsögðu kalla valdarán, en ekki lýðræði. Sem það einmitt er. Þeir myndu kalla eftir auknu vægi atkvæða hurða sem skellast ekki lengur, og heimta bandaríska stjórnarskrá.

Á hinu nýja höfuðborgarsvæði og alþingi sem ég hef byggt og keypt með peningum mínum munu menn að sjálfsögu ekki kvarta undan vægi atkvæða. Þeir munu sjá að þetta röfl sem þeir háðu á gamla staðnum er eins og það er.

Til hamingju Bandaríkin með nýja forsetann sem kosinn var í einu mesta og sannarlega voldugasta lýðræðis þjóðríki veraldar.

Kveðjur

[Erlendur (IP-tala skráð) 24.1.2017 kl. 17:26]

Takk sömuleiðis.  Ég hef lesið pistla þína frá því að þú varst búsettur í Danmörku (þangað sem ég á ættir að rekja sem er annar handleggur) og hef alltaf gagn og gaman að.  Ég er reyndar svolístið einmana hér á vinstri ströndinni en ferðast mikið vegna starfs míns og vinn með fólki sem framleðir hluti og skapar raunveruleg verðmæti.  Þetta er það sem hérlendir kalla "fly over countruy" en það er einmitt fólkið sem hefur verið kallað rasistar undanfarin átta ár og reyndar lengur. Þar sem við Obama erum ósammála um eitt of annað er ég sömuleiðis rasisti en því verður að taka eins og hverju öðru hundsbiti.

[Gunnar Rögnvaldsson, 24.1.2017 kl. 17:31]

Kærar þakkir fyrir góða kveðju og hvatningu Erlendur. Það munar um. Óska þér gæfu og velfarnaðar.

Kveðjur Vestur til þín

[Már Elíson, 25.1.2017 kl. 17:40]

Sjálfstæðismaður í Hvíta húsið...Já, það virðist vera sami skítur í sömu fötu. - Nú hrúgast rammir sjálfstæðismenn að lyklaborðinu, hver á fætur öðrum og dásama fyrrverandi, núverandi og komandi glæpaverk og siðleysi þessa manns (í Hvíta húsinu). Þá er auðvelt að sjá hver er hver, hvers flokks og hvernig menn eru innrættir. - Nýjar fréttir í dag um hugsanlega eignarsölu eigna ríkisins eru dæmigerð vinnubrögð hyskisins í Valhöll og kemur einmitt á þeim tímapunkti þar sem hægt er að lesa í spilin. - Nú skulum við fylgjast með. 

[Óskar Helgi Helgason (IP-tala skráð) 25.1.2017 kl. 17:58]

Komið þið sælir - á ný !

Már Elíson !

Enginn: er ég Sjálfstæðismaðurinn / og hefi aldrei verið en, ........ alveg get ég unnt Bandarískum nágrönnum okkar þess, að losna við angurgapa- og stríðsæsinga hrúgöld Bush yngra og Obama tímabilsins, Már minn.

Svo - ég tali nú ekki um, merka útilokunina, á aðkomu Clinton kerlingarinnar, að Hvíta húsinu, þar vestra.

Már !

Þú manst nú kannski: samansúrrun þeirra sumra fyrirennra Donalds Jóhannesar Trump, við hið ömurlega Evrópusamband, og alls þess, sem því hefir fylgt / allt: til þessa dags, ágæti drengur.

Ekki síðri kveðjur - þeim öllum, og fyrri /