Fásisminn - er það Austurvöllur?

Davíð Oddsson bein krækja.

Ég kýs Davíð.

Páll Vilhjálmsson klórar sér eðlilega í höfðinu vegna skrifa heimspekings (hér)

Tja, hvað á maður að segja.. pípan.. púff.. harðfiskur.. kaffi.. lýsi.. og mja..; Heimspekingurinn gæti hugsanlega átt við Austurvellinga sem iðka það sem kalla mætti fárra-isma og sem vel hugsanlega er hægt að klambra saman í fásisma. Getur þetta verið rétt hjá mér? Kannski er hægt að bæta svo kölluðum "aðgerðarsinnum" við, til að gera myndina af fásisma skýrari

En hvað um það, herra Adolf Hitler var sósíalisti, en ekki fasisti. Hann lét helst skjóta aðalinn. Og flokkur hans hét Nationalsozialistische Deutsche Arbeiterpartei og stefna hans var nasismi, þ. Nationalsozialismus

Stalín var líka sósíalisti

Hefði sósíalismi Adolfs Hitlers sigrað, þá hefði allt Þýskaland orðið eins og Austur-Þýskaland varð undir sósíalisma Stalíns og handlangara hans, eftir stríð

Og öll Evrópa líka, eins og hún er smám saman að verða undir Evrópusambandinu, þar sem verið er að koma á her-lýðræði (d. militant demokrati). Ég skrifaði um stjórnarskrár þessara tveggja stórríkja í fyrradag, í færslunni Her-lýðræði Evrópusambandsins. Um stjórnarskrár Stalíns og ESB, sem enginn kaus

Allir verða að ganga í takt í Evrópusambandinu, Guðni Th. forsetaframbjóðandi líka, en þangað vill hann inn. Til að ganga í takt. Hann vildi ganga í takt í Icesave málinu. Ganga í takt með ESB

Tengt

21. mars 2012

Konan mín sagði mér frá því að það hefði komið heimspekingur í danska sjónvarpið. Hann var þá að gefa út bók. Þetta var rétt eftir hrun. Hann sagði að Adolf Hitler hefði orðið mjög ánægður með samfélagið í dag. Hvað meinarðu?, spurði fréttamaðurinn vandræðalega. Jú hann vildi að við gengjum öll í takt. Lýðræðið væri sett til hliðar sagði heimspekingurinn Søren Gosvig Olesen. Í dag hlýða menn og gera eins og þeim er sagt. Til dæmis fer öll þjóðin eftir því sem heilbrigðisyfirvöld segja. Spuna meistarar stjórnvalda gegna hlutverki áróðursráðuneytis...

Að ganga ekki í takt

Fyrri færsla

Her-lýðræði Evrópusambandsins

Athugasemdir

[Húsari. (IP-tala skráð) 8.6.2016 kl. 12:32]

Sæll Gunnar.

 Bros Guðs er þér ekki sýnilegt í gegnum
hin dimmu ský lífsins og þú heldur áfram
að ganga þyrnum stráðan veg syndarinnar þó
ljós heimsins í líki heimspekings hafi talað
til þín úr skýjunum og opinberað þér sannleikann.

Þar fengu fellingafjöllin og fílshúðirnar og
hækju- og hjólastólaliðið það sem það átti skilið!

Það á að halda sig við öskuhaugana sem því hefur
verið hent á og negla fyrir alla glugga og halda
sig inní kjallaraíbúðunum sínum og láta ekki sjá
sig nema í fjórum skautum, steindautt,
brennt og grafið.

Viðurkennum bara að við söknum þess að enginn er
Stalínisminn eða nazisminn og að samsömun við
nútímakenningar er engin á móti þessum kenningum.

Viðurkennum líka að þekking er minna en einskis virði
og reynsla er til trafala sérstaklega þegar hún er
ógn við að áform um gerbreytingu sjórnarskrár
og inngönga í ESB.

Stjórnmálamenn og allir flokkar lögðu á sig
ómælt erfiði við að samþykkja útlendingalög.

Hverjum manni ætti að vera augljóst að framkvæmd þeirra
á efnhagslegum forsendum er ógerningur.

Því vaknar sú spurning hvort ekki þurfi að rýma til
svo að þeir komist að sem einhver veigur er í.

Menn geta svo rifjað upp þær aðferðir sem
árangursríkastar þóttu frá fyrri tíð og meðan
menn bjuggu enn að blessuðum Stalínismanum að
ógleymdum nazismanum.

Látum líkkistufóður ekki hindra göfug og kærleiksrík
áform um Paradís á jörðu þar sem ljónið leikur
sér við lambið í landi Bessastaða og
Grímur Thomsen er örugglega dauður.

[Gunnar Rögnvaldsson, 8.6.2016 kl. 12:53]

Þakka þér innlitið Húsari.

Já. Það þarf sérstakan, helst sögulegan, hæfileika til að gjöra allt bogið sem beint er. Þannig endurheimtist allt.

En ekki ætla ég að láta beygla mig.

Kveðjur

[Jón Valur Jensson, 8.6.2016 kl. 22:20]

Hitler skaut ekki aðalinn, notaði hann bara, en hlífði þar engum sem vann gegn grimmd hans, andkristnum rasisma og þjóðfjandsamlegri hernaðarhyggju; greifarnir Stauffenberg, Moltke og margir aðrir göfugir aðalsmenn urðu að gjalda þess.

[Gunnar Rögnvaldsson, 9.6.2016 kl. 00:09]

Þakka þér Jón Valur

En hvað um það, herra Adolf Hitler var sósíalisti, en ekki fasisti. Hann lét helst skjóta aðalinn. Og flokkur hans hét Nationalsozialistische Deutsche Arbeiterpartei og stefna hans var nasismi, þ. Nationalsozialismus.

Helsti óvinur Hitlers var aðallinn. Flokkur Hitles hét þjóðernis-sósíalistaflokkur verkamanna. Hitler var byltingarsinni. Hann hataði konungs og furstaveldi. Hann hataði kristni og hann hataði allt það sem hægrisinnað íhaldssamt Þýskaland stóð fyrir.

Hitler lét aðalinn víkja þar sem hann gat, kom honum og völdum hans fyrir kattarnef þar sem þurfti, þegar völdin voru loks komin í hans hendur.

Hann reiddi sig ekki aðalinn, enda ekki í samræmi við sósíalismann.

Stór hluti hins gamla aðals Þýskalands flúði í útlegð til að bjarga lífinu. Þeir sem ógnuðu völdum hans voru hreinsaðir út og sendir í fangabúðir, dæmi: Rudolf Kanzler | Ewald von Kleist-Schmenzin, drepinn | Gustav Ritter von Kahr drepinn osfv.

Eini aðallinn sem Hitler hlífði og dáði, var kynþáttaaðall sem hann skilgreindi sjálfur. Restin mátti missa sig. Hann hataði "gömlu Evrópu"

Hitler var sósíalisti, en ekki fasisti

Bestu kveðjur

[Jón Valur Jensson, 9.6.2016 kl. 04:28]

Nú, var hann ekki sósíalfasisti?!

Og var það ekki líka orð dr. Arnórs Hannibalssonar um ráðamennina marga í Kreml? (og þar er ég ekki að tala um keisarana; þeir skinu sem gull af svörtu járngrýti í samanburði við bolsana).

En það var reginmunur á hugmyndafræði Hitlers og Leníns. Ég kaupi það ekki af þér, að Hitler hafi verið raunverulegur sósíalisti. En jafn-ófyrirleitinn byltingarmaður var hann og Lenín kvikindið og Stalín og lét sér ekki bregða við að láta tilganginn helga meðalið margsinnis á degi hverjum, rétt eins og þeir. Sama staðinn munu þeir svo gista að lokum.

[Jón Valur Jensson, 9.6.2016 kl. 04:46]

Ég met það mikils, hve fallega þú skrifar um þýzka aðalinn. Hinu verður þó ekki neitað, að fjöldinn allur af jafnvel háaðalsmönnum (í fürstliche Häuser og jafnstæðum háaðalsættum að virðingu) var í SS á stríðsárunum, eins og sjá má t.d. í Almanach de Gotha 1944 (SS-Obergrupperführer, SS-Sturmbannführer o.fl. slíkar stöður þar) fyrir utan Gauleiter nokkra o.fl. í háum stöðum, auðvitað mikið í Wehrmacht, þýzka hernum, en við hermennsku og landvarnir var þó eðlilegur starfsvettvangur aðalsmanna allt frá miðöldum. En hinn kaþólski Claus Schenk Graf von Stauffenberg og hinn lútherski Helmuth James Graf von Moltke (báðir teknir af lífi fyrir landráð) voru þó í reynd trúrri landvarnarmenn en siðlausar undirlægjur Hitlers í hernum.

[Jón Valur Jensson, 9.6.2016 kl. 04:49]

SS-Obergruppenführer

átti að standa þar.

[Húsari. (IP-tala skráð) 9.6.2016 kl. 10:33]

Jón! Í Stjórnarskrá er kveðið á um að
forseti skuli vera verndari Þjóðkirkjunnar.
Löggjafinn gerði ekki ráð fyrir að nokkur
byði sig fram til þessa embættis nema hann
tilheyrði Lutherskri, evangelískri kirkju.
Þarf ekki að hefja mál til að ónýta það
framboð sem augljóslega stenst ekki stjórnarskrá
að þessu leyti?

[Húsari. (IP-tala skráð) 9.6.2016 kl. 11:44]

Sæll Gunnar.

Svo sem vikið er að hér að framan þá er enginn vafi á því
að eitt framboða til embættis forseta Íslands
stenst ekki stjórnskrá lýðveldisins Íslands.

Allir frambjóðendur, þar með talinn sá er í hlut á,
hlýtur að krefjast þess að Hæstréttur Íslands
ákveði hvort umrætt framboð standist stjórnarskrá
og sinni þar með þeirri skyldu sinni að vera sá stjórnlagadómstóll sem sker úr í slíkum málum.

Ég geng að því sem vísu að ekki einasta
forsetaframbjóðendur heldur þjóðin öll
vilji að farið sé að settum leikreglum og þau
vafaatriði sem upp kunna að koma séu þegar í stað 
könnuð í kjölinn svo aldrei geti verið minnstur vafi um
lögmæti framkvæmdar á lögum um hæfi til framboðs til
forseta Íslands.

[Gunnar Rögnvaldsson, 9.6.2016 kl. 12:53]

Þakka ykkur

Ef koma ætti Adolf Hitler leiðtoga þjóðernissósíalismans fyrir í hinu pólitíska litrófi þá er best að gera það svona:

1) Hitler var ekki lýðræðissinni. 

2) Hann bakkaði Þýskalandi út úr fyrstu tilraun þess til að verða lýðræðislegt þjóð-ríki (Nation-state construction) og aftur út í gömlu uppskriftina um heimsveldið (Imperial-state construction).

3) Hann byggði völd sín á fólksmassa og kom á eins konar skrílræði, eins og því sem Austurvöllur lyktar af í dag. Hann studdist ekki við elítur. Hann studdist við alræði múgsins. Hann studdist ekki við neinn til staðar verandi valdastrúktúr. Hann bjó hann til. Þetta eru dæmigerðar aðferðir sósíalista. Að kollvarpa. 

4) Hitler var einræðisherra. Ef staðsetja ætti hann á milli Stalín og Mússolini þá er hann miklu nær Stalín sem einræðisherra. Það er út í hött að segja að Hitler hafi verið fasisti. Hann var sósíalisti. Fasismi er yfirstéttarvald. Að líkja Hitler við fasista er fullkomið þvaður.

5) Hitler þjóðnýtti fólkið og stjórnmál þess. Stjórnmálin urðu öll að snúast um málstað sem hann bjó til; um þjóðernissósíalismann. Hann þjóðnýtti því fólkið. Sósíalismi kommúnista í Kreml þjóðnýtti atvinnutækin og stjórnmálin. 

Og það er athyglisvert (horror) að Evrópusambandið hefur á ný þjóðnýtt öll stjórnmálin í álfunni: þau verða öll að snúast um einn málstað: SAMRUNA Evrópu. Öll önnur stjórnmál, samkvæmt stjórnarsrká þess, eru bönnuð í Evrópusambandinu. Og til að handhefja þessa þjóðnýtingu hefur sambandið búið til dómstól sem heitir Evrópudómstóllinn (European Court of Justice, ECJ). Sá dómstóll sér til þess að allir dómar og lagatúlkanir hans dæma samrunahugmyndinni í hag. Þetta er ný uppskrift að einræði og totalitarisma í Evrópu, eina ferðina enn.

Eina vörnin gegn svona skepnum er þjóð-ríkið. Enda er uppskriftina að því að finna í hinum Heilögu Ritningum Vesturlanda og sem jafnframt bjuggu Vesturlönd til með hornstein þeirra í Jerúsalem. Þessum ritningum hentu allir sósíalistar 20. aldar á ruslahaugana og bjuggu í staðinn til haughús fullt af mykju handa fólkinu til að eiga heima í. 

Kveðjur

[Jón Valur Jensson, 9.6.2016 kl. 16:53]

Já, Hitler má segjast hafa "þjóðnýtt" atvinnutækin eða atvinnurekendur í þágu stríðsvélar og kúgunarvalds nazismans ... en ekki í eignaréttarmerkingu. Hann þjóðnýtti EKKI Krupp og Siemens, gerði enga eignaupptöku á Thyssen og IG-Farben (væntanlega man ég nöfnin rétt) og á öðrum stórfyrirtækjum þýzka auðvaldsins, enda búinn að semja við eigendur þeirra um stuðning við nazistarríkið. Þannig unnu þessi fyrirtæki jafnvel með nazistum að tilraunum á föngum og nýtingu líkamsparta Gyðinga frá útrýmingarbúðunum (sjá bókina A Sign of Cain eftir doktor í sálfræði, bók sem er fjarri því að vera skáldsaga).

En auðvaldið hélt áfram að vera til, það var EKKI tekin upp alvöru-þjóðnýting í sósíalískri merkingu, Gunnar! 

Hitler var því bandamaður hægri manna og rétt að telja hann og nazismann það yzta sem komizt verður í öfga-hægristefnu, þótt hitt sé alveg rétt hjá þér, að aðferðirnar á hann margar sameiginegar með bolsévismanum eða kommúnismanum, enda er það gömul saga og ný, að öfgarnar mætast (extrema se tangunt).

[Gunnar Rögnvaldsson, 9.6.2016 kl. 21:37]

Jón Valur

Hitler þjóðnýtti ekki atvinnutækin. Það gerði hann ekki. Hann þjóðnýtti fólkið (sósíaliseraði það). Hann þjóðnýtti einnig stjórnmálin. Þau máttu aðeins snúast um einn málstað; þjóðernissósíalisma. Öll önnur pólitík var bönnuð.

Hann þjóðnýtti stjórnarskrá með því einfaldlega að hafa enga. Hann var stjórnarskráin.

Hitler var ekki stéttar-pólitíkus eins er og í fasistaríkjum þar sem allt gengur út á að fá massann til að dýrka aðal (yfir-klassa).

Þjóðnýting Hitlers á fólkinu, var á pari við það sem var í Sovétríkjunum. Hans þriðja ríki varð eins og DDR varð og hefði verið það ef hann hefði sigrað. Ríki með þjóðnýttu fólki í þágu eins málstaðar; þjóðernissósíalisma, í stað kommúnisma eins og var í DDR. En lítill sem enginn munur í praxís.

Peningapólitík Hitlers var svæsin tröllriðinn Keynesianismi af verstu sort. Efnahagspólitík hans var svæsinn Keynesianismi.

Hvað var hægri pólitík Hitlers, Jón Valur? Hvar er hún og hver var hún?

Hver var þjónninn í ríki Hitlers? Í fasistaríkjum er alltaf þjónn til að þjóna yfirklassanum sem hefur völdin. Hver var þjónninn? Og hver var yfirklassinn?

Í stuttu máli má einfaldelga segja að Adolf Hitler hafi verið Jósef Stalín með vindil. Enda hét flokkur hans sósíalista-flokkur. 

Hvað er að?

Kveðjur

[Jón Valur Jensson, 9.6.2016 kl. 23:49]

Var ekki Hitler bindindismaður á tóbak? (og vegan!).

Churchill og Castro sáu um vindlana, Stalín um pípuna! 

En aftur að alvörunni: Þú hefur vissulega margt fyrir þér, Gunnar. En gættu þess, að þú getur ekki sjálfkrafa samsamað hægri stefnu og frjálslyndi. Margar meintar afturhalds- eða íhaldsstjórnir í Evrópu voru einkenndar sem hægri stjórnir, ekki vegna líberalisma, heldur þvert á móti.

Frjálslyndi og stjórnlyndi eru tveir pólar innan hægri stefna (og eins jafnvel meðal suma vinstri stjórna; Dubcek var t.d. frjálslyndur í menningarlegum o.fl. málum, en kannski einkum gagnvart því að leyfa raunverulegt lýðræði; og var ekki Tito opnari gagnvart blönduðu hagkerfi en kommúnistaleiðtogarnir í hans heimshluta?).

Þótt ríkisforsjá og ríkisalræði hafi verið nær algert í hinu (að mestu leyti) mónistíska samfélagi Hitlers, þá merkir það þó ekki sjálfkrafa, að samfélagið hafi verið sósíalískt og undir stjórn vinstri manna. Bolsévikkar gerðu eignir allra auðmanna upptækar og drápu þá auðmenn (og líka háaðalsmenn) sem þeir komu höndum yfir. Þetta gerðist ekki í Þriðja ríkinu. Eignastéttin hélt sínu (því sem kreppan og óðaverðbólgan hafði ekki svipt hana). Stjórnlyndið var allsráðandi í ríki Hitlers, þvert gegn frjálslyndi, en samt var það hægrisinnað stjórnlyndi, ekki vinstrisinnað. Og saman við þetta fór hetjudýrkun á la Wagner og forngermanskar hetjusögur -- og söguskoðun í takti við það (ég gæti lengi haldið áfram að lýsa því), en skv. henni eru það einstök mikilmenn, sem móta söguþróunina, ekki stéttabarátta og hinn breiði massi (en sú er marxíska sýnin á söguþróunina).

Og seint gerir þú Hitler að Marxista (hvað þá anarkista!), vinur minn Gunnar.

[Jón Valur Jensson, 9.6.2016 kl. 23:51]

... mikilmenni ...

[Gunnar Rögnvaldsson, 10.6.2016 kl. 02:09]

Jón Valur

Adolf Hitler sagði: "Hvers vegna skyldum við þjóðnýta banka, fjármálastofnanir og verksmiðjur. Til hvers skyldum við þurfa þess? Hvaða máli skiptir það (Marxista-reglan) þegar við höfum plantað fólkinu inn í agað þjóðfélagskerfi sem það kemst ekki út úr . . við erum að þjóðnýta sjálft fólkið" sagði Hitler um stefnu sósíalistaflokks síns.

Jón Valur. Þetta er sú sósíalpólitík sem svo hélt áfram í DDR, eftir styrjöldina; þjóðnýting á fólkinu.

Fólkið varð að samyrkjumaurum og hafði ekkert gildi.  Þetta er sennilega enn mikilvægara sósíalismanum en þjóðnýting Marx á atvinnutækjunum. Og mun skilvirkara.

Kveðjur

[Húsari. (IP-tala skráð) 10.6.2016 kl. 11:15]

Sæll Gunnar.

Adolf Hitler og Josef Göbbels tilheyrðu
báðir kaþólsku kirkjunni.

Jafnvel þeim datt það ekki andartak í hug
að áform þeirra næðu fram að ganga utan hennar.

Á Íslandi stjáklar biskup og aðrir sem ættu að
vita betur eins og kýr með kálfssótt um skýlaust
skilyrði stjórnarskrá um að til forseta veljist
enginn nema að tilheyra Evangelískri Lúterskri kirkju.

Fullsnemmt er að óska þeim eigendum hrægammasjóða
og öðrum til hamingju með hversu vel þeim hefur
tekist með að reka trippin en víst er um það
að fari svo sem horfir þá mun Evrópusambandsaðild
verða að veruleika og þjóðin verður ekki spurð
um eitt né neitt í því efni.Til þess er leikurinn gerður!

Einnig verður stjórnarskrárþvælan tekin upp að nýju
og hinum viljugu umbunað með ævilangri setu
yfir því glundri.

Ég trúi því ekki fyrr en ég tek á að enginn
forsetaframbjóðenda taki þetta upp og láti reyna
á það fyrir æðsta dómstóli þjóðarinnar,
Hæstarétti Íslands.

[Jón Valur Jensson, 10.6.2016 kl. 17:46]

Vanþekking á kaþólskri trú og sögu er útbeidd hér á Íslandi, ásamt tengdum fordómum. "Húsari" er, þrátt fyrir ýmsa góða takta hans á öðrum sviðum, eitt fórnarlamba þessarar vanþekkingar, sem m.a. hefur gætt mjög hjá vinstri- og vantrúarmönnum og mótar skrif þeirra á vefsíðum, sem þeir myndu blygðast sín fyrir, ef þeir fengju rétta uppfræðslu.

"Húsari" heldur því hér fram, að Hitler og Goebbels hafi verið kaþólikkar, en það á við um fjölskyldubakgrunn þeirra og fram á æskuár, en eftir það hötuðust þeir báðir út í kaþólskra trú og kirkju. Þetta vita margir nú þegar um Hitler, m.a. af því að ég hef allvíða á vefsíðum (jafnvel á Vantrúarnetinu) miðlað traustum upplýsingum frá systur Hitlers, Paulu, og frá ritara hans, í minningum þeirra, þar sem þetta kemur ótvírætt fram.

En þetta á einnig við um áróðursmanninn Goebbels, eins og mér er enn betur ljóst eftir að lesa núna drykklanga stund í Wikipediu-greininni um hann. Skal ég miðla þeim hér á eftir eða í kvöld, og þar eru reyndar ýmsar mjög fróðlegar upplýsingar fyrir hann Gunnar okkar hér, um upphaflegu sósíalísku áherzlurnar í NSDAP, flokki Hitlers, og hvernig hann hverfur frá þeim (m.a. með því að hætta við jarðeigna-upptöku-stefnu sína, nema í tilfellum Gyðinga, og andstöðu hans við Strasser-bræður og með því að ráða niðurlögum þeirra að lokum), en Goebbels kemur við þá sögu, hafandi verið um tíma undirmaður Gregors Strasser í Norður-Þýzkalandi.

Þeir, sem enn eru í myrkri vanþekkingar um málefnið: kaþólska kirkjan og nazisminn, ættu í millitíðinni að lesa afar upplýsandi grein á Wikipediu, þá sjá menn hryllinginn –– yfirgang nazista gagnvart kaþólsku fólki í Þýzkalandi og víðar og fjöldaofsóknir, sem sem enduðu iðulega í fangabúðunum og í aftökum og komu vitaskuld ekki til af því, að Hitler og þjóni hans dr. Goebbels hefði verið hlýtt til kaþólskrar trúar, –– já, lesið hér:  Nazi persecution of the Catholic Church in Germany.

[Jón Valur Jensson, 10.6.2016 kl. 18:15]

Nokkur athyglisverð (en stutt) sýnishorn úr Wikipediu-greininni, sem ég var að vísa á, en bara úr mynatextunum og myndaúrvalinu þar.

 

Adalbert Probst, the national director of the Catholic Youth Sports Association, was murdered in the Night of the Long Knivespurge. The Nazis interfered with Catholic schooling, youth groups, workers' clubs and cultural societies.

 

Heinrich Himmler (L) andReinhard Heydrich (R) headed the Nazi security forces and were vehement anti-Catholics.

 

Fritz Gerlich, editor of Munich's Catholic weekly, was murdered in the Night of the Long Knives. The Catholic press was muzzled [múlbundin; þögguð niður] in Nazi Germany.

 

Prisoner barracks at Dachau Concentration Camp, where the Nazis established a dedicated clergy barracksfor clerical opponents of the regime in 1940. Some 95% of inmates were Catholic clerics, mainly Poles. Over 400 German priests were sent to camp.

 

The Nazi Gauleiter of Vienna, Odilo Globocnik. Following the Anschluss, he launched a crusade against the Church, and the Nazis confiscated property, closed Catholic organisations and sent many priests to Dachau.

 

Public execution of Polish priests and civilians in Bydgoszcz's Old Market Square, 9 September 1939. The Polish Church suffered a brutal persecution under Nazi Occupation.

 

Arthur Greiser, theReichsstatthalter ofWartheland, led a radical attack on the Catholic Church. By late 1941, the Polish Church had effectively been outlawed in Wartheland.

[Húsari. (IP-tala skráð) 10.6.2016 kl. 22:39]

Sæll Gunnar.

Alltaf er gaman að lesa eftir Jón því
hann er fróður og víðlesinn.

En engu breytir það um þann veruleika að
Adolf Hitler og Jósef Göbbels tilheyrðu
Kaþólku kirkjunni og eftiráskýringar í því efni
duga skammt því Hitler gerði gott betur og samdi
við Píus páfa XI með þeim hætti sem Jón veit
sjálfur og engar heimildir eru fyrir því að hann
hafi sagt sig frá þeirri kirkju þó ekki hafi neitt
vantað upp á leikræna tilburði inn á milli en hann
tók síðan engum silkihönskum á mótmælendum og prestum
þeirra þó svo að Göring tilheyrði þeirri kirkju
en að tiltekt lokinni féll allt í ljúfa löð.
Að sjálfsögðu fylgdi Jósef Göbbels foringja sínum
í þessu sem öðru og bókstaflega í lífi og dauða.

Wikipedía getur verið varasöm
og hefur margur fengið að kenna á því!

[Jón Valur Jensson, 11.6.2016 kl. 02:28]

Þetta er afspyrnu-aulalegt innlegg frá þér, Húsari, og fjarri fer því, að Hitler hafi verið harðari við lúthersku kirkjuna en þá kaþólsku, eins og þú kæmist fljótt að raun um, ef þú færir að lesa þér til um málið.

Þessar Wikipediu-greinar um Goebbels og sú sem ég vísaði á, Nazi persecution of the Catholic Church in Germany, og fleiri tengdar -- og m.a. greinin þar um hinn sæla August greifa von Galen, biskup í Münster, eru alls ekki illa gerðar, hnökra á þeim sá ég naumast nema einna helzt í örfáum misritunum, og einnig þessi síðastnefnda gæti kennt þér margt um hrikalegar ofsóknir gegn kaþólskum.

[Jón Valur Jensson, 11.6.2016 kl. 02:36]

"Húsari" ímyndar sér, að foringinn Hitler hafi verið kaþólikki, en því hafna algerlega bæði systir Hitlers og einkaritari hans í endurminningum sínum.

Paula hét systir Hitlers. Í langri grein, "Paula Hitler segir frá bróður sínum", sem birt var í íslenzkri þýðingu Margrétar Jónsdóttur í Lesbók Mbl. 16. maí 1965, bls. 1 og 12, segir hún m.a. (s.12, 1. dálki):

 

"Bróðir minn [Adolf] og ég vorum alin upp í kaþólskri trú, en hann var alltaf mjög fjandsamlegur kenningum kirkjunnar, sem hann sagði, að væri aðeins fyrir þræla."

 

Ekki ber þetta vitni um, að kristin, kaþólsk trú hafi mótað viðhorf þessa grimma einræðisseggs né að hann hafi viljað veg hennar sem mestan eða kosið að fylgja henni eftir í "siðferði" sínu.

 

Traudl Junge hét ritari 'foringjans' frá 1942 allt til stríðsloka. Minningar hennar, Til hinstu stundar. Einkaritari Hitlers segir frá, komu út í íslenzkri þýðingu Arthúrs Björgvins Bollasonar árið 2004. Þegar hún snæddi með Hitler, segir hún (bls. 144, leturbr. JVJ), að stundum hafi spunnizt

 

"...forvitnilegar samræður um kirkjuna og þróun mannkyns. Samræður er kannski ekki rétta orðið, því þegar einhver okkar varpaði fram spurningu eða kom með athugasemd, þá hóf hann að útlista hugmyndir sínar og við hlustuðum. Hann hafði engin tengsl við kirkjuna, heldur leit hann svo á að kristindómur væri úrelt fyrirbæri sem byggðist á hræsni og viðleitni til að drottna yfir fólki. Hans eigin trúarbrögð voru náttúrulögmálin. Það var auðveldara fyrir hann að samræma þau að ofbeldisfullum kreddum sínum en kristilegan boðskap um náungakærleik. "Vísindin hafa enn ekki getað svarað því til fulls, hver sé uppruni mannkynsins. Við erum að öllum líkindum æðsta þróunarstig einhvers spendýrs, hugsanlega frá apa til manns. Við erum hluti af sköpunarverkinu og börn náttúrunnar og sömu lögmál gilda fyrir okkur og aðrar lífverur. Og í náttúrunni hefur baráttulögmálið alltaf verið ríkjandi. Öllu því sem er veikt og vanhæft til að lifa, er eytt." Það er fyrst með tilkomu mannsins og umfram allt kirkjunnar sem menn setja sér það markmið að halda lífinu í því sem er veikt, vanhæft til að lifa og minni máttar."

"Það er leitt að ég skuli einungis muna brot úr þessum kenningum og að ég skuli ekki geta sett þær fram með jafn miklum sannfæringarkrafti og Hitler hafði þær yfir okkur," segir Traudl Junge í beinu framhaldi.

 

Þarna sjá menn nú eitthvað annað en kristna trú hjá þessum skaðræðismanni, einum þriggja mestu fjöldamorðingja 20. aldar.

 

[Gunnar Rögnvaldsson, 11.6.2016 kl. 02:40]

Hefðu heilabú framskriðinna nasista verið ræktuð sem sýni hjá réttarlæknum, þá er alveg öruggt að einhverjar agnir úr þeim hefðu sýnt spor af tilvistarlegum leifum af kristni í þeim og einnig gyðingdómi.

En Vantrúin hefði þó verið það aðalefni sem krufningin leiddi í ljós. Stækjan frá henni hefði sýnt sig á pari við geislavirkan úrgang á mælitækjum og sennilega skaðað góðar sálir í nálægð þeirra.

Hitler heilastappan trúði ekki á Guð, heldur á kyn. Kynið og ræktun kynsins var þeirra trúarbrögð. Þessi stjórnmálahreyfing afneitaði og hataði öll trúarbrögð,  nema Nasismann (þjóðernissósíalismann). Þannig er framskriðinn sósíalismi alltaf.

Kveðjur