Forsetaframbjóðandinn veit ekki að Evrópusambandið er sjálfstætt ríki

Forsetaframbjóðanda vafið um fingur sér eins og tyggjói

Bein krækja

Þann 1. nóvember 1993 varð Evrópusambandið sjálfstætt ríki í smíðum. Sjálfstætt, en ekki fullvalda

En stanslaust er verið að dæla fullveldinu hægt og rólega úr aðildarríkjunum yfir í yfirríki Evrópusambandsins, sem þá verður bæði fullvalda og sjálfstætt ríki þegar dælingu er lokið. Þá er búið að tæma aðildarríkin. Þetta veit forsetaframbjóðandinn Guðni Th. vel. En Guðni Th. forsetaframjóðandi viðrist vera "teygjanlegt hugtak" og kýs því aðlögun að sannleikanum

Sjálfstæðið er ekki teygjanlegt hugtak. Þegar það er farið, þá er það farið. Sjálfstæði og fullveldi þjóða getur bara verið á einum stað í einu. Þess vegna er einmitt verið dæla því úr aðildarríkjunum og yfir til Evrópusambandsins. Flytja það allt á einn stað. Það getur ekki verið á tveim stöðum í einu, eins og Guðni

Í fyrradag kom forsetaframbjóðandinn Guðni Th. fram á Stöð2 og sagði ósatt og afneitaði sjálfum sér. Einni dögun síðar fór hann í aðlögunarviðræður við sannleikann á Vísi og sagðist vera úr öðrum heimi

Nú vill hann selja sjálfstæði Íslands, sé tilboðið nógu hátt. Það tók Ísland 700 ár að komast undan erlendu valdi

Engum hefði dottið það í hug þann 17. júní 1944, að aðeins 72 árum síðar, stæði hér maður í framboði til hins nýja forsetaembættis Íslendinga, sem framselja vildi sjálfstæði þjóðarinnar aftur undir erlent vald. Enginn hefði trúað því þá. Enginn! Hér er hið ýtrasta alvörumál á ferð

Forsetafambjóðandinn Guðni Th. veit vel að það fara engar samningaviðræður fram þegar ríki sækja um aðild að Evrópusambandinu. Hann veit það vel. En hann tekur þátt í þeim ljóta blekkingarleik sem Samfylkingin og Vinstri grænir hófu upp á sitt einsdæmi til að nauðga íslenskri þjóð inn í sambandið, með lygum, blekkingum og kosningasvikum

"Eitthvað hafa nú embættismennirnir verið bardúsa" sagði hann í sjónvarpi þegar Davíð Oddsson minnti hann á þessa staðreynd. Hann valdi að hafa það sem rangt er, til handa íslenskri þjóð. En staðreynd er þrjóskasta fyrirbæri sem til er. Staðreynd er ekki teygjanlegt hugtak

Forsetaembættið er ekki öflugt embætti. Í því situr einn maður. Aðeins einn maður og hann er einn á vaktinni. Það er þessi maður sem þarf að vera öflugur

Guðni Th. forsetaframbjóðandi sagði einnig í fyrirlestri á ESB-Bifröst að það "nálgast rasisma" að halda því fram að Íslendingar hefðu haft þau áhrif sem þeir telja að þeir hafi haft á hafréttarmál, með því að halda fram okkar sjónarmiðum varðandi landhelgina. Við erum því "næstum rasistar". Skoðun Guðna var af sama toga í Icesave málinu. Þar var hann íslenskri þjóð algerlega gagnslaus og vann því miður á móti henni. Hótaði henni með Norður-Kóreu ástandi

Bara örfárra daga skoðun hefur leitt þetta í ljós:

• Fávís lýður
• Ekki satt, alveg ósatt, sagði það aldrei (sagði það samt)
• Ómenntuð sveitakona
• Íslendingar nálgast að vera rasistar
• Sjálfstæði og fullveldi íslensku þjóðarinnar söluvara
• Sjálfstæði íslenskrar þjóðar tyggjó

Mér líst afar illa á þetta. Mér hugnast þetta ekki. Ég óttast þennan mann

Fyrri færsla

Fullveldið komið í eignastýringu

Athugasemdir

[Haukur Kristinsson (IP-tala skráð) 3.6.2016 kl. 09:32]

Davíð Oddsson VERÐUR að draga framboð sit til baka, vinir hans verða að koma vitinu fyrir hann. Framboð hans til embættis forseta er ekki aðeins móðgun við „common sense“, heldur á sinn hátt árás í lýðræði Íslands. Maðurinn hefur greinilega enga sómakennd og vill ekki viðurkenna hversu hörmuleg frammistaða hans hefur verið í öllum þeim embættum sem honum voru falinn, eða hann fól sjálfum sér. Þrátt fyrir rannsóknarskýrslu Alþingis. Hann hefur ekki þá reisn, greind og menntun sem prýða þarf forseta Íslands. Meðalmennskan einkennir manninn, sem og banality.

[Hrólfur Þ Hraundal, 3.6.2016 kl. 09:49]

Til þess eru vítin að varast og við komumst að því fullkeyptu að fólk eins og Jóhanna og Steingrímur kosta og ekki bara peninga, heldur og ekki síður tíma, því ekkert vinst þegar allt er strand.

Kettir Jóhönnu kattasmala eru en á sveimi og allir jafn áreiðanlegir og Jóhann fláráði æðstiköttur sem og andi sannleikans nú ný uppglöggvaður, sem stefnir á að veiða mýs á Bessastöðum.  

[Flosi Kristjánsson, 3.6.2016 kl. 17:35]

Gaman væri nú að heyra af beinum tilvísunum í afglöp Davíðs Oddssonar eins og þeim er lýst í rannsóknarskýrslu Alþingis. Ég óttast að menn slái fram hinu og þessu í þeirri von að enginn nenni að fletta upp í langlokunni.

Maður sem er valinn til að vera borgarstjóri og forsætisráðherra er ekki sá rati sem menn vilja vera láta. Andóf gegn manninum tel ég að helgist af því að hann skyggir svo gjörsamlega á helstu vonarpeninga annarra stjórnmálaflokka að það er óbærilegt. 

[Elle_, 3.6.2016 kl. 22:59]

"Andóf gegn manninum tel ég að helgist af því að hann skyggir svo gjörsamlega á helstu vonarpeninga annarra stjórnmálaflokka að það er óbærilegt."  Já líklega.

[Elle_, 3.6.2016 kl. 23:01]

"Kettir Jóhönnu kattasmala eru en á sveimi og allir jafn áreiðanlegir og Jóhann fláráði æðstiköttur - - "

E-hem.  Líklega líka satt.

[Jónas Ómar Snorrason, 4.6.2016 kl. 09:21]

Langt er seilst, afar langt Gunnar. Hugsaðu nú aðeins pínulítið Elle. Við hverju tóku Jóhanna og Steingrímur, gjaldþrota landi, gjaldþrota. Það er öllum ljóst að margt hefði mátt fara betur, en í allt of mörg horn var að líta. Engu að síður þá rifu þau Ísland upp úr skítnum sem núverandi stj.flokkar skildu eftir sig. En svona hallærislegar tilvitnanir Gunnars, eru ekki boðlegar fyrir fólk, nema hann telji fólk heimskt, kannski hann sé það sjálfur, og ætli öðru fólki það sama.

[Húsari. (IP-tala skráð) 4.6.2016 kl. 11:07]

Sæll Gunnar.

Þær voru athyglisverðar uppljóstranir
Ástþórs Magnússonar Wium í umræðum í gær.

Ástþór færði forsetaframbjóðandann úr kápunni sem
hann hafði borið á báðum öxlum frá því í byrjun árs
og í ljós kom sá úlur undir sexföldu lagi af sauðargærum
sem einhvern kann að hafa grunað að leyndist þar en enginn
efi er um eftir snöfurmannlegar tiltektir Ástþórs.

Ætli sami leikurinn sé einnig leikinn
varðandi skoðanakannanir? Það skyldi þó aldrei vera!

Munurinn þar í milli er óútskýranlegur og
einhver slík skekkja sem enginn kann skil á.

Menn hafa stillt kosningabaráttunni upp við
ómarktækar og óboðlegar kannanir. Mál er að
slíkum skrípaleik linni.

[Elle_, 4.6.2016 kl. 11:28]

Nei þú hugsar pínulítið Jónas, en ert víst alltaf ranglætismegin, því miður.

En Hrólfur, villikettirnir sluppu frá Jóhanni æðstaketti.  Það voru værukæru heimakettirnir sem æðstaketti tókst að stjórna.