Þjóðin hefur aldrei beðið um innlimun

Íslensk þjóð hefur aldrei sótt um inn í Evrópusambandið. Bara svo það sé alveg á hreinu

Þingmenn kjósenda sækja umboð sitt til kjósenda. En ekki öfugt. Þeir höfðu ekkert umboð frá kjósendum til að senda þessa ESB-umsókn af stað í upphafi. Ekki frekar en þröng klíka þingmanna hafði undir handjárnaglamri, pólitískum hótunum og valdasmiti neitt umboð fyrir hönd Lýðveldis Íslendinga til að sækja um inngöngu í Bandaríkin

Stöðva ber þetta ESB-víetnamska innlimunarferli Íslands inn í Evrópusambandið; umsvifalaust. Fjandinn hirði einkaumsókn ykkar inn ESB. Og screw the government!

Við Íslendingar trúum á landið okkar og á okkur sjálf. Við ætlum áfram að halda á hlutabréfunum í sjálfum okkur. Því við höfum óbilandi trúna og ætlum að sækja fast fram. Þið bréfhaldara-ESB-aular í stjórnmálum eruð verri en slefarar Veggjastrætis. Komið með bréfin ykkar, þið sem þorið ekki að halda áfram. Við kaupum ykkur út, því þið hafið aldrei verið og verðið aldrei þjóðareign. Með ESB-gjörðum ykkar hafið þið einungis sýnt og sannað að þið eruð up for sale

Út með ykkur og umsókn ykkar. Þið eruð ekki fulltrúar þjóðarinnar í þessu máli. Þið hafið ekkert umboð. Svona þjóðsvikamyllur á ekki að verðlauna með nýju lífi eftir dauðann. Umsóknina á umsvifalaust að fella niður og afmá verður ógjörning hennar á Lýðveldi okkar

Og önnur umsókn inn í Evrópusambandið má aldrei aftur koma á dagskrá Alþingis Íslendinga fyrr en að einlægur 75 prósenta meirihluti íslensku þjóðarinnar hafi í samfellt 10 ár sýnt að hún af fullri einlægni og heiðarleika vilji sækja um að Lýðveldið Ísland verði innlimað inn í Evrópusambandið. Þetta mál er þess eðlis

Fyrri færsla

Kommúnistar með menntun og kreditkort

Athugasemdir

[Jón Valur Jensson, 24.4.2013 kl. 00:35]

Vel mælt, Gunnar, hreinskilið, 100% heiðarlegt.

Leyfi mér að benda á þessa nýjustu grein á Fullveldisvaktinni: Vonlaus hópur siðferðislegrar uppgjafar í "Evrópustofu"-máli í kosningaumræðu.

[Gunnar Rögnvaldsson, 24.4.2013 kl. 06:36]

Þakka þér Jón Valur

Hef lesið þarfan pistil þinn og sent hann áfram

Kveðjur

[Valdimar Samúelsson, 24.4.2013 kl. 09:13]

Góður Gunnar. Við megum vera reiðir og verðum því hér veður ESB pakkið með hjálp opinberra fjölmiðla og hefir meiri áhrif en minnihlutinn á skilið.  

[Gunnar Rögnvaldsson, 24.4.2013 kl. 10:00]

Þakka þér Valdimar

DDRÚV hefur unnið verk sitt vel:

“Hið sanna markmið áróðurs er ekki að sannfæra né hvað þá að telja fólki trú um eitthvað, nei, hið sanna hlutverk áróðurs er að búa til heilsteyptan jafnsléttan opinberan jarðveg þar sem fyrstu sprotar hugsana trúvillinga munu birtast sem brak og brestir mishljómsins."

Í gærkvöldi sáum við menn ganga á snjóþrúgum um þennan steypta opinbera jarðveg DDRÚV. Á jarðvegi sem DDRÚV hefur hannað og búið til handa þjóðinni með því að halda henni vandalega frá svörtum sannleikanum um Evrópusambandið árum saman.

Svo stórt slæmt á aðeins nokkrum síðustu árum hefði líklega ekki með góðu móti getað gerst hér ef Ríkisútvarpið-DDRÚV og íslenskir fjölmiðlar hefðu staðið undir ábyrgð og ef fræðimannasamfélagið hefði staðið undir sinni ábyrgð.

Þrenna þessi er gersamlega óþolandi. Og enn meira óþolandi hörmulegra er að hún skuli vera á framfærslu almennings, eins og hún er. Lýðveldið Ísland á betra skilið en þetta. Þetta fer að verða eins og í Evrópusambandinu.

Svo vil ég í þessu tilefni undirstrika og með járnstöng benda á að menn eiga ekki að láta flokka ganga í sig þegar þeir ganga í þá. Það er hörmuleg sýn.

Kveðjur

[Guðni Karl Harðarson, 24.4.2013 kl. 16:28]

Val mitt í kosningingunum er að kjósa þann flokk sem kemur með afdráttarlausasta svar um að hætta ferlinu og leggja það til hliðar!

Munið að taka þátt á:
http://skynsemi.is

Hér er ein af fjölmörgu ástæðum mínum að ég mun aldrei velja inngöngu í esb!

Skynsemistal:
http://hreinn23.blog.is/blog/hreinn23/entry/1294806/

[Ásthildur Cesil Þórðardóttir, 24.4.2013 kl. 17:56]

Það er frábært að fólk er að vakna, reyndar eftir að ég tók mig til og setti skýrsluna inn á nokkrum stöðum, það er alltaf verið að tala um samninga, en þetta er bara fals og lygi eins og er kveðið á í skýrslunni.  Tek undir hvert orð hjá þér Gunnar, vel mælt.