Tónlistarhúsið Harpan lætur úr Reykjavíkurhöfn

 

Er Landhelgisgæslan því nú aðeins með eina þyrlu, Syn til taks og er hún með takmarkaða björgunargetu. Líf er í reglubundinni skoðun og Gná biluð.  Landhelgisgæslan hefur ítrekað bent á þörfina fyrir endurnýjun þyrluflotans. Gná og Syn eru báðar leiguþyrlur, Syn verður skilað í haust en Gná á næsta ári. Stefnir þá allt í að aðeins verði ein þyrla, Líf í rekstri Landhelgisgæslunnar | Mbl 

 

Forgangsröðun á áður óþekktum kredit-mælikvarða jarðsögunnar

Tónlistarhúsið Harpan lætur nú úr höfn í Reykjavík til björgunar sjómönnum í lífsháska. Veltuhraði Hörpunnar slær strax hina einu flughæfu björgunarþyrlu Lýðveldisins út af laginu á 800 þúsund ferkílómetra lögsögu, sem svo hart var barist fyrir. En sjávarútvegur er undirstöðuatvinuvegur íslensku þjóðarinnar. Hann heldur henni uppréttri. Klappar nú menningin klárt í hörpubát. Þetta hlýtur þá að vera þetta eitthvað annað, er það ekki?

Þegar ég sé þetta hús í réttu samhengi við raunveruleikann þá mótvægis langar mig eiginlega mest að stimpla Framsókn hundrað sinnum hratt á kjörseðil minn

Mér liggur við að segja: Fljúgðu Sigmundur, fljúgðu. Ég skal hrapa

En mun ég gera það?

Sú ákvörðun mín krefst líklega allra fyrsts hins ískalda hagsmunamats, það hlýtur að vera, því að um þrennt er að ræða; hér í stafrófsröð

 xB Framsóknarflokkur

 xD Sjálfstæðisflokkur

 xJ Regnboginn (Bjarni harðari)

Fer nú málið, sem sagt, í ískalt mat

Og ég vil ekki láta neina ríkisstjórn bjarga mér, því rústum er ég vanur. Nóg væri fyrir mig að hún rústaði ekki Lýðveldinu okkar. Þar hefur því miður litlu munað og kraumar sjóðheit súpan sú ákaft enn. Hið eina rétta verð ég fyrst að gera til að geta síðan gert allt annað

Fyrri færsla

Þjóðin hefur aldrei beðið um innlimun

Þyrla Gæslunnar nauðlenti

Athugasemdir

[Helgi Jónsson (IP-tala skráð) 26.4.2013 kl. 08:18]

Þetta er furðulegur pistill hjá þér. Hvert er eiginlega samhengið á milli Hörpunnar, TF Gná og Framsóknarflokksins..???. Ef þú villt meina að ríkisstjórnin hafi frekar viljað spandera í tónlistarhús frekar en nýja þyrlu þá er það bull, vegna þess að ef þú manst það ekki að þá fékk ríkið og borg þetta tónlistarhús í fangið hvort sem þeim líkaði það betur eða verr þannig að það var ekkert val, það varð að klára þetta verk eða rífa húsið sem hefði ekkert verið ódýrara. Ef þér finnst að ekki sé settur nægur peningur í Landhelgisgæsluna og þyrlukaup, mætti þá ekki ræða að útgerðin sem er að skila miljarðahagnaði og treystir mest á gæsluna, leggi eitthvað af mörkum..??

[Gunnar Rögnvaldsson, 26.4.2013 kl. 19:27]

Þakka þér Helgi

Varðandi Kredithörpuna:  

Það má kallast furðulegt að hægt sé að henda hverju sem er í "fangið á ríkinu og borginni": Að þetta tvennt skuli alltaf "taka við" og svo ákaft gereyða þeirri velmegun sem sjávarútvegur landsins skapar landinu í heild og þá í þetta þvílíka monstrous geggjaða brjálæði eins og Kerditharpan er. Svona káluð gerræðisleg sveitamennska sést bara hvergi á byggðu bóli. Harpan er heimsmet í sveitamennsku.

Hún hefði, eins og hún var, sæmt sér fínt sem lögglit minnismerki yfir og fyrir fábjánaskap. Einskonar leiði hins óþekkta asna klyfjaður heimsku og fíli bomm bomm.

Samhengið við Framsókn er auðvitað ekkert. Ekkert. Zero. Núll. Það er nefnilega þar sem samhengið er. Og það sér fólkið í landinu.

Að núverandi forysta Sjálfstæðisflokksins skyldi svo stuttu síðar hafa hugsað sér að henda Icesave yfir í þetta sama gamla fang ríkisins og yfir á sveitir landsins, það sá fólkið í landinu líka. Það tók því völdin úr höndum þess slags manna sem þar sýndu skýrt að það hefur aldrei þurft kjark til að guggna og gefast upp.