Haggast ei Jón Bjarnason

Það verður ekki frá Jóni Bjarnasyni tekið, að hann í framboði Regnbogans, stendur allur með Íslandi og fullveldi þess. Þá bjargföstu óhagganlegu sannfæringu var ekki án hiks hægt að finna hjá öðrum í kvöld sem leið. Hann er all in og leggur allt bjarg sitt undir. Þetta sér maður ekki á hverjum degi nú um daga

Yes, he in that sal was, others not. Því bið ég

Jón Bjarnason er frá Íslandi; sem er myntsvæði íslensku krónunnar á átjándu stærstu eyjar veraldar; sem er langþráð sjálfstætt fullvalda ríki Íslendinga á tæplega milljón ferkílómetrum alls. Og sú stærð og fullvalda sjálfstæði þjóðríkis okkar kostaði sitt. Árhundruða harða baráttu

Og Jón Bjarnason veit og sagði það mæta vel, að með gildistöku Maastricht-sáttmálans þann 1. nóvember árið 1993, varð Evrópusambandið sjálfstætt ríki yfir öllum ríkjum sambandsins. Já, varð sjálfstætt ríki, en þó ekki fullvalda. Það verður það ekki fyrr en fullveldi ríkjanna hefur að fullu verið tappað af og pumpað úr ríkjunum sem eiginhandarárita þá sáttmála, lög og lagnir sem beina því úr landi. Fyrir því er nú hart barist af esb-elítu sambandsins. Soghljóð evrunnar er það

Fullveldið getur bara verið á einum stað í einu. Og bara í einu ríki í einu. Á einum stað sem einn hnappur væri. Annars væri það einskis virði. Því var í einum grænum hægt að kalla þing saman á Alþingi og setja hér neyðarlög. Fullveldið var og er okkar. Við réðum ráðum. Og hin íslenska mynt, krónan, er eins konar framkvæmdaarmur fullveldis okkar

Síðan í kjölfar Maastricht-sáttmálans var sjálfri yfirstjórnarskrá allra landa Evrópusambandsins —Lissabonsáttmálanum— samfellt í sjö ár nauðgað í gegnum þjóðþing þeirra landa sem í sambandinu eru. Og enginn kjósandi var í því ferli spurður álits á neinu, nema á Írlandi

En þar var álitli írsku þjóðarinnar einróma hafnað í aðalstöðvum Evrópusambandsins. Í yfirstjórnarskránni sem kennd er borgina Lissabon, stendur svart á hvítu að evra ER lögeyrir allra ríkja sambandsins. Heil sjö ár tók að njörva þá staðreynd niður í stjórnarskrá ESB, sem er yfirríkislegur yfirsáttmáli allra sáttmála sambandsins. Toppurinn á borgarísjakanum

Írum var því og þar næst af sambandinu skipað að skipta um skoðun á staðnum, þar til hún fullnægði ókjörnu klíkuveldi Evrópusambandsins í Brussel. Ekkert eitt land skyldi stöðva ferlið. Þá hafði frú óhagganlega sannfærð Margaret Thatcher því miður látið af embætti. Martröðin gamla varð því sambandinu greiðfær orðin. Gamla Martröðin númer hvað? og hverjum fær?

Og nú er hún látin

Fyrri færsla

Sjálf dó hún ekki úr Eurosclerosis, heldur Evrópa 

Athugasemdir

[Helga Kristjánsdóttir, 10.4.2013 kl. 22:47]

Ég er farin að lesa ykkur tvisvar,bara gott því nú liggur mikið við að drekka í sig það sem ofurhetjurnar segja.