160 þýskir skattheimtumenn svífa til jarðar í Grikklandi

Um er að ræða 160 manna setulið þýskra skattheimtusérfræðinga sem aðstoða eiga við innheimtu skatta og gjalda af almenningi í ESB- og evruríkinu Grikklandi. Matsfyrirtækið Standard & Poor's flokkar nú Grikki sem gjaldþrota þjóð í gjaldþrota ríki. Stjórnmálamenn Grikklands hafa sumir hverjir verið fyrri til og þegar flutt peninga sína úr landi. Kannski þeir hvíli í sama skattaskjóli og lúxuslífeyrissjóðir 1.100 embættis- og stjórnmálamanna Evrópusambandsins gerðu í byrjun ársins 2009.

Fjármálaráðherra Norður-Rínar fylkis í Þýskalandi, Norbert Walter-Borjans, segir að Grikkland standi nú í svipuðum sporum og Austur-Þýskaland gerði þegar það kom gjaldþrota og eyðilagt undan kommúnisma Sovétríkjanna. Afleiðing 30 ára aðildar Grikklands að Evrópusambandinu og 10 ár þess í myntvafningi sambandsins, er sem sagt ekki nein hörmungaleg smásmíði. Svo virðist sem evran hafi jafnvel virkað betur en til var ætlast; sem gereyðingarvopn. Hver kann að umgangast gereyðingarvopn? Aðeins tveir möguleikar eru; on eða off

Almennt er talið að síðsta innheimtuferð Þýskalands inn í Grikkland hafi ekki verið nægilega hámörkuð. Þessi gangi þó betur, þar sem Þjóðverjar telja sig orðna sérfræðinga í Evrópufræðum.

Fyrri færsla

 

Ég spila ekki póker með fullveldi Íslands

 

Athugasemdir

[Þorgeir Ragnarsson (IP-tala skráð) 28.2.2012 kl. 12:07]

Verða þeir ekki bara að semja um að borga das Reich til baka í geitaosti, eða er landbúnaðurinn dauður út af evrunni?

[Ásthildur Cesil Þórðardóttir, 28.2.2012 kl. 12:46]

Þetta er skelfilegt og inn í þetta vilja VG og Samfylkingin teyma okkur.

[Gunnar Rögnvaldsson, 28.2.2012 kl. 14:02]

Þakka ykkur innlitið 

Eini seðlabanki Grikklands sem gefa má út peninga er í Þýskalandi. Hann hefur frá og með í dag neitað að taka við ríkispappírum gríska lýðveldisins sem tryggingu fyrir að fá seðla til baka út úr þessu erlenda peningayfirvaldi landsins í Frankfurt í Þýskalandi.

Nú hefur Grikkland engan seðlabanka og má ekki gera neitt. Ekki gefa út peninga. Og ekki ráðstafa peningum samkvæt stjórnarsrká eða í umboði kjóenda. Landið getur ekkert gert nema dáið: ECB Suspends Greek Debt as Collateral After S&P Downgrade

[Ásthildur Cesil Þórðardóttir, 28.2.2012 kl. 14:09]

Og enn er til fólk hér á Íslandi sem heldur að við getum kíkt í einhvern pakka og kosið svo um málið.  Skelfilegt að upplifa slíkan þorskaskap.

[Gunnar Rögnvaldsson, 28.2.2012 kl. 17:12]

Þorskur er miklu meira virði en evra. Hann er gull. 

Ég leyfi mér því, Ásthildur, að umskrifa þetta orð yfir í bjána-skap. En þeim skap er alltaf nóg til af í ESB.

[Ásthildur Cesil Þórðardóttir, 28.2.2012 kl. 17:45]

Já ég verð víst að biðja þorskinn afsökunar.