Þöglir Króatar neita þátttöku í sovétríki Evrópusambandsins [u]

 

Það verður er þegar fróðlegt að sjá þegar sovétstjórn Evrópusambandsins —sem enginn kaus— fagnar þessum ósigri lýðræðisins í Króatíu í dag, þar sem aðeins 44 af hverjum 100 kjósendum landsins þorðu að mæta á kjöstað til að segja satt um skoðun sína á einkaþátttöku stjórnaraðila landsins í hinum nýju sovétríkjum Evrópusambandsins. Þjóðaratkvæðagreiðslan um ESB aðild Króatíu í dag fór fram í formi einkamála-greiðslugetu stjórnvalda gegn tómum peningakassa og lokaðri hitaveitu hjá andstæðingum þessa skrípaleiks. 

Þegar Ungverjar á svipaðan hátt neituðu að taka þátt í skrípaleik Moskvukosninga Evrópusambandsins árið 2003, þá neituðu 54 prósent þjóðarinnar að taka þátt í þeirri aðför ESB-sinna að nýfengnu lýðræði Ungverjalands. En samt var landinu troðið inn í Evrópusambandið þarna árið 2004. Nú stjórnar Evrópusambandið í Brussel stjórnarskrárgerð Ungverjalands. 

Hversu ömurlegri félagsskap en Evrópusambandið getur nokkurt land fallið í.

Fjögur þúsund dalir andstæðinga ESB-aðildar í Króatíu á móti Brusselgullinu máttu sín lítils gegn milljón dölum þess í dag. Inn á þennan sorphaug lýðræðis og frelsis ætlar ríkisstjórn Jóhönnu Sigurðardóttur, Steingríms J. Sigfússonar og Össurar Skarphéðinssonar að henda íslenska lýðveldinu. Þessi þrenna einkahagsmuna, hugleysis og kosningasvika er einstæð í Íslandssögunni. 

 

Síðustu skoðanakannanir meðal Króata fyrir helgina bentu til þess að 57,2 prósent kjósenda á kjörstað hyggðust segja nei við aðild landsins að ESB. Brusselgullið hefur hér unnið verk sitt vel því 66 af hverjum 100 kjósendum þessa minnihluta þjóðarinnar sem mættu á kjörstað sögðu já í dag. 

 

Um það bil 84 prósent Króata tóku þátt í þjóðaratkvæðagreiðslunni um sjálfstæði Króatíu frá Júgóslavíu árið 1992. Á aðeins tuttugu árum hefur hér með tekist að varpa lýðræði og sjálfstæði Króatíu fyrir róða.

 

Örstuttur tími lýðræðis sem stjórnarformi á meginlandi Evrópu er útrunninn. Evrópusambandið er nú megindrifkraftur öfgasinnaðrar þróunar í löndum meginlandsins á ný. Stjórnmál þess hafa verið þjóðnýtt.

Þeir sem létu ekki kaupa sig með Brusselgulli ESB í dag, segja að ESB-aðild landsins sé ólögleg og að þeir munu aldrei viðurkenna hana. Fræjum ófriðar er hér með sáð. 

 

Þarna datt 28. ríkið ofan í bakpoka Brussels. Gegn vilja þjóðarinnar. Þetta eru hin vel þekktu og gömlu hlandgulu sjörnuvörumerki Össurar, Steingríms J. og jóhönnun veruleikans. Króatar eru hér með upplýstir. Og nú verður aldrei kosið aftur.

 

New York Times; The campaign against European Union membership is being run from a cramped three-room office with no heating. The only visitor before 10 a.m. one recent morning was the landlord asking about the rent. Mr. Bosnjak, the secretary of the Council for Croatia, said the council represented about 25 small groups that together had just $4,000 to $5,000 to spend. (The government said it planned to spend about $800,000 on television spots and a pro-integration information campaign.)

 

Spilling í Króatíu er talin vera minni en á ESB-Ítalíu sem er stofnandi Evrópusambandsins og hefur verið í sambandinu í samfellt 55 ár — og enn minni en í ESB-Grikklandi sem hefur verið 30 ár í Evrópusambandinu og er því á leið í ríkisgjaldþrot — minni en í ESB-Slóvakíu sem hefur verið 8 ár í Evrópusambandinu og er að kafna — og jafnvel enn minni en í ESB-Rúmeníu.

Spilling, óréttlæti, einræði, ánauð, fátækt, atvinnuleysi og glæpir í opinberri stjórnsýlsu sem og öllu samfélagi Króata, mun því aukast hratt við að land þeirra hefur nú verið innlimað í Evrópuspillingarsambandið ESB - sem enginn kaus.

Kosningabúr Evrópusambandsins eru og hafa alltaf verið innréttuð sem pyntingaklefar gegn lýðræði og frelsi.

Athugasemdir

[Gaupi (IP-tala skráð) 22.1.2012 kl. 23:08]

Gegn vilja þjóðarinnar segirðu og segir svo frá því að tæplega 68% hafi kosið já.  Hvernig gengur það upp? 

[Gunnar Rögnvaldsson, 22.1.2012 kl. 23:32]

44 af hverjum 100 kjósendum mættu á kjörstað. Af þeim sögðu 66 af hverjum 100 já. Mikill minnihluti þjóðarinnar sagði því já. Því er nú sagt að einkainnlimun ESB-sinna á Króatíu inn í ESB sé ólögmæt. 

Spurning þín —  hvernig gengur þetta upp? — er því afar réttmæt. Þetta gengur ekki upp, Gaupi. En er samt að gerast.

Kveðjur

[Helga Kristjánsdóttir, 22.1.2012 kl. 23:41]

Lestu alla greinina Gaupi, Síðustu skoðana kannanir fyrir helgi bentu til að 57,2 kjósenda á kjörstað hyggðust segja nei við aðild að ESB. Hvað hefur breyst á þessum stutta tíma? Brussel gullið, glópagullið? Skilaboðin héðan eru ,,troði þeir því í görnina á sér,,.

[Róbert Björnsson, 23.1.2012 kl. 09:45]

Ég óska Króötum innilega til hamingju með þetta gæfuspor. Vonandi munu íslenskir Nei-sinnar sömuleiðis sitja heima þegar okkar kjördagur kemur og væla svo á blogginu daginn eftir! :) Svona líkt eins og þegar okkar ágæta stjórnlagaráð var kosið.

Það er svolítið fíflalegt að kvarta undan skorti á lýðræði í öðru orðinu og mæta svo ekki á kjörstað og berjast svo fyrir því að fólk fái hreinlega ekki að kjósa um málið. Sennilega vita íslenskir Nei-sinnar sem er að stuðningur almennings við ESB aðild er mun útbreiddari en skoðanakannanir Heimsksýnar gefa til kynna. Því er "hættulegt" að leyfa fólkinu að kjósa.

Slakiði nú aðeins á ofstopanum og skellið Beethoven á fóninn svona í morgunsárið með kaffibollanum...Freude, schöner Götterfunken, Tochter aus Elysium, Wir betreten feuertrunken, Himmlische, dein Heiligtum! ;)

[Eggert Sigurbergsson, 23.1.2012 kl. 12:27]

 "Forseti Króatíu, Ivo Josipovic, hefur lýst því yfir að það sé óábyrgt að greiða atkvæði gegn aðild og utanríkisráðherrann, Vesna Pusic, hvetur fólk til að greiða atkvæði með inngöngu til bjargar efnahag landsins."

Þetta kalla íslenskir kratar lýðræði og fagna ógurlega yfir ógæfu Króata, margir íslenskir sambandskrata vilja að Ísland standi frammi fyrir þjóðargjaldþroti, eins og Króatar, svo hægt væri að svína þeim í sambandið enda spruttu þeir upp úr öllum holum þegar bankakerfi hrundi á íslandi.

Króatar áttu þá völ að þiggja miljarða Evra múturgreiðslur ESB eða verða gjaldþrota, er ekki hissa að flestir sátu heima með óbragð í munninum.

[Gunnar Rögnvaldsson, 23.1.2012 kl. 17:19]

Þakka ykkur fyrir innlitið

Þetta er frekar stórkostlegt, finnst mér. Þegar ég bendi á þverrandi virðingu fyrir lýðræði á nú hersetnu meginlandi Evrópusambandsins, uppgufun frelsis ESBþjóðríkja, ESBsukk, ESBsvindl, ESBsvínarí og afdalamennsku Evrópusambandsins í hinni hreinustu mynd, að þá skulu mér bara vera bent á að setja rúgbrauð Lúðvíks Beethoven á grammófóninn!

Af hverju ekki bara horfa á veggmynd af Jósef Stalín? Eða herr Hitler úr Lúðvíkslandi. Það var líka kosið hjá Stalín. Oft og mörum sinnum. Aftur og aftur. Enda stóðu Sovétríki kommúnismans í heil 70 ár. En svo hrundi múrinn vestur-yfir og þau gengu næstum öll í ESB. Það með varð áköllun eftir frelsi sjálfkrafa að áköllun eftir jöfnuði og jöfun þjóðríkja ESB við jörðu.

Í Danmörku eru smábörn látin horfa á mynd af ESB merkinu í hvert sinn sem þau ná sér í ESB-styrkt epli í kassann á barnagörðum landsins, sem eru undir upplausn sökum vaxandi fátæktar þessa ESBríkis. Sjálfur Stalín hefði ekki getað gert þetta betur. Eplin þurfti ESB að styrkja því dönsku ríkisstjórninni var og er bannað að gefa börnum landsins ókeypis epli. Þessi stóra ákvörðun og fyrirkomulag hennar varð að koma frá Mosk. . . frá Brussel.

Ég bjó 25 ár í ESB og þoli ekki meiri andskotans misnotkun ESB á L. V. Beethoven

Kveðjur

[Jóhann Elíasson, 24.1.2012 kl. 10:42]

Snilldagrein, þessi verður prentuð út, innrömmuð og hengd upp í stofunni.