Síðasta hálmstrá seðlabanka Evrópusambandsins tekið í notkun. Og kanslari Þýskalands messar yfir Grikkjum

Mynd: Cepos - meðal vinnustundafjöldi allra í þjóðfélögum OECD landa árið 2006, á hvern mann.

 

Eins og vandræði Grikklands væru ekki næg fyrir, eftir að hafa verið þrýst út á bjargbrún ríkisgjaldþrots vegna 30 og 10 ára ESB- og evruaðildar landsins. Nú hótar ECB yfir-seðlabanki landsins Grikklandi alla leiðina frá Frankfurt í Þýskalandi.

ECB hótar að neita að taka við veðhæfum eignum Grikklands í endurhverfum viðskiptum ríkis og bankakerfi þess við seðlabankann, sem er handhafi einkaréttar allrar peningaútgáfu Grikklands um alla eilífð. Hótunin var sett fram á fundi þar sem ECB seðlabankastjórinn gékk út. Til umræðu hafði komið að yfir-yfirvöld Grikklands, sem eru staðsett í borginni Brussel í Belgíu, sendu landið í ríkisgjaldþrot, að hluta til. Aðal stjórnmálamaður evrusvæðisins, seðlabankastjóri Evrópusambandsins, Jean-Claude Trichet, tekur það ekki í mál. Basta. 

Síðan kom fröken Angela Merkel fram á svalirnar, eftir að hafa verið á intensífu dráttarvélanámskeiði evrusvæðisins árum saman, og lýsti því yfir að Grikkir og Suður-Evrópubúar væru latir, ynnu svo að segja ekki neitt og væru alltaf í fríi. Tölurnar segja okkur hins vegar allt annað, einnig um frídagana, eins og t.d. portúgalska Jornal de Negocios bendir á. 

Næst kom fram Dirk Hoeren á Bild-Zeitung í Þýskalandi og sagði að hinn "góði efnahagur Þýskalands hefði ekki fallið af himnum ofan heldur væri hann árangur af harðri vinnu".

 

Hið rétta er auðvitað að þýska hagkerfið hefur stundað massífa innvortis gengisfellingu gagnvart öllum evrulöndunum í 12 ár. Þau geta ekkert að gert því þau eru í læstu gengisfyrirkomulagi við Þýskaland um aldur og ævi. Allir hugsandi menn vita að væri þýska hagkerfið með frjálst fljótandi eigin gjaldmiðil, þá væri gengi hans miklu hærra en það er í dag. Þýskaland ríður áfram á bökum minna þróaðri hagkerfa evrusvæðisins í suðri sem norðri - á fölsuðu gengi. Svona hefur Þýskalandi tekist að raka saman hátt í 1000 miljörðum evra í viðskiptahagnað við umheiminn, sérstaklega gagnvart evrulöndum. Þau fara þrot.

 

Yfir-yfirvöld Grikklands í Brussel hafa nú krafist tvöföldunar á niðurskurði gríska ríkisins og að meira land og eignir verði seldar - sell, sell, sell. En lóða- og þinglýsingaskár eru eins og þær eru í gamla Grikklandi, þannig að nú geta Grikkir hafið innbyrðis styrjöld um eignir landsins á sama tíma og þeir berjast við yfir-yfirvöld lands síns í Brussel. Þetta endar með nýrri herstjórn. Sannið til.

 

Svo eru það Írland og Portúgal sem næst fara í skemmtiferðalag. Og síðan Spánn og Ítalía. Þetta smá kemur.  

 

Mynd 1 Cepos: meðal vinnustundafjöldi allra í þjóðfélaginu árið 2006, á hvern mann.

Mynd 2 Cepos: dálkur 1: fjöldi vinnustunda á hvern mann sem hafði atvinnu árið 2006. Dálkur 2: Atvinnuþátttaka fólks á vinnualdri. Dálkur 3: meðal vinnustundafjöldi allra í þjóðfélaginu árið 2006.

 

Athugið: Ísland er efst á mynd 1 því hér höfðu flestir atvinnu þannig að atvinnustig var það besta í öllum löndum OECD. Mest var að gera, flestir höfðu atvinnu en unnu þó færri tíma en hver Grikki sem hafði atvinnu.  

 

Krækja: Financial Times: The ECB goes all-in - The Economist; Sell, sell, sell

 

Fyrri færsla

 

Ríkið sem dó í þjóðareign 

Athugasemdir

[Jón Steinar Ragnarsson, 20.5.2011 kl. 02:01]

Væri Belgía ekki komin á hausinn ef ekki væri fyrir pappírsskrímslið þarna í Brussel? 

[Jón Steinar Ragnarsson, 20.5.2011 kl. 02:11]

SSÞetta er bara gamla lénsskipulagið endurvakið sýnist mér.

[Jón Steinar Ragnarsson, 20.5.2011 kl. 02:32]

Það er verið að beila út bankakerfið á kostnað þjóða. En getur þú svarað mér því hvernig töpuðu bankarnir þessum peningum og hvar eru þeir? Voru þessir peningar nokkurntíma til? Er þetta ekki bara racket og svindl í tröllauknum stærðum?

Hvorki Grískir, Írskir né Portúgalskir borgarar eru að njóta góðs af lánum. Ekki ríkisbúskapurinn. Þau hverfa jafn óðum í einhverja hít sem enginn veit hver er. Á sama tíma er verið að ræna ríki og borgara því litla sem ekki er búið að ræna nú þegar. 

Hvað er á seyði Gunnar?

[Júlíus Björnsson, 20.5.2011 kl. 02:38]

Tyrkir eru þess eins og Frakkar og Þjóðverjar hvorki duglegir né latir: þrælar.  Ég heyrði í þeim á Þýska þinginu fyrir nokkrum árum n bera sama Íslendinga og Grikki við vorum dugleg en Grikkir latir.  Þjóðverjar sjálfir og Frakkar þurfa að vera út í búð og á veitinghúsum alla daga.  Hjólin eru byrjuð að snúast hraðar.  Þetta er allt að fara til fjandas í ESB. Kína flytur mest inn af öllum ríkjum heims og má segja að bjargi útflutningi ESB sem hefur minnkað um 20 % til 30% síðustu ár.

[Gunnar Rögnvaldsson, 20.5.2011 kl. 02:51]

Athugið: engir peningar eru tapaðir Jón Steinar. Þeir eru jafn margir eftir sem áður. En það sem hins vegar var keypt fyrir þá reyndist vera súr mjólk.

Eins og í bönkum hér á landi. Mjólkin sem var keypt var fyrir peningana reyndist ónýt, súr eða keypt á uppsprengdu bóluverði.

Peningarnir eru hjá kaupmanninum. Hann hlær alla leiðina í bankann með þá.

Svona er peningastjórnun á evrusvæðinu. Bólugrafin undir stjórn seðlabanka Evrópusambandsins. Hinum fullkomna. Þangað sóttu einnig íslenskir bankar sér fé til bólugraftarstarfsemi 

[Gunnar Rögnvaldsson, 20.5.2011 kl. 22:18]

Leyfi mér að vekja athygli á þessari bloggfærslu með hreint afbragðs myndskeiði frá Írlandi:

Nokkru vel valin um ESB og Írland frá Pat Condell

[Júlíus Björnsson, 21.5.2011 kl. 03:56]

NB faul 1) Moderig > musty

2) arbeitsunlustig í merkingu leggur sig í vinnunni: afkasta lítill

3) säumig skilasein: ein fauler Schuldner

4) unsicher : faule Aktien

Þjóðverjar báru saman Íslendinga og Grikki einu sinn á Þýska þinginu. Sem andstæður  sennilega eru Íslendingar álitnir eiga meira raunvirði fyrir skuldum en Grikkir þegar þetta var mælt.  Grikki latir mun eiga að merkja óskilvirkir og raunvaxta afkasta litlir.  Þjóðverjar er með mikið lægra af vöxtum í sínum þjóðartekjum, og afskrifa verðbólgu jafn óðum , þannig þótt þeir séu með 32.000 $ á ári á mann, þá er það í kjöti án mygluskánar.

[Júlíus Björnsson, 22.5.2011 kl. 03:41]

Hinsvegar borga Íslendingar í orku, og fiski, en Grikkir í hveiti, rúgi, tókbaks iðnaði og túristaiðnaði á uppgagnstímum.

2) Sá sem svíkist um í vinnu. Mig grunar að þýskir atvinnurekendur ráði ekki letingja.