Bjartur í Sumarhúsum kominn með hitaveitu, nóg rafmagn og 200 sjómílur

Mynd BBC: vísitala launakostnaðar nokkurra evrulanda 

All mikið vatn Bjarts í Sumarhúsum er nú runnið til sjávar í gegnum virkjanir þær sem sjávarútvegur og landbúnaður Íslands skaffaði öllum sveitungum þessa manns sem ákvað að ganga ekki í Sovétríkin á sínum tíma. Fyrir vikið hefur verið hægt að byggja hér upp heilar nýjar atvinnugreinar sem þó enn hvíla á breiðum öxlum landbúnaðar og sjávarútvegs Íslands. Tvíburar þeir sem ennþá eru og verða um langa framtíð undirstaða hinnar efnahagslegu tilveru okkar Íslendinga.  

Hans Bjarts er hér á þessu heimili minnst með virðingu. Samkvæmt arfleið þrjóskunnar vill Bjartur ekki láta af velmegun þeirri sem brjóstborin þrjóskan skaffaði okkur. Hann vill heldur ekki gifta afkvæmi sín þeirri þverrifnu flatbrjósta fjöl sem Paul Mason hjá BBC Newsnight kallar fyrir brúðina í hinu Feita Fíaskó-brúðkaupi Evrunnar, undir stjórn tréhestsins frá Lyon, Jean-Claude Trichet.

Trichet: welcome to my great big fat Euro fiasco 

Myndin hér fyrir ofan sýnir Íslendingum hve mikið mismunandi haltir í sumarvinnubúðum myntbandalags Evrópusambandsins hafa fengið í launahækkun síðustu 16 árin, eða svo. Við skulum byrja á Kínverjum Evrópu, Þjóðverjum; Þeir, mínar dömur og herrar, hafa fengið samtals 5 prósent launahækkun á 14 árum. Já, fimm prósent á 14 árum. Og það sem verra er; Evran falsaði á kínverskan hátt gengi hagkerfis Þýskalands of lágt svo útflutningur þess mætti óhindrað flæða til landa Suður-Evrópu en nákvæmlega ekkert komast þaðan inn í Þýskaland til baka. Ekkert var keypt af Suður-Evrópu í staðinn því hún varð auðvitað ósamkeppnishæf á fimm mínútum sléttum, fastlæst inni í myntbandalagi ESB.

Paul Krugman; During the eurobubble years, there were huge capital flows to peripheral economies, leading to a sharp rise in their costs relative to Germany. Now the bubble has burst, and one way or another those relative costs need to be brought back in line. But should that take place via German inflation or Spanish deflation? 

Þetta er þá samtals 15 ára innvortis gengisfelling Þýskalands í skjóli myntbandalags Evrópusambandsins sem árið 1999 tók útvortis gengi allra landanna og læsti það inni í skáp seðlabanka Evrópusambandsins, ásamt vaxtavopninu, sem varanlega var faststillt á þarfir Þýskalands, only.

Til að styðja við þetta fjarstýrðra efnahagslega sjálfsmorð Suður-Evrópu frá Frankfürt í Þýskalandi, var suðrinu um stundarsakir logið inn í bankakerfi heimsins á vaxtastigi Kínverja Evrópu, en sem reyndist falsað, eins og nú hefur komið í ljós. En á meðan lygin hélt gátu löndin í suðri fengið lán til innkaupaferða sinna inn í Þýskaland á vöxtum Þýskalands. 

Mynd; Paul Krugman; Langtímavextir; leiðir skilja á ný. Ekki lengur hægt að blöffa fjármálamarkaði með Jacques Delors lyginni um "einn markaður, einn peningur".

Nú skilja leiðir á ný. Fávísir þýskir Kínverjar Evrópu halda sig heppna að sitja í ordnung norðurfrá með fangið fullt af peningum þeim sem nú vantar á tóma kistubotna Suður-Evrópu. En þessi hlátur þeirra á leiðinni í bankann er við það að þagna og breytast í fimmtu hysteríu aftansöngs rúgbrauðsins. Heljargreipar fjármálamarkaða hafa nú læst risavöxnum járnkrumlum um þyrnibelli þá sem heima í Þýskalandi héldu að allt væri svo gott. Að þeir ættu einungis eftir að fá greitt fyrir græjurnar sem sendar voru af stað frá árinu 1999 til 2008. Hahahaha. Þeir halda ennþá að þeim verði greitt um hárin.

Krækjur:

• BBC; Trichet: welcome to my great big fat Euro fiasco
• Krugman; The Road to the Euro Crisis
• Krugman; Why People Say “Eeh!” When They Learn About the ECB
• FT/Alphaville; The IMF on the state of Europe’s banks | European banks by the (NPL) numbers
• Dönitz mynt Evrópusambandsins er hættulegur rekaviður  

Þrákelkni Bjarts í Sumarhúsum

Athugasemdir

[Jón Steinar Ragnarsson, 15.4.2011 kl. 03:15]

Ég vona að þú gerir úttekt á framvinduskýrslu framkvæmdastjórnar ESB til Evrópuþingsins, sem Páll Viljhjalmsson tók fyrir í stuttu máli.

Mér finnst þetta hvað mest aðkallandi að menn átti sig á af öllu helvítins plottinu. Þ.e. hvað í þessu felst. Það er líka athyglivert að sjá þann grun staðfestann að fyrningarfrumvarpið og stjórnlagaráðið tengjast beint þessum landráðum og að raunar allt sem þessi stjórn hefur verið að vinna snýr alfarið að markmiðinu um að þvæla okkur inn í þriðja ríki ESB.

Það hefur verið logið að þjóðinni og hún blekkt og flestir hafa haft það á tilfinningnni raunar. Nú er samhengið ljóst að mínu mati og spurning hvort ekki þurfi að fara að koma þessu hyski í járn.

Allavega eru komin staðföst rök fyrir því að leysa upp ólöglegt stjórnlagaþing og afturkalla umsóknina, þótt ekki væri meira til að byrja með.

[Jón Steinar Ragnarsson, 15.4.2011 kl. 17:19]

Eurogeddon.

Euroflation.

[Halldór Jónsson, 16.4.2011 kl. 08:50]

Þjóðverjar fengu að þjófstarta þegar þeir skiptu Dm í Evru á 2 :1.Þegjandi kostaði allt sem kostaði 1 DM fyrir skipti strax 1 Everu. Þeir skáru kaupið niður um helming og lögðu til orrustu við ræflana í suðri. Svona svipað og útgerðin okkar eftir gengisfallið. Svo er þessi dásamlega stóíska ró sem einkennir Þýskarann. Fyrir hann skiptir stabílitetið öllu máli, bjórinn og sígarettan þarf að kosta það sama í dag og á morgun, þá er flest annað í lag. Þeir vilja ekki fara í neitt stríð, þeir fyrirlíta Hitler og allt sem honum tengdist. Þeir vilja hafa Ordnung og Arbeit í ríkinu og umhverfinu, líta niður á suðrænar þjóðir en upp til Íslendinga vegna Nonna og Manna, Laxness og der Sagas.Þeir vilja vinna og hver þeirra elskar sitt Heimat-hérað. Fjölskylduböndin eru sterk og reynt er að varðveita ættaraðinn með skynsamlegum hjónaböndum. Verkvöndun og nákvæmni er aðalsmerki.

Hvernig í ósköpunum geta Tyrkir,Rúmenar, Sígaunar, Grikkir, Íslendingar osfrv. staðist þessari þjóð snúning ?Þjóðir sem vantar alla þessa eginleika mismunandi mikið.Er það ekki bara svo bí-bí vitlaust að halda að þessar hálfsiðuðu þjóðir geti haft sömu mynt og Þjóðverjar ?

Þessvegna er EVRAN dauðadæmd og Evrópubandalagið á ekki aðra framtíð sem Gross-Deutschland með misjafnlega friðsamt samband við Frakka og Breta og Rússa.