Var svindlað í stjórnarskrár kosningunum? Hæstiréttur ógilti framkvæmdina.

Enginn veit hvort svindlað var í almennum kosningum til stjórnlagaþings. Staðið var þannig að kosningunum að æðsta dómsyfirvald Íslands sá sig tilneytt til að ógilda þær. 

Eftir allt það sem ég hef séð til stjórnarhátta Jóhönnu Sigurðardóttur & Co, kæmi það mér alls ekki á óvart að massíft kosningasvindl hafi farið fram, með eða án þeirra vitundar. Ég er hins vegar ekki að segja að þessi hafi verið raunin.

 

En þetta vitum við ekki því ólöglega var staðið að kosningunum. Það var einmitt þess vegna sem Hæstiréttur Íslands ógilti þær. Við vitum þetta ekki. En grunurinn er þarna. Hefði hins vegar verið staðið löglega að kosningunum myndum við vita hvort svindlað var eða ekki. 

Ekki mun ég virða mikils neitt sem kemur út úr þessu allsherjarklúðri ríkisstjórnar Jóhönnu Sigurðardóttur. 

Ég vil ekki búa í húsi þar sem næstum allar byggingareglur voru hafðar að engu og framkvæmdin dæmd ólögleg. En ríkisstjórnin, næstum öll, krefst hins vegar þess að þeir sem fjármögnuðu hina ólöglegu byggingu meistaranna, flytji þar inn. Bíði þar og hírist fram að næsta skjálftahrinu. Enginn fær mig til þess.

Vesalingar. 

 

Fyrri færsla

 

189 þýskir hagfræðiprófessorar mótmæla. ECB-seðlabankinn sem gætir myntar Þýskalands orðinn sorptunna 

Athugasemdir

[Loftur Altice Þorsteinsson (IP-tala skráð) 27.2.2011 kl. 17:45]

Kosningarnar til Stjórnlagaþingsins voru ekki bara ógildar vegna formgalla heldur miklu frekar vegna efnisgalla.

Ekki bara formgallar á kosningunni til stjórnlagaþings !

[Kolbrún Stefánsdóttir, 27.2.2011 kl. 19:01]

Gaman að lesa þennan pistil. Eins og oft áður er ég svoooooo sammála  Reyndar aldrei séð tilgang með þessu Stjórnlagaþingi bara sorrý. Kveðja Kolla.

[Gunnar Rögnvaldsson, 28.2.2011 kl. 20:24]

Þakka ykkur Lofur og Kolbrún fyrir innliitð.

Kveðjur