Leita í fréttum mbl.is

Verður pasta-tómatsósuverðbólga myntarinnar evru tekin upp?

Innkeyrslan við þýska seðlabankann 
Mynd: aðalstöðvar þýska seðlabankans 
 
Þá vitum við það. Eftirfarandi evruupptaka hefur náðst á segulband. Ef skipa ætti Ítala sem bankastjóra seðlabanka Evrópusambandsins (ECB), þá þýðir það aðeins eitt: verðbólgu. 

Þýska blaðið Bild-Zeitung, sem kemur út í hve stærstu upplagi allra blaða í Evrópu, hefur áhyggjur af því að Ítali geti hugsanlega orðið næsti bankastjóri seðlabanka Evrópusambandsins. Blaðið segir að verðbólga sé eins órjúfanlegur og rótgróinn þáttur í lífi Ítala og pasta og tómatsósa eru það. Hver veit. Kannski fá Esbbúar gleraugun sín loksins á einn milljarð.      

Ykkur finnst kannski kátbroslegt hversu verðbólguhræddir Þjóðverjar eru. En menn hætta hratt að brosa þegar þeir komast að því að á fyrri hluta ársins 1921 ríkti verðhjöðnun í Þýskalandi, en á seinni hluta þess sama árs var verðbólgan komin upp í 500 prósent. Allt þetta innan eins og sama ársins. Þökk sé verðbólguvæntingum sem fóru úr böndunum og litlu öðru. Þýskaland er ekki eins og önnur lönd. Ef verðbólguvæntingar þýsks almennings fara úr stálböndum arfleiðar þýska seðlabankans, Deutsche Bundesbank, þá mun verðbólgan fara um landið eins og sinubruni og hraðar en hendi er hægt að veifa. Og þetta er ekki fyndið.  

Ef þýskur almenningur fær á tilfinninguna að makkarónumenn í myntmálum séu sestir að í aðalstöðvum seðlabanka Evrópusambandsins í Frankfurt - og sem skilyrðislaust átti að byggja á arfleið Deutsche Bundesbank - þá er leikurinn úti fyrir allt myntbandalag Evrópusambandsins. Þýskaland myndi þá umsvifalaust varpa evrunni fyrir borð, fara létt með það, og stálkrumlum Bundesbankans yrði sigað á alla stjórnmálamenn landsins í formi Neue Deutch-Mark og über sjálfstæðrar peninga- og vaxtastefnu seðlabankans. Þar með væri úti um alla ökumenn Club Med öskubifreiðar evru og öllum þeim sem þar hafa fengið að fljóta "ókeypis" með. 

Vel er hægt að skilja verðbólgufóbíu Þjóðverja, ef menn reyna. Sem betur fer hefur íslenska krónan aldrei hagað sér svona, þó svo hún á stundum hafi stunið undan því velmegunar hraðameti hagsögunnar sem sett var á Íslandi síðustu marga áratugi. Það þarf góðan gjaldmiðil til að standast svona prófraun.

Þar síðasti gjaldmiðill Þýskalands stóðst ekki. Og engin von er til þess að myntin evra standist svona þolraun. Hún gerði það ekki á Írlandi. Það er vegna þess að hún er gjaldmiðill elliheimila og stöðnunar. Myntsvæði evrunnar á heimsmet í lélegum hagvexti og fastforsinni efnahagslegri stöðnun. Til þess að rjúfa vítahring hnignunar, stöðnunar og demens Evrópu, þarf myntin evra að deyja. Og það getur ekki gerst nógu hratt. 

Sannleikurinn er einnig sá að níðþung ríkisútgjöld stærsta elliheimilis heimsins, Þýskalands, þola ekki meira en 2 prósent ársverðbólgu. Ef hún fer hærra þá verður ríkissjóður Þýskalands gjaldþrota á augabragði. Verðtrygging níðþungra ríkisútgjalda þýska öldrunarhagkerfisins og nú eðlislæg efnahagsstöðnun í klóm ESB og EMU virkar þannig.

En Ítalir skilja þetta ekki. Enginn skilur myntmál evrunnar nema Þjóðverjar. Nú vita þeir bæði leynt og ljóst að á aðeins 8 árum hefur Jean-Claude trésetti ECB frá Lyon tekist að gera mynt og seðlabanka myntar Þýskalands að ruslatunnu.

En Ítalir eru ekki hrifnir af þessari þróun, því þeir skilja ekki Þjóðverja. Strax hafa þeir tekið sér í munn hugtakaþrennuna, þjóðernishyggja, kynþáttafordómar og hroki.  

Sannleikurinn um Evrópusambandið er sá að fyrir Evrópu er ESB ekki sjálfbær þróun. ESB er orðið að óbærilegri þróun á Evrópu.
 
Evran eykur svo friðinn í Evrópu. Ekki satt? 
 
 
Tengt
 
Fyrri færsla
 

« Síðasta færsla | Næsta færsla »

Athugasemdir

1 Smámynd: Einar Björn Bjarnason

Gunnar þ.s. gerðist á Evrusvæðinu er "classic unsustainable boom" knúið einmitt af lágum vöxtum, sem framkallar mjög svo klassíska fjárfestingar og neyslubólu.

Þú getur séð þetta af gögnum úr skýrslu OECD sjá t.d. bls. 4. Þar sérðu í reynd ef þú skoðar myndina, þann hagvöxt sem var ósjálfbær í kerfinu. En, þar sést dekkti hlutinn hlutfall viðskiptahalla innan Evrusvæðis í heildarhagvexti Evrusvæðis, síðan ljósi hlutinn hlutfall viðskiptahagnaðar í þeim heildarviðskiptahagnaði.

Þ.s. halli og hagnaður helst í hendur, þá þarftu til að sjá raunhagvöxtinn að þurrka út hallann en einnig samsvarandi að þykkt af ljósa svæðinu. Því, án hallans þá hverfur sjálfkrafa sá hluti einnig, því hann var búinn til af hallanum.

Þá kemur í ljós, þ.s. ég hef ítrekað sagt að svokölluð aukning hagvaxtar af völdum Evrunnar, var í reynd nær alveg þetta ósjálfbæra boom. Þ.e. samt einhver hagvöxtur til staðar kringum 2006 þó svo þetta væri gert, en sá er eðlilegur miðað við áratuginn á undan þegar engin var Evran.

Síðan bendi ég þér á bls. 8 vinstra megin, þá sérðu meðal raunstýrivexti á Evrusvæðinu yfir tímabilið 2002 - 2007. Þetta er í reynd mæling á verðbólgu. En, þ.s. þeir eru neikvæðir var verðbólga yfir stýrivöxtum. Taktu eftir, að sömu löndin og höfðu neikvæða raunstýrivexti eru einnig lönd, þ.s. viðskiptahallinn var mestur annars vegar og hins vegar einnig sömu löndin sem í dag eru í mestu skuldavandanum.

Þetta er ekki tilviljun. Þetta segir akkúrat þ.s. skeptíkerar bentu á fyrir upptöku Evru, að Evrópa væri ekki sjálfbært gjaldmiðilssvæði.

------------------

Mér skilst að Dragi sé besti bankamaðurinn í Evrópu, í dag. Ef Þjóðverjar hafna honum, vegna þess að hann er Ítali, þá verða Ítalir ekki kátir þ.e. fullvíst.

Kv.

Einar Björn Bjarnason, 28.2.2011 kl. 18:51

2 Smámynd: Einar Björn Bjarnason

Sú uppreisn þýskra kjósenda sem kom fram í fylkiskosningum um daginn, mætti kalla "við borgum ekki skuldir óreiðuríkja". En, Þjóðverjar virðast halda vegna furðulegs málflutnings í þýskum fjölmiðlum að það sé verið að gefa ríkjum í vandræðum stórfé. Þegar sannleikurinn er að björgunaráætlun ESB fram að þessu hefur ekki kostað þýska skattgreiðendur eina einustu Evru, þ.s. þetta eru lán með langt í frá vægum vöxtum.

En, Merkel er núna sennilega bundin í báða skó, og mun sennilega skjóta niður allar tillögur um að stækka björgunarsjóð Evrópu eða um að setja á fót sameiginleg Evrubréf eða að gefa björgunarsjóð Evrópu rétt til að kaupa skuldabréf landa í vanda til að halda niðri vaxtakostnaði þeirra.

Ef þ.e. niðurstaðan, þá mun það gerast sem ég hef óttast, sem er að slæm efnahagsleg tíðindi muni berast frá Evrópu. En, með niðurstöðu sem svo klárlega mun valda markaðinum vonbrigðum, verða væntanlega mjög söguleg tíðindi frá Evrópu af krýsunni frá og með nk. apríl.

Verðum við þá ekki feginn, að hafa fengið tíma vegna Nei ÓRG til að bíða með ákvörðun um Icesave fram í apríl, þegar skv. ofangreindu krýsan á Evrusvæðinu verður í þvílíkum algleymingi - að vandamálin fram að þessu munu falla algerlega í skuggann.

Kv.

Einar Björn Bjarnason, 28.2.2011 kl. 18:59

3 Smámynd: Einar Björn Bjarnason

Þ.s. verst er fyrir okkur, er að slík krýsa mun einnig bitna á okkar hagvaxtarmöguleikum.

Kv.

Einar Björn Bjarnason, 28.2.2011 kl. 19:01

4 Smámynd: Gunnar Rögnvaldsson

Takk fyrir Einar Björn

Já ég tek undir það að evran sé að eyðileggja og hafi eyðilagt jörðina sem hún stóð á. Kalí-bruni og þrífosfat sviðnum er erfið viðureignar, sérstaklega þegar maður stendur í miðjum áburðarhaugnum og fæturnir loga af sviða. Neikvæðir raunstýrivextir árum saman vinna sitt verk.  

Ef Þýskaland lánar öðrum löndum AAA-kreditkort ríkissjóðs lands síns, þá mun það kosta. Það er sjálfgefið. Allir sem hafa lánað örðum kreditkortið sitt vita þetta. Þjóðverjum er annt um að lenda ekki í nokkurskonar "Eursave" því þeir vita fyrirfram hversu lélegir pappírar allra evrulanda nema nokkurra eru í raun og veru.

Hin ultimativía martröð þýsku þjóðarinnar þegar evran var sett á laggirnar var sú að þeir óttuðust að auðæfi lands síns myndu enda á kistubotninum í Suður-Evrópu. 

Jafnvel Þýskaland getur farið á höfuðið. Landið hefur aðeins haft nokkra áratugi til að byggja upp landið sitt eftir síðasta Evrópusamtal Adolfs Hitlers við ESB. Þessi auðæfi eru takmörkuð og þjóðin eldist hratt.

Það verður sárt fyrir þýsku þjóðina að horfa á eftir að landi þeirra sé hellt niður í vaskinn, einu sinni enn. Sameingin Austur og Vesturs í "tansfer-union" hefur sennilega ekki skilað hvorki Austur né Vestur neinu, eins og kemur fram í máli Hans Werner Sinn hér í þessari skýrslu CESifo og má lesa um hér: Open Europe blog: Studying the cost of Greece leaving the euro

Gunnar Rögnvaldsson, 28.2.2011 kl. 20:21

5 Smámynd: Gunnar Rögnvaldsson

En aðal pointið í færslu minni er hægt að taka saman svona:

1) Þýskaland er ekki eins og önnur lönd ESB. Það krefst allt annarrar vaxta og peningastjórnar en hin löndin. Krefst annarra myntar. 

2) Að halda að hægt sé að "lækna" Evrópu með sameiginlegri mynt er eins og að ætla sér að lækna alla sjúkdóma í heilu heilbrigðiskerfi með því að heilbrigðisráðherra taki ákvörðun um að allir eigi að fá sömu pilluna. Að þá læknist allt. Sem er tært galematis.  

Gunnar Rögnvaldsson, 28.2.2011 kl. 20:36

6 Smámynd: Gunnar Rögnvaldsson

Enda sjá menn hvernig þetta svo kallaða "heilbrigðiskerfi" ESB er núna; eins og hreinn Kleppur.

Maður bíður bara eftir að fyrsti lunatikkarinn gefi sig fram í sjálfboðavinnu. 

Gunnar Rögnvaldsson, 28.2.2011 kl. 20:39

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband