Eini gesturinn á írsku evru-draugahóteli

Írski hagfræðingurinn David McWilliams var eini gesturinn á 90 herbergja evru-draugahóteli í Leinster héraði á Írlandi nú um helgina. Ekkert kom heita vatnið fyrr en eftir laaanga bunu. Orðrómur af Ýlfri Egils taginu segir að hótelið hafi verið selt fyrir eina evru - og helling af evruskuldum - inn í NAMA evru-svarthol Írlands.

David segir að verð séu fallandi í flestum geirum samfélagsins, lánveitingar úr bankakerfinu séu fallandi, húsnæðislán (já, í evrum) séu fallandi og að hagkerfið sé að öllu leyti læst í klóm efnahags- og lánsfjárkreppu (já, í evrum). Allir skulda of mikið á Írlandi og enginn vil lána út peninga vegna of mikilla skulda og rotnandi lánasafna (í evrum).

Evra ESB hefur rústað efnahag Írlands. Röng peningastefna seðlabanka Evrópusambandsins sprengdi efnahag Íra í tætlur.

Samkvæmt niðurstöðum skoðanakönnunnar sem birtist í helgarútgáfu Irish Independent halda 64 prósent írsku þjóðarinnar að Írland skríði með öngvar evrur í vösum í skjól hjá Alþjóða Gjaldeyrissjóðnum, nú þegar fyrir áramótin.

David McWilliams segir að enginn vilji fjárfesta á Írlandi. Landið hans er statt í miðju sjálfsvígi - í evrum.

 

Þess er hægt að geta hér að lánskjör ríkissjóðs Íslands eru nú mun betri en þau sem Írlandi bjóast á alþjóðafjármálamörkuðum og skuldatryggingaálag Íslands er einnig miklu miklu lægra, eða 280 punktar á móti 471 punktum á fjárskuldbindingar ríkissjóðs Írlands.

 

Alþjóðlegir fjárfestar trúa og treysta betur á framtíðarhorfur Íslands en á framtíð evruríkjanna Írlands, Grikklands og Portúgals, þrátt fyrir krampakennd marvaðasundtök björgunarsjóðs evrulanda í faðmi AGS.

 

Á meðan ríkissjóður Þýskalands þarf að greiða 2,47% í vexti á 10 ára lánum ríkissjóðs, þarf ríkissjóður Írlands að punga út með 7,2% í vexti til fjárfesta til að fá þessi sömu lán. Þýskaland og Írland eru með sömu mynt, sömu stýrivexti og sama seðlabanka. Munurinn er sláandi og banvænn.  

 

Atvinnuástand á Íslandi er nú að verða það al besta sem þekkist í 27 löndum Atvinnuleysissambands Evrópu, ESB. Á Írlandi er 14,1% atvinnuleysi en 6,4% á Íslandi. Það er því meira en tvöfalt verra að vera með evru en íslenska krónu. Þetta vita alþjóðlegir fjárfestar ofur vel.     

 

Fólksflótti ungs fólks frá þessu rústaða evrulandi er þegar hafinn. Fararstjóri í þeirri för er væntanlega íslenskur sérfræðingur úr Ýlfri Egils: Andri Geir Arinbjarnarson. Sá maður rekur merkilega einnig leiðsögu ítalskra ungmenna sem eru að flýja burt frá evrulandinu Ítalíu.

 

Krækja; Who’ll invest in a country with an obvious death wish? - Ireland’s scary scenario og IRELND CDS USD SR 5Y 

 

Tengt efni

• Sannleikurinn um efnahagsmál Írlands

Fyrri færsla

• Íslensk lög og reglur Ögmundar til sölu fyrir einn stól

Athugasemdir

[Ragnhildur Kolka, 1.11.2010 kl. 19:29]

Ja hérna, ertu að segja satt, Gunnar? ESB evran á pari við norrænu velferðarstjórnina sem skaðvaldur?

Verðum við þá ekki líka að hætta að trúa á jólasveininn? 

[Gunnar Rögnvaldsson, 1.11.2010 kl. 20:00]

Þakka Ragnhildur 

Eins og við bæði vitum Ragnhildur, þá er alltaf gott veður í Nánd og sérstaklega í Aðsigi. Það var einmitt það sem kom fram í máli franska mannsins í Ýlfri Egils í gær, fyrradag eða whatever. Hann sagði að við ættum ekki að hugsa um þetta ár eða það næsta, en í staðinn hugsa langt langt og ganga í ESB.

En svona hugsunarháttur verður alltaf þess valdandi að endalaust er hægt að fresta því að taka á málunum og standa sig í hlutverki sem ríkisstjórn eða stjórnmálamaður. Það er einmitt vegna þessa að Evrópa er orðin eitt stykki botnfrosið helvíti í atvinnuleysi og atvinnumálum, öll hin síðastliðnu 30 ár. Þarna bíða menn ennþá eftir því að Aðsigi og Nánd komi og birtist þeim í nýju fötum Samfylkingar Evrópusambandsins, sem eru sérsniðin strigajakkaföt á Gungur og Druslur. 

Fyrir aðeins tveimur árum átti fjármálageirinn að vera lausn á öllu hér, og líka í ESB. En einmitt þar fraus helvíti þvert yfir. Tvö ár eru langur tími. Ekki þurfum við heldur að binda neinar vonir við 10 ára áætlanir Evrópusambandsins. Þær munu ekki virka betur en 5 ára áætlanir Sovétríkjanna gerðu svo afgerandi ekki.