Úr kennslustund Litlu gulu hænunnar í Evrópusambandinu

 

- run Forrest, run - 

 

Úr kennslustund Litlu gulu hænunnar

Þeir sem halda ennþá að Evrópusambandið sé "tolla- og efnahagsbandalag" rétti upp hönd. Þetta gæti orðið spurning í kennslustund í sjö ára bekk í barnaskólum Evrópu eftir aðeins nokkur ár. Þeir sem réttu upp hönd fengju annað hvort rétt eða væru reknir út.

Ég get ekki séð neitt tollabandalag í dag. Og ég sé heldur ekki neitt efnahagsbandalag. Það sem ég sé er stórslys. Eitt stykki Evrópusamband sem hriktir í eins og gömlum Sovétríkjum. Evrópusamband sem varð einni myntinni of ákaft og sem gleymdi að ráðfæra sig við fólkið. Alveg eins og gerðist í Sovétríkjunum. Við völtum yfir fólkið.

Þegar Göran Persson fyrrum forsætisráðherra Svíþjóðar kom til Íslands til að predika, sagði hann Íslendingum frá því að "sænska fólkið" hefði ekki skriðið gengið í nein "sambandsríki Evrópu" þegar það ákvað í hræðslukasti og með 2,8% meirihluta kjósenda að ganga í ESB árið 1994. Verður Göran Persson rekinn úr sjö ára bekknum?

Það er nú þegar búið að reka Poul Schlüter fyrrum forsætisráðherra Danmerkur úr skólanum og senda hann til Síberíu. Hann sagði nefnilega að Evrópusambandið myndi aldrei verða til. Það sagði hann árið 1986. "Evrópusambandshugmyndin er steindauð", sagði hann. "Kjósið já. Ekkert að óttast. ESB verður aldrei til." Evrópusambandið var því stofnað sjö árum seinna með einum Maastrichtsáttmála. Tveir litlir menn í tveim litlum löndum sem þá héldu að þeir vissu hvað þeir voru að gera.

Grikkland á leið í ríkisgjaldþrot. Portúgal fylgir í humátt á eftir. Írland er í tætlum. Spánn riðar, Eystrasaltsríkin í djúpri neyð og Ítalía lifandi grafin í skuldum. Á meðan myntbandalag Evrópusambandsins sprengir lönd þess í loft upp, sitja evrufíklar Brussels niðri í kjallara og sjúga þumalputta með lokuð augu. Skjálfandi af hræðslu eins og óvitar sem kveikt hafa í húsi nágrannans um miðja nótt. Þeir vona að pabbi og mamma vakni ekki. Vona að þau taki ekki eftir að hús nágrannans verður horfið á morgun.

Seðlabankastjórinn sem stjórnaði sprengjuhleðslunum á evrusvæði þorir varla að láta sjá sig opinberlega lengur. Hann er skjálfandi af hræðslu. Seðlabanki Evrópusambandsins er orðinn seðlabanki þar sem öll bankastjórnin mætir með magapínu í vinnuna á hverjum morgni af ótta við að myntin sem þeir eiga að passa muni hrynja við hvert einasta fótatak þeirra á peningagólfi heimsins. Það sem stýrir ECB núna er óttinn einn.

Spurningin er sem sagt þessi: hverjir verða reknir úr skólanum fyrir að koma með rangt svar? Hvert verður rétta svarið? Í tilfelli Sovétríkjanna vitum við nú hvert varð hið rétta svar. En lengi vel vissi enginn hvert hið rétta sovéska svar yrði. En það kom þó að því.

Hér eru nokkrar fréttaslóðir stór-fyrra dagsins

Evran er dauðadæmd segja bankamenn (þ.e. án stórríkis) á vef Heimssýnar

Grikkland í dauðadans segir Geroge Soros (þ.e. án stórríkis) í CNBC

Grikkland á enga von segir Soros í grísku viðtali (þ.e. án stórríkis) í Kathimerini

Aðeins efnahagslegur fáráðlingar eða stórríkissinni segir að Bretland eigi að taka upp evru segir Anatole Kaletsky í Times. 

Lögbrot að bjarga Grikklandi segir C.E.P

Grikkland verður botnlaus tunna segir Handelsblatt

Absúrd að Þýskaland eigi að bjarga 16. launamánuði Grikkja sem hætta að vinna 57 ára gamlir. Brussel gerir ekkert. Engin neyðaráætlun hefur verið gerð, engar ráðstafanir gerðar til að Grikkland komist lifandi út úr evru-fangelsinu. En það má ekki tala um þetta, þetta heitir nefnilega evrópsk samstaða, segir tékkneska blaðið Lidové noviny.

AGS kom með skýrslu sem segir að evrusvæðið sé vænleg og líkleg útungunarvél fyrir nýja heimskreppu vegna ríkisgjaldþrotaáhættu landa þess. 

Forrest Gump er ennþá ánægður með að hafa fjárfest í eplaverksmiðju en ekki í Brussel. Hann þarf ekki að vinna meira.

Gleðilegt sumar !

 

Fyrri færsla

 

Statement by IMF Managing Director Dominique Strauss-Kahn on Greece  

Athugasemdir

[Júlíus Björnsson, 24.4.2010 kl. 20:25]

Efnahagslegur aðskilnaður Meðlima-Ríkja er hugsaður eins og sóttvarnargirðingar.  Samvinna um að lækka sameiginlegan grunnkostnað fyrir-fólks allra Meðlima-Ríkja á að skapa fjármagn til að draga úr almennri neytendaleti. Þau ríki sem geta ekki hjálpa sér sjálf á nýja ódýra grunninum geta sjálfum sér kennt. Ég skil þjóðverja vel og hafa oftar verið fyrirmynd Dana  heldur en hitt.

Þjóðverjar er harðir á afskriftir og þolin móðir til að bíða eftir uppskeru allt í 30 ár: þegar áhætta bókast til tekna og arðgreiðslna. 

Það er ekki gott að stjórnmálmenn eigi hluti í bönkum sem þeir eiga að veita aðhald. Betra er að Ríkið eigi einn banka sem vinnur eftir ströngu regluverki Þegar sannir hægri menn í samkeppni finnast ekki hér í dag: þroskaðir. 

[Jón Steinar Ragnarsson, 24.4.2010 kl. 21:13]

Hvað tekur svo við þegar þetta hrynur? Sama sagan og í sovét? Oligarkarnir skipta þessu upp á milli sín og kleptókrasían verður hugmyndafræði næstu 30 ára?

Er þetta ekki svona No win, no win, ástand?  Litlir Pútinar, Milochevicar og Ceausescuar um allt. Evrópusambandið hefur allavega plægt akurinn vel og sáð fyrir slíkri spillingu í kjölfar upplausnar. Nómenkladían í Brussel mun lifa góðu lífi áfram.

[Gunnar Rögnvaldsson, 24.4.2010 kl. 21:36]

Hvernig mögulega hægt er að brjótast út úr evru. Dæmi Tékkóslóvakíu frá 1993

Aðalvandamálið er evran - að segja sig úr myntbandalaginu og ESB á einni nóttu 

 

Miklar vangaveltur.

Grikkland; nú eru góð ráð dýr, eins og venjulega. En slæm ráð geta líka verið alveg eins kostnaðarsöm. Forsætisráðherra Grikklands segir að engar líkur séu á að Grikkland yfirgefi myntbandalag Evrópusambandsins. Fjármálaráðherra Grikklands segir að landið þurfi ekki hjálp. Seðlabankastjóri Grikklands er einnig sendur út með skriflega tilkynningu í FT - sem sennilega að mestu er stíluð á forsætisráðherra Grikklands. Seðlabankastjórinn er einnig á sama tíma fulltrúi Grikklands í stjórn seðlabanka ESB. Óvíst er hvort markaðirnir trúi á orð grísku ríkisstjórnarinnar.

En hvað nú? Fyrir það fyrsta, ef ég væri forsætisráðherra Grikklands, myndi ég hafa sagt nákvæmlega það sama og haldið áfram að segja þetta sama á meðan ég auðvitað gerði eitthvað allt annað. Íbúar Grikklands eru um 11,3 milljónir. Þessir íbúar eru nýlega búnir að kjósa þessa ríkisstjórn Grikklands til valda. Hún var kosin vegna þess að hún lofaði betri opinberri þjónustu og meiri velferð. Ef Grikkland er sent í það erfiða ferðalag að skera niður stóran hluta opinberra útgjalda, lækka laun stórkostlega og þrengja að almenningi, ungmennum, börnum og gamalmennum, frá öllum hliðum, þá held ég að það ferðalag muni reynast hvaða grísku ríkisstjórn sem er ákaflega erfitt - og jafnvel ómögulegt. Nema menn vilji aftur fá her- og/eða einræðisstjórn til valda í Grikklandi.

Flestir sem hafa vit á efnahagsmálum segja að það sé óðs manns æði að ætla að reyna að koma á jafnvægi í ríkisfjármálum á krepputímum án þess samtímis að hafa fulla möguleika á að auka samkeppnishæfni hagkerfisins og þar með láta stóraukinn útflutning um að vinna stóran hluta þess erfiða verks. Það getur Grikkland ekki gert með evru sem gjaldmiðil landsins. Grikkland virðist því sitja fast. En mun Grikkland gera það? Mun það láta setja sig fast?

********************

If a country left the eurozone abruptly, it would need to find temporary ways to separate its share of the euros from the rest. In the early 1990s, the Czech Republic and Slovakia chose to stick distinguishing stamps on their banknotes. We had thousands of people working day and night, putting tiny stamps on nearly 80 million old Czechoslovak banknotes, Mathes said. The Czechs affixed different stamps to their portion of the old notes and the currency was thus divided. Each side eventually printed its own currency, and the stamped notes were withdrawn and destroyed.

********************

Síðasta þjóðaratkvæðagreiðsla sem haldin var í Grikklandi var haldin árið 1974. Þá ákvað þjóðin að leggja niður konungsembættið. Í þjóðaratkvæðagreiðslunni þar á undan, 1973, var ákveðið að leggja konungsveldið niður og stofna lýðveldi. Í þjóðaratkvæðagreiðslunni þar á undan, 1968, samþykktu 92% kjósenda nýju stjórnarskrá herstjórnar Grikklands. Síðan 1974 hafa ekki verið haldnar neinar þjóðaratkvæðagreiðslur í Grikklandi. Ekki ein einasta um ESB eða evru. Ekki um svoleiðis smámál. Því auðvitað er bæði ESB-aðild og evra smámál miðað við stofnun gríska lýðveldisins.

Því segi ég aftur og aftur eins og forsætisráðherra Grikklands segir núna, að engar líkur séu á að Grikkland yfirgefi myntbandalag Evrópusambandsins. En svo kemur nýr dagur á morgun. Ef menn eru duglegir á milli daga, þ.e. á nótunni, þá er hægt að gera ýmislegt á einni nóttu - og hvað þá yfir eina heilaga helgi. Ekki þarf að hafa áhyggjur af því að spyrja þjóðina um neitt í sambandi við ESB. Svo hér höfum við alveg frjálsar hendur á heimavelli. Það er algerlega það mikilvægasta, að hafa fulla stjórn í eigin húsi. Það mun því koma sér vel að hafa aldrei spurt þjóðina að neinu í sambandi við ESB. Það gerir þetta allt miklu auðveldara.

********************

The value of the currency of the country leaving the eurozone is certain to plunge vis-à-vis the euro, so its citizens would remove stamps en masse, thus converting them to the more valuable original euros. Another physical solution, Mathes says, it to laser-engrave distinguishing marks onto the portion of the euros, which would have been allocated to the country departing the eurozone. This can be done relatively quickly and would make the currencies irreversibly different, said Mathes, adding “but I suspect that the European Central Bank will not look kindly on a state burning holes in its currency.

******************** 

Líklega myndu engin lagaleg atriði flækjast fyrir úrsögn Grikklands úr ESB á einni nóttu. ESB hefur varla hirt um að búa til nein sérstök lög þar að lútandi því engum var ætlað að komast þaðan út aftur. Það er svo margt sem ESB hefur aldrei dottið í hug að myndi koma og því síður hefur ESB hlustað á þá sem vöruðu við einmitt þessari stöðu. 

Nei, stærstu vanamálin yrðu peningamálin og fjármálamarkaðirnir. Hvernig getum við lagt niður evruna á einni nóttu eða á einni helgi. Það er aðal málið. Er það yfir höfuð hægt? Ég spyr. Við vitum að eftirleikurinn yrði líklega hryllingur. En hann myndi þó ganga yfir. Grikkland á líka her og er í NATO. Auðvitað yrði erfitt að fela þann undirbúning sem einnar náttar úrsögn krefðist. Sennilega mun erfiðara en að fela 10% fjárlagahalla í 10 ár fyrir Brussel. Bankar, hraðbankar, sjálfsalar, stöðumælar, bílastæði, leigubílar, búðarkassar - og svo að koma nýjum seðlum og mynt í umferð strax. Ekkert smá mál, en þó kannski ekki óviðráðanlegt. Grikkland er ekki öfundsvert. Aðstaða landsins ómöguleg í alla staði.

Ég rakst á 11 ára gamla ritgerð um þetta efni og datt í huga að áhugavert væri að skoða hana. Þetta er ritgerð um upplausn ríkja- og myntbandalags þeirra tveggja ríkja sem áður mynduðu ríkið Tékkóslóvakíu. Ritgerðin heitir "Stability of Monetary Unions: Lessons from the Break-up of Czechoslovakia". Hún er eftir Jan Fidrmuc, Julius Horvath og Jarko Fidrmuc. Hér er einnig slóð á bloggfræslu Tomas Valasek sem ræðir við meðlim úr stjórn Slovak National Bank, Ján Mathes, um hvernig seðlar voru aðgreindir þegar myntbandalag Tékklands og Slóvakíu var leyst upp þann 3. febrúar 1993; Ritgerðin PDF | Bloggsíðan

Þetta verður í það minnsta mjög subbulegt.  

[Haraldur Hansson, 26.4.2010 kl. 12:49]

Sæll Gunnar.

Flott að sjá vísað í bloggið þitt í Staksteinum Moggans í dag.

Það þarf áskrift til að lesa Staksteina, en fyrir þá sem ekki hafa hana þá er inngangur Moggans svona:

Gunnar Rögnvaldsson skrifar leiftrandi greinar um málefni Evrópusambandsins. Vefur hans er hafsjór af fróðleik. Nú síðast ræðir hann um spádómsgáfu virtra norrænna stjórnmálamanna, sem fór fyrir lítið. Og hann lýsir stöðunni, eins og hún blasir nú við:

Síðan fylgir kafli úr textanum í bloggfærslunni hér að ofan. Gott mál og vonandi sækir Mogginn meiri fróðleik á þessa síðu í framtíðinni.

[Gunnar Rögnvaldsson, 26.4.2010 kl. 19:40]

Takk kærlega fyrir þetta Haraldur. 

Við sjáumst á næstu mánuðum, þá kem ég heim alkominn  

Góðar kveðjur

[Júlíus Björnsson, 26.4.2010 kl. 19:49]

Þá hækkar meðatals greindin Gunnar! Vertu velkominn. 

[Gunnar Rögnvaldsson, 26.4.2010 kl. 19:52]

Takk Júlíus. 

Kveðja

[Júlíus Björnsson, 26.4.2010 kl. 20:27]

Ég er með þá kenningu að rúnin R standi fyrir það sem rétt er svo sem Rök eða Rögn eigi að skiljast sem Rök-ögn til til Rök-agnar. Ragnar væri þá sem ríkir með rökum. Enda eru Rak í eintölu út í hött líkt og eitt val.

Maður er 1/4 heitið, 1/4 frá föður og 1/4 frá móður og nafnið ávinnur hann sér sjálfur.

Enda tengast Rök og Ragnar. 

[Sveinn Tryggvason, 26.4.2010 kl. 20:48]

Fín grein. Vonandi rata fleiri hingað inn eftir að Staksteinar birtu glefsur í dag. Vertu velkominn heim.

[Gunnar Rögnvaldsson, 26.4.2010 kl. 21:07]

Ég þakka kærlega Sveinn.

Hlakka til að fá súrt slátur, lambalifur og góðan fisk aftur. Og Svartfugl. Og svo margt fleira. 

Nú er orðið svo óhollt að borða grænmeti að þetta verður eins og að leggjast inna á heilsuhæli. Það er einnig búið að sanna að makkarónur eru eitraðar, og allt sem þeim tengist.

[Júlíus Björnsson, 26.4.2010 kl. 22:37]

Lágvörugrænmeti er ætlað 80% minnst launþega. Ég veit allt um framleiðsluna svipuð og lávöru kjöt og fiskmeti.

1 kíló af Íslensku lambakjöti eða stórskepnukjöti samsvarar 6 kílóum af lífvænu náttúrlegu fyrst flokks grænmeti [mjöli og baunum og grjónum].  10% mannkyns vita þetta og versla í samræmi. Ennþá á Íslandi tryggir þetta mér afbragðs heilsu og  holdafar og er ódýrara þegar upp er staðið, en lágvöru drasl.  Maður þarf svo miklu minna af rétta fæðinu.