Imba Lances - hin framlengjandi

Hin framlengjandi kreppufyrirkomulög Evrópusambandsins

 

Myntbandalagið (EMU) kom vegna þess að EMS/ERM I virkaði ekki. Það hrundi árið 1992 í svarta september og gerði George Soros ríkan. Þá sáu menn að þetta EMS virkaði ekki. EMS var oft kallað e. The extended recession mechanism. Það þyrfti heila og áþreifanlega mynt í umferð til að losna við ágallana.  

Svo kom myntin fræga. En þá kemur þetta nýja, já þið vitið, - sjálft ójafnvægið (e. imbalances). Og allt er uppí loft eina ferðina enn. Nú standa menn eiginlega ráðþrota. EMS'inn dugði ekki og myntin dugar greinilega ekki heldur.

 

Nú hefur skyndilega komið í ljós að það vantar einn sameiginlegan ríkissjóð. Einn full hertan skattgreiðanda sem myntin fræga þyrfti að komast í himneskt jarðsamband við. Skattgreiðanda sem dettur ekki í sundur. Sem raknar ekki upp eins og myntslangan EMS gerði - og sem er ekki hægt að fletta í sundur eins og um vafning væri að ræða (subprime skuldabréf eða þvílíkt).

"Hvað er þetta þarna innan í myntinni ykkar? Er þetta Grikkland, þarna í geira 36 til 37 gráður austur af miðju? Við höldum að Grikkland sé að fara á hausinn og það muni tosa fleiri lönd með sér í fallinu - og mest allt bankakerfi myntbandalagsins með sér í leiðinni. Þannig að við höldum að það muni rakna ofan af myntvafningnum ykkar. Getið þið ekki prjónað eitthvað betra en þetta?" Fullt stopp. 

 

Mynd; Þá voru 155 hagfræðingar sammála um eitt 

 

Fyrri færsla

 

Imba Lances 

Athugasemdir

[Haraldur Baldursson, 18.3.2010 kl. 13:00]

Er málið samt ekki að þetta er að gerast hraðarn en nokkurn óraði fyrir ?

[Gunnar Rögnvaldsson, 19.3.2010 kl. 07:32]

Takk fyrir Haraldur

Eins og hendi væri veifað er myntbandalagið komið í hrikalegar ógöngur. Erfitt er að sjá hvað er að gerast. En að mínu mati er ekkert sem getur hindrað upplausn myntbandalags Evrópusambandsins lengur. Þetta er byrjað. Er komið í gang. Hraðann og aðferðir er erfitt að spá um. En upp mun það leysast. 

Kveðjur

[Haraldur Baldursson, 19.3.2010 kl. 10:34]

Þegar maður heyrir tilvitnanir eins og þær að frakkar meini að þjóðverjar verði að flytja minna út, þá er ljóst að alvarlegir vírusar eru farnir að breiða úr sér, ekki bara í Evru-samhengi.

[Elvar Eyvindsson (IP-tala skráð) 20.3.2010 kl. 15:31]

Góðan dag

Ég held að þetta evruvesen hljóti að sýna að það er vonlaust að vera með sameiginlega mynt á stóru svæði, ef það er ekki eitt ríkisvald á bakvið sem jafnar kjör og deilir almennilega á milli svæða (eða deilir ekki og ákveður þannig að fækka fólki á kreppusvæðum).  Að láta sér detta í hug að skuldsetja þjóðir sem lausn á efnahagsvanda er bull.  Það sem er hægt að gera er að styrkja atvinnulífið á svæðinu með framlögum og freista þess að ná því upp.  Svæðið getur líka haldið í sjálfstæði sitt með mynt og öllu saman og látið gengið sjá um að gera það samkeppnishæft á nýjan leik.  Vel síðari kostinn.