Papandreou; Efnahagslegt kynþáttahatur í Evrópusambandinu

one market, one money 

 

© 1991 Jacques Delors; President of the EUC

Þýðing: minn markaður og minn peningur 

 

Forsætisráðherra Grikklands, George Papandreou, lét þau orð falla á ríkisstjórnarfundi að gagnrýni og lýsingar erlendra embættismanna, stjórnmálamanna og fjölmiðla á efnahagsmálum Grikklands sé að nálgast kynþáttahatur. “Við verðum að varðveita sjálfstæði og rétt okkar til að taka okkar eigin ákvarðanir án erlendrar íhlutunar” sagði forsætisráðherrann; balita

Sprengja sprakk fyrir utan gríska þinghúsið á laugardaginn á meðan hluti af þinginu var að störfum. Enginn slasaðist; WAIS

Grikkland er ekki Þýskaland

Grikkir verða aldrei þýskir. Spánverjar verða aldrei þýskir. Ítalir verða aldrei franskir. Portúgalar verða aldrei franskir. Írland verður aldrei þýskt og Írar verða aldrei þýskir. Að troða öllum löndum Evrópu ofaní þýsk/franska skóstærð í hallærisbandalagi ESB er ofbeldi með nöglum sem snúa inná við í skónum.

Er hún ekki dásamleg þessi nýja nýlendustefna í Evrópu! Maður kallar hana bara fyrir myntbandalag og fær út nýja og ótakmarkaða uppsprettu til nýs ófriðar og sundrungar. Svona gerir maður allt evrusvæði ESB að sínum einkaútflutningsmarkaði - og hlær svo alla leiðina í bankann með peningana - þeirra. Ha ha ha ha, þarna lékum við á ykkur. Kjánar! Tralla lalla la (gott er að spila hér undir með níundu rúgbrauðssymfóníu Beethovens). Fleiri ESB-fréttir hér í glugganum

Fyrri færsla 

Blind Evrópusambandshollusta, Samfylkingin og hið steindauða "alþjóðasamfélag Evrópu Plc"

Athugasemdir

[Haraldur Baldursson, 12.1.2010 kl. 10:32]

Where have all the big boys gone, far far away ! (sungið vitanlega). Þýskaland er ekki lengur mesta útflutningsland í heimi, stórfyrirtæki eins og Nokia flýja Evrópu, bankakerfið riðar til falls, almenningur missir æ meir af sínum áhrifum, alþjóðlegt fjármagn ræður ríkjum.... ekki spurning ESB er spennandi... en það er bara spennandi í sagnfræðilegu tilliti, ekki til inngöngu í.
Ég vitan í nafna minn Hansson og segi "enginn er verri þó hann vakni"

[Gísli Ingvarsson, 12.1.2010 kl. 10:49]

Halelúlja!

[Jón Ríkharðsson, 12.1.2010 kl. 11:21]

Sæll Gunnar og þakka þér góðan og skemmtilegan pistil. Ég telst af mínum samferðarmönnum, frekar rólegur og yfirvegaður og lítt gefinn fyrir dramatík. En eftir að hafa lesið þína pistla, hef ég sannfærst um, að dramatík er ekki hægt að bæta við ESB, dramatíkin á þar heima.

Það sem þú segir um ólík þjóðareinkenni er satt. Þess vegna finnst mér það óþægileg tilhugsun hvað margir Íslendingar eru farnir að breytast í einhverja fáránlega evrópusamsuðuþjóð. Ég fer oft þegar ég er í landi, á síðuna þína og ferðast fram og til baka í pistlunum. Það er ánægjulegt að sjá hversu mikill Íslendingur þú ert, þrátt fyrir áralanga búsetu í Danaveldi. Mér finnst nefnilega að allir eigi að vera trúir sínum uppruna.

Enn og aftur, takk kærlega fyrir mig.

[Haraldur Hansson, 12.1.2010 kl. 13:07]

Sæll Gunnar.

Þetta á kannski betur við færsluna á undan, en ég bendi þér á deloitte.is og að kíkja á glærur Ragnars Árnasonar prófessors, frá fyrirlestri hans á skattadegi Deloitte í morgun.

Fyrirlestur hans heitir Efnahagskreppa og skattheimta og mig grunar að þú hafir áhuga á að skoða. Mbl.is er líka með frétt um fyrirlestur Ragnars (hér).

[Gunnar Rögnvaldsson, 12.1.2010 kl. 15:51]

Takk Haraldur B. Já. Þýskaland er fyrst og fremst útflutningsland vegna þess að það er svo lítil eftirspurn heima á elliheimilinu í sjálfu Þýskalandi. Þjóðverjar eiga allt undir ungum og sterkum neytendum í útlöndum komið. Þetta er gallað þjóðfélagslíkan.

Heildar eftirspurn í einkageiranum (fyrirtæki og heimili) í kínverska hagkerfinu er ekki stærri en í Frakklandi svo geta menn reiknað sér til hvað er í gangi í efnahagsprengjudeild kínverska kommúnistaflokksins.. Kínverjar eru því háðir frjálsum löndum með eiga sterka og frjálsa neytendur.

Takk fyrir innlitið Gísli.

Og takk fyrir góðar kveðjurnar Jón R. Ég óska þér góðrar veiðiferðar úti á sjó og vona að allt gangi vel hjá þér og þú komir heill heim úr túrnum.

Takk Haraldur H. Þetta var prýðilegt að fá þetta. Já þetta er fínt hjá Ragnari og rétt.