Jóladagatal ESB í Grikklandi - næstu 4 evrudagar

Mánudagur í evrum

 

Í dag eru ríkisfjölmiðlar í verkfalli og verða svo þar til á fimmtudag. Lögfræðingar hins opinbera halda áfram í verkfalli sínu þar til á miðvikudag. Engar ferjur sigla fyrr en á miðvikudag vegna verkfalla. Tollverðir ganga frá vinnu í 24 klukkustundir. Skattheimtumenn landsins sem heimta inn skattinn sem senda á til Frankfurt og Brussel eru í 48 klukkustunda verkfalli. Sömu sögu er að segja um almannatryggingar og bæjarstjórnir. Þetta er jú Evrópusambandið ESB.

Þriðjudagur í evrum

 

Járnbrautarstarfsmenn hefja þriggja daga verkfall. Engar samgöngur verða til flugvalla þannig að ESB getur ekki flúið land þann veginn. Þetta gildir sem sagt einnig um marga sporvagna. Blaðamenn hefja verkföll. Hafnarverkamenn hefja 48 stunda verkföll.    

Miðvikudagur í evrum

 

Stærstu verkalýðsfélög Grikklands hefja 48 klukkustunda verkföll. Er Gylfi með? Spennandi. Engin flug verða né akstur leigubifreiða. Bankar og sparisjóðir ætlaðir til afnota fyrir almenning verða lokaðir og læstir, enda ekkert í þeim. Verslanir verða einnig lokaðar vegna verkfalla.

Fimmtudagur í evrum

 

Ekkert flug og öngvir leigubílar. Almenningssamgöngur verða að hluta til lamaðar. ESB-jólin nálgast í evrum. 

Þessar aðgerðir eru taldar auka landsframleiðslu fjárlagaherdeildar Brussels í Grikklandi um miklu minna en ekki neitt. Atvinnuleysi í Grikklandi mælist nú 16,7 prósent og 43 prósent meðal ungs fólks.

Föstudagur í hverju?

 

Bylting? Evrópuherinn frá Frankfurt og Brussel í fjármálaráðuneytinu leystur af hólmi með nýrri grískri herstjórn? Hver veit. ESB er svo spennandi.

 

Með kveðju

Friðarbandalagið ESB

Kommissar Ímat Úrmat, friðarstjóri

 

Krækja

Ekathimerini

Nokkuð satt - og loksins rétt

"Evrusvæði Evrópusambandsins er lokað hagkerfi sem samanstendur af 17 litlum opnum hagkerfum. Summan af 17 litlum opnum hagkerfum er eitt stórt og lokað Evrópusamband." Þetta segir hann. 

Enn fremur segir hann að Evrópusambandið og svo kallaðir leiðtogar þess hafi gert þessa tifandi púðurtunnu að heilu sveitamennsku-heimsveldi og fullkomnu meistaraverki forheimskunnar. Og að allir þeir hagfræðingar sem þetta sautjánda settvirki asna ESB notast við, séu svo heimskir að þeir gætu ekki án aðstoðar opnað tómatsósuflösku án blóðbaðs. Þetta segir hann líka, en óbeint. 

Did I think they were morons, he asked?

 

Þetta eru bein og óbein orð eins fremsta Evrópusambands- og evrufíkils meginlandsins, Wolfgang Munchau, sem ritar þetta brennandi ástarljóð sitt til ESB í Financial Times í dag. Hann er orðinn svo hræddur um að stofnun Bandaríkja Evrópu glutrist niður vegna fyrirþvælings 17 sveitamanna sem koma þarf samstundis fyrir kattarnef, að hann, já hann, er að tryllast af hræðslu við þessi 17 þjóðkjörnu fyrirbæri.   

Já. Þetta var svo frábær hugmynd, þetta myntbandalag. Maður tekur fullveldið af 17 ríkjum í peninga- vaxta- og myntmálum. Læsir þau svo saman í járnföstu gengisfyrirkomulagi við hvort annað í gegnum hina sameiginlega mynt sem allt er að drepa. Svo hendir maður lyklinum burt og lætur þau um að kála hvort öðru í endalausri innbyrðis efnahagslegri styrjöld og í kapphlaupi við hvort annað niður á botn samfélaganna - í krafti regluverka sem virka ekki - og gegnum eilífar innvortis gengisfellingar árhundruðum saman. Og þetta halda jafnvel sumir að enn sé hægt að lagfæra.

Svona fer þegar heilabúi frammámanna er varpað fyrir róða. Þá verður það að utanborðsmótor heimskunnar, eins og þeim sem nú knýr ríkisstjórn Íslands áfram inn í hið stóra og lokaða hagkerfi heimskingja; Evrópusambandið sjálft. Apabúr plánetunnar.

 

Krækja

 

Why Europe’s officials lose sight of the big picture 

Merkilegt

Á rúmlega fjórtán árum hefur myntin evra og myntbandalag hennar sannað sig sem lýðræðislegt, samfélagslegt og þjóðhagfræðilegt hryðjuverkavopn. Eins konar kjarnakljúfur sem notaður hefur verið á efnahag, fullveldi og lýðræði þjóðríkja Evrópu. Íslenskir menntamenn og "sérfræðingar" í efnahagsmálum hafa flestir tilbeðið fyrirbærið allan þann tíma er kveikt hefur verið á vopninu. Þeir vaða nú um í rústunum, skoða málið, en sjá ekki neitt.

Á sama tíma hefur Kanadadalur sannað sig sem ein besta mynt veraldar. Fyrir fjórtán árum var hún dæmd sem ónýt mynt af íslenskum sérfræðingum í efnahagsmálum. Ónýt og of lítil til að geta staðið ein, alveg sama hvað gert væri heima í Kanada. 

Þetta segir mér að íslenksa krónan eigi eftir að verða álitin sem verandi ein besta mynt veraldar þegar fram í sækir.

 

Sjá; Vitsmunalegur stöðugleiki væri ágætur 

100 prósent ESB-PONZI tap fjárfesta á Grikklandi evrusvæðisins

 

Enn er Evrópusambandið að skuldsetja Grikkland fram á hinsta tár. Landið er svo örkumla eftir 30 ár í Evrópusambandinu og 10 ár í myntbandalagi þess að ef lækka ætti skuldabyrði ríkissjóð Grikklands niður í 50 prósent af landsframleiðslu, já, þá munu þeir fjárfestar sem lánuðu gríska ríkinu peninga með því að kaupa af því ríkisskuldabréf, tapa þeim alveg öllum. 100 prósent hárklipping er skalli. Þetta segir svissneski stórbankinn UBS í nýrri skýrslu. 

Restin, eða helmingur af landsframleiðslu Grikklands, eru forgangskröfur þeirra sem nú stjórna landinu frá útlöndum; a) ECB-seðlabanki Evrópusambandsins, b) fyrirmikilmenni óspurðra skattgreiðenda í öðrum evrulöndum og c) Alþjóða Gjaldeyrissjóðurinn.

Þetta þýðir að það er alveg sama hvað Grikkland gerir innan evrusvæðisins; landinu mun alfarið verða stjórnað af yfirvöldum annarra ríkja um alla framtíð. Eina leiðin til að losna undan dópgjöf ECB-bankans og evrulanda, er að yfirgefa myntsvæðið, fara í ríkisþrot, taka upp drökmu, fella gengi hennar og neita að borga neitt nema AGS. Aðeins þannig er hægt að bjarga lýðveldi Grikklands og koma lífsnauðsynlegum hagvexti af stað á ný. 

 

Skuldatryggingaálagið á evruaðild evruríkja er nú að verða það versta mögulega í heimi þróaðra ríkja. Mikið versnandi lánskjör og lánveitingar úr bankakerfum evrulanda má lesa út úr þessum versnandi tölum.

 

A worrying Eurozone bank murmur? For the past week the figures have signalled that something is amiss

 

Evruland Frakkland: 183 punktar (+6,63p bara í dag)  

Evruland Portúgal: 1156 punktar

Evruland Spánn: 380 punktar (+6,89p bara í dag)

Evruland Ítalía: 454 punktar

Evruland Belgía: 319 punktar

Evruland Austurríki: 170 punktar

Evruland Grikkland: 5887 punktar 

Evruland Írland: 762 punktar

 

- svo eru hér tvö lönd sem hafa sína eigin mynt

 

Svíþjóð: 59 punktar

Ísland: 291 punktar

 

Vissir þú að 30 prósent af hagkerfi Eistlands er talið vera svart og neðanjarðar. ESB er svo gott.

 

Krækjur

• Greek haircuts vs Greek debt cuts 
• Newest foreign estimate puts Estonia’s underground economy at 30 percent  

Fyrri færsla

 

Atvinnuleysi er að aukast á Íslandi, ekki minnka 

 

Atvinnuleysi er að aukast á Íslandi, ekki minnka

Oftar en ekki gleypa menn hrátt það sem sagt er. Sagt var í gær að atvinnuleysi væri að minnka á Íslandi. En er það rétt?

Nei, það er ekki rétt. Það sem hefur minnkað er sú traffík sem menn leggja á sig til að skrá sig atvinnulausa hjá Vinnumálastofnun því þeir eiga ekki rétt á neinu. Sem sagt; dregið hefur úr vinnu þeirra sem vinna við að skrá fólk sem á rétt á einhverju atvinnulaust. Það er allt og sumt. 

Þeim sem eru atvinnulausir - fólk án atvinnu - hefur hins vegar fjölgað, þrátt fyrir fólksflóttann. Og hér eru einnig mældir þeir sem eiga ekki rétt á bótum. Þessi tala stækkar - og stækkar. Og vinnustundum í hagkerfinu fækkar. Og atvinnuþátttaka minnkar. Og hagvöxur, hvar er hann? 

Atvinnuleysi: 

• Árið 2008; 3,0%
• Árið 2009; 7,2%
• Árið 2010; 7,6%
• Árið 2011; 7,8 % (1.ársfj) og 8,5% (2.ársfj)

Atvinnuþátttaka:

• Árið 2008; 82,6%
• Árið 2009; 80,9%
• Árið 2010; 81,1%
• Árið 2011; 79,2% (1.ársfj) og 83,0% (2.ársfj)

Vinnutími:

• Árið 2008; 41,6t
• Árið 2009; 39,6t
• Árið 2010; 39,5t
• Árið 2011; 39,5t (1.ársfj) og 40,0t (2.ársfj)

Ekkert gengur árfam. EKKERT! Fólkið dettur bara út af bótaskrá og missir kaupmátt enn frekar.

Tölur Hagstofu Íslands, vinnumarkaðsrannsóknir; Laun, tekjur og vinnumarkaður

Þetta er líklega mesta atvinnuleysi á Íslandi síðan mælingar hófust! Að minnsta kosti síðan AGS fór að fá tölur frá Íslandi. Hvorki meira né minna. Og það mun aukast enn frekar í vetur.

Þetta er óbærilegt atvinnuleysi á íslenskan mælikvarða. Uppskriftin að fátækt og áframhaldandi skattahækkunum. Tekjur ríkissjóðs koma allar frá atvinnustarfsemi og þær eru mun minni en gert var ráð fyrir. Svo skiptir einnig höfuðmáli við hvað fólk vinnur, enda sést það á hagvaxtarhryllingnum.

Þetta er stórfellt atvinnuleysi, alveg sama hvað gerðist árið 2008. Og árið 2012 er að ganga í garð eftir rúma tvo mánuði.

Fjárfestingar og einkaneysla að aukast? segið þið. Nei. Þetta er bara hið klassíska dead cat bounce sem þið sjáið; dauði kötturinn sem hoppar 3,2 prósent upp í lofið þegar hann skellur líflaus á steinsteypunni. That's all.

Með þessu áframhaldi verður kreppan kannski búin eftir 50-100 ár

Vitsmunalegur stöðugleiki væri ágætur

Þetta byrjar svona; Vitsmunalegur stöðugleiki elur af sér pólitískan stöðugleika sem elur af sér efnahagslegan stöðugleika sem svo elur af sér fjármálalegan stöðugleika. Skorti hið fyrsta þýðir ekkert að kljást við það sem á eftir kemur.

 

Árið 1997 skrifaði þessi sami hagfræðingur sem skrifað er um í fréttinni hér að neðan;

 

"Kanada hefur frá 1987 verið með staðfasta peningastefnu og verðbólgu á svipuðu róli og gerist í Bandaríkjunum, en það gildir einu. Landið er lítið og fylgdi áður óstöðugri gengisstefnu og á gjaldeyrismarkaði er gjaldmiðli þess aldrei treyst, sama hversu góðri efnahagsstjórn er fylgt. Kanadamenn greiða nú um 1 % hærri í vexti en Bandaríkjamenn, sem er e.k. aukaálag fyrir þann munað að slá sína eigin mynt. Þannig er einungis sá ávinningur sem felst í lægri vöxtum um-talsverður fyrir utan það hagræði að fá gjaldmiðill sem nýtur alþjóðlegrar viðurkenningar"

 

Sem sagt Kanadadalur er ónýt mynt. Of lítill til að standa einn. Zap. Núna segir hagfræðingurinn eftirfarandi (samkvæmt frétt Morgunblaðsins hér að neðan), sem er hreint ótrúlegt, ef satt er;

 

"Ísland hefði í raun glatað efnahagslegum stöðugleika þegar landið skildi við Danmörku með stofnun lýðveldis á Þingvöllum fyrir 67 árum. Þá væru 30% neikvæðir raunvextir á sjöunda áratugnum dæmi um þá efnahagslegu óstjórn sem hér hefði viðgengist á lýðveldistímanum" 

 

Ef Ásgeir Jónsson hagfræðingur á við að Ísland hafi glatað efnahagslegri stöðnun sinni með stofnun lýðveldis Íslendinga á Þingvöllum árið 1944, þá er það alveg rétt. Sem betur fer. Það sem á eftir kom var eins konar breytinga- eða umbyltingarhagkerfi (e. transitional economy) sem óhjákvæmilega kemur þegar nýlendur fá frelsi sitt, því þá hefst uppbyggingin eftir allt svartnættið.  

 

En neikvæðir raunstýrivextir eru ekki góðir. Það er alveg rétt hjá Ásgeiri Jónssyni. Þeir eru helsta orsök þess að Grikkland er að verða ríkisgjaldþrota nú því raunstýrivextir hafa verið þar neikvæðir síðan landið tók upp evru. Sömu sögur er að segja um Írland og Spán og líklega Portúgal einnig. Illt er þar í efni. Og bankahrun eru þar þegar orðin. Ísland er ekki eina landið þar sem slíkt gerist. Það skemmtilega við náttúrufyrirbærið tímann er það að hann kemur í veg fyrir að allt gerist á sama tíma alls staðar. Við eigum eftir að sjá margt í þeim efnum gerast í ESB.  

Hér er 30 ára langt póstkort úr danska raunveruleikanum. Ég upplifði hann á eigin líkama. Og ég sakna hans ekki. 

 

 

Hvernig þætti þér lesandi góður að búa við vaxtastig og lánskjör sem eru ekki í neinu samhengi við hinn efnahagslega raunveruleika í því þjóðfélagi sem þú býrð í, starfar eða rekur fyrirtæki? Hvorki í samhengi við verðbólgustig, atvinnustig, eftirspurn, framboð né gengi gjaldmiðils þíns? Eina samhengið sem þú gætir fundið við raunveruleikann væri eitt orð á blaði – „fastgengi“. Þetta gerðist í Danmörku árið 1982. Þá var ákveðið með einu pennastriki að afnema hinn efnahagslega raunveruleika, ef svo má segja, og taka upp efnahagsstjórn sem mætti líkja við það að aka bifreið án útsýnisglugga. Þeir gangandi vegfarendur sem yrðu á vegi manns yrðu keyrðir miskunarlaust niður. Öðru hverju myndi maður stoppa til að athuga hvort maður væri á réttri leið samkvæmt stöðu á staðsetningartæki í bifreiðinni . . . 

 

. . . áframhaldið má lesa hér; Seðlabankinn og þjóðfélagið

 

Umræða um hrunið á villigötum

Neyðarástand Evrópusambandsins

Þið hafið öll, nema Ríkisútvarpið, tekið eftir því sem er að gerast í Evrópusambandinu. 

Hvað segir ástandið okkur? Jú, þar ríkir neyðarástand. Og hefur ríkt þar síðan árið 2009. En hvað er svona merkilegt við það? Jú, verið er að gera neyðarástandið varanlegt. Það var einmitt þetta sem gerðist þegar Adolf Hitler komst til valda. Hann komst til valda í gegnum neyðarástand sem sagt var svo alvarlegt að það var gert varanlegt. Í skjóli neyðarástands og neyðaraðgerða er hægt að gera svo margt sem annars er ekki hægt. 

Fyrir Ísland hefur þetta þýtt það að skyldu hrekkjusvín bregða fæti fyrir Össuri Skarphéðinssyni utanríkisráðherra á Keflavíkurflugvelli, með því að leiða hann inn í vitlausa flugvél sem tæki hann til Washington til að bera þar upp erindi sitt við að framselja sjálfstæði og fullveldi Íslands til Bandaríkjanna, þá myndi samstundis koma maður með bréf út úr bandaríska sendiráðinu á Íslandi, og sá myndi ganga beint til verka sinna í forsætisráðuneytinu við að hefja framsal á Össuri Skarphéðinssyni til Íslands þar sem hann kæmi sér vel fyrir í ríkisréttinum vegna tilraunar til landráða.

Munurinn á þessu öllu er sá að búið er að stofna Bandaríki Norður Ameríku og þar ríkir lýðræðislegt stjórnarfar. Í Evrópusambandinu ríkir hins vegar varnalegt neyðarástand eins og það sem kom Vidkun Quisling til valda í Noregi og víðar. Það er um að gera að koma sér inn undir hattinn á meðan neyðarástandið og rússneska rúllettan með fullveldi þjóðanna í Evrópusambandinu ríkir. Of seint er að hefjast handa þegar símanúmeri Kissingers hefur verið klístrað út um allt í símaskrá þjóðanna. 

 

Aular!

Málefnaleg umræða um evru og ESB

Hér eru málefnin og umræðan;

 

Myntin evra — og efnahagsstjórn 17 ESB-ríkja undir henni — var fyrsta mynt sinnar tegundar og henni var lýst sem einstakri. Hún, myntin og efnahagsstjórnunin undir henni, átti að vera byggð á setti af vissum reglum = regluverki, reglusetti.

Þessi mynt er nú mörgum ríkjum ónýt og verri en engin. Og efnahagstjórnin undir henni er einnig ónýt og líklega verri en engin. Algert stórslys e. disaster Evrópusambandsins eins og Wolfgang krónískur evrufíkill Munchau lýsir hér.

 

Quick-fix will create a political monster - The eurozone’s experience of rules-based governance has been a disaster

 

Ekkert hefur áunnist. Flestu hefur verið tapað. Evrópa stendur sundraðri en nokkurn tíma frá lokum seinni heimsstyrjaldar. Miðflótta þeytivinduafl myntarinnar hefur verið slíkt. Efnahagsstjórn undir þessari mynt hefur reynst banvæn fyrir smá og stór ríki. Mesti mismunur á milli efnahagsþátta ríkja myntbandalagsins hefur aldrei verið meiri en nú.  

Seðlabanki þessarar myntar átti að vera fyrsta flokks. Það var okkur sagt. En undir hans yfirumsjón var efnahagur evruríkja lagður í rústir. Meðal annars með ofsafengnu stjórnlausu flæði illa fengins og afbakaðs fjármangs sem sprengdi efnahag margra landa Evrópu aftur á steinaldarstig nútímans. Atvinnuleysið er komið á meira en Hitlerskt stig. Fram hjá þessu er ekki hægt að horfa. 

Hver ber ábyrgð á þessu misfóstri? Hver ætlar að taka pokann sinn? Hvenær ætla evrumenn hérlendis að biðja okkur afsökunar á að hafa kynnt þennan Frankenstein fjármála fyrir Íslendingum sem verandi fyrsta flokks fyrirbæri? Það gæti orðið fróðlegt að heyra. Siðanefndir fræðimannafélaga og Alþingis Íslendinga bíða eftir afsökun ykkar og Ríkisútvarpsins.

 

Ein og stök er og verður þessi gereyðingarmynt í sögu Evrópu.

 

Fyrri færsla

 

Engar útgönguleiðir úr ESB 

Engar útgönguleiðir úr ESB

 

Það þýðir ekki að kjósa, því þá er bara kosið aftur og aftur þangað til það kemur niðurstaða sem er Brussel þóknanleg. Bratislava veður látin kjósa aftur. Í gærkvöldi sagði Slóvakía nei, en þá eru endurkosningar strax komnar í pakkann. Já, endurkosningar!

 

Slóvakar sögðu að verið væri að biðja þá um að sýna perversa samstöðu um brot evruríkja á grunnreglum ESB með atkvæðagreiðslunni um björgunarsjóð evrunnar. Þetta væri ekki sú evra sem þeir tóku upp.

 

Slóvaíka tók upp evru 1. janúar 2009 og mælist nú atvinnuleysi þar 13,4 prósent þrátt fyrir að tíundi hver Slóvaki hafi flúið landið í atvinnuleit og það hafi öll Samfylkingarvopnin; ESB-aðild, evrur og hina svo kölluðu "Evrópuvexti" Össurar.

Eins og Rómarríkinu, þúsund ára ríki nasista og Sovétríkjunum, þá er Evrópusambandinu ætlað að endast að eilífu. Engar útgönguleiðir eru til og verða aldrei gerðar. Þessi þrjú eru öll afurðir úr evrópska apótekinu. Þetta er í pakkanum sem ekki er til sýnis. Þetta er kjánum ósýnilegt eins og þegar Þjóðverjar kusu vissan mann til valda vegna atvinnuleysis, vanmáttar og eymdar. Það sem á eftir kom var ekki upphaflega í pakkanum. Það kom í pakkann seinna. Kom bara.

Eftir 25 ára búsetu í Evrópusambandinu minnist ég algengustu röksemdafærslna fársjúkra Evrópusambandssinna um ESB og flest sem því tilheyrir; "jú þetta er bara eins og að fá sér brunatryggingu", sögðu þeir hvað eftir annað þegar kjósa átti um hitt eða þetta. Nú er Evrópusambandinu sjálfu hins vegar lýst sem brennandi bygginu með engum útgönguleiðum og það af sjálfum utanríkisráðherra Bretlands. Það er svo gott að hafa fengið sér brunatrygginguna um leið og maður fuðrar upp.

Ég fer að hallast að því að það sé þrátt fyrir allt rétt og satt að engin leið sé út úr Evrópusambandinu nema í formi ösku í gegnum skorsteina eilífðarinnar. Það þýðir ekki að kjósa um neitt varðandi ESB, því þá er bara kosið aftur og aftur um pakkann þangað til þú nennir ekki meiru. En loga mun þó lengur í fullveldi sumra ríkja en annarra.

 

Desember 2010;

 

Forseti slóvakíska þingsins, Richard Sulik, skrifaði þá í blaðagrein í Hospodarske Noviny: "ESB lofaði okkur stöðugum og traustum gjaldmiðli. Því lögðum við mikið á okkur við að uppfylla skilyrðin fyrir evruupptöku. Okkur hafði verið lofað stöðugum gjaldmiðli byggðum á vönduðu og traustu regluverki. Tveimur árum síðar er hins vegar dapurlegt að sjá að þessar reglur og regluverkið allt er ekki eins fyrir öll löndin, svo maður komi sér nú hjá að þurfa að segja að engar reglur gildi um myntina í þessu myntbandalagi. Tíminn er kominn til að við gerum okkur áætlun-B, hættum að treysta blint á það sem leiðtogar evrusvæðis segja, segjum okkur úr myntbandalaginu og tökum aftur upp okkar eigin mynt." - sjá; Slóvakar vonsviknir með evru. Bjuggust við gjaldmiðli. Vilja skila henni.

Evran gæti leitt til hruns á heimsvísu

"Evrópuvextir" Össurar nú komnir í 73,197 prósent

Það góða við það að vera í myntbandalagi Evrópusambandsins er hið geysilega efnahagslega öryggi sem tilveran í myntbandalaginu býður þjóðríkjum þess uppá. Til dæmis býður evrumatseðill dagsins upp á samþykki Slóvakíu eða hrun (Bratislava or bust) 

Evrópuvesti Össurar hefur nú hneppt Grikkland í 73,2 hnappagöt evrufangelsis landsins. Þetta er vaxtaprósentan á tveggja ára lánum til gríska ríkisins og á lánum til fimm ára er krafist 29,4 prósent ársvaxta af gríska ríkinu á meðan Ísland með krónuna fær fimm ára lán á alþjóðelgum mörkuðum á 5,2 prósent vöxtum. Skuldatryggingaálagið á Grikkland er aðeins 5200 punktar. 

Ef við hefðum ekki íslensku krónuna sem bæði sverð og skjöld lýðveldis okkar værum við enn verr stödd en Grikkland er í dag - eftir 30 ár þess í Evrópusambandinu og 9 ár í evrum.

 

A brief note on the situation in Greece: A report published by the Labour Research Institute, belonging to the General Labour Union (GSEE) of private sector workers has predicted rapid deterioration. Officially more than 790,000 are currently out of work. The real numbers are higher because many are not counted due to logistical reasons.

ESB-Amen 

 

The young coming into the labour market are hit hardest, with unemployment of those between 15 and 29 years rising above 40 percent. This feeds the emigration wave.

ESB-Amen 

 

Some of the well-off are leaving as well. Andreas Kallisteris dropped a lucrative consultant’s job at the ministry of employment to follow his wife and son to Berlin. His wife, a self-employed translator, was also doing well, but decided to go.

ESB-Amen

 

"We are thinking not to ever return," Kallisteris, a highly skilled professional involved in policy making for years told IPS. "I can’t influence the future and I cannot affect the choices made by a failed administration and political system. There are no prospects for this country.

ESB-Amen

 

"I am leaving behind me a place that is becoming a desert. With the departure of the best human resources, phenomena like the rise of extreme right and underdevelopment will become acute social issues soon. I will only return if and when this generation that runs the country pulls out."

 

Evra-Amen og apavatnið

Svo eru það

• Portúgal
• Spánn
• Írland
• Ítalía 
• Lettland
• Litháen