The mother of all sudden stops: Capital flows and reversals in Europe, 1919-1932

Elítuveldi Evrópusambandsins tókst með stofnun myntbandalagsins, að koma í kring og kalla yfir Evrópu hinar mestu efnahags- og fjármálalegu hörmungar sem hugsast geta. Þessum skipulögðu hörmungum Evrópusambandsins var frá upphafi ætlað að valda einmitt þessum áhrifum, sem þær nú hafa gert. Út á þetta gekk evran; að rústa Evrópu. Lækningin á síðan að felast í opinberunar-pokahorni elítuveldis sambandsins; Stór-Evrópu, sem aldrei getur annað orðið en nýtt Sovétríki yfir einmitt Evrópu.

Hér er Sunnudagslesningin handa nefndinni

Grein Olivier Accominotti og Barry Eichengreen, þann 14. september 2013;

"The parallels between capital flow surges and reversals in Europe in the periods leading up to the two great financial crises of the modern era, the Great Depression and the Global Credit Crisis, are more than skin deep.

• In both periods there was a flood of capital from one half of Europe to the other, as well as to the continent’s recipient half from the rest of the world.

There was neglect by lenders of public debt burdens and their implications for credit worthiness during the boom and then the sudden rediscovery of sovereign risk once capital dried up. 

• In both periods, countries that imported foreign finance most liberally during the boom suffered the largest reversal and most serious dislocations when the surge of capital inflows came to an end."

Krækja

 

The mother of all sudden stops: Capital flows and reversals in Europe, 1919-1932 

Ásamt athugasemd Paul Krugmans við greinina; But Where’s My Phoenix?

 

Meiri sunnudags-lesning 

Heimasíða: Michael D. Bordo 

Board of Governors Professor of Economics 

Rutgers University

NBER Working Papers 

• A Fiscal Union for the Euro: Some Lessons from History

• A Long Term Perspective on the Euro

 

Fyrri færsla

Þurrkublöðin á framrúðum Þýskalands spöruð burt 

 

Nefndin (þið vitið hver)

 

Þurrkublöðin á framrúðum Þýskalands spöruð burt

Í Þýskalandi er nú í ríki Prinz Bismarcks í gangi númer tvö tilraun hins þýska ríkis hans til lýðræðis. Sú fyrri, Weimar-lýðveldið frá 1919, endaði bratt með því að nasistaflokkur Adolfs Hitlers vann mikinn kosningasigur í þingkosningunum 1930. Og síðan enn stærri sigur í kosningunum 1932, með 37 prósenta fylgi. Oh - og hér eru aðeins nefndar til sögunnar hinar "löglegu" og síðari kosningar í langri röð kosningasigra þess nasistaflokks meðal annarra bræðra hans á meginlandi Evrópu

Hina síðari tilraun Þýskalands til lýðræðis —þá núverandi— er orðið nokkuð erfiðara að tímasetja upphafið og endalokin á. Sérstaklega séð út frá svonefndum stofnsáttmála Evrópusambandsins, sem kenndur er við borgina Róm árið 1957

Engar sérstakar kosningar hafa farið fram í Þýskalandi um nein þau mál er tengjast Evrópusambandinu. Því þá hefði líklega þurft að taka þann sáttmála frá 1957 fyrir þýska dómstóla í Þýskalandi og jafnvel láta þá sömu dómstóla landsins um að viðurkenna hann. Sú viðurkenning hefði varla fengist í fyrri hálfleik sambandsins. Því Rómarsáttmálinn er andlýðræðisleg stofnun og ný uppskrift til einæðis á meginlandi Evrópu, frá upphafi til enda (e. totalitarian concept)

Og í sífellt fleiri löndum á mið-austur og suður-balkaníseruðu meginlandi Evrópu minnkar tiltrú fólksins á lýðræði sem stjórnarfarslegu fyrirkomulagi. Núna, 12 dögum fyrir kosningar í Þýskalandi, birta þeir meiriháttar iðnaðarelítu-pappírsrenningar landsins er kenna sig við dagblaðaútgáfu, svo að segja engar fréttir af neinni kosningabaráttu í landinu. Á forsíðum dagblaða eins og Frankfurter Allgemeine og Suddeutsche Zeitung voru engar fregnir af neinum þingkosningum eða kosningabaráttu á —counting down— 12. degi fyrir kosningar. Ekkert stóð heldur um þessar komandi þingkosningar í aðaldálkum þessara dagblaða

Þurrkublöðin og ajaxið á framrúðum lýðræðisins er auðvitað verið að spara, ja. Því fara (fóru) til enn frekari sparnaðar aðeins einar kappræður fram í sjónvarpinu í þessu prinsaða ríki Bismarcks frá 1871. Sem út frá þesskonar stofnun þess, eðlislægt og conceptual, stólar á að aðrir — og þá helst hin 70 ára samfellda varðstaða USPACFLT — verndi aðgengi landsins að og friðinn á útflutningsmörkuðum þess - enda orðnir sérfræðingar í das leben der anderen; sérstaklega eftir að Síberíuhraðlestin á bak við múrinn, mun gera þeim hvað . .

Fyrri færsla

Nei: þetta eru endalok BBC því það þekkti aldrei Apple

Nei: þetta eru endalok BBC því það þekkti aldrei Apple

 

"á endanum mun jafnvel Wall Street fatta þetta", sagði Steve í viðtali við CNBC sumarið 2008

BBC þóttist hins vegar þekkja Microsoft og Nokia. Það þóttist líka þekkja til dæmis ESB er þessi klessta ríkisstofnun hóf söluherferð á því fyrirbæri ofan í saklausa Breta. Allt þetta fernt er nú óþekkjanlegt: BBC - Microsoft - Nokia - ESB.

Apple hefur nú klofið iPhone-lófatölvu sína í tvo hluta. Munið að þessi 64-bita og tveggja örgjörva lófatölva inniheldur forrit sem kallast sími. Talsíminn allur er orðinn að bara einu minniháttar forriti í þessari lófatölvu. Þess vegna er Nokia gúmmístígvélalaust á leið niður í magann á tannlausu og fæðingargölluðu Microsofti. Þar sem það mun springa með skelfilegum afleiðingum fyrir Microsoft. Keyra Microsoft sem þegar er blæðandi fyrirtæki í þrot, eða í eins konar Blackberry-Dellson kast.

Þetta er ekki ósvipað framleiðslulínum Apple undandarin 16 ár. Þeir skapa nýja geira og kljúfa hann síðan í tvennt um leið og þeir eru búnir að skilgreina, afmarka og festa hann í sessi og kalíbrera framleiðsluna.

Fyrst var það hinn litríki og gegnsæi iMac sem var úr plasti og ódýrari en PowerMac. Svo var það hin ódýrari iBook sem var ekki úr titaníum eða áli eins og PowerBook, sem var miklu dýrari. Svo kom MacBook úr plasti en MacBook-Pro úr áli og var hún dýrari.

iPod kom fyrst í "ekta" útgáfu sem fæst enn - en af honum spruttu svo ódýrari gerðir af iPod plús einn iPod-Touch, sem er iPhone lófatölvan án símahlutans. Vel tengd lófatölva við allt nema akkúrat símanet.

Svo kom iPhone, fyrst sem ein dýr fyrsta útgáfa úr áli/stáli. Síðan kom iPhone 3G og 3GS báðir úr hertu plasti.

Bráðum verður hægt að reka alla starfsmenn BBC frá einni lófatölvu, hafi maður hið rétta fingrafar til þess

Reyndar hef ég aldrei hitt tölvuþekkjandi mann sem veit neitt um fyrirtækið Apple, en þóttust þeir samt flestir vita allt um Microsoft og Nokia. Og svo var það IBM (I've been moved)

Við skulum ekkert vera að minnast hér á herra John Strand, sem enn er sá sérfræðingur á Norðurlödnum sem ráðgefur öllum fjölmiðlum þar um "farsíma-tækni-markaðinn", skammstafaður; F.A.R.V.E.L

Fyrri færsla

Pólland að bakka inn í nýtt sovét Evrópusambandsins?

Endalok Apple eins og við þekkjum það?

Pólland að bakka inn í nýtt sovét Evrópusambandsins?

Er Pólland að bakka inn í sovétríkið aftur?

Eða var það kannski bara Berlínarmúrinn sem féll vestur, en ekki austur, og tók Vestur-Evrópu með sér í fallinu. Nú hafa til dæmis ellefu fyrrum sovétríki gengið í nýtt bandalag; Evrópusambandið (NSU)

Í Varsjá hafa yfirvöld landsins gefið út yfirlýsingu þess efnis, að ríkið leggi hér með hald á stóran hluta lífeyrissparnaðar Pólverja, sem eru í vörslu einkaframtaksins hjá fyrirtækjum eins og PIMCO, móðurfélagi Allianz, AXA, Generali, ING og Aviva

Ástæðan fyrir þessum eignaupptökum —eða ákvörðunar- og yfirráðarétti borgaranna yfir eignum sínum— er sú, að þegar eignir sjóðanna hafa verið fluttir yfir í þjóðhagsreikninga ríkisins, að þá mun skuldastaða pólska ríkisins þar með líta betur út á pappírnum og gefa stjórnmálamönnum landsins tækifæri á að veðsetja landsframleiðslu borgaranna enn frekar. Og allir vita hvernig á endanum fer með lífeyrissjóði sem komast undir hendur stjórnmálamanna. Þeir gufa upp og út í ekki neitt

Tímasetning þessara sovét-aðgerða pólskra yfirvalda í hinum nýju sovétríkjum Evrópusambandsins, var sérstaklega valin til að geta þegjandi farið fram með löndum á meðan málefni Sýrlands hafa heltekið leiksviðið

Krækjur

Poland reduces public debt through pension funds overhaul (Reuters)

Poland Confiscates Half Of Private Pension Funds To "Cut" Sovereign Debt Load (ZeroHedge)

Fyrri færsla

Bandaríkin - Ísland - Noregur - og skuggarnir

Bandaríkin - Ísland - Noregur - og skuggarnir

Skál fyrir: the Anglosphere 

Það er varla hægt að ofmeta mikilvægi þess að af samþættri sögu lýðvelda Bandaríkjamanna og Íslendinga —hvort um sig í sínu fullvalda sjálfstæða ríki—  hefur visst ryk nú verið rækilega af henni dustað

Í fréttatilkynningu frá Hvíta húsinu í Washington-borg er þess hátíðlega og sérstaklega getið að leitað verði leiða til að efla viðskipti og fjárfestingar á milli Bandaríkjanna, Íslands og Noregs

<<>> 

The White House

September 04, 2013 

Office of the Press Secretary

For Immediate Release

 

"We also look forward to exploring ways we can bolster trade and investment between the United States and Norway and Iceland"

 

<<>>

Björn Bjarnason hefur skrifað um málið; "Mikilvægi viðskipta- og fjárfestingatengsla við Ísland áréttuð á Obama-fundi" - hér

Nú þarf síðan að vinna að því að aðstoða Breta við að komast lifandi út úr Evrópusambandinu. Það verður erfitt og heljarför mikil. En þá aðstoð eiga þeir svo sannarlega skilið

 

 

Fyrri færsla

Hver mun greiða fyrr gjaldþrot seðlabanka Evrópusambandsins? 

Hver mun greiða fyrr gjaldþrot seðlabanka Evrópusambandsins?

Í reynd stendur enginn gegnheill fjárhagslegur lögaðili á bak við ECB-seðlabanka Evrópusambandsins, eins og stendur. ECB-bankinn rekur mynt og peningakerfi án ríkis og hefur einkarétt á allri peningaútgáfu í öllum evrulöndum

Þeir sem standa að ECB-bankanum eru seðlabankar þeirra landa sem nota evru og sem hafa afsalað sér fullveldinu í peningamálum. Eru orðnir getulausar punt-stofnanir. En á bak við þá seðlabanka ófullvalda ríkja evrusvæðis, standa hins vegar pólitískir ríkissjóðir landanna, svo legni sem borgarar landanna fá að halda einverjum kosningarétti um eitthvað sem skiptir verulegu máli. Þann kosningarétt hafa þeir nú misst. Ríkissjóðir sem áður voru hið eina óvefengjanlega peningapólitíska vald og lögaðili landanna, eru komnir ofan í vasa ECB-seðlabankans, sem svo er í vasa Þýskalands ásamt Frakklandi

Ef eitt ríki myndi yfirgefa myntbandalagið þá myndu fleiri ríki vilja hið sama eins og þegar Sovétríkin hrundu. Álíka og þegar einn nágranni þinn í götunni kemst hjá því að standa við fjárskuldbindingar sínar, að þá munu allir í sömu götu vilja fá sama möguleikann. Við það hrúgast upp fjárskuldbindingar á færri bök sem þá bogna enn frekar. Þau munu fyrir vikið verða lélegri pappírar og fá verri kjör að öllu leyti. Eignir þeirra færast þá fetinu nær verðmyndun á brunaútsölum

 

Eitt stærsta hagsmunamál stærsta elliheimilis veraldar, Þýskalands, er að halda gengi gjaldmiðils þess eins falskt lágu og framast er hægt, svo að unnt sé að skaffa eftirspurnar-útbrunnu hagkerfi þess pantanir utan úr heimi. Þetta gerist best með því að rústa enn frekar þeim löndum sem í gegnum evruna eru handjárnuð við það í gengisfyrirkomulagi ERM III, sem er evran. Við það falsast gengið og heldur áfram að vera falskt

 

Því verr sem gengur í nýlendum Þýskalands í myntbandalagi Evrópusambandsins, því betra fyrir ESB-elítur Þýskaland, sem áfram notar þjóðnýtta þegna sína sem þrælabúðir. Kínaveldi Evrópu hefur heldur betur vaxið ásmegin frá síðasta hruni. Það hefur nú algerlega tryggt sig gegn gengishækkunum og keyrir á fölsku gengi

Allt er við það sama gamla á meginlandi Hegels í Evrópu, þar sem 800 þúsund íbúar Kýpur stara nú tómum augum á tóma búðarglugga í borgum landsins. Landið tók upp mynt Þýskalands þann 1. janúar 2008. Hagkerfi Kýpur er því loksins komið inn í myntbandalag Evrópusovétríkjanna. Því það er nú orðið algerlega reiðufjár-knúið, gjaldþrotið og alveg án fjármála- og fjármögnunarkerfis. Þetta er næstum því hin fullkomna útópíska rústun heils ríkis samkvæmt heitustu ósk og pólitískri uppskrift hins þýska formanns þingflokks andkapítalista og sósíalkommúnista ESB á þingi sambandsins; herr Martins Schulz & Co. 

 

Á meðan er Grikkland að breytist í eitt allsherjar Detroit á næstu áratugum

 

Fyrri færsla

 

Bók fyrrverandi endurskoðanda Evrópusambandsins

Bók fyrrverandi endurskoðanda Evrópusambandsins

Fyrrverandi yfirendurskoðandi efnahags- og fjárlaga Evrópusambandsins, Marta Andreasen, sem ráðin var til starfa hjá Evrópusambandinu í Brussel eftir að innvortis spillingarmál felldu þáverandi framkvæmdastjórn og forseta hennar, Jacques Santer —sem áður hafði gegnt Þýskalandi og Frakklandi í embætti sem forsætis- og fjármálaráðherra stórhertogadæmis Lúxemborgar— gaf út út bók árið 2010

Marta Andreasen var upphaflega ráðin til starfa hjá Evrópussambandinu til að hreinsa út í Brussel og koma í veg fyrir að miljarðar evra gætu horfið í spillingarsukki embættismannaveldis sambandsins, eins og gerst hafði. En hún var hins vegar bara rekin eftir aðeins fimm mánuði í starfi og engar úrbætur áttu sér stað í krónísku spillingarbæli nómenklattúru Brusselveldisins. Hún segir að Evrópusambandið sé ekki bara spillt, heldur virkar það líka spillandi

The system is not only corrupt, but corrupting

Þetta vitum við öll. Spillingaröfl nómenklattúru Brusselveldisins með 133 miljarða evrur í pokahornum sínum og með pólitísk-gangster-element sambandsins síspinnandi fyrir sig sem köngulær í smásjármöskuðum vef Evrópusambands —einnig með aðstoð Eurostat hagstofuhluta veldisins— gátu og eru enn að reynast heilum þjóðríkjum Evrópusovétsambandsins sem banvæn

Síðan kom ný framkvæmdastjórn og forseti hennar, Romano Prodi, á kopp sambandsins. Sprakk þá hagstofuhluti Evrópusambandsins, Eruostat, út sem gangster-elementert stjórntæki nomenklattúruveldis ESB

BBC 30. júní 2003: Eurostat Corruption; . . this nondescript office in a bleak, modern suburb of Luxembourg. It&#39;s the headquarters of Eurostat, the EU statistics agency. On the face of it, Eurostat is a department as dry and tedious as its name. It publishes economic and financial data and statistics across Europe. But it&#39;s very powerful. The figures that it publishes can determine who gets regional aid

Another company, Eurogramme, based in Luxembourg was said to have falsified its financial history to win contracts with Eurostat

Næst í röðinni kom svo svikamylla lífeyrissjóða starfsmanna Evrópusambandsins sem faldir voru í skattaskjólunum í túnfæti Eurostat-hagstofunnar í Lúxemborg. Þáðu þeir úr þeim leyndar og óskattaðar lífeyrisgreiðslur á sama tíma og þeir lágu sem þiggjendur uppi á skattafjármögnuðum ríkissjóðum aðildarríkjanna. Allt greitt af skattgreiðendum heimalandanna, en algerlega án þeirra vitundar. Þetta er allt í hinum besta Kremlarstíl þetta Evrópusamband elítuveldisins við ekkert nema sjálft sig

Aðstoð Eurostat-hagstofuhluta Evrópusambandsins hefur reynst ákaflega vel við að hefla til, stagbæta, ráðgefa, fegra og afleiðuflytja þætti úr þjóðhagsreikningum evruríkja til blekkingar fram og til baka í tímarúminu, svo að alþjóðlegir fjárfestar —en sem nú af ESB eru kallaðir vondir spekúlantar— mættu halda áfram að ganga í evrugildrur mynt-og peningaskólpkerfis sambandsins, þar til sú fossandi skólpveita þess, vorið 2009, sprakk óhjákvæmilega og með miklu öryggi í loft upp og yfir allt evrusvæðið; sem verandi sá eini sanni allsherjar pólitíski skítadreifari sem fyrirbærið frá upphafi var hannað til að vera  

Krækja

The Rotten Heart Of The Union 

Fyrri færsla

Sendið Evrópusambandinu dauða síld í póstpakka

Sendið Evrópusambandinu dauða síld í póstpakka

Refsiaðgerðir Evrópusovétsambandsins —sem Danmörk er innlimuð í— gegn Færeyjum, taka gildi og hefjast í dag

Refsiviðurlögin sem hins vegar eru skráð niður í ruslahrúgu númer 104 í páfagauksparagröfum númer 9 og númer 11 í pakkahakki Maastrichtsáttmála pakkapakksins af ESB, hljóma svona; Þetta eru viðurlögin við brotum á sáttmálanum og sem sérstaklega voru samin af Þýskalandi og seðlabanka þess til að eiga —auðvitað— sérstaklega við um Ítalíu místers Silvio;

<<>> 

If a Member State persists in failing to put into practice the recommendations of the Council, the Council may decide to give notice to the Member State to take, within a specified time limit, measures for the deficit reduction which is judged necessary by the Council in order to remedy the situation.

 

In such a case, the Council may request the Member State concerned to submit reports in accordance with a specific timetable in order to examine the adjustment efforts of that Member State.

 

As long as a Member State fails to comply with a decision taken in accordance with paragraph 9, the Council may decide to apply or, as the case may be, intensify one or more of the following measures:

 

to require the Member State concerned to publish additional information, to be specified by the Council, before issuing bonds and securities; HA HA HA

 

to invite the European lnvestment Bank to reconsider its lending policy towards the Member State concerned; HA HA HA

 

to require the Member State concerned to make a non-interest-bearing deposit of an appropriate size with the Community until the excessive deficit has, in the view of the Council, been corrected; HA HA HA

 

to impose fines of an appropriate size. The President of the Council shall inform the European Parliament of the decisions taken. HA HA HA

<<>> 

En vegna þess að níunda rúgbrauðið Þýskaland og fimmta franskbrauð Frakklands urðu fyrst til þess að brjóta þessar reglur sáttmálans í gjörvallan spón frá árunum 2001-2004, þá var málið að Moskvuhætti flott sett á svart svið Politburo Evrópusovétsambandsins, og súrkálsdómstóll þess er European Court of Justice nefnist, látinn þefa af lögleysunni, undir því hlægilega og absúrda lagalega súrkálssalmíaki er nefnist; Community law

En þó auðvitað fyrst eftir að nokkrum mánuðum áður hafði þeim tilætluðu mútufréttum verið lekið út, að forsætisráðherraveifa stórhertogadæmis Lúxemborgar ætti von á því að verða næsti forseti Evruhópsins (The EuroGangster Group)

Sá maður heitir enn Jean-Claude Juncker. Og þar með keyptist hann og at-kvæði hans sem síldardauði smáríkja undir refsiverðum brotum Þýskalands og Frakklands á Marðarspelkusáttmálanum, sem þau sjálf stóðu fyrir að sérsemja til að gilda aðeins fyrir reyktar smásíldir í afdölum sambandsins, frá óteljandi skrifstofum þess í reykfylltum bakherbergjum Strásshótela. Málið var þar með drepið

Restinni af fjárlagahallandi þvagi Þýskalands og Frakklands var svo haldið áfram að míga inn sem leiðréttingum í þjóðhagsreikninga landanna næstu 10 árin, undir yfirumsjón fjársukksveitu sambandsins, er Eurostat nefnist (EuroStazi). Kallast nú buna þessi myndarelgur afgangur

Því eiga Færeyingar strax að senda út dauðar og súrar síldir í pökkum til pakksins í aðalstöðvum Evrópusovétsambandsins, út um allar lendur þess. Og helst að hefja pakkasendingar sínar inn á Evrópu-áróðurs-stofu sambandsins, hér heima á Íslandi fyrst, og svo further út; via Schengen-niðurfallsrör Íslands til Evrópusovétríkjanna

Þetta Evrópusovétsamband hinna pólitísku gangster-elementa á meginlandi Evrópu á ekkert annað skilið en að drepast í nefinu fyrir fullt og allt

Andlát: Danmörk hefur nú eftir langa legu andast úr súrkáli; Á dánarvottorðið frá ESB er andlátið skráð sem; død sild - vegna grísa frá 1973

Fyrri færsla

Myndarlegur afgangur, virkilega?

Myndarlegur afgangur, virkilega?

Mynd; evruupptakari 

 

Í frétt Morgunblaðsins þann 23. ágúst kemur eftirfarandi fram:

Myndarlegur afgangur varð af rekstri þýska ríkisins á fyrri helmingi þessa árs samkvæmt upplýsingum frá hagstofu Þýskalands sem birtar voru í dag.

Fram kemur á fréttavefnum Euobserver.com að afgangurinn nemi 8,5 milljörðum evra en sterkur efnahagsbati hafi átt sér stað í þýsku efnahagslífi undanfarið í kjölfar nokkurra mánaða stöðnunar þar á undan. 

En er þetta nú í reynd þannig? Myndarlegur afgangur? Er það? Afgangur hvers?

Það er nú reyndar frekar þannig, að nauðsynleg efnahagsleg örvun (e. stimulus), viðeigandi rýmri peningapólitík og fjárveitingar vegna sameiningar tveggja þýskra ríkja undir kyndandi kommúnistum Austur-Þýskalands, saman við kyndandi einokunarverndaðan og læstan sósíalisma Vestur-Þýskalands, rúmaðist ekki innan lagaramma ríkis þýska seðlabankans í ríkinu

Þannig; að finna varð aðra leið til að standa undir sterkum peningastraum sameiningar ríkjanna, en þó án þess að þýsk peningayfirvöld og þeir sjálfir þyrftu að greiða fyrir þessa ólukkulegustu og jafnframt misheppnuðustu sameiningu tveggja ríkja í seinni tíma sögu hins glataða meginlands Evrópu

Yfirvöld hinna beggja innanríkis-ríkja Þýskalalands urðu skyndilega svo hreint ótrúlega heppin að falla niður á evruna, alla leið neðan úr skjala-kjallara þýska efnahagsmálaráðuneytisins, sem lá þar á tröpputrýni 1941. Þeir vissu að innan ECB-seðlabankalings Evrópusambandsins —héti maður Þýskaland— væri hægt að brjóta allar settar reglur eins og eldspýtur og jafnframt, ofan úr turni hans, taka raunstýrivexti í Þýskalandi niður í hið lægsta stig frá lokum hinnar síðari heimsstyrjaldar meginlandsins

Þetta hefði ekki getað gerst í gegnum þeirra eigin seðlabanka; Bundesbank. Svo hér urðu þýskir nurlpúkar með almenning á læstum launum —yfirskilvitlega óvænt— alveg hreint svo ótrúlega heppnir, að stórsósíalisti sósíalisma í einu ríki skyldi strax koma á vettvang, til að sleikja tær sósíalista í heilu sameinuðu ríki. Og svona líka skyndilega að úr varð evra

Síðan var bara að láta þríhyrnda elítumafíu Þýskalands og eruophiles —þ.e. iðnaðarfyrirtæki þýska aðalsins í ESB, plús bankamafíu þýska aðalsins í ESB, plús verkalýðsmafíu þýska aðalsins í ESB, eða allt heila helvítis sózíalmarkaðz einokunarveldisklabbið— um að dæla peningunum suður um skólpveitu evrunnar, til að búa þar til þá sárt vantandi eftirspurn eftir vörum frá hinum stórfenglega og stórskalaða ritvélaiðnaði í demógrafískt impótentu og deyjandi Þýskalandi

Skapa þannig eftirspurn eftir vörum frá stærsta elliheimili veraldar. Þar kom afgangurinn myndarlegi. Og hann er hvað; jú svo myndarlegur. Því það er hreint kraftaverk hvers neikvæðir raunstýrivextir eru megnugir. Hreint kraftaverk. En þeir mega bara ekki koma fyrir hjá okkur. Ekki hjá okkur, því við erum jú Þýskalandið

Þetta er sem sagt hinn myndarlegi sózíalmarkeraði afgangur Kínaveldis Evrópu. Öllu þurrkað yfir á aðra, að þýskri venju. Aldrei að borga neitt, heldur láta greipar sópa og rukka aðra um það sem þeir sjálfir eru ófærir um að skapa; þ.e. sjálfa eftirspurnina. Og samt liggur Austur-Þýskaland enn sem ein rjúkandi rúst og mun halda áfram að gera svo, næstu þúsund árin. Og sömu leið fer meginlandið allt. Það er komið af stað; svo myndarlega af stað

Og þetta mun enda skelfilega

Fyrri færsla

Leiktjöld Evrópusambandsins af Róm

8,5 milljarða evra afgangur

Leiktjöld Evrópusambandsins af Róm

Þið sjáið þetta fyrir ykkur:

Heimsstyrjöldinni síðari er rétt lokið. Þýskaland er orðið hið fyrrverandi af öllu sem fyrrverandi gat orðið og Frakkland er allt í einu bara orðið Frakkland við hlið Ítalíu. Holland er einungis orðið Holland og Lúxemborg er hið sama hertogandi dæmið og áður. Þetta eru þau sex. Nýlendurnar hrynja síðan af lyklakippum þeirra, ein af annarri 

Friðurinn breiðir úr sér, leggst smá saman yfir meginlandið, og hann er PaxAmericana tryggur. Í kringum árin 1948 til 1954 er friðurinn orðinn það sterkur og fastur í sessi -þökk sé Bandaríkjamönnum og Bretum- að óhugsandi er að lönd meginlandsins þurfi afsala sér fullveldinu til að koma honum enn fastar fyrir

En hvað gerist svo? Í friðarferlinu byrjar því miður það að gerast sem átti ekki að geta gerst. Þrjú til sex ríki í klíku taka sig til og fara að vinda upp á sig á ný. Þau þola ekki að vera bara eitt fyrrverandi Þýskaland, eitt franskt Frakkland og ein Ítalía. Þau hafna fríverslunarsambandinu E.F.T.A, því þar er ekki hægt að pota sínum þjóðartota yfir á önnur ríki meginlandsins. Ekki hægt að stunda í gegnum E.F.T.A það sem þau áður stunduðu til að sprengja meginlandið og helst heiminn allan í loft upp

Þess vegna urðu þau að stofna á milli sín Evrópusambandið. Þar geta þessi ríki nefnilega haldið áfram að stunda það sem þau áður stunduðu; að ota sínum þjóðartota yfir á önnur ríki meginlands Evrópu. Saxa af þeim, fyrst eina nögl, síðan fingur, handlegg og svo fætur. Gúrkuaðferðin er viðhöfð í skjóli þess geggjunarbandalags sem Evrópusambandið er orðið

Og hér eru þau í dag; allt er við að verða við það gamla sama og áður var; og mest til höfuðs Bandaríkjum Norður-Ameríku. Evrópa er á leiðinni í ruslið, því hún þoldi ekki friðinn, þökk sé Evrópusambandinu, sem jafnvel nú er komið með klof sitt út í mitt Norður-Atlantshaf

Hverjum hefði dottið þetta í hug á haustmánuðum 1987, er Kohl kanslari á bak við skuggatjöldin var að semja við Kreml um skiptingu Eystrasaltsríkja og Austur-Evrópu á milli sín og Kremlar. Henda átti síðan einum kexuðum myntmola til Frakklands svo það fengi nú ekki sitt Rapallo complex kast

Fyrri færsla

DDRÚV - "farvegur lýðræðislegrar umræðu"