Fyrsta kynslóð ónýtra Hörpu-forseta lætur úr Reykjavíkurhöfn

Harpan nær ekki upp í rekstur pizzu-hrings

Næstum engar tekjur, eins og allir máttu vita; en útgjöld algerlega massíf

Tapsfjöll Reykjavíkur eru nú orðin svo stór að þau ógna byggð í borginni. Hin lekandi pólitísku hóruhús Harpan og Okurveitusveppurinn, eru einungis tilraunasprengdur taps forgrunnurinn undir komandi borgarlínu (omg!), sem svæla mun loks flesta íbúana burt af núverandi höfuðborgarsvæði Íslands

Í gær birtist einnig fyrsta kynslóð ónýtra forseta í Alþingshúsinu, til að grenja þar yfir eigin vangetu. Þurrkaði hann henni yfir á þjóðina, eins og von og vísa er þeirra sem almenningur fjármagnað hefur of mikið frá fæðingu. Hann verður aldrei betri en það sem hann er, sama hvaða þurra plagg hann fær á afturendann

Vona ég svo sannarlega að hann, já hann, verði ekki endurkjörinn. Helst ætti hann að segja af sér vegna skorts á launalausu gulu hári. Þjóðin hefði átt að kjósa Davíð, sem hvorki er kommúnisti né bleyjubarn. Sú staðreynd er að verða heldur betur ískyggilega greinileg

Jafnvel skattpíningar-forsætisráðherrann frá xD virðist ekki geta gert upp við sig hvort hann er Kommi eða Maóisti, því varla getur hann verið Sjálfstæðismaður. Hann er að verða jakkafötin tóm. Enginn veit hvort hann þekkir true north eða ekki, eða hafi yfir höfuð neinn áhuga á að komast þangað. Hvers vegna ætti fólk að kjósa þann sem það veit ekki hvert ætlar að fara. Ég spyr, því ekki getur hann lengur staðið þar sem hann er, sem enginn veit hvar er. Hvað með að blikka nokkru sinnum með vasaljósinu, svo við vitum hvar þú ert. Eða áttu kannski ekkert vasaljós?

Fyrir andvirði einnar Hörpu hefði íslensk þjóð getað gætt loftrýmis landsins með eigin fljúgandi landhelgisgæslu í orrustuþotum út frá þremur landsfjórðungum, og þar með sloppið við að koma með sótsvartan betlistaf af skömm á NATO-fundina. En nei, tapfjallið úr sprengigígum hins opinbera skal stækkað við listrænan undirleik og neistaflug allsherjar peningabræðslu hins opinbera, sem brátt telur hálfa þjóðina. Þvílík skömm, þvílík skömm

Allar tekjur hins opinbera koma frá atvinnurekstri. Engar aðrar tekjur eru til. Og þið stundið ekki atvinnurekstur, heldur eyðið þið því sem aflað er. Þið eruð peningabræðslan

Krækja: Hvað er Íhaldsmaður ?

Fyrri færsla

Þýskaland í gíslingu Tyrklands

Þýskaland í gíslingu Tyrklands

Mannfjöldi Þýskalands er hnignandi, hrörnandi og fallandi 82 milljón manns. Mannfjöldi Tyrklands er hins vegar vaxandi 80 milljón manns sem er að eflast. Þýskaland er orðið eins konar elliheimili sem er að líða undir lok, en Tyrkland er ungt og vaxandi veldi að ryðja sér til rúms í Evrópu og Austurlöndum -nær og -fjær

Tyrkland gefur út upplogna handökuskipun á þýska blaðamenn og þýska borgara. Þýskaland gerir ekkert. Það þorir ekki að segja neitt. Það verndar ekki borgara sína með því að gefa út ferðaaðvörun til þeirra

Tyrkland gaf hins vegar út ferðaaðvörun til Tyrkja sem huga á ferðalag til Þýskalands. Það segir Tyrkland að sé gert vegna "and-tyrkneskrar stemmingar" í Þýskalandi

Sparnaður þýskra heimila (krónísk mýta) hefur verið fallandi allt frá því að kanslari þess sem nú stjórnar rússneska ríkisfyrirtækinu Rosneft með Pútín (Kál- og bolabandalagið), breytti Þýskalandi í láglaunaland. Auður þýskra heimila var þar með fluttur til þýskra fyrirtækja sem fluttu hann úr landi til Suður-Evrópu, þar sem til voru heimili í neikvæðum evru-raunstýrivöxtum til að kaupa með þeim þýskt framleiddar vörur með kredit sem þýsk fyrirtæki útþrýsti-sköffuðu í svo gerræðislegum mæli (undir af ásetningi lélegum kredit-stöðlum), að hann nam 30 prósent af landsframleiðslu sumra ríkja í Suðri. Úr varð innflæði sem rústaði Suður-Evrópu undir stjórnleysi ECB-aukaseðlabanka Þýskalands

Krónísk undir-neysla einkennir því þýska hagkerfið allt, því hlutur þýskra heimila í landsframleiðslunni hefur minnkað svo mjög vegna þess að auður þeirra (sparnaður) fluttist frá þeim og yfir til fyrirtækja landsins, sem eru í eigu þýska aðalsins. Og sem stjórnar þinginu og landinu öllu, utanþings! Þýskaland er því orðið útflutningsháðasta hagkerfi veraldar og hagkerfi þess er í innri rúst

Heimilin reyna örvæntingarfull í láglaunahagkerfi Þýskalands að halda í sparnaðarhlutfall sitt með því að skera niður neyslu og þar með eyðslu og hlutur þeirra í landsframleiðslunni (neyslu hennar) fer sífellt minnkandi og hlutur fyrirtækjanna fer sífellt vaxandi. Lísa Undralands er mætt á staðinn og ljósið er byrjað að bogna. Brátt verður það svart

Þess vegna þorir Þýskaland ekkert að gera fyrir borgarna í utanríkismálum. Það þorir ekki að vernda þá, hvorki innanlands- né utan. Það þorir því ekki vegna þess að viðskiptahagnaður þess (aðalsins) er sá mesti og svæsnasti í heiminum. Erdogan gæti til dæmis tekið niður girðinguna ef Þýskaland liggur ekki kjurrt sem motta

Í Þýskalandi hefur aðlinum loksins tekist að aðskilja stjórnmálin alveg frá viðskiptum, - eins og ávallt hefur (þó óopinbert) verið efsti punkturinn á óskalista ítölsku Mafíunnar. Suður-Evrópa liggur því nú sem sviðin jörð. Og umfram allt má ekki komast upp um hvað varð um auð þýskra heimila

Lélegasti og úrræðalausasti stjórnmálamaður veraldar heitir Angela Merkel. Hún hefur sjálf engu fjárfest í framtíð Þýskalands

Öndunarfæri Þýskaland eru nú öll utanáliggjandi. Þau liggja fyrir utan Þýskaland. Sá sem tekur þau frá Þýskalandi, mun kæfa landið. Þýskaland þolir því ekki að missa eitt einasta land úr lungum sínum, sem öll liggja erlendis, vegna þess að hagkerfið þeirra heima fyrir er handónýtt og steindautt. Þetta mun enda hroðalega illa. Hroðalega illa. Svona er að viðhafa ESB-hagfræði. Hún er sértrú, - sérsamin af þýskum aðli fyrir þýskan aðal = þrælabúðir

Þýskaland er fallandi veldi - Tyrkland er hins vegar rísandi veldi

Fyrri færsla

Stærsta æfing sænska hersins í 20 ár hófst í dag. Edrúsaft sent til Stokkhólms

Stærsta æfing sænska hersins í 20 ár hófst í dag. Edrúsaft sent til Stokkhólms

Mynd: Útsýnið frá Moskvu

Í dag mánudaginn 11. september hófst viðamesta heræfing sænska þjóðar-hersins síðastliðin 20 ár. Hún heitir Aurora 17 og lýkur ekki fyrr en 29. september

Gotland spilar stórt hlutverk, því sá hluti Rússlands sem heitir Kalíníngrad og er útlenda Rússa við Eystrasalt (exclave), liggur upp að landamærum Póllands og Litháen. En landamæri og þar með jarðsamband Eystrasaltsríkjanna við meginland Evrópu eru ekki nema 104 kílómetra löng og þau mæri liggja öll um Litháen. Þar með höfum við skilgreint þá kattarklemmu sem Eystrasaltsríkin eru í og næfurþunnan naflastreng þeirra við NATO

Við þá skilgreiningu bætast síðan yfirlýsingar talsmanna vakúm-ríkisstjórar Angelu Merkel, sem sagt hafa að Þýskaland geti "sætt sig við" Rússland upp að landamærum Póllands. En það þýddi í reynd að Rússland hefði þar með innlimað Eystrasaltsríkin og Úkraínu án þess að Þýskaland aðhefðist nokkuð þeim til varnar. Fjögur til fimm ríki hyrfu þar með inn undir Rússland. Pólland verður því næsta stórveldi Evrópu og mun það leysa Þýskaland undan oki þess titils innan næstu 20 ára. Pólland hefur þjóð, trú og hagvöxt, sem Þýskaland hefur ekki. Þess vegna fór Donald Trump fyrst til Póllands, því Varsjá er að verða mikilvægasta höfuðborg Evrópu, hún leysir Bonn og Bad Godesberg af hólmi

En ef að Svíþjóð lætur verða af því að banna kjarnorkuvopn í sænska ríkinu, og sem þar hefur verið á pólitískri dagskrá, þá er hægt að segja að jarðsamband Eystrasaltsríkjanna við NATO sé í verulegri hættu. Sænska ríkið fékk fyrir skömmu þau skilaboð send til sín frá James Mattis varnarmálaráðherra Bandaríkjanna -sem í praxís að burðargetu og úthaldi eru allt NATO- að láti sænska ríkisstjórnin verða af því að skrifa undir kjarnorkuvopnabann Sameinuðu þjóðanna, að þá mun NATO ekki geta komið Svíþjóð til bjargar á neyðarstund

Sænska ríkið getur ekki varið sig gegn Rússlandi ef á þarf að halda og það er allsendis ófært um að gæta öryggis sænsku þjóðarinnar. Til að bjarga andlitinu hefur sænska ríkisstjórnin sett í verk rannsókn á málinu og hún mun að sjálfsögðu komast að þeirri niðurstöðu að slíkt bann myndi geta gengið frá Svíþjóð fyrir fullt og allt

Herskylda hefur því á ný verðið innleidd í sænska ríkinu vegna þess að Svíþjóð er að vakna úr gömlu roti sem hún sjálf barði sig í. Sú ákvörðun var tekin vegna þess að þeir draumóramenn sem gengu í Tívolí-stjórnmálaklúbb Vesturlanda árið 1991, þegar Sovétríkin hrundu, reyndust haldnir krónískum geðsjúkdómi sem í dag kallast "frjálslyndi". Hún er sú ömurlega og öfugsnúna lund sem studdi ávallt áframhaldandi tilvist Sovétríkjanna og kúgun þegna þeirra og hún var fjandsamleg, þjóðríkinu, trú og hagvexti. Þeir sem hins vegar réðu niðurlögum Sovétríkjanna voru einmitt Íhaldsmenn, sem gengu fyrir þjóðarstefnu, trú og hagvexti. Það eru þeir sem eru hinir einu sönnu frjálslyndu. Það er ekki til neitt sem heitir "ófrjálslyndi". Það heiti er fundið upp af þeim sem kölluðu sig "frjálslynda", í til dæmis Svíþjóð og víðar, til að berja með því heiti á þeim sem eru Íhaldsmenn. Hugtakið "ófrjálslyndi" er hvorki hugtak né pólitísk kenning sem er til. Hún er einungis málgagn þeirra sem vilja berja á þeim sem tortímdu musteri mannvonskunnar: Íhaldsmönnum Vesturlanda. Ekki láta glepjast af þvaðri þeirra sem kalla sig "hina frjálslyndu" í dag

Allir ættu því gaumgæfilega að lesa Jerúsalembréf Yoram Hazony sem birtist í Wall Street Journal um daginn:

WSJ: There is No Such Thing as an "Illiberal"

"No reasonable purpose is served by lumping together totalitarians, autocrats, conservatives and democratic nationalists"

Nýja Sjáland bannaði kjarnorkuvopn vegna tilraunasprenginga fjarlægra ríkja í nágrenni þess. Herskipum bandaríska flotans var því frá og með 1985 bannað að leggja að í nýsjálenskri höfn, því Bandaríkin gefa aldrei upp hvaða né hvers konar vopnum þau eru búin, þá stundina eða ekki. Það bann þýddi að Nýja Sjáland stóð frekar eitt og án tryggra og voldugra bandamanna af kynflokki Íhaldsmana. Nýsjálenskum skipum var því einnig bannað að leggjast að höfn í Bandaríkjunum. Það bann og sú stefna Nýja Sjálands varaði við í 30 ár, en henni lauk svo all bratt þegar Kína reis úr hafinu í nágrenni Nýja Sjálands sem komandi flotaherveldi

Við þann vonda draum var nýsjálenska bannið fellt úr gildi og Nýja Sjáland gat siglt skipum sínum til hafna í Bandaríkjunum á ný og fjórum árum síðar lögðu bandarísk herskip að að kæja í nýsjálenskum höfnum. Bandarísk regnhlíf gegn grjónaveldi hinna "frjálslyndu" sem dýrka Kína, er því að opnast á ný yfir ríki Nýsjálendinga. Og þess vegna er sænska ríkisstjórnin nú komin með hiksta. Hún mun svo hrökkbrauðandi éta ofan í sig friðþægingar "frjálslyndið" sem hún alla tíð notaði til að berja á íhalds-harminum sem tortímdi Sovétríkjunum

Gotland verður því æft mikið og stíft í þessum æfingum sænska hersins, Sjá: Aurora 17 - fréttatilkynning sænska hersins

• Fredagen den 22/9: Landstigningsövning på Gotland.
• Söndagen den 24/9: Stridens konsekvenser (totalförsvarsmoment) Gotland.

Gotland hentar vel til að fylgjast með hernaðaraðgerðum Rússlands út frá Kalíníngrad og víðar. En þar eru til húsa SS-400 loftvarnarbatterí, Iskander eldflaugar, rússneskar korvettur með Kalibr eldflaugum sem draga yfir tvö þúsund kílómetra, Bastion flotavörn ásamt rússneskum sprengjuflugvélum og orrustuþotum

Öllu þessu og kafbátaferðum Rússlands um Eystrasalt er gott að fylgjast með frá Gotlandi. En þeirri þekkingu á því sem er að gerast í næsta nágrenni Svíþjóðar er svo helt sem óblönduðu edrúsafti á flöskur sem sendar eru sænsku ríkisstjórninni til inntöku uppi í Stokkhólmi, í stað rómantíkur og svo kallaðs "frjálslyndis" sem hún hefur verið að drekka úr vínkjallara sósíalismans þar í borg. Rússneski herinn æfði síðast kjarnorkuvopna árás á Svíþjóð með sprengjuflugvélum fyrir fjórum árum, eða 2013

Sænska ríkið hætti kjarnorkuvopnaþróun sinni árið 1965 og síðasta sænska plútóníum-verkið var tekið niður árið 1972. Það sænskt sem tók við af þessum prógrömmum frá og með þá, var sósíalismi, friðþæging og hatur á þeim sem vildu skáka, gelda og jafnvel rústa musteri manvonsku Sovétríkjanna

Ég er Íhaldsmaður. En: Hvað er Íhaldsmaður?

Fyrri færsla

Klippa þarf á leifar naflastrengs Íslands til Evrópu

Klippa þarf á leifar naflastrengs Íslands til Evrópu

Um þann streng flæðir ógeðið inn í landið okkar og út sogast lífskrafturinn. Við, Íslendingar, sem vorum allra fyrstir á leið Vestur í Nýja heiminn, ættum að klippa alfarið á þennan streng til Evrópu sem fyrir löngu er farinn að sjúga blóðið úr okkur, barninu sjálfu. Það sama ætti Grænland líka að gera, en það var okkar áður en við vorum framseld til kóngaveldis Evrópu, sem ekki er dautt enn, því miður. Nú heitir það veldi bara nýjum nöfnum. Fjandans nöfnum

Bandaríkjamenn tóku skrefið til fulls og sjá eftir engu. Engar meiriháttar styrjaldir hafa verið í Nýja heiminum frá því að hann byggðist. Norður-Ameríka hefur engin stríð á milli þjóða hennar haft, nema tveggja ára skylmingar á milli Bandaríkjanna og Mexíkó 1846 til 1848. Norður-Ameríka er friðsælasta, öruggasta, öflugasta, ríkasta og þróaðasta heimsálfa veraldar, beint fyrir framan nefið á okkur. Bandaríkin eru stærsta, öflugasta og háþróaðasta hagkerfi veraldar og þjóðríki mannkynssögunnar -á alla kanta- og Kanada er 10. stærsta hagkerfi heims. Og Mexíkó er á hraðleið upp í topp tíu listann

Mið- og Suður-Ameríka er vanþróaðri, en hún er loksins laus við Evrópusjúkdóma sína. Síðustu einræðisherrar ríkjanna sem byggja Suður-Ameríku fóru frá völdum fyrir 26 árum. Þessi ríki eru að byggja upp þjóðfélagssáttmála sína hvert á sinn sjálfstæða hátt og að finna sitt innra jafnvægi. Engin stríð hafa verið á milli þessara þjóða. Engin

Kommapakk og úlfaldalýður byggir nú að mestu Gamla heiminn, sem samanstendur af villimannalýð meginlands Evrópuríkja, sem er að byggja einn einn risavaxna bálköstinn í formi andlýðræðislegs Evrópusambands og sem mun fútta því af inn í enn ein ragnarök meginlands þeirrar álfu. Enn sótsvartari kommúnistar eru lengra í austri að kynda upp gömlu katlana sína. Og í Asíu bíður stærsta púðurtunna jarðar eftir því að henni verði hleypt af, sem allsherjar gjaldþrota Kína, sem er Lenín-ríki með vindil í kjafti, en sem er bara enn einn risavaxinn Lenín-kínverjinn fyrir álfuna

Úlfaldalýður Austurlanda-nær er við það að renna í sinn gamla gír sem heitir stjórnlaus krónísk inn- og útvortis styrjöld um völdin, sem heimhlutinn missti þegar Abbasid-veldið byrjaði að líða undir lok á níundu öld. Þar mun ekki steinn standa yfir steini þegar yfir lýkur. Það þurfti ekkert Sykes–Picot til. Heimshlutinn var þegar kominn í ótal öreindir í öllum lögum þeirrar lagköku, löngu áður, og heimshlutinn sá fyrir því ástandi sjálfur. Algerlega sjálfur!

Allur landmassi Evrópu-Asíu, þ.e. Austurhvels jarðar, er krónísk stappa af gömlu drasli sem aldrei lagast

Þessu eigum við að segja okkur úr og klippa loksins alveg á og líta á okkur sem þá vesturfara sem við erum. Burt úr þessu hækjubæli. Strax! Það er Vesturhvel jarðar sem er framtíðin. Hitt er og verður alltaf slæm fortíð

Út með EES-samninginn. Út með hann! Og horfum áfram í vestur til Nýja heimsins. Tökum upp Ísland á ný

Fyrri færsla

Olíuútflutningur Bandaríkjanna gengur vel og verðið helst lágt

Olíuútflutningur Bandaríkjanna gengur vel og verðið helst lágt

Mynd: Þúsundir tunna á dag 

Í júní fluttu Bandaríkin út tæplega 800 þúsund tunnur af hráolíu á dag. Fyrir fimm árum var þessi tala í sama mánuði 46 þúsund tunnur á dag. Olíuframleiðsla Bandaríkjanna fór fram úr Sádi-Arabíu í kringum 2011 og eru Bandaríkin nú stærsti olíuframleiðandi veraldar. Sitjandi utanríkisráðherra Bandaríkjanna, Texasbúinn Rex Tillerson, kom beint úr forstjórastöðu í Exxon Mobil

Í ágúst tók Litháen á móti fyrsta farmi fljótandi gass frá Bandaríkjunum. Og fyrr á þessu ári var það Pólland sem fékk sinn fyrsta fljótandi gasfarm beint frá Sámi frænda í Vestri. Nýi heimurinn sendi gamla og hrjáða heiminum orku

Þetta er í fyrsta sinn sem þetta fyrrum sovétríki fær gas frá Bandaríkjunum, og þar með annað ríkið sem áður var undir Rússlandi í búningi Sovétríkjanna, sem fær orku beint frá Bandaríkjunum, en ekki frá Rússneskum ríkisfyrirtækjum. Bandaríkin urðu stærsti framleiðandi af jarðgasi í heiminum árið 2011, en þá tóku þau framúr Rússlandi. Og er búist við að þau verði þriðji stærsti útflytjandi af fljótandi gasi árið 2022, á eftir Ástralíu og Katar

Þarna er stór markaður fyrir Bandaríkin. Litháen flytur inn 75 prósent af allri þeirri orku sem landið notar. Meira en 70 prósent af þeirri olíu og gasi sem Litháen, Lettland, Finnland, Ungverjaland, Slóvakía og Búlgaría nota kemur frá Rússlandi. Og um það bil 90 prósent af þeirri olíu og helmingur þess gass sem Pólland notar kemur frá Rússlandi

Helmingur þeirrar orku sem lönd Evrópusambandsins nota, er innflutt orka. Þetta orku-ósjálfstæði er sennilega einsdæmi í veröldinni fyrir svona fjölmennan heimshluta. Evrópusambandið verður því alltaf hlutfallslega fátækt, nema að það giftist Rússlandi til fjár. Útreikningar Þýskalands er varða það hjónaband fara nú fram. Enginn veit enn hver niðurstaðan verður, vegna þess að Þýskaland er óútreiknanlegt ríki

Bandaríkin í Vestri munu hægt og bítandi kynda og tryggja orkusjálfstæði Intermarium-svæðis Austur-Evrópu eins lengi og þess þarf, Evrópusambandinu en sérstaklega Þýskalandi, til ómældrar pólitískrar gremju

Á meðan halda bandarísk einkafyrirtæki áfram að þróa sífellt ódýrari vörulyftigetu út til sporbrautar yfir Bandaríkjunum (út í geim). Forvitnum blaðamönnum er sagt að verið sé að þróa sjálfkeyrandi sturtuklefa sem sendur verður með geðsjúkt fólk til Mars. En þessa lyftigetu munu einkafyrirtækin hins vegar selja til hins opinbera í Bandaríkjunum; sem er að þróa geim-sólarorku sem send verður á bylgjuformi til jarðar í stað olíu í framtíðinni. Þeir sem hegða sér vel fá þá kannski sendan niður til sín smá-geisla, þóknist Bandaríkjunum svo

Og þessa nýju tækni þarf auðvitað að verja. Og það krefst nýrra vopna frá bandarískum vopnaframleiðendum - sem einnig eru almenningshlutafélög. Hæ Wall Street

Engin leið er að koma sólar-orkuvinnslu af stað á jörðu niðri án þess að leggja um leið allt umhverfi jarðarinnar í rúst. Hið sama gildir um vindorku

Fyrri færsla

Norður-Kórea er kærkomin hvatning

Norður-Kórea er kærkomin hvatning

Frá Torgi hins himneska (ó)friðar 1989

Leiðtogi Norður-Kóreu er bein og öflug hvatning fyrir kommúnistaflokk Kína. Hann sýnir flokksbræðrum sínum í Kína hvernig fara á að því að halda völdum yfir fólkinu. Taki kínverski kommúnistaflokkurinn ekki fegins hendi við þessari hvatningu frá leiðtoga Norðursins, þá er umfangsmikið starf Xi Jinping forseta Kína síðustu árin til lítils, eða jafnvel einskis. Undanfarin ár hefur Xi forseti verið að hreinsa út öll þau áhrif, öfl og völd sem til urðu við sjávarsíðuna í krafti fjármagns og framgangs með uppruna og fæðingarstað í útlöndum. Sérstaklega í Bandaríkjunum og Evrópu. Framfarir ógna ávallt tilvist kommúnistaflokksins, því auður skapar völd. Allt slíkt hefur nú verið gert upptækt og handhafar ógnarinnar við völd flokksins settir í gúlag. Eða svo vonar að minnsta kosti einræðisherrann Xi

Kínverski leiðtoginn veit vel hvað gerðist með Líbýu og annars staðar þar sem einræðisherrar misstu völd við það eitt að láta af hendi strategískar eignir eins og til dæmis kjarnorkuvopnaáætlanir og slík virk prógrömm, eða þá möguleika sem skaffað geta þannig einræðisöflum gereyðingarvopn. Hann vill alls ekki að slíkt geti gerst í Norður-Kóreu, sem hann því verndar

Kínverski einræðisherrann mátti því nauðugur sætta sig við að bláfátækir þegnar hans hristust og hírðust skjálfandi og varnarlausir undir kínverskt framleiddum millistéttar-borðplötum úr melamín í Norður-Kóreönskum sex komma þriggja stiga allsherjar-jarðskjálfta, með upphaf aðeins 75 kílómetrum frá norðaustur landamærum Kína. Þetta gerðist er leiðtoginn í Norðrinu fúttaði vetnissprengju af inni í fjalli. Og það sem verra var, þetta gerðist á meðan kínverski forsetinn sullaðist hristandi í hundrað prósent vanmætti í gegnum glærur sínar, á fundarstað hans í Xiamen í Kína með erlendum stórhöfðingjum á borð við Vladimír Pútín. En sá staður snýr að Taívan, þar sem síðasta lýðræðislega og réttkjörna ríkisstjórn Kína situr enn, en sem forseti kínverska meginlandsins enga getu hefur til að höndla, vegna þess hve kínverski herinn er innvortis upptekinn sem lífvörður kommúnistaflokksins gegn fólkinu í landinu

Xi er því líka að hreinsa út í hernum fyrir allsherjarráðstefnu kommúnistaflokksins sem hefst í næsta mánuði, sem að sjálfsögðu heitir október. Hann tók því Fang Fenghui hershöfðingja höndum og varpaði honum í gúlag fyrir hvað annað en "spillingu". Fang sá um gagnkvæm samskipti við bandaríska herinn. Forsetinn mun því ekki handtaka leiðtoga Norðursins né þróunarverkefni hans fyrir neina spillingu. Því sá maður er algerlega óspilltur kommúnisti úr stórri millistétt þess lands, en sem auðvitað heitir bara valdastétt. Og hvers massífur útflutningur af klæðnaði til Kína sem áfram selur hann til Vesturlanda, gengur svona vel. Hvers vegna í ósköpunum er ekki hægt að halda þeim viðskiptum aðskildum frá stjórnmálum, eins og "samtök evrópskra fyrirtækja" hafa þeim megin einnig beðið um, en hins vegar vegna herra Pútíns og fröken Þýskalands

Flokkbróðurleiðtoginn í Norðrinu hefur nú sprengt sex kjarnorkusprengjur flokksins í sama fjallinu, vegna skorts á landrými. Ef þetta fjall hans fellur saman og eys úr sér geislavirku skýi af ryki sem rignir niður í kínverskan almenning, og víðar, þá er hætt við að dagar kínverska kommúnistaflokksins séu snögglega taldir. Tveir leiðtogar sama flokks, og úr sömu millistétt, biðja því saman, en hvor í sínu ríki, til karlsins Marx. Þeir biðja um að fjallið það og steintöflur þess, komi ekki og kasti sér örsmáar ofan í þá. Enginn lifandi maður veit hvort að fjallið heldur eða ekki. Kannski þolir það fleiri bombur, kannski ekki. Það veit enginn

Torg hins himneska friðar (e. Tiananmen Square) skilgreindi árið 1989 þá framtíð sem einræðisherrar Kína völdu til handa sínu landi og lýð; þeir völdu að stjórna áfram í krafti ógnar og terror og þeir hafa styrkt sig og þá stöðu sína hroðalega í sessi. Þessu Kína þeirra verður ekki bjargað. Og ekkert ríki jarðar hefur umboð til að bjarga því landi frá sjálfu sér. Sú tilraunaaðgerð hefur hingað til kostað millistéttir Vesturlanda ómælt magn af pólitísku kapítali og ofboðslegt magn auðs, sem einmitt og með réttu er þeirrar stéttar

En að tortíma því Kína sem kommúnistaflokkurinn stendur fyrir, er hins vegar annað mál. Til þess þarf ekkert umboð, því slíkt hefur ávallt verið fyrir hendi. Það sýndi Ronald Reagan veröld allri og umboð það gildir líklega enn. Eða er það ekki?

Fyrri færsla

Kína mun varla leysa niður um sig, er það?

Kína mun varla leysa niður um sig, er það?

Það er kraftaverki næst að utanríkisráðherra okkar skuli hafa svo mikla trú á kommúnistaríkinu Kína að hún fái hann til að segja að "millistéttin þar sé jafn fjölmenn" og í Bandaríkjunum. Þetta hlusta einnig margir aðrir á í veröldinni og fara að trúa ýmsu um hitt og þetta kínverskt. Þeir fara því að búast við að Kína geti gert hitt og þetta. Jafnvel stútað veldi Norður-Kóreu og þar með einnig lagt Kóreuskagann undir sig. Eða, að það á einhvern dularfullan hátt geti togað í snúru sem sturtar Norðrinu niður

Mér finnst afar merkilegt að utanríkisráðherra okkar skuli ekki fyrst og fremst standa með helsta og besta bandamanni okkar, þegar að málefnum eins og þessum kemur: varnarmálunum. En nei. Ráðherrann er hugarfarslega kominn á kaf í OBOR og AIIB, sem er pólitískt útþenslu málgagn kínverska kommúnistaflokksins og í algerri óþökk fremsta bandamanns okkar og verndara; Bandaríkja Norður-Ameríku

Það er svo sem hægt að fyrirgefa honum að hafa þetta svipaða hugarfar og plagað hefur viðskipti fyrirtækja í heiminum öllum, frá því að Kalda stríðinu lauk. En þá kom fram á völlinn kynslóð sem lítinn eða engan skilning hafði á veröldinni og sem kyrfilega horfði fram hjá því, að allt í þessum heimi lýtur geo-pólitískum lögmálum, fyrst og fremst

Fyrirtæki veraldar ráku þá alla þá sem vit og þekkingu höfðu á geo-pólitík og sem hétu landa-stjórar (e. country managers) og þar með umboðsmenn sína (e. agents). Þeir menn þekktu lönd og markaði þeirra betur en allt sendiherraveldið samanlagt, og sem að mestu eru eins og þorskar á þurru og afar erlendu landi. Og á þessa umboðsmenn sína og landastjóra stóluðu fyrirtækin, því þeir skrifuðu og hringdu heim og létu vita hvað var að gerast, vegna þess að þeir vissu hvað var að gerast áður en það gerðist og þeir gátu jafnvel togað í ýmsa spotta erlendis. En það nýja og fyrirfram glataða viðskiptalíkan veraldar sem komst á koppinn í stað hins gamla, já það byggði hins vegar á þeirri sýn að hægt væri að skipta heiminum upp í "svæði" þar sem enginn vissi neitt um þau lönd sem mynduðu þessi svæði. Fyrirtækin réðu því til starfa "svæðis-stjóra", sem til dæmis sáu um markað sem kallaður er "Evrópa og Mið-Austurlönd", "Asía", eða "Afríka sunnan Sahara"

En nú eru dagar svæðisstjóranna taldir, því þeir vissu ekkert og gátu ekkert í geo-pólitík. Hoppa mun því Wall Street um kúrfu-toppa sína af bræði vegna eigin heimsku, en seint skilja að þetta er því stræti samt, og þrátt fyrir allt, fyrir bestu. Markaðsopnunin á morgun, eftir Labor frídag verkalýðs Bandaríkjanna í dag, gæti því orðið afar áhugaverð í ljósi ummæla viðskiptaráðherra Bandaríkjanna í gær, um viðskiptabann á þá sem eru í viðskiptum við þrælaríki. Kína er nefnilega þrælaríki í viðskiptum við annað þrælaríki, þó svo að það sé að vísu aðeins mýkra. Þjóðir og þjóðríki, en ekki svæði, eru og verða sú grunnpólitíska eining (e. unit) í veröldinni sem Gamla testament Biblíunnar, svo sannarlega ég segi þér, vísaði okkur á sem einu færu leiðina í veröld manna. Þess vegna höfum við jú til dæmis Þjóðkirkju vora. Hún hafnar úniversal heimsglundroða heimsvelda úr austri á borð við þann sem klessukeyrði veröldinni 2008

Til dæmis hafa menn og fyrirtæki þeirra gleymt þeim gamla sannleika að í ríkjum með einræðislegt stjórnarfar, eins og til dæmis í Kína, þar veltur allt á því að hið stjórnarfarslega batterí er myndar "kerfið", og sem stjórnar landinu, með oft svo harðri hendi, já það "kerfi" þolir ekki að mistök séu gerð. Geri það "kerfi" mistök þá hrynur það og "kerfið" sjálft missir völdin og hrynur til grunna. Dæmi; Bandaríkin geta tapað styrjöld, til dæmis í Víetnam, án þess að Bandaríkin og lýðræðislegt stjórnskipulag og stjórnarfar þeirra hrynji til grunna. Í versta falli er kosið um nýjan forseta. Ef Kína, hins vegar, tapar þannig stríði þá hrynur stjórnskipulag þeirra til grunna; því verður einfaldlega bylt og kollvarpað, vegna þess að lögmæti þess er ekkert (Evrópusambandið er einnig á sömu leið, því lögmæti þess er svo ákaflega takmarkað). Það er því engan veginn hægt að spyrða Kína, Stór-Kína og Asíu eða Bandaríkin og Ameríkur (suður plús mið- og norður) saman undir einu viðskiptasvæði og einum svæðisstjóra, því að Kína er í sama flokki og Norður-Kórea. Þau ríki er hægt að flokka saman því þau eiga heima í einum og sama flokkinum sem heitir; einræðisríki. Og sú flokkun krefst þess að litið sé á þann flokk eins og hann er; hann er flokkur einræðisríkja

Og einræðisríki hafa ekki millistétt, þau hafa einungis valdastétt og ekkert annað. Allt uppgjör landsframleiðslu þannig ríkja er hið versta smínk og talnaþvæla með Marx Factor. Þar eru til dæmis mistök valdastéttarinnar ekki afskrifuð út úr tölum landsframleiðslunnar, því bæði fjármála- og bankakerfið og fjárfestingar eru allar ríkisreknar eða í höndum hins opinbera. Ákveði einræðisstjórnin í svona löndum að byggja til dæmis hundrað flugvelli, þá er það ekki gert nema í einum tilgangi; þ.e. pólitískum tilgangi. Þessi "fjárfesting" lyftir að sjálfsögðu tölunum yfir landsframleiðsluna og auð þjóðarinnar. En þegar það svo sýnir sig að engar flugvélar lenda nokkru sinni á þessum flugvöllum, og munu aldrei gera, hvað gera Kínverjar þá? Á Vesturlöndum gildir sú regla í þannig tilfellum, að þá verða þeir sem bæði fjármagna og eiga þannig fjárfestingar, að afskrifa þær sem glataða eign/auð, þ.e. sem glataðar og tapaðar fjárfestingar. Þannig að á Vesturlöndum er þessi hluti landsframleiðsinnar og þjóðarauðsins réttilega skrifaður niður og honum eytt út úr tölunum yfir landsframleiðsluna og auð þjóðar. Þannig er þeim tölum haldið sannleikanum samkvæmast. En þannig spilar dósin bara ekki í Kína. Þar er ekkert afskrifað. Í fyrsta lagi myndi það kála fjármálakerfi landsins og það myndi einnig kála því litla áliti sem þjóðin hefur á sjálfri sér og landinu, og þar með þeirri "millistétt" sem utanríkisráðherra okkar heldur að þar sé til. Og í meira en 30 ár hefur kínverski kommúnistaflokkurinn, samkvæmt fimm-ára áætlunum, tekið helming landsframleiðslunnar og fjárfest henni í því sem honum, og bara honum, finnst að hún eigi að fara í; til dæmis hundrað flugvelli, sem eins konar atvinnubótavinnu. Þetta gefur fólki örlitla innsýn í þann svo kallaða auð sem utanríkisráðherra okkar heldur að sé í Kína. Kína er bláfátækt ríki og verður það alltaf, eða svo lengi sem það er kommúnistaríki. Þetta er staðreynd

En ekki nóg með það; þegar að því kemur að eitthvað þarf að gera í sambandi við allar þessar rangstæðu og þar með glötuðu fjárfestingar kommúnistaflokksins, þá er það litla sem þjóðin á tekið af henni, og afhent þessum "fyrirtækjarekstri" kínverska kommúnistaflokksins, til að koma í veg fyrir algert hrun. Og vert er að geta þess, að til að hægt var að byggja allar þessar rangstæðu fjárfestingar flokksins, þá var fólkinu bara hent af því landi sem fór undir þær, vegna þess að ríkið á það. Á Vesturlöndum er svona land keypt af borgunum eða þeim er bættur skaðinn. Svo segjast menn ætla að láta kínverska kommúnistaflokkinn "njóta vafans" þegar íslenskir sakleysingjar með kínverska "millistétt" í heilastað, halda að hægt og réttlætanlegt sé að selja fólki kommúnistaflokksins bara svo mikið sem enn hektara af Íslandi. Er þetta fólk með hálm í heilastað eða hvað. Kann það ekki að hugsa?

Kína getur því ekki bjargað neinu því það er bara eitt; einræðisríki. Ef það skyldi þó ákveða gangast í málefni Norður-Kóreu, þá mun slíkt aðeins verða gert í þeim eina tilgangi að leggja allan Kóreuskaga undir sig. Flokkurinn þolir ekki að tapa í þeirri ferð, því þá hrynur allt kerfið í Kína. Svona ríki eru hroðalegt mein fyrir alla veröldina. Þau eru ekki nein millistétt frekar en sovétríki voru það. Þau eru einfaldlega einræðisríki. Slíkum ríkjum ætti alls ekki að hleypa inn í viðskiptakerfi hins frjálsa heims. Bara alls ekki

Þetta er sem sagt hin stóra millistétt utanríkisráðherrans. Á henni mun hann auðvitað brjóta báðar fætur og enda á gangstétt. Heimurinn hefur tilvistarlega og í eðli sínu ekkert breyst, og Ísland stefnir ekkert. Það verður hér, þar sem það er. Hins vegar geri ég fastlega ráð fyrir því að þeir fjármunir sem utanríkisþjónustan ætlar að spara með því að leggja niður sendiráð, verði beint til styrktar íslenskum landbúnaði á Íslandi. Að fjármunum ráðuneytisins og Íslands sé ekki ráðstafað til styrktar kínverska kommúnistaflokknum. Gerið þið það ekki, þá er mér að mæta. Ég er minnsti minnihluti Lýðveldisins; eitt atkvæði. Varið ykkur! Og ég mun alltaf styðja bandamann okkar í vestri, geti ég yfirhöfuð það gert

Samfelldri 13 ára friðþægingarstefnu Sjálfstæðisflokksins verður nú að linna. Helst áður en sú appeasement-stefna flokksins kálar honum fyrir fullt og allt. Annars er það gangstéttin sem bíður flokksins. Engin millistétt er á milli farsældar flokksins og hennar. Takið ykkur vinsamlegast á!

Fyrri færsla

Hvað vill Norður-Kórea?

Hvað vill Norður-Kórea?

AF MÁLEFNUM EVR-ASÍU -GAMLA HEIMSINS- SEM PÓLITÍSKT SÉÐ ER AÐ BROTNA UPP, ÁSAMT MIÐ-AUSTURLÖNDUM

****

Nú þegar við vitum hvað margmennin í Evrópu vilja, þá er varla úr vegi að velta því fyrir sér hvað sjálf Norður-Kórea vill

Í Evrópu vilja "samtök evrópskra fyrirtækja" (e. Association of European Businesses) allt í einu að viðskipti séu skilin frá stjórnmálum (e. leaving business out of politics) vegna fyrirhugaðra og hertra refsiaðgerða Bandaríkjanna gegn Rússlandi og þriðju aðilum, sem flestir heita fyrst og fremst ESB. Þetta markmið hefur ítalska Mafían einnig ávallt haft, en þó aldrei þorað að gefa út opinbera fréttatilkynningu um þau grundvallarmarkmið "samtakanna". Þannig að þá vitum við hvað "samtök evrópskra fyrirtækja" vilja. Þau vilja að "viðskipti séu skilin frá stjórnmálum" - nema hvað:

Og í Evrópusambandinu héldu evrópskir dísilbílaframleiðendur líka fund (e. summit) með stjórnmálamönnum Evrópusambandsins, um það mál sem hinir sömu stjórnmálamenn sambandsins gerðu fyrir þá síðast. Þ.e. stjórnmálamenn ESB-landa tóku að sér dísil-trúboð á vegum þessara fyrirtækja, sem þar með tókst að eitra all hressilega loftið fyrir borgurunum í borgunum. Það skemmtilega við þetta er það, að ef þessi dísilbíla-fyrirtæki hefðu verið bandarísk, þá væri ekki verið að halda "summit" þeim til heiðurs, heldur væri verið að gefa út handtökuskipanirnar á hendur þeim. En svona er auðvitað að hafa alist upp í "samtökum" og "samböndum" (e. cartel) en það er einmitt það sem EEC eða Efnahagsbandalag Evrópu (EB) var áður en það breytti sér í Evrópusambandið með blágula dísilfánann sinn við hún - við hjáróma stefið úr níundu rúgbrauðssinfóníu meginlandsins, sem Napóleon neitaði að meðtaka svart á leið sinni yfir til Rússlands; sjálfum van Beethoven til mikillar gremju, sem þó var í honum næg fyrir

En nú er það hins vegar Þýskaland sem er á leið til Rússlands og helst fyrr en seinna, því það hefur misst alla stjórn á Austur-Evrópu sem Bandaríkin vernda. Þýskaland vill ekki láta læsa sig inni með sjálfu sér á ný, því landið þolir ekki sjálft sig. Það þolir ekki að vera bara Þýskaland. Það vill verða meira og helst miklu miklu meira en bara það

En hvað vill þá Norður-Kórea? Jú hún vill að sjálfsögðu það sama og Evrópufyrirtækin þegar að viðskiptum kemur. En hvað vill hún í þeim viðræðum sem virðast hafa átt sér stað á milli hennar og Bandaríkjanna síðustu viku? Þær viðræður komust á þegar Bandaríkin ákváðu að telja Norður-Kóreu það til tekna að þeir þorðu ekki að gera alvöru úr hótunum sínum um að skjóta eldlaugum á Guam-hluta Bandaríkjanna

Maður sér þetta fyrir sér; Bandaríkin; "Kína getur ekkert og vill ekkert gera í þessu máli sem er að þróast á sjálfum dyraþrepum þess (enda sagði Maó að hann hræddist alls ekki kjarnorkustyrjöld því þó svo að 300 milljón Kínverjar dræpust í henni, þá stæðu 500 milljónir þeirra enn eftir). Við ræðum því sjálf beint við Norður-Kóreumenn. Við ákveðum að láta ekkert tækifæri ónotað til að komast hjá því sem enginn og heldur ekki Norður-Kórea vill; styrjöld. Við reynum að telja Norður-Kóreu það til tekna að þeir hafa ekki þorað að láta verða af Guam-hótunum sínum", sama hversu ógeðfellt það er. Síðan er sest að borðinu og báðir aðilar reyna að finna út hvað þeir vilja af hvor öðrum. En bíðið nú við. Á miðjum fundi skýtur Norður-Kórea upp þremur eldflaugum, en sem með vilja eru látnar misheppnast allar, og gefur um leið út þá fréttatilkynningu að þeir ætli að hraða kjarnorkuvopnaprógrammi sínu. Jæja

Meira veit ég ekki, nema það að á skrifandi stund skaut Norður-Kórea upp eldflaugum (ef til vill frá kafbát) sem flugu yfir norðurhluta Japans. Hvað segir þetta okkur? Jú að viðræðurnar gangi ekki sérlega vel. Og að báðir aðilar viti það. Sennilega eru þær ekki lengur til. Nema að þetta hafi bara verið fagnaðarlætin í níundu sinfóníunni. Önnur eins tónverkjandi misnotkun hefur sést. Slíkt ýlfur er þekkt

En hvað sem öllu líður þá er Norður-Kórea vön að fá það sem hún vill, þökk sé "alþjóðasamfélaginu". Það "samfélag" (cartel) fóðraði Hitler að miklu leyti til valda og það drekkti Stalín bókstafalega í hyllandi bókaflóði þess "samfélags". Hér á Íslandi varð þetta "alþjóðasamfélag" kommúnista ákaflega sterkt. Það fór því að hluta til Norður-Kóreu, þegar blessuð Sovétríkin þeirra hrundu. Fordæming þeirra á öllu því sem Bandaríkin gera í málinu, er því áfram hundrað prósent örugg. Hún er það eina sem öruggt er í þessum heimi

Fyrri færsla

Hissa á skuggamynd aðalhagfræðings Seðlabanans

Hissa á skuggamynd aðalhagfræðings Seðlabanans

Nú hef ég horft á vefútsenda stýrivaxtaákvörðun Seðlabankans, sem í sjálfri sér er ekki verðbólguvaldandi, vegna þess að hún, útsendingin sjálf, fer fram í gegnum framleiðsluapparat annarra hagkerfa. Sko til

Ákvörðun Seðlabankans byggir að sjálfsögu á því sem búið er að gerast. En ekki á því sem er að gerast, eins og Már hefur sjálfur greint frá, með því að segja að ákvarðanir Seðlabankans séu gagna-knúnar. Öll gögn hans eru auðvitað úr fortíðinni. Öðruvísi geta þau ekki verið

En stund sannleikans rennur þó aldrei upp fyrir þá sem vinna í Seðlabankanum (banki) og á Hagstofunni (stofa), því þar er og verður aldrei hægt að fá þá stund til að renna upp og enginn veit því hve villumörk hans og stofunnar góðu eru stór

Það geta hins vegar þeir gert sem um stjórnmálin spá, því þar er talið upp úr kjörkössunum á fjögurra ára festi og stund sannleikans rennur upp. Þar með staðfestast rangar/réttar spár spámanna á þeim markaði, og villumörk staðfestast líka. En það er hins vegar aldrei talið upp úr gagnasöfnum Seðlabankans og þess vegna geta menn þar haldið vinnunni sinn fram í rauðan dauðann. Þetta er alls ekki gagnrýni, heldur aðeins staðreynd. Og þetta er kallað sérfræði. Já já

Mér finnst furðulegt að í skuggamyndasafn Seðlabankans er nú komin sú árstíðaskapaða hagsveifla sem er í gangi í ESB, því hún er eingöngu knúin af þremur þáttum:

1. Árstíðasveiflu (e. cyclical)

2. Kjöri Emmanuel Macrons upp til himins; En hann er hins vegar fallin til jarðar á ný sem bara bankamaðurinn sem hann ávallt var. Og sem strax orðinn er því sem næst þorskur á þurru landi. Fall hans er auðvitað ekki enn komið inn í tölur Seðlabankans, vegna þess að hann er jú gagna-knúinn. Af hverju þá að taka hann inn?

3. Hatri Evrópusambandsmanna á Donald Trump; Þeir halda að að þrotum komin Evrópa sambandsins geti allt í einu farið að stjórna sér sjálft á ný. Allir vita þó innst inni að slíkt getur aldrei gerst. Það er örstutt síðan að seðlabanki og ríkisstjórn Bandaríkjanna björguðu hagkerfum evrusvæðis með síendurteknum gjaldmiðlaskiptagáttum og með björgun AIG, sem tryggt hafði allt fjármálakerfi landa evrusvæðis. Annars hefði AIG verið látið rúlla í þrot

Þetta er og verður aldrei annað en það sem það er. Og þetta er, eins og oft áður, varla birtingarhæft. En samt er þetta birt. Hvers vegna? Jú vegna þess að bankinn er gagna-knúinn, eða er það ekki?

Fyrri færsla

Umfjöllun um "þjóðernis-hyggju" á hvolfi

Umfjöllun um "þjóðernis-hyggju" á hvolfi

Gengur þitt land í takt?

Lýðræðið sett til hliðar sagði heimspekingurinn Søren Gosvig Olesen árið 2010. "Í dag hlýða menn og gera eins og þeim er sagt. Til dæmis fer öll þjóðin eftir því sem heilbrigðisyfirvöld segja. Spinn doktorar stjórnvalda gegna hlutverki áróðursráðuneytis"

****

Það er dæmalaust að fylgjast með þeirri umræðu sem fram fer um þjóðir og það sem hefur með þjóðir að gera og þá sem aðhyllast þjóð sína og sjálfsákvörðunarrétt hennar

Íslenskan hentar stundum misvel til að lýsa því sem rætt er um. Þannig eru öll tungumál. Eins og þú lesandi góður veist, er allt sem hefur með þjóð/land að gera á mörgum erlendum tungumálum með formerkinu "national". Til dæmis væri Landsspítalinn á ensku The National Hospital og Landsfundur yrði "national convention". Þetta hefur auðvitað ekkert að gera með það gildi sem lagt er í umræðuna um þjóðarstefnu í dag (e. nationalism). En samt smitar þetta

Þjóðarstefna/þjóðernisstefna er það sem lýtur að hinni grunnpólitísku einingu sem býr til veröldina eins og hún er. Og það hefur hún frá upphafi alda gert. Þjóð þarf þjóðar/þjóðernissinna til að geta verið til. Eins og til dæmis kapítalismi þarf kapítalista til að geta verið til. Þjóð án þjóðar/þjóðernissinna er ekki þjóð, því það eru þeir sem gera henni mögulegt að vera þjóð. Án þjóðernissinna dettur þjóðin í sundur og leysist upp, því hún hættir þar með að vera pólitískt eining í veröld sem samanstendur af pólitískum einingum og engu öðru. Grunn-pólitískum einingum sem mynda veröld manna

Jón Sigurðsson var þjóðar/þjóðernissinni af því að hann vann að tilvistarlegum málum íslensku þjóðarinnar og sjálfsákvörðunarrétti hennar. Þeir menn sem það gerðu voru kallaðir "hin frjálslyndu öfl". Þeir voru andsnúnir nýlendu- og heimsvaldastefnu og vildu að þjóð fengi rétt til að stjórna sér sjálf. Það er: sjálfsákvörðunarrétt. Þeirra barátta snérist um þjóðina. Hún snérist ekki um ekkert, eins og svo margt snýst um í dag og sem skoppar ofan í niðurfallið sem rugl

Þýski Nasistaflokkurinn var Sósíalistíski þjóðarflokkurinn. Hann snérist um sósíalisma, en ekki um þjóðernisstefnu, eins og Jón Sigurðsson tileinkaði líf sitt. Það verður að passa að kalla hlutina réttum nöfnum. Þegar sú stefna flokksins náði hámarki hafði Hitler þjóðnýtt alla þjóðina í þágu eins (slæms) málstaðar. Þjóðernissinnar vilja hins vegar að þjóðin sé frjáls í þjóðríki sínu. Hitler hataði þjóðir og þjóðríki þeirra

Í Evrópusambandinu hafa menn ekki enn þjóðnýtt þjóðirnar að fullu, en sambandið hefur í staðinn þjóðnýtt stjórnmál þeirra. Þar er nefnilega bannað að stjórnmálin séu andsnúin ESB-samruna. Það er bannað. Og Evrópusambandið hefur sett á laggirnar heilt dóms- og lagakerfi og meira að segja risavaxinn dómstól sem byggir á þessu; þ.e. að með samrunalagabálki sambandsins að dæma samrunahugmyndinni í hag. Þetta er ósköp svipað og stjórnarfarið var í Sovétríkjunum. Þar var bannað að lifa ekki samkvæmt kommúnismanum. Í ESB heitir hið fyrirskipaða lífsfyrirkomulag hins vegar "samruninn". Þú mátt sem ríki ekki lifa lífi sem stangast á við samrunann. Auðvitað er þetta bara venjuleg gamaldags laumuleg uppskrift að einræði. Það eina sem getur stoppað þetta vonda afl er þjóðar- eða þjóðernishyggja og þar með fullveldi og sjálfstæði þjóðanna

Við erum með margar ómögulegar íslenskar þýðingar á mörgum hlutum. Til dæmis þýðir íslenska heitið "Myntbandalag Evrópusambandsins" ekki í raun það, sem það fyrirbæri sannarlega er; "Currency Union" er ekki það sama og "Monetary Union". Þar er grundvallarmunur á. Samt notum við sama heitið yfir þessi tvö ólíku fyrirbæri án þess að hugsa okkur um

Það er ekki til nein fræðileg pólitísk kenning eða skilgreining á þjóðernissinna eða þjóðernisstefnu. Það er vegna þess að hún hefur frá upphafi mannsins verið órjúfanlegur hluti af honum. Eins er með móðurástina. Það er ekki til nein kenning um móðurástina af því að hún er raunverulegur hluti af manninum og þarf því enga kenningu til að sanna sig. Hún bara er. Hún er meðfædd og lífsnauðsynleg. Þjóðernistilfinningin eða þjóðernisstefna er það sem næst kemur móðurástinni, þ.e. ást eða væntumþykja um sitt eigið fólk og sína nánustu sem deila örlögum í framtíð og fortíð. Þetta er ekki hægt að þurrka út. Bara ekki hægt, jafnvel þó svo að þjóðir missi landið sitt (þjóðarheimilið)

Þjóð getur ekki verið til án þjóðar- eða þjóðernissinna

Adolf Hitler var hins vegar kynþáttadýrkandi. Hann og menn hans bjuggu til heila fræðigrein sem var hugmyndafræðilegt þvaður út í gegn um ekkert nema eitt; að þeir sjálfir væru yfirmennin en sumir aðrir undirmennin. Heill kenningarlegur tröppugangur af þvaðri var saminn niður á þá sem áttu að vera á botninum. Stefna þeirra var ekki bundin við neina eina þjóð. Hún fór eins og eldur í sinu um mörg lönd. Þetta fólk þóttist vera kynþáttaaðall, en var imperíalistar. Heimsvaldasinnar. Alveg þveröfugt við þá sem unna þjóðríkjum sínum, með því að vera þjóðarsinnar/þjóðernissinnar

Þjóðríkin eru eina vörnin gegn svona heilastöppum. Og forskriftina að þeim er aðeins að finna í Gamla testamenti hinna Heilögu ritninga Vesturlanda: Biblíunni. Hún er eina bókin í heiminum sem inniheldur vörnina gegn heimsveldunum sem ávallt enda sem þrælaríki. Úniversal heimsveldi enda alltaf sem þrælaríki

Svo spurningin á okkar tímum er því þessi: hverjir eru vondu mennirnir í dag. Hverjir aðhyllast heimsveldið og þar með þrælaríkið? Og munið: leiðinni til fjandans er ávallt pakkað inn í "góðan ásetning" (til dæmis rauðan sem breyttist í grænan)

Í dag hefur þessum vondu öflum tekist að þræða lyklakippu sína fulla af þjóðríkjum. Þessi vondu öfl halda þar með lífi þjóðanna að miklum hluta til í hendi sér. En hinar Heilögu ritningar slógu því fast í eitt skiptið fyrir öll, að landamæri væru það eina sem dugar gegn svona illum öflum. Þau hindra að ríkin flæði út fyrir þau og reyni að stjórna öllum heiminum og þar með troða öllum öðrum ríkjum upp á lyklakippu sína. Það er nefnilega vont. Enginn má stjórna heiminum. Enginn. Það er alveg bannað. Allir vita hvernig það endar, nema að þeir séu með hausinn á kafi í kviksandi "háskólasamfélags" nú um daga

Sá heimur sem varð til frá og með 1945 og sem átti að koma í veg fyrir svona, já hann er kominn í steik. Í bölvaða steik. Þökk sé þeim sem kalla sig frjálslynda í dag. Þeir eru ekki frjálslyndir því þeir aðhyllast ekki þjóðfrelsið og sjálfsákvörðunarrétt þjóða. Þeir vilja tortíma þessu því þeir eru í reynd bara venjulegir heimsvaldasinnar (universal imperialistar) án þess að gera sér enn grein fyrir því að þangað eru þeir í heimsku sinni komnir

Og þar við stendur þar til nýtt jafnvægi kemst á. Þess vegna þyrfti kannski að loka ýmsum háskólunum á meðan fáfróða fræðaliðinu er skóflað þaðan út. Og kannski á ekki að opna þá aftur fyrr en að fræðimennirnir þar, eins og þeir kalla sig, hafa séð að sér. Kannski við ættum bara að hætta að fjármagna þá. Hætta að fjármagna þokulúðrasveitir þeirra. Skella á þá svona eins og einum þokubakka í nokkur ár, því af aurum okkar eru of margir þeirra orðnir apar. Ekki allir, en samt mjög margir. Og það er bæði leiðinlegt og slæmt, því þeir koma af stað vondum straumum í þjóðfélögum sínum. En þeir tala samt ekki við þjóð sína. Þeir tala mest við aðra í svipuðum útvarpsturnum háskóla annarra landa. Þannig virka úniversal heimsveldi, þjóðum oftast til skaða. Og þeir fyrirlíta oft þjóð sína því þeir þykjast vera yfirmennin. Hitler hefði því orðið ánægður með þá í dag, eins og Sören heimspekingurinn Søren Gosvig Olesen benti á í nýrri bók árið 2010

Fyrri færsla

Af hverju tekur DDRÚV ekki fyrir verðlækkun á sjálfu sér?